هذي سالفتي مع قطر للبترول [الأرشيف] - منتديات شبكة الأسهم القطرية

مشاهدة النسخة كاملة : هذي سالفتي مع قطر للبترول

westlife

08-05-2008, 01:55 PM

فارس الكلمة

08-05-2008, 01:59 PM

قبل لا تقدم استقالتك .. هل لديك فرصة عمل في جهة أخرى ..؟

و هل هذه الجهة مستعدة لتوظيفك ..؟

ثم لماذا تقدم استقالتك من قطر للبترول ..؟

سهم حار

08-05-2008, 02:00 PM

نصيحتي لك خلك معاهم ترى مابتحصل احسن من قطر البترول من ناحية التعامل والوظيفة والاحترام

westlife

08-05-2008, 02:02 PM

اخوي ايوه في جهه ثانيه بس ما بتوظفني بتبعثني اكمل دراستي
وكل واحد اشوف مصلحته

فارس الكلمة

08-05-2008, 02:33 PM

ممكن تكمل دراستك عن طريق قطر للبترول ..

westlife

08-05-2008, 02:41 PM

حاولت فيهم ومارضو يبعثوني
وللعلم للجهه الي بشتغل عنده باكون فيها طالب مو موظف
انا سؤالي في قانون طالع ابهالصيغه او مشابه له ؟
واشلون من وين اسوي كتاب الاستقاله؟
ومعند مين اقدمه؟

الخيااال

08-05-2008, 03:09 PM

اخوي ايوه في جهه ثانيه بس ما بتوظفني بتبعثني اكمل دراستي
وكل واحد اشوف مصلحته

توكل على الله ورح خلص دراستك ولاتضيع الفرصه المستقبل قدامك

وبالتووووووفيق يااااارب

بدور

08-05-2008, 03:13 PM

اعتقد صح كلامهم طلع قانون جديد عندنا نفس المشكله وحده من البنات تخرجت

وكل املها تكمل دراستها وتاخذ البكالوريوس على حسابها في كندا ولكنهم ارفضوا

وهي وقعت العقد معاهم من اسبوع والحين تبي تقدم استقالتها لانهم رافضين تكمل دراستها

لو سمحت تقدر ترسل لي وين لقيت الوظيفه الجديده وتكون طالب وتبتعث للخارج لتكملة الدراسه

ضروري تكفى على الخاص

تاجر

08-05-2008, 03:26 PM

اخوي westlife

اذا تبي نصيحتي .. في الفترة الحالية خلك مع قطر للبترول .. واعتقد هم يبعثون للدراسة بس على الاقل بعد سنة من التوظيف ..
وقع معاهم وتوكل على الله واستخير .. على الاقل لمدة سنة وحاول مع مديرك في هذه الفترة .. وان شاء الله راح يقدر الموقف ..

ولكن نصيحتي لك لا تترك قطر للبترول .. المستقبل فيها ..

بالتوفيق ان شاء الله

وطن

08-05-2008, 03:55 PM

نعم صدر قانون يمنع الانتقال وتعيين الموظفين اللي مقدمين استقالاتهم
في الهيئات والوزارات أو الجهات الممولة من الدولة

هذه مواضيع متعلقة بالقانون الجديد

http://www.qatarshares.com/vb/showthread.php?t=174824

http://www.qatarshares.com/vb/showthread.php?t=174457

http://www.qatarshares.com/vb/showthread.php?t=174490

westlife

08-05-2008, 04:20 PM

انا قريت توني القانون والقانون اقول (( قرار مجلس الوزراء بإيقاف انتقال الموظفين ومنع المستقيلين من جهات حكومية من العمل بجهات حكومية أخرى ))

1- بس انا مو موظف انا طالب هل القانون يمشي علي؟؟
1- وانا عقدي بينتهي بعد شهر وهو عقد التدريب وبعده بيي العقد التوظيفي وما ابي اوقعه
وبقدم اورقة الاستقاله اصير يمشي علي القانون؟؟
ومشكورين على الردود والنصايح

شمس

08-05-2008, 04:44 PM

مواطن اخوي؟ القرار على المواطنين
هل توقيع العقد الزامي
مااعتقد فلا توقعه
بالتوفيق

westlife

08-05-2008, 04:46 PM

اي مواطن
وما اظن انه الزامي
يعني اذا ما وقعته بيعتبر استقاله ولا لازم استقيل ابشكل رسمي؟

قـطـvipـرية

08-05-2008, 04:46 PM

مافهمت !!!
شنو يعني منع من الانتقال لدائراه حكوميه اخرى .. ؟؟
عيل شلون اذا مليت وابي اغير مكان شغلي...؟؟؟
ياريت حد يوضحلي اكثر وله جزيل الشكر ..

Qt.1

08-05-2008, 05:11 PM

اخواني الي يقدر اساعدني لايبخل علي

انا من خلصت الثانويه دشيت قطر للبترول وابعثوني على كلية الشمال الاطلنطي وتوني امخلص وكنت اموقع معاهم في البدايه عقد تدريب
وقريب باخلوني اوقع على عقد ثاني اهو التوظيف
وانا الصراحه ابي اقدم استقالتي واشوفلي مكان ثاني

المهم شرحتلهم موضوعي قالولي اي عادي بس صدر قرار من مجلس الوزراء انك اذا استقلت من جهة عملك ما تقدر تشتغل في مكان ثاني !!!

قالو بنعطيك الاستقاله بس ما بتقدر تشتغل مكان ثاني

فما ادري اذا كلامهم صح ولا يبون يربطوني بالمؤسسه غصب
وياريت حد افيدني اشلون اسوي كتاب الاستقاله وعند مين اقدمه

وتسلمون على الردود مقدما

انت من صجك تبي تستقيل من قطر للبترول ناس ياخوي اتصيح تبي تشتغل اهناك وانت اتقدم استقالتك....!!!!!

تدري انا داش سنة كم قطر للبترول سنة 99 تخيل والحمدالله للحين ماشتكيت من شي صج بتتعب في البدايه لكن صدقني بترتاح عقب انا الحين الحمدالله موظف في قطر للغاز والف الحمدالله على كل حال..صدقني مب محصل مستقبل احسن من قطر للبترول خذها من واحد اولاا اكبر منك وثانيا اقدم منك وصدقني اخوي لوقطر للبترول مب شي مب قايل لك خلك احسن.....

وفي النهايه القرار لك ياخوي....:nice:

OREO

08-05-2008, 06:05 PM

راجع الخاص اخوي و ان شاءالله مشكلتك محلوله بإذن الله ..

eveqatar

09-05-2008, 09:28 AM

كلامه صح
انا عندي نفس المشكله

فكرو بالعقل احنا القطرييين بننحكر في وضيفتنا و يجبون ناس جدد من بره بمعاشات اعلى منا

حسبي الله ونعم الوكيل

eveqatar

09-05-2008, 09:30 AM

الحل الوحيد هو النقل

تنقل من مكان الى اخر لو وافقوووووووووو اصلاااا

ام نواف

09-05-2008, 04:34 PM

انا صديقتي هذي مشكلتها والحين وقعوها على القعد كموظف مساعد مساعد ادراي
وساكته يقولون لها اذا تبين تكملين دراستج يمكن يمكن بعد 5 سنين!!
حاولت وماتم احد ماكلمته عشان تكلم الدبلومه في النورث بس عشان يتحسن وضعها هناك محد رضى وجابت الايلز 5.5 حطوها في الدرجه ال5 وقالولها مهما صار وستوه ماراح تطلعين لين الدرجه ال9 وبس

سهم طايش

09-05-2008, 04:45 PM

تبي الراحه و الرواتب و المستقبل

خلك في قطر للبترول

نصيحه

بولينجر

09-05-2008, 04:53 PM

شقى الجوـــف

09-05-2008, 05:19 PM

بوتميم؟

10-05-2008, 01:47 PM

بالنسبه للقانون الى يمنع التنقل بين الموؤسسات فااااااااااااااشل وهذا القانوين المفروض مايكون عندنا فى قطر على قولتهم ديموقراطيه وبقانونهم هذا يعتبر الزامي وغصب عنكم رضيتوولا لا او تقعدون فى البيت يعنى كل شي صار غصب سوائاً مديرك لعين مسؤولك حاط دوبه ودوبك راتبك ضعيف لقيت وظيفه افل وامتيازاتها افظل لا مش من حقك اقعد محلك احسن لك ولا بنقص راسك.

مستجدة

10-05-2008, 01:53 PM

قطر للبترول ممكن تبعثك تكمل دراستك ..هاذي فرصة جاتك لا تفرط فيها

خلك معهم وخلص البرنامج التدريبي وبعدين ان شاء الله تقدر تقدم على منحة

الله يوفقك اخوي

ورقــة أمــل

10-05-2008, 02:06 PM

مرحبا اخوي اول شي حابه اعرف انت راح تكون موظف في اي قسم ثانيا في قانون طلع بهذي الصيغه
ثالثا حابه اقولك انا اذا قدمت استقالتك من قطر للبترول لازم تدفع لهم كل الي اصرفوا عليك في الجامعه
وعلى حسب علمي انا رواتب الطلاب توصل لين 8000 يعني جيده لك
واعتقد المشكله انك لو خلصت دراسه راح تكون من صغار الموظفين وليس من كبار الموظفين الا لما تستغل سنه وبعدها اتكمل سنه على حسب قسمك
..... شوف روح اسئل في قسم الموارد البشريه اول اتصل بواحد اسمه عادل يونس أول ناصر النعمه

لتصحيح المعلومة

اللي مبتعثين لقطر للبترول ماراح يدفعون ولا ريال وياكثرهم اللي استقالو عندنا اول ما خلصوا دراستهم في النورث ببلاش
والطلبة ماياخذون 8000 يستلمون 6500 وشي الى 7000 وشي
وطبعا راح يكون جونير لفترة معينة يعتمد على القسم والبرفورمانس

والبعثة ما تنعطى لاي واحد وخلاص يعتمد على الادارة واحتياجاتها وعلى المدير واشياء وايد..

بالنسبة لك اخووي انت الحين متدرب مش موظف وقبل لا تستقيل اسئل الجهة اللي انت بتحول لها هل بيوافقون يوظفونك ولا لا مع العلم انك كنت متدرب في قطر للبترول؟ هل هذي الجهة من ضمن القائمة اللي يمشي عليها القرار ولا لا؟

eveqatar

10-05-2008, 02:59 PM

eXpert*

10-05-2008, 04:46 PM

والله حرام ، انا اشتغل في هيئة من الهيئات من 7 سنوات واسحملت لاني حبيت شغلي وراتبي من اول ما اشتغلت 7 الف وتوهم من اسبوعين زادوني 160 ريال وين تشجين القطرين ، حسبي الله ونعم الوكيل، ولما لقيت وظيفه بطعتيني 20 الف ،ثاني يوم القرار طلع ...

صرنا مثل البيوت الي تزيد 11 بالمئه او 10 كل سنه

حسبي الله ونعم الوكيل
حسبي الله ونعم الوكيل
حسبي الله ونعم الوكيل

انا تعبت والله تعبت

ما اقوووووووووووول غير حسبي الله ونعم الوكيل في هالقرار الي ماله معنى

طويل العمر اذا الجهة الجديدة ماعندها مانع تاخذك سواء لشهادتك او خبراتك ودوامك القديم ماعندهم مانع انهم يعطونك استقالتك . فانت ماعندك مشكلة .

نسق ويا الجهتين واذا الطرفين موافقين توكل على الله وهم اذا يبونك صج بيدبرونها ...

westlife

11-05-2008, 11:19 AM

مرحبا اخوي اول شي حابه اعرف انت راح تكون موظف في اي قسم ثانيا في قانون طلع بهذي الصيغه
ثالثا حابه اقولك انا اذا قدمت استقالتك من قطر للبترول لازم تدفع لهم كل الي اصرفوا عليك في الجامعه
وعلى حسب علمي انا رواتب الطلاب توصل لين 8000 يعني جيده لك
واعتقد المشكله انك لو خلصت دراسه راح تكون من صغار الموظفين وليس من كبار الموظفين الا لما تستغل سنه وبعدها اتكمل سنه على حسب قسمك
..... شوف روح اسئل في قسم الموارد البشريه اول اتصل بواحد اسمه عادل يونس أول ناصر النعمه

اختي محد يقدر يدفعني ريال واحد لان بيني وبين المؤسسه عقد تدريبي والعقد مو مكتوب اني اذا طلعت ادفع قيمة الدراسه او اجباري اشتغل مدة الدراسه الي خذته
وحاولو اوقعوني على عقد التوظيف وما وقعت والحمدلله القانون واقف معاي وللعلم القانون ما اظن ينطبق على الطلاب بس الموظفين

westlife

11-05-2008, 11:24 AM

والي اقولون المستقبل في قطر للبترول كبير اهو كبير بس مب لكل واحد
اخواني انا ما اقبل ايي مديري واشكره اقولي انت هاذي وظيفتك وما نقدر انطورك وبتم على طول اهني وبنعطيك درجة.... وما بتقدر تاخذ بعد هالدرجه لانك مو سينير
مستحيل اقبل اتم طول عمري في مكان لا اقدر اطور من نفسي ولا اقدر اتطور من ناحية المكان والمعاش

شمس

11-05-2008, 12:29 PM

والله حرام ، انا اشتغل في هيئة من الهيئات من 7 سنوات واسحملت لاني حبيت شغلي وراتبي من اول ما اشتغلت 7 الف وتوهم من اسبوعين زادوني 160 ريال وين تشجين القطرين

انا ما اقبل ايي مديري واشكره اقولي انت هاذي وظيفتك وما نقدر انطورك وبتم على طول اهني وبنعطيك درجة.... وما بتقدر تاخذ بعد هالدرجه لانك مو سينير
مستحيل اقبل اتم طول عمري في مكان لا اقدر اطور من نفسي ولا اقدر اتطور من ناحية المكان والمعاش

الله يوفقكم ويكتب لكم الخير
ويوفق الحكومه لخدمة الوطن والمواطن

almaf1a

11-05-2008, 12:46 PM

شمس

11-05-2008, 02:49 PM

قالولي بتصير سنير وين نحطك

هههههههه شر البليه ما يضحك

الف مبروك السنير اخوي

كأن المسئولين متوهقين في تكوين الطبقات في المجتمع
طبقه دنيا ومتوسطه وعليا

OREO

11-05-2008, 07:05 PM

الي يقول قطر للبترول فيها مستقبل حلو غلطان
على حسب مديرك اول شئ وامكانيت الوظائف الشاغره
انا كنت في البترول من 99 وعانيت وكافحت
ودرست الكتب الي عطوني ياها عشان اسوي ال nc والحمدالله نجحت
وبعثوني بريطانيا ودرست ثلاث سنين لكن انصدمت عقب مارجعت من بريطانيا
لقيت قدامي من 7 الا 8 سنوات عشان اصير سنير
قلت لهم ليش ماعطيتوني ادرس ال hnd والا البكلريوس
قالولي بتصير سنير وين نحطك عطوني شئ اسمه hnc
يعني بيني وبين ال hnd اربع مواد
اول مارجعت تهاوشت معاهم وقدمت استقالتي
واللحين الحمدالله موظف وسنير ومرتاح
وكل الدفعه الي كانت معاي استقالوا
ترى البترول واسطات وعلى حسب مديرك

فالنفترض كلامك صحيح و ما تتبلى على قطر للبترول .. :)

ممكن تقولي اخوي العزيز هل فعلاً مؤهلك هذا يستحق درجة كبار الموظفين في جهه غير قطر للبترول ..؟ ( انت و ظميرك ) .. !!!!

نرجع للإقتباس اللي اقتبسته من كلامك و انحلله اشوي و لعلى و عسى نطلع بنتيجه

مرضيه لصالحك أو لصالح قطر للبترول مثل ما اسلفت بأنهم ظلموك ..

- قطر للبترول يا عزيزي الكريم .. اذا انك كنت من حاملي الشهادة الثانويه في سنة 99 راح تنخرط في برنامج اسمه TPP لمدة 18 شهر .. 9 شهور نظري و 9 شهور عملي ..

( هذا حسب رغبتك و ميولك و توقيعك على عقد بأن تكون فني ميكانيكي او كهربائي او الخ لا غير ) ..

و بعدها اذا جاتك فرصة التطوير فهذه راح تكون لها برنامج ثاني و آلا و هو برنامج الــ NC ..

برنامج الــ NC - National Certificate ( شهادة سكوتلندية ) و هذا البرنامج يتطلب منك اجتياز مرحلتين ..

المرحلة الاولى عبارة عن تقديم امتحان لتحديد المستوى في اللغه الانجليزيه و الرياضيات ..

المرحلة الثانية مدتها عشرة شهور لإجتياز 16 كتاب بمستويات مختلفه ( 7 كتب scienceو 9 كتب mathematics) .. و بعدها تدخل برنامج الــ NC لمدة سنتين و تحصل على الشهادة ..

- بعد اجتياز مرحلة الــ NC بنجاح .. راح تلتحق ببرنامج مدته سنتين او ثلاث سنين .. على حسب درجاتك العلميه ..

نرجع انكمل .. بعد اجتياحك لبرنامج الــ NC راح تدرس لمدة سنتين .. سنه اولى تحصل على شهادة OND و سنة ثانية راح تحصل على شهادة الــ HND ( الشهادة هذه تؤهلك لدرجة كبار الموظفين ) ..

و بعدها اذا حاب انك تكمل سنه او سنتين زياده هذا راجع على درجاتك العلمية .. و طبعاً سنه زياده بعد الــ HND راح تحصل على بكالريوس .. اذا سنتين بعد الــ HND راح تحصل على بكالريوس مع تخصص في مجال معين ..

-----------------

اخوي العزيز حاب اسألك كمن سؤال بعد شرحي لك عن البرنامج التأهيلي الى درجة كبار الموظفين ..

1- كونك دخلت قطر للبترول سنة 99 .. هذا يدل على انك وصلت مابين مرحلة الــ NC و الــ HNC او بالاصح الــ OND سنة 2004-2005 ( اسمحلي اخوي اقولك ان قطر للبترول في الفتره هذه كانت ترسل
لاستراليا و كانت موقفه بعثاتها لبريطانيا) ..

2- انت ذكرت انك حصلت على شهادة الــ HNC ( ممكن تقولنا من وين خذت الشهاده هذه ؟؟) ..لانها غير مدرجه في برامج قطر للبترول ..

3- انت ذكرت انك خلصت مرحلة الــ HNC و انا اعتقادي انك تقصد الــ OND في ثلاث سنين .. هل يعقل اخوي العزيز تغترب لمدة ثلاث سنين و ترجع لبلادك بشاده الــ OND ؟؟

شهادة الــ OND اخوي العزيز .. الواحد ياخذها في فصلين يعني سنه وحده .. و هى عباره من

8 الى 10 مواد حسب التخصص .. و عشان اتكمل عليها شهادة الــ HND راح تكمل بعد عليها من 10 الى 12 ماده بالايضافه الى مشروع التخرج .. و انت ذكرت ان ما بقالك الا 4 مواد ..

بعد هذا كله حاب اقولك الساكت عن الحق شيطان اخرس .. و انا و اعوذ بالله من كلمة انا حبيت اوضح الامور اللي تعلقت بردك .. :)

و شكرا ..

almaf1a

12-05-2008, 08:41 AM

فالنفترض كلامك صحيح و ما تتبلى على قطر للبترول .. :)

ممكن تقولي اخوي العزيز هل فعلاً مؤهلك هذا يستحق درجة كبار الموظفين في جهه غير قطر للبترول ..؟ ( انت و ظميرك ) .. !!!!

نرجع للإقتباس اللي اقتبسته من كلامك و انحلله اشوي و لعلى و عسى نطلع بنتيجه

مرضيه لصالحك أو لصالح قطر للبترول مثل ما اسلفت بأنهم ظلموك ..

- قطر للبترول يا عزيزي الكريم .. اذا انك كنت من حاملي الشهادة الثانويه في سنة 99 راح تنخرط في برنامج اسمه TPP لمدة 18 شهر .. 9 شهور نظري و 9 شهور عملي ..

( هذا حسب رغبتك و ميولك و توقيعك على عقد بأن تكون فني ميكانيكي او كهربائي او الخ لا غير ) ..

و بعدها اذا جاتك فرصة التطوير فهذه راح تكون لها برنامج ثاني و آلا و هو برنامج الــ NC ..

برنامج الــ NC - National Certificate ( شهادة سكوتلندية ) و هذا البرنامج يتطلب منك اجتياز مرحلتين ..

المرحلة الاولى عبارة عن تقديم امتحان لتحديد المستوى في اللغه الانجليزيه و الرياضيات ..

المرحلة الثانية مدتها عشرة شهور لإجتياز 16 كتاب بمستويات مختلفه ( 7 كتب scienceو 9 كتب mathematics) .. و بعدها تدخل برنامج الــ NC لمدة سنتين و تحصل على الشهادة ..

- بعد اجتياز مرحلة الــ NC بنجاح .. راح تلتحق ببرنامج مدته سنتين او ثلاث سنين .. على حسب درجاتك العلميه ..

نرجع انكمل .. بعد اجتياحك لبرنامج الــ NC راح تدرس لمدة سنتين .. سنه اولى تحصل على شهادة OND و سنة ثانية راح تحصل على شهادة الــ HND ( الشهادة هذه تؤهلك لدرجة كبار الموظفين ) ..

و بعدها اذا حاب انك تكمل سنه او سنتين زياده هذا راجع على درجاتك العلمية .. و طبعاً سنه زياده بعد الــ HND راح تحصل على بكالريوس .. اذا سنتين بعد الــ HND راح تحصل على بكالريوس مع تخصص في مجال معين ..

اخوي مشكور على الشرح المطول مع اني اشوف فيها ملابسات
حبيبي اولا احب اوضحلك نقطه انا معاك لين ما اخلص ال NC لكن بعدها لو تجيب امتياز في الNC ماراح تكمل HND الا اذا في مكان يحطونك فيه في قسمك

نرجع لاسألتك

1- كونك دخلت قطر للبترول سنة 99 .. هذا يدل على انك وصلت مابين مرحلة الــ NC و الــ HNC او بالاصح الــ OND سنة 2004-2005 ( اسمحلي اخوي اقولك ان قطر للبترول في الفتره هذه كانت ترسل
لاستراليا و كانت موقفه بعثاتها لبريطانيا) ..

حبيبي احب اوضحلك نقطه في البدايه انا ماسويت ال NC في قطر لعدم وجود تخصصي في قطر
فتم ارسالي الا بريطانيا انا و 4 معاي لدراسة ال NC هناك وهي بالاحرى ND
فدرسنا سنتين ND وهي عباره عن 18 ماده وسنه HNC وهي عباره عن سنتين في سنه
تخيل معاي 12 ماده في سنه وفيها مشروع تخرج وبلاوي والحمدالله توفقنا ونجحنا

2- انت ذكرت انك حصلت على شهادة الــ HNC ( ممكن تقولنا من وين خذت الشهاده هذه ؟؟) ..لانها غير مدرجه في برامج قطر للبترول ..

HNC BTEC من CITY COLLEGE COVENTRY وهذي النقطه الي حبيت اوضحها ان البترول عباره عن اماكن وليش سووا فينا هل الشئ عشان ما ناخذ السنير

3- انت ذكرت انك خلصت مرحلة الــ HNC و انا اعتقادي انك تقصد الــ OND في ثلاث سنين .. هل يعقل اخوي العزيز تغترب لمدة ثلاث سنين و ترجع لبلادك بشاده الــ OND ؟؟

شهادة الــ OND اخوي العزيز .. الواحد ياخذها في فصلين يعني سنه وحده .. و هى عباره من

8 الى 10 مواد حسب التخصص .. و عشان اتكمل عليها شهادة الــ HND راح تكمل بعد عليها من 10 الى 12 ماده بالايضافه الى مشروع التخرج .. و انت ذكرت ان ما بقالك الا 4 مواد ..

شهادتي HNC والتخصص كهرباء والكترونيات واتصالات
وهي عباره عن سنتين بس خذناها سنه مضغوطه وطلعت عيونا بس الحمدالله ربنا وفقنا
وهي عباره عن 12 ماده وكان يقدرون يستغنون عن هذا كله انهم يعطوني ال HND في سنتين وهي عباره عن 18 ماده ومادتين في بعض عباره عن مشروع تخرج حسب كليتي مادري عن الاماكن الثانيه.
الي قدرت اوصله مع البترول اني قلت لهم باقيلي 4 مواد عطوني سنه ثانيه اكمل فيهم المواد هذي وارجع حامل ال HND ليش هل التعقيد وتضيعون من عمري سنين.
ترجعوني قطر وتخلوني سنتين اسستنت تكنشن تخيل معاي اسستنت تكنشن وبعدين اصير بوست هولدر 3 سنين جنرل تكنشن.
احسب معاي خمس سنين من عمري عشان اصير جنرل تكنشن
وعندنا ناس راسبه في ال HND وخلوهم يسون البكلريوس مع المواد الراسبين فيها
يعني واحد ناجح وبدرجات ممتازه وفي سنه مضغوطه مايعطونه يكمل والثاني راسب ويخلونه يعيد ويضيف مواد عشان البكلريوس لان عنده واسطه
وقالوا لي بعدين اذا ركز على اذا كان في مكان فاضي نطورك عليه عشان تاخذه
قلت لهم اوكي بنطر 5 سنين لكن اخر شئ تقولون لي مافي مكان شسوي حزتها قالي بالحرف الواحد الانجليزي مال التطوير قدام مديري مالك الا تم مكانك.
قلت له شكرا انا بقدم اسقالتي اللحين قالي بيدفعونك الفلوس قلت له اللحين اللحين اقدم استقالتي مال خص.
وقدمت استقالتي.
ياخوي انا حاربوني قطر للبترول وجاهدت واشتغلت وتعبت وسويت اشياء حتى مديري يقولي انت مافي احسن منك بس مكانا مايساعدك.
بصريح العباره المدير يقطها في راس التطوير والتطوير يقطونها في راس المدير والواحد ظايع من بينهم.
بالنسبه لسؤالك لي اذا انا استحق السنير على الشهاده الي عندي اقولك اي نعم
دام اني اقدر اادي الشغل المطلوب مني وزود نعم استحق على الاقل ابرك من كم مدير اجنبي اشوفهم في قطر للبترول الي حتى ماحطهم مراسلين.
قطر للبترول ياحبيبي اضغطتني في كتب ال PRE NC الي قلت عنهم الي هم 17 كتاب رياضيات وساينس.
وخلتني ادرسهم وانا في كورس ثاني في كلية الطيران
تخيل معاي اطلع من كلية الطيران الساعه3 العصر ارقد واقوم على كتبي
ماوفروا لي مدرسين لهل الكتب
ماعطوني وقتي الكافي بلغوني بان اسمي في ال PRE NC قبل الامتحن بشهرين
وخلوني اجيهم كل اسبوعين اقدم امتحانات الي هي قبل الامتحان الرئيسي
الي الحمدالله توفقت فيه وخلصت.
ياخوي انا اشتغلت وثابرت والله اني مرات اخلص دوامي من التعب اطيح في الفراش من الساعه 7 وتفوتني صلاة العشا
انذليت ذل وانا ولد البلاد طاح وجهي في حالول ونفسيتي تعبت واخر شئ مافي مستقبل؟
اشتغلت تحت رجل هندي يامر علي تخيل انا اشتغل واشوف تكرمون جوتي الهندي عند وجهي يقولي ركب هذا وسو هذا.
واخر شئ وشو الي حصلته
الحمدالله حصلت شهاده بعد صبر وتعب واجتهاد ورحت لناس قدروني وشافوا سنين الخبره والشهاده ورحبوا فيني.

اشكرك على التوضيحات

bu 3li

12-05-2008, 09:30 AM

قطر للبترول لـ اللي عنده معارف هناك
وتخدم ( بعض ) المتميزين وهذا الكلام عن سابق تجربه

انا من موظفين قطر للبترول سابقاً ومن الدفعات اللي دخلت شمال الاطلنطي

اول شي ماخيرونا بـ التخصص اللي احنا نبيه او لنا ميول فيه
خلونا ندخل في تخصصات الشركه محتاجتها .. ما اختلفنا وقلنا احنا فالخدمه

لكن من بعد ماخلصنا التأسيسي اللي عندهم واسطات غيرو تخصصاتهم
ولما طلبنا التغيير قالو القوانين ماتسمح وعقب ما واجهناهم بـ الاشخاص اللي غيرو
قالو لنا هاتو بديل يدخل تخصصاتكم ( مع العلم انه تونا فالتأسيسي والبرنامج سنتين حاله من حال التخصص الاولي ) !!

ورضينا بـ التخصص ( الفاشل ) اللي فرضوه علينا
وكانو تارسين روسنا بـ سالفة الدراسه فالخارج والحصول على البكلريوس بعد الدبلوم

ولكن اكتشفنا انهم يطرشون اعداد بسيطه يعني اللي يايب 3.5 و فوق هو اللي يكون في قائمة الانتظار
واحنا اللي معدلاتنا تقريباً 3.0 راحت علينا ( مع العلم انه ما حددو لنا من بيروح ومن اللي مب رايح )

وفالاخير رجعت ادارتي عشان القى مسؤول عربي على راسي يذم في شغلي وانا لي الحين في فترة الـ OJT
وطنشت حق كلامه وتميت شاد حيلي وكارف عمري ومداوم عالوقت
وخلصت الفتره التدريبيه وعقدي مازال ( طالب ومتدرب ) مع العلم انه المفروض يجهز العقد الجديد

وكان وقتها فيه مؤتمر خارجي لـ القسم اللي انا فيه وحبيت اني اروح على اساس اني موظف واللي كان يشتغل معاي قال انا باخليك تروح مكاني عشان تكتسب الخبره وبتكون مع مسؤول القسم
ولما اجتمعت بـ الـ Head قال لي ( في حضور مسؤولين من الكليه كانو جايين يشرفون على تدريبي )
انه في مجال اروح وبيرفع اسمي عشان اروح معاهم بس السالفه بتاخذ اسبوع

فالاخير جيته عقب اسبوع قال لي انت متدرب ومايصير تروح
مع العلم ان تأخير العقد منهم مش مني وانا فترة التدريب مخلصها من شهرين

فالاخير طلبت نقل لـ شركه ثانيه تابعه للبترول او اداره ثانيه وكل يوم كنت اراجعهم
لين قالو لي اقعد فالبيت واحنا بنتصل فيك حق المقابله لـ اي شركه ثانيه

وخست شهرين وعقب وقفو راتبي وقالو لي يا تجدد مع الاداره نفسها او استقيل !!
ولما قدمت استقالتي قالو لي عليك متأخرات وهي الرواتب اللي خذتها وانا فالبيت
مع العلم انهم هم اللي قعدوني فالبيت واخر شي يطالبوني بـ هـ الرواتب

ولله الحمد انفرجت في ويهي ولقيت وظيفه احسن وراتب احسن ومسؤول يشجع الكادر القطري
على عكس بعض الاماكن اللي فيها مسؤولين يبون يطفشون القطريين عشان يثبتون على كراسيهم
واللي يحز فالخاطر ان هـ الناس مالهم خص فـ الاماكن اللي يشتغلون فيها لكن فيتامين (و) ذابحنا

شمس

12-05-2008, 12:17 PM

ولله الحمد انفرجت في ويهي ولقيت وظيفه احسن وراتب احسن ومسؤول يشجع الكادر القطري
على عكس بعض الاماكن اللي فيها مسؤولين يبون يطفشون القطريين عشان يثبتون على كراسيهم
واللي يحز فالخاطر ان هـ الناس مالهم خص فـ الاماكن اللي يشتغلون فيها لكن فيتامين (و) ذابحنا

الف مبروك
حسبنا الله ونعم الوكيل على كل من خان المواطنين بمنصبه

OREO

12-05-2008, 06:37 PM

اخوي مشكور على الشرح المطول مع اني اشوف فيها ملابسات
حبيبي اولا احب اوضحلك نقطه انا معاك لين ما اخلص ال NC لكن بعدها لو تجيب امتياز في الNC ماراح تكمل HND الا اذا في مكان يحطونك فيه في قسمك

نرجع لاسألتك

1- كونك دخلت قطر للبترول سنة 99 .. هذا يدل على انك وصلت مابين مرحلة الــ NC و الــ HNC او بالاصح الــ OND سنة 2004-2005 ( اسمحلي اخوي اقولك ان قطر للبترول في الفتره هذه كانت ترسل
لاستراليا و كانت موقفه بعثاتها لبريطانيا) ..

حبيبي احب اوضحلك نقطه في البدايه انا ماسويت ال NC في قطر لعدم وجود تخصصي في قطر
فتم ارسالي الا بريطانيا انا و 4 معاي لدراسة ال NC هناك وهي بالاحرى ND
فدرسنا سنتين ND وهي عباره عن 18 ماده وسنه HNC وهي عباره عن سنتين في سنه
تخيل معاي 12 ماده في سنه وفيها مشروع تخرج وبلاوي والحمدالله توفقنا ونجحنا

2- انت ذكرت انك حصلت على شهادة الــ HNC ( ممكن تقولنا من وين خذت الشهاده هذه ؟؟) ..لانها غير مدرجه في برامج قطر للبترول ..

HNC BTEC من CITY COLLEGE COVENTRY وهذي النقطه الي حبيت اوضحها ان البترول عباره عن اماكن وليش سووا فينا هل الشئ عشان ما ناخذ السنير

3- انت ذكرت انك خلصت مرحلة الــ HNC و انا اعتقادي انك تقصد الــ OND في ثلاث سنين .. هل يعقل اخوي العزيز تغترب لمدة ثلاث سنين و ترجع لبلادك بشاده الــ OND ؟؟

شهادة الــ OND اخوي العزيز .. الواحد ياخذها في فصلين يعني سنه وحده .. و هى عباره من

8 الى 10 مواد حسب التخصص .. و عشان اتكمل عليها شهادة الــ HND راح تكمل بعد عليها من 10 الى 12 ماده بالايضافه الى مشروع التخرج .. و انت ذكرت ان ما بقالك الا 4 مواد ..

شهادتي HNC والتخصص كهرباء والكترونيات واتصالات
وهي عباره عن سنتين بس خذناها سنه مضغوطه وطلعت عيونا بس الحمدالله ربنا وفقنا
وهي عباره عن 12 ماده وكان يقدرون يستغنون عن هذا كله انهم يعطوني ال HND في سنتين وهي عباره عن 18 ماده ومادتين في بعض عباره عن مشروع تخرج حسب كليتي مادري عن الاماكن الثانيه.
الي قدرت اوصله مع البترول اني قلت لهم باقيلي 4 مواد عطوني سنه ثانيه اكمل فيهم المواد هذي وارجع حامل ال HND ليش هل التعقيد وتضيعون من عمري سنين.
ترجعوني قطر وتخلوني سنتين اسستنت تكنشن تخيل معاي اسستنت تكنشن وبعدين اصير بوست هولدر 3 سنين جنرل تكنشن.
احسب معاي خمس سنين من عمري عشان اصير جنرل تكنشن
وعندنا ناس راسبه في ال HND وخلوهم يسون البكلريوس مع المواد الراسبين فيها
يعني واحد ناجح وبدرجات ممتازه وفي سنه مضغوطه مايعطونه يكمل والثاني راسب ويخلونه يعيد ويضيف مواد عشان البكلريوس لان عنده واسطه
وقالوا لي بعدين اذا ركز على اذا كان في مكان فاضي نطورك عليه عشان تاخذه
قلت لهم اوكي بنطر 5 سنين لكن اخر شئ تقولون لي مافي مكان شسوي حزتها قالي بالحرف الواحد الانجليزي مال التطوير قدام مديري مالك الا تم مكانك.
قلت له شكرا انا بقدم اسقالتي اللحين قالي بيدفعونك الفلوس قلت له اللحين اللحين اقدم استقالتي مال خص.
وقدمت استقالتي.
ياخوي انا حاربوني قطر للبترول وجاهدت واشتغلت وتعبت وسويت اشياء حتى مديري يقولي انت مافي احسن منك بس مكانا مايساعدك.
بصريح العباره المدير يقطها في راس التطوير والتطوير يقطونها في راس المدير والواحد ظايع من بينهم.
بالنسبه لسؤالك لي اذا انا استحق السنير على الشهاده الي عندي اقولك اي نعم
دام اني اقدر اادي الشغل المطلوب مني وزود نعم استحق على الاقل ابرك من كم مدير اجنبي اشوفهم في قطر للبترول الي حتى ماحطهم مراسلين.
قطر للبترول ياحبيبي اضغطتني في كتب ال PRE NC الي قلت عنهم الي هم 17 كتاب رياضيات وساينس.
وخلتني ادرسهم وانا في كورس ثاني في كلية الطيران
تخيل معاي اطلع من كلية الطيران الساعه3 العصر ارقد واقوم على كتبي
ماوفروا لي مدرسين لهل الكتب
ماعطوني وقتي الكافي بلغوني بان اسمي في ال PRE NC قبل الامتحن بشهرين
وخلوني اجيهم كل اسبوعين اقدم امتحانات الي هي قبل الامتحان الرئيسي
الي الحمدالله توفقت فيه وخلصت.
ياخوي انا اشتغلت وثابرت والله اني مرات اخلص دوامي من التعب اطيح في الفراش من الساعه 7 وتفوتني صلاة العشا
انذليت ذل وانا ولد البلاد طاح وجهي في حالول ونفسيتي تعبت واخر شئ مافي مستقبل؟
اشتغلت تحت رجل هندي يامر علي تخيل انا اشتغل واشوف تكرمون جوتي الهندي عند وجهي يقولي ركب هذا وسو هذا.
واخر شئ وشو الي حصلته
الحمدالله حصلت شهاده بعد صبر وتعب واجتهاد ورحت لناس قدروني وشافوا سنين الخبره والشهاده ورحبوا فيني.

اشكرك على التوضيحات

ياريتك كنت ذاكر سالفتك بالطريقه هذه من اول شئ و كنت واضح :)

و اتمنى من الشخص الموجود معانا في المنتدى ( اللي له دور مهم في تدريب القطريين ) يتطلع على موضوعك !!!

و كلامك ياخوي ما عليه غبار و الرؤيه اوضحت و للاسف الشئ هذا ورد في السنه اللي انت رحت
فيها بريطانيا و في نفس السنه في شخص كان معاك انبعث لاستراليا و الحظ ضرب معاه
و كمل في مدينة بيرث و بعدها كمل في ملبورن و رجع بشهادة بكالريوس اتصالات ..

ولكن في شئ واحد دوم نغفل عنه احنا القطريين ( مهب الكل .. البعض ) .. ما نقرا بنود و قوانين الادارة او المؤسسه او اي مكان كنا فيه سواء في قطر للبترول او مؤسسه ثانيه ..

و لاتنسى اخوي اني كنت مثلك يوم من الايام و لكن اللي خلاني اكمل مسيرة دراستي و احصل على ترقياتي و الخ ..اني كنت اقرا قوانين المؤسسه و اعرف ايش اللي لي و ايش اللي على ..
و من خلال الشئ هذا قدرت اخذ حقوقي باكمل وجه و لله الحمد..

و من المعروف بأن قطر للبترول مؤسسه مهب جامعه مثل ما يتخيله البعض ..

و السبب اخوي العزيز اشوف مواضيع ثانيه قاعده تنطرح و بالاضافه الى الموضوع هذا في بعض الردود اتطالب

تخصصات و اكمال المسيرة التعليميه على نفقة قطر للبترول بشكل اجباري .. و ما ننسى اخوي ان يوم الشخص يوقع على عقد التدريب مع قطر للبترول .. ( العقد ينص على ان الشخص يكون فني متدرب و بعدها فني و ملزوم على المتدرب او الموظف بالعمل في اي جهه او مكان تشغله المؤسسه و اكمال المسيرة الجامعية تكون بشكل اختياري على قطر للبترول و احتياجاتها و مهب على مزاج المتدرب كما يزعم البعض )..

خلاصة القول اخوي الكريم ..في اول صفحة من عقد العمل في قطر للبترول .. منصوص بأن المتقدم على العمل
بأن يوافق على العمل اي مكان و في اي قطاع و بالاضافه الى انه يكون موظف اداري او فني بدرجة جنيور ستاف )..

و انصح اخواني و عيال ديرتي بأن يتطلعون على قوانين و لوائح مؤسساتهم او اي جهه
يشتغلون فيها سواء قطر للبترول او اي جهه ثانيه ..

و بارك الله فيك اخوي و ان شاءالله تكون من الموفقين

مافيا قطر

15-05-2008, 01:51 AM

انا الحين فى فتره اعدا 6 شهور حق النورث انا ما ادرى مدام مركز التدريب يعرف انها جامعه فاشله وماديه
وكل ما نقدم امتحان جوك هاى الاجانب بعيون زرق اللى ماسكين تطوير القطريين ومع مركز التدريب اشان ما ناخذ حصص انجليزى غ=فى النورث وارفعوا نسبه القبول ليش يعنى اشان نطفش ولا اشان عندهم اقطريين سنير استاف وايد ولا ما ادرى ايش السالفه اروح حق من والله خلونا نروح العصر الكليه اشان ناخذ دوره اشان امتحان القبول على حسابنا 5400 ريال لمده شهر ليش هاى التظيق علينا ما اقول الا حسبى الله ونعم الوكيل من حط البرنامج الفاشل

عنيــــد

15-05-2008, 05:27 AM

الله يعينك و يوفقك ياخوي و ادارة التدريب ما تقصر و الشهاده لله لما نتكلم مع السهلاوي ولا فاطمه العلي ما نلاقي منهم الا كل خير لكن الله يعين الطلاب من بعض المسؤولين اللي متعبينهم .. و في النهاية الواحد لابد انه يطَلع على العقد عدل عشان يعرف حقوقه ،،

الله يسهل عليك و الحمد لله اللي فرجت عليك يا غالي

almaf1a

15-05-2008, 07:26 AM

انا استغرب من الي يقول اقرى القوانين عدل
اذا في بند يقول ان لو توفر المكان تقدر تترشح انك تاخذه
يعني يحق للموظف الحصول على شهادة hnd ودرجة السنير اذا كان معدله كذا واذا توفر البسيشن
شنهو الي بتستفيده من قراية هل البند؟؟؟
قوانين مطاطيه يشكلون فيها ويضعون لهم مخارج مع كل بند

عنابي 2010

19-05-2008, 02:04 AM

السنير في البترول مقتصر علي عيال المدراء واقاربهم بساط مزروع بالورد حتي بعضهم بدون شهاده ثنويه وانت الموضف العادي الله يكون في عونك