أسعار لكزس 570 تعود تدريجيا لطبيعتها !!

[بــوعــوف]

السلام عليكم ..

البارحة كان في اعلان في الوسيط في احدى المعارض عن لكزس 570 وارد السعودية

موديل 2008

ومكتوب عليها 317 ألف والثانية مكتوب عليها 308 ألاف !!! قلت يمكن خطأ مطبعي ..

استغربت من الاسعار الى ان رحت معرض آل ناصر في طريق سلوى بنفسي وسألت ..

وطلعت الاسعار حقيقية .. لكزس رقم 2 سعرها 317 و رقم 3 سعرها 307 :nice:

وقالي راعي المعرض راح تحصلها في معارض ثانية أغلى بواجد واحنا نبيعها بهالاسعار ..


بصراحة بيض الله وجهه .. رضا بالقليل وان شاء الله يأتيه الكثير ..
:)

[واقف حالي]

اخوي ترى بعض وارد السعوديه مافيه ثلاجه وهاي صارت مع واحد من الربع يمكن اتاكد من المواصفات اكثر بس بنسبه لسعر ماعليه كلام لنه اكيد طالعه عليه اقل من السعر بشوي

[أحساس]

أخوي الاسعار صحيحه والمواصفات ما عليها كلام
عندي واحد من الربع كويتي وعنده معرض بالسالميه
قالي ياخذ الكزس ب 308 وبعد فيها محاوله أقل من السعوديه أصفار
كل دول الخليج أسعارهم معقوله ألا قطر

[ame32480]

وارد السعوديه 300 الف .. اظنه رقم 1 ..

ومعرض آل ناصر دووم اسعاره ممتازه ..

الله يوفق الجميع

[عزووز قطر]

الله يوفق راعي المعرض ويزيده من خيره

والله يبارك له في تجارته

[msk]

أخوي الاسعار صحيحه والمواصفات ما عليها كلام
عندي واحد من الربع كويتي وعنده معرض بالسالميه
قالي ياخذ الكزس ب 308 وبعد فيها محاوله أقل من السعوديه أصفار
كل دول الخليج أسعارهم معقوله ألا قطر

اكيد الشيخ( إلا قطر) لأن احنا في قطر مانفكر بالسيارة الي تنفعنا احنا وأهلنا ..... لا انفكر فيه انه هو شيك .... وأهم شي انه يكون عاجب الناس حتى لو كان مب عاجبني بس اهم شي راي الناس ..... وفي الأخير الشركة اتعزز على الناس منزيادة اسعاره و ... وشركة صيانة مثل الزفت ...... وفي الأخير على وشو كروزر :funny:

[بــوعــوف]

يعطيكم العافية على المرور والردود ..

ومثل ما قالوا الأخوان .. احنا اللي رافعين سعر التيوتا واللكزس ..

بعضهم يروح الشركة ويتهاوش معاهم .. ومستعد يعطي رشوة 10000

بس علشان يدبرون له موتر !!!!!

وكل هذا علشان كروزر ..

صحيح المواتر قوية و ما فيها عيب .. لكن العيب في الوكيل ..

وعقب كم سنه اذا صارت عدة خيارات غير الكروزر .. بيعرفون عيال عبدالغني

ان اللعبة اللي يلعبونها الحين ما فادتهم ..

[قلب بو ظبي]

الله يبارك له في ماله وعياله
راعي هالمعرض ميز معرضه واسمه بالاسعار التهاوده
وترى يا اخواني حتى عندنا في الامارات الاسعار مبالغ فيها ومقربه ال 400 ألف
ربي المستعان يارب
الحال من بعضه
والاسعار ضو والمظاهر صارت اهم من اي شي عند الناس

[مافيا قطر]

اى والله اسعاره مبالغ فيها وايد عندى بورش كيان ارز منه واريف منه بوايد الصراحه جيب استاندر وركب عليه رنجات الكزس الجديد وتغير شوى ورى فى الليتات وقدام كانه لكزس لانه البدى نفس البدى الهم فؤق الجير والمكيه ومن داخل الديكورات ومظاهر على الفاضى يعنى خلاص انا من اول الناس اللى خذوه ولا بعضهم ماخذه اقساط وكلها كم شهر وتشوفون للبيع لكزس 2008 با اقسطاها على شنو انك راكب لكزس ولاغيره الرجال باخلاقه وشخصيته قدام العالم

[اّل ثاني 77]

فعلا سعره مناسب بالنسبه لباقي المعارض
شكرا لصاحب الموضوع

[Aigner]

صحيح كلامك ااخوي

بس ااخوي كلمهم امس وقالو رقم واحد بـ 370000

لان رقم 2 ورقم 3 ما عليها طلب مثل رقم 1

[بــوعــوف]

تسلمون على المرور والتعليق ..

وبالنسبة لرقم 1 وهو الفول ابشن .. انا مريت عليهم يوم الخميس

وقالو ما عندهم .. وما عندهم فكرة متى بيجي ..


ويا هلا وغلا بكم جميع .. :)

[حمد 00974]

شكرررررررررررررررررا