تسجيل الدخول

مشاهدة النسخة كاملة : اللي عندهم بورش يجاوبوني؟؟؟


نورFROM قطر
09-05-2008, 02:19 AM
شبااااااااااااااااااااااااااب

بليز ... افكر اخذ بورش....:nice:

بس ابي اعرف شنو معنى تيربو الجي تي كيان مادري بعد شنو؟

اشوف ناس تقول كيان وناس تقول جي تي ؟؟؟

ايش الفرق؟
وايش الاحسن؟
وانا كبنت ما احب السيارات اللي تطيييييييييييييييييير.....
ف شنو الاحسن؟
وهل صحيح ان الموتر (وعر) على قولتهم؟

ارجو الافاده...............:shy:
PoBox
09-05-2008, 02:23 AM
الكيان هي البورش الكبيرة ( الفورويل 5 ركاب )

ان كانت تيربو فبتكون اقوى كسرعة وشوية مواصفات كمالية


اما الجي تي هذي ماتنفع حق بنات واللي هي السبورت الصغيرة :secret:
وفي منها انواع

هذا موقعهم
لو تاخذين فيه لفة راح تتضح الصورة اكثر

http://www.porsche.com/middle-east/_qatar_/models/
نورFROM قطر
09-05-2008, 02:34 AM
تسلم والله مشكووووووووور ماقصرت....


الله يعطيك العافيه
بوسعود180
09-05-2008, 02:45 AM
انسب شي لك الكيان اس

وكت تيربو يعني بس الشكل تيربو
نورFROM قطر
09-05-2008, 04:16 AM
بوسعود شنو اس؟؟؟؟؟؟؟؟؟؟؟
H A S S A N
09-05-2008, 10:45 AM
اس يعني 8سلندر بس مش تيربو وفي كيان فقط هذا 6 سلندر
almaf1a
09-05-2008, 10:49 AM
نصيحه اخذي الكيان اس
بلا تيربو بلا خرابيط
وصج هي عن وعره وعره من قلللللللب
Bin Hood
09-05-2008, 02:39 PM
نصيحه اخذي الكيان اس
بلا تيربو بلا خرابيط
وصج هي عن وعره وعره من قلللللللب

اخوي شنو يعني وعرة ؟؟؟؟؟؟؟

بالتفصيل الله يخليك
بوحارب
09-05-2008, 02:42 PM
اخوي شنو يعني وعرة ؟؟؟؟؟؟؟

بالتفصيل الله يخليك

دفشه @ خشنه @ مب لينه @ فيها دفاشة

اتمنى انك فهمت المعنى:(
Bin Hood
09-05-2008, 02:44 PM
دفشه @ خشنه @ مب لينه @ فيها دفاشة

اتمنى انك فهمت المعنى:(

سكرا يا سكر

:nice:
فلفل حار
09-05-2008, 02:54 PM
عاد بتشترين ولا بس سوالف حريم :eek5:
متسبب
09-05-2008, 02:57 PM
اذا تبين نصيحتي لا تاخذين كيان اساسا :)
الا اذا انج ماعندج مشكله تغيرين سفايف ودرام ويل ب6000 ولا 7000 ريال فهذا شي ثاني :)
البدر 8
09-05-2008, 03:00 PM
الانسب لكي
bmw x5
2008
6سلندر
بوسعود180
09-05-2008, 06:16 PM
غير التواير بعد

عندي واحد تيربو موديل 2006 من طلعته جديد 5 مرات مبدلين له كفرات ب8000 تدخل فيها المسامير بالراحه

والسياره وعره يعني خشنه في المطبات
alwahesh
09-05-2008, 06:51 PM
اختي الكريمه نور

نصيحه اخويه

اخذي بورش كيان 6 سلندر وبمواصفات 8 ( كيان اس )

السياره الي تقصدينها هي كيان GTS عباره عن سياره رياضيه متوفره عند اخونا yamaha720

او معرض ليوا للسيارات

تقدرين تشوفينها فـــــــــــــــــــــــــــــــــــــــــــــــــ ـقــــــــــــــــــــــــــــــــــــــــــــــــ ــــــــــــط

انا جربت التيربو بصراحه الصيانه مكلفه وتغيير الايل مكلف

الموظفات الي معاي وخواتي والاهل هندهم كيان ( 6 سلندر ) سياره كامله والكامل الله

والاسعار تبدا من 189000 نعم 189000 فس الوكاله 6 سلندر

280000 -295000 جي تس اس

والكيان اس ( 8 سلندر ) ارخص شوي


ونصيحه ثانيه

عندج VW طوارق الي عند اختنا الغرفاويه موديل 2007 وبالاقساط عليها 135000 فقط لا غير

لا دفعه اولى ولا كشف حساب وتصديق وشهادة راتب

والطوارق اخت الكيان ونفس القطع وسياره قويه وحلوه
نورFROM قطر
09-05-2008, 10:10 PM
عاد بتشترين ولا بس سوالف حريم :eek5:
ههههههههههههههههههههههههههههه

والله اني اقول لو ما دخل الموضوع وما كتب تعليق ما يكون فلفل.......


والله اسعدني تواجدك بكل مواضيعي:tease:


ابي اشتري يافلفل ومحتاره؟؟؟ ابي فورويل وكشخه مادري قلت البورش؟؟؟

عاد انا مابي شي وعر ):


طوارق تجنن بس مابيها :secret:


يعني شبااااااااااااااااااااااااااااب اخذ ام ال ......

تبط الجبد كنها كارتون العاديه طبعا

وانا مابي ام ال 63 تطير........... وخبركم ما احب السرعه:discuss:



بعد ابي ارآء؟؟؟؟؟؟؟؟؟؟:rolleyes2:
مناحي السادس عشر
09-05-2008, 10:16 PM
يمدحوووون العراوي
بوحارب
09-05-2008, 10:24 PM
الاكس فايف زينه وكشخه
هام السحاب
09-05-2008, 11:07 PM
اللكزس فرويل فرويل و كشخه و توهم مغيرين شكلها
غانم 81
10-05-2008, 01:29 AM
اشور عليج تاخذين ام ال
فلفل حار
10-05-2008, 02:03 AM
ههههههههههههههههههههههههههههه

والله اني اقول لو ما دخل الموضوع وما كتب تعليق ما يكون فلفل.......


والله اسعدني تواجدك بكل مواضيعي:tease:


ابي اشتري يافلفل ومحتاره؟؟؟ ابي فورويل وكشخه مادري قلت البورش؟؟؟

عاد انا مابي شي وعر ):


طوارق تجنن بس مابيها :secret:


يعني شبااااااااااااااااااااااااااااب اخذ ام ال ......

تبط الجبد كنها كارتون العاديه طبعا

وانا مابي ام ال 63 تطير........... وخبركم ما احب السرعه:discuss:



بعد ابي ارآء؟؟؟؟؟؟؟؟؟؟:rolleyes2:

شفتي شلون ، لازم اثبت اني فلفل واعلق :shy:

بعطيج نصيحه من ذهب ، والله عليج بالـGXR v6 وسعره مايفرق عن الـGXR v8 الا 6 الاف بس ومب فرق يستاهل انج تاخذين الـv6 ، لكن الطلب الزايد هو علي الـv8 عشان جذي لو طلبتي ذي بيتأخر عليج ، وانتي مالج حاجه بقوة المكينه ولا انتي راعية بران ، ولا تنسين شكل جديد وكشخه ، واحسن لج من البورش عن مشواير الوكاله للصناعيه وخردة السفايف والدرامويلات والخرابيط لما يختربون ويلعوزج ، لانه التويوتا شيك في مخباج والحجز لما تحجزينه بيوصلج قبل حجز البورش ، ولاتنسين عندج مكانين للسيرفز صوب الهلال او صوب محطة مدينة خليفه وفاتحين يوميا لي الساعه 1 ونص ، يعني تمرينهم الساعه 10 وتخلصين التشييك في ساعه وحده بالكثير ، واسألي مجرب :)

وفوق ذي اذا انج من سكان الوكره انتظري السيرفز الي بيفتح هناك بيكون علي مستوى وعماله بريطانيه ومهندسيين اوروبين وسيرفز اكبر بـ اربع مرات من سيرفز ألي بـ الهلال ، وكل شي حواليج وقريب

لكن اذا بخاطرج في بورش تراه حلو وشكله توه جديد وماراح يتغير قبل سنوات قداااام يعني مشروع جيد :victory:

بس طبعا العيب بالتأخير يعني عادي تنطرين 5_6 شهور بالراحه ، ولو تروحين تطلبينه من السعوديه او البحرين بيطلع عليج بأرخص ، والضمان دولي لاتحاتينه

نصيحتي لج اخذي لج العادي 6 سلندر من الوكاله بس فعلا هو استاندر اسم علي مسمي حتي زينون مافيه ، وسعره 186 بالضبط

واطلبي يجي الموتر من المصنع بالزينون + شكل خارجي للـs + شاشه ونافيقيشن + هيدروليك عشان تخف وعورة السياره شوي

مع هالاضافات ان ماخاب ظني احتمال يطلع عليج الموتر بحدود 230_240 ألف

بس صدقيني ، ثرا يسوى:victory: وماوصيج غير الاسود لاتفكرين :nice:

وأي أستفسار اخوج فلفل حاضر وانا رايح البحرين هـ الشهر واذا انتي جاده في الموتر روحي الوكاله عندنا بالدوحه واسألي عن سعر الموتر بـ المواصفات ألي ذكرتها لج + متي موعد التسليم ، وانا من صوبي بسأل لج عن سعره هناك بـ البحرين + متي موعد التسليم

واخذي الاصلح لج بس بصراحه انا منحاز للتويوتا خاصة انه شكل جديد وملفت ، البورش بالكثير سنه ونص او سنتين وبتروحين تقطين نص سعره وتحت وقت البيعه :shy:
نورFROM قطر
10-05-2008, 10:46 PM
ماااااااااااااااااابي تويوتا شوارعنا كلها تويوتا.............. شكرا شكرا شكرا" فلفل
ANONYMOUS
10-05-2008, 10:50 PM
تحبين تطيرين

خذي لج ميراج

:p
فلفل حار
10-05-2008, 11:30 PM
ماااااااااااااااااابي تويوتا شوارعنا كلها تويوتا.............. شكرا شكرا شكرا" فلفل

تبين تتميزين صج وبسعر حلو ، يمدحون التاتا :eek5:
نورFROM قطر
11-05-2008, 01:47 AM
تبين تتميزين صج وبسعر حلو ، يمدحون التاتا :eek5:

ههههههههه عرفت لا تقول:secret:
نورFROM قطر
11-05-2008, 01:48 AM
تحبين تطيرين

خذي لج ميراج

:p

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
FULL
11-05-2008, 12:45 PM
ما انصح بالكيان لان شكله احتمال يتغير خلال سنة الى سنتين بالكثير ... انصح بالكروزر الجديد او المرسدس Ml
nono-qtr
11-05-2008, 06:32 PM
هلا اختي


انا طلبت لي بورش 6 سلندر

فل ابشن

الصراحه رووعه اتجنن

وطلعت علي كاش ب 224 الف مع التأمين

بتوصل شهر 7 يقولون :(

<< عيزانه تنطر

روحي الوكاله واخذ لي لج لفه بالسياره وشوفي اذا تيوز لج ولا لا

انا صراحه عجبتني ^_^

موووفقه
المشط
11-05-2008, 06:48 PM
اذا تبين نصيحتي لا تاخذين كيان اساسا :)
الا اذا انج ماعندج مشكله تغيرين سفايف ودرام ويل ب6000 ولا 7000 ريال فهذا شي ثاني :)

اخوي انا عندي كيان وغيرت السفايف والدرمويل بعد ماقطعت فيها 13 الف كيلو با 3000 ريال الاماميه والخلفيه
المشط
11-05-2008, 06:50 PM
اختي الكيان من افضل السيارات اللى استعملتها

وعلشان انتي بنت ما تحتاجين للسرعه خذي لج كيان 6 سلندر

بس اتوقع شكلها راح يتغير في 2011
فلفل حار
12-05-2008, 01:13 AM
هلا اختي


انا طلبت لي بورش 6 سلندر

فل ابشن

الصراحه رووعه اتجنن

وطلعت علي كاش ب 224 الف مع التأمين

بتوصل شهر 7 يقولون :(

<< عيزانه تنطر

روحي الوكاله واخذ لي لج لفه بالسياره وشوفي اذا تيوز لج ولا لا

انا صراحه عجبتني ^_^

موووفقه

مقدما ، يعطيج خيرها ويكفيج شرها:)

ممكن اعرف تفاصيل الطلبيه ولا عليج امر :)
نورFROM قطر
12-05-2008, 02:51 AM
حلوووووووووووو الله يوفقج
بوخالد2
12-05-2008, 03:11 AM
اخوي انا عندي كيان وغيرت السفايف والدرمويل بعد ماقطعت فيها 13 الف كيلو با 3000 ريال الاماميه والخلفيه


انا يالمشط مغيرها 3000 نفسك بعد لاانه سعر السفايف 1800 وحسب سعر شغل الوكاله

ولكن عند التيسير يغيرهم لك ب 200 ريااال بس شغل اليد و مبضبوط

ومافيه نفظه ولا شي

اختى البورش عجيبه من قلب بس احسها مب نسائيه كلششش

انصحج بالمرسدس ام ال عجيب والله
مصرف
12-05-2008, 03:16 AM
اختي اخذي لج اس 8 سلندر اهو يعتبر الوسط بين التيربو والكيان 6 سلندر ومرغوب جدا
وماعليج من اللي يقولون وعر او يخترب او في السنه 6 مرات تبديل تواير وسفايف شدخل الموتر يخرب التواير !
انا مجربه سنتين وماشتكيت من شي لله الحمد وناوي الحين ابدله بجديد لانه استعماله وايد عاجبني

تحياتي
qmmf
12-05-2008, 07:36 AM
اختي اخذي لج اس 8 سلندر اهو يعتبر الوسط بين التيربو والكيان 6 سلندر ومرغوب جدا
وماعليج من اللي يقولون وعر او يخترب او في السنه 6 مرات تبديل تواير وسفايف شدخل الموتر يخرب التواير !
انا مجربه سنتين وماشتكيت من شي لله الحمد وناوي الحين ابدله بجديد لانه استعماله وايد عاجبني

تحياتي


مرحبا يالغالي اسمحي لي دخلت عرض على الموضوع بس عندي استفسار عن مكيف البورش هو بارد مثل الياباني ولا اقل منه؟؟؟
nono-qtr
12-05-2008, 08:23 AM
تسلم اخوي فلفل حلوو

اتصلت بالوكاله اهناك في واحد اسمه رواد


قال لي في واحد حاجز وحده ومتردد وبتوصل شهر 7

كلمه وقال مايبيها ورحت حجزتها

الحجز ب 10 الاف

وقبلها كان في ثنتين قال لي عنهم الصبح وكنت بروح احجزهم العصر

وطارو في يومهم :\

يعني في ناس يكنسلون حجز

تابعهم على طول اذا تبي

وعفوا طلعت علي ب 227 الف

^_^
بوسيف الهاجري
12-05-2008, 08:45 AM
......
فلفل حار
12-05-2008, 11:28 AM
تسلم اخوي فلفل حلوو

اتصلت بالوكاله اهناك في واحد اسمه رواد


قال لي في واحد حاجز وحده ومتردد وبتوصل شهر 7

كلمه وقال مايبيها ورحت حجزتها

الحجز ب 10 الاف

وقبلها كان في ثنتين قال لي عنهم الصبح وكنت بروح احجزهم العصر

وطارو في يومهم :\

يعني في ناس يكنسلون حجز

تابعهم على طول اذا تبي

وعفوا طلعت علي ب 227 الف

^_^

سعره حلو ما شاء الله بس واتوقع علي هـ السعر طالبين فيه زينون + شاشه ملاحه وبس

لانه ال6 سلندر ماتجي بزينون اذا ماتطلبينها من مصنعها وهـ الطلبيه حلوه جدا لل6 سلندر وتناسب البنات وعليج بـ ألف عافيه اختي :)

انا رحت بحجز وكنت ناوي اخذ 6 سلندر بس من برع مواصفات وشكل التيربو ، بس قالو لي الموتر يبطي وايد وياخذ له 5 لي 6 شهور ، قلت مايسوى علي ورحت حجزت الكروزر الجديد ، والحمدلله مرتاااح ومفتك من عوار راس البورش ، صج البورش رزه لكن يبيله استعمال حشمه واستعمال اخووج دفش شووي :shy:
nono-qtr
12-05-2008, 12:58 PM
اي فيها زينون جنه قال لي ونفقيشن وكاميرا خلفيه واازره على السكان وستاير خلفيه ورنقات مادري كم

<< ماتعرف هالسوالف

بيني وبينك مانتبه حق هالاشياء

<< يهمها الشكل ههه :d


وانا حظي حلو ماشاء الله مب ناطره وايد

الحين شهرين وانتظر على نار شلون لو 6 اشهر

جان سويت مثلك وخذت لي سياره ثانيه

واذا استعمالك دفش زين انك خذت كروزر

عليك بالعافيه
فلفل حار
12-05-2008, 01:11 PM
اي فيها زينون جنه قال لي ونفقيشن وكاميرا خلفيه واازره على السكان وستاير خلفيه ورنقات مادري كم

<< ماتعرف هالسوالف

بيني وبينك مانتبه حق هالاشياء

<< يهمها الشكل ههه :d


وانا حظي حلو ماشاء الله مب ناطره وايد

الحين شهرين وانتظر على نار شلون لو 6 اشهر

جان سويت مثلك وخذت لي سياره ثانيه

واذا استعمالك دفش زين انك خذت كروزر

عليك بالعافيه

الله يعافيج :)

واول مايوصلج الموتر نثري علي البدي كامل من برع شوية ملح عن عين الحساد وبنفس الوقت تذكرين ربج عليه واول كم يوم عليج باذاعة القرآن الكريم ، ولو تخلينها عاده يوميه صباحيه يكون افضل بعد

واذا علي الشكل صدقيني ترى مايهم حتي لو راكبه كورولا ، الواحد يرز نفسه مب موتره يرزه طال عمرج ;)
nono-qtr
12-05-2008, 01:34 PM
ان شاء الله ولا يهمك

بس انا مب عشانها رزه ولا كشخه

انا اقصد شكل السياره من برا يهمني اكثر من مواصفاتها

يعني الحين الانفنتي وايد قالو لي اخذيها وفيها مواصفات وماعرف شنو


وانا اعجبتني من داخل بس ماخذتها عشان شكلها الخارجي مب عاجبني

والبورش شكلها ناعم وحلووو

^_^
بنتلي
12-05-2008, 01:47 PM
تبين نصيه

اخذي بو حوض
تقدرين اتحملين فيه كل شيء:tease:
فلفل حار
12-05-2008, 01:48 PM
ان شاء الله ولا يهمك

بس انا مب عشانها رزه ولا كشخه

انا اقصد شكل السياره من برا يهمني اكثر من مواصفاتها

يعني الحين الانفنتي وايد قالو لي اخذيها وفيها مواصفات وماعرف شنو


وانا اعجبتني من داخل بس ماخذتها عشان شكلها الخارجي مب عاجبني

والبورش شكلها ناعم وحلووو

^_^

اسم السياره كـ بورش ماعليه كلام ، بس بصراحه زين اني ماخذته ، احس انه الموتر بناتي شوي ومثل ماقلتي ناعم :nice:

ومافي مجال للمقارنه بين الانيفنتي والبورش خاصة انه الانفينتي الجديد بـ يكون فوق الـ200 ألف بالراحه ، ودامج محصله بورش بـ هـ السعر تدفعينه فيه ولا في الانيفتي :)

وجهة نظر :shy:
nono-qtr
12-05-2008, 01:50 PM
الانفنتي لو يقولون لي ب ريال ماخذتها

<< ماتحب شكلها :p

مثل ماقلت البورش بناتيه
فلفل حار
12-05-2008, 01:56 PM
الانفنتي لو يقولون لي ب ريال ماخذتها

<< ماتحب شكلها :p

مثل ماقلت البورش بناتيه

لا والله الا بتاخذينها ونص ، وبدال الريال بتعطينهم عشر ريال بدون ماتطالبين بـ الخرده :tease:، عن العياره يا راعية البورش :eek5:

موفقه ان شاء الله اختي:nice:
nono-qtr
12-05-2008, 01:59 PM
والله ماخذها :(

اكرها

تذكرني بالخنفسانه والله

مع احترامي لكل الي عندهم انفنتي :d

<< بتنطق

الناس اذواق :p


الله يسلمك ^_^
بوجاسم525
12-05-2008, 02:02 PM
^
^
^
موترج مواصفاته جيده نونو اذا ب227 واقرب الا العاديه

بس دامها بتوصل قريب الله يوفقج ..انا من اسبوع مستلم موتري والحمدالله كل شي عسسسسسل وفي ناس وايد قالوا كلام عار عن الصحه بخصوص الموتر
فلفل حار
12-05-2008, 02:05 PM
والله ماخذها :(

اكرها

تذكرني بالخنفسانه والله

مع احترامي لكل الي عندهم انفنتي :d

<< بتنطق

الناس اذواق :p


الله يسلمك ^_^

ههههههههه صادقه اختي

بس لاتخافين محد بـ يطقج ، عندج بورش مب هايلكس :eek5:

مع احترامي لجميع اصحاب الهيلكسات :secret:

لولا اختلاف الاراء لبارت السلع :)
nono-qtr
12-05-2008, 02:12 PM
تسلم بوجاسم

ومبرووك عليك السياره

عقبالي :p

شوقتوني لها :"(

كنت ناسيتها اسبوع :d
نورFROM قطر
13-05-2008, 03:50 AM
ابشرررررررررررررررررررررررررركم


رحت الوكاله:nice:



وكاله البورش:)

المهم محد قهرني الا الموظف هناك على كيفه قبل ما انطق .....:secret:

اخذي اللون الكحلي او الزيتي ؟؟؟؟ خييييييييير ليش؟؟؟:omg:

علشان ما تلفتي الانتباه:(

استغفر الله .........انت ايش عليك ؟:anger1:

وما تحتاجين مواصفات كامله اخذي الموتر ستاندر؟؟؟:anger1:

شكله متهاوش مع حد وحاط الحره فيني:(

المهم لوع جبدي.......... وينك يافلفل تحرقه:tease:

قالي انتظري لين شهر 8 بنزل موديل 2009
وبيكون الموتر فيه تعديلات بسيطه................:omen2:


يعني ما يسوى الانتظار صصصصصصصصصصصصصصصصح:victory:

ف قررت وتوكلت على الله............... وقررت آآآآآآآآخذ لكزس




ههههههههههههههه لالالالالالا ان شاء الله كيان 2008





:nice::nice::nice::nice:



ناااااااااااااااايس .....

تقبل التهاني على العام والخاص.... لحد يصدق وتترسون الخاص




على العموم اخواني واخواتي.... اشكركم على المرور وتفاعلكم معي الا واحد .....



مب:eek5:


لالالالالالالا غير


وتسلموووووووووووووووووووون

واذا في جديد بيكون هني طبعا" في موضوعي
nono-qtr
13-05-2008, 07:58 AM
عليييج بالعافيه

تستاهلين يعطيج خيرها ويكفيج شرها :victory:


قال لي عن الزيتيه جد انا شايفتها في الشارع

احسه غريب اللون

بس خذت اسمنتيه :p


ويالله الله يعينا على الانتظااار
فلفل حار
13-05-2008, 12:26 PM
nono-qtr & نورFROM قطر

بطيتوا كبدي صراحه:weeping:

اذا ماجاك البورش اسود ولا بلاش :secret:

بس الناس اذواق وعليكم بالعافيه ثنتينكم :)

وكل وحده فيكم تذكر موترها القديم بالخير من كورولا أو عراوي أو ألخ ألخ ألخ ألخ





الله يستر لانطق ، بس اكيد بتعشوني علي حسابكم بمناسبة السياره قبل لاتطقوني:shy:

راضي حتي في زينجر سوبريم مال بو بلاش مانقول لا :tease:
nono-qtr
13-05-2008, 01:31 PM
الله يعافيك فلفل

بنطقك عقب بنعشيك :p
اّل ثاني 77
13-05-2008, 01:48 PM
ابشرررررررررررررررررررررررررركم


رحت الوكاله:nice:



وكاله البورش:)

المهم محد قهرني الا الموظف هناك على كيفه قبل ما انطق .....:secret:

اخذي اللون الكحلي او الزيتي ؟؟؟؟ خييييييييير ليش؟؟؟:omg:

علشان ما تلفتي الانتباه:(

استغفر الله .........انت ايش عليك ؟:anger1:

وما تحتاجين مواصفات كامله اخذي الموتر ستاندر؟؟؟:anger1:

شكله متهاوش مع حد وحاط الحره فيني:(

المهم لوع جبدي.......... وينك يافلفل تحرقه:tease:

قالي انتظري لين شهر 8 بنزل موديل 2009
وبيكون الموتر فيه تعديلات بسيطه................:omen2:


يعني ما يسوى الانتظار صصصصصصصصصصصصصصصصح:victory:

ف قررت وتوكلت على الله............... وقررت آآآآآآآآخذ لكزس




ههههههههههههههه لالالالالالا ان شاء الله كيان 2008





:nice::nice::nice::nice:



ناااااااااااااااايس .....

تقبل التهاني على العام والخاص.... لحد يصدق وتترسون الخاص




على العموم اخواني واخواتي.... اشكركم على المرور وتفاعلكم معي الا واحد .....



مب:eek5:


لالالالالالالا غير


وتسلموووووووووووووووووووون

واذا في جديد بيكون هني طبعا" في موضوعي

:nice::nice::nice:
بوحمد111
13-05-2008, 02:01 PM
اختي العزيزه انا واحد من اللي استخدموا البورش وبصراحة روعه ولا احلى وخاصة ال S واقصد فيها ال 8 سلندر 2008 وعن الوعوره ترى ما توجد في موديلات 2008 بس لو قلتي لي عن 2005 كان بقول لك صحيح وعره بس هذه مواصفاتها ومقصوده ان تكون وعره لأنها رياضيه من الدرجه الأولى بس انصحك بأن تاخذين 2008 كيان S ولا غيرها ويكفي ان اسمها بورش ومستحيل تحصلين لها منافس في الشارع وصدقيني تمشين في الشارع مشية الملوك والتميز أما بتقولين لكسز أو Ml أو X5 أو أو أو كلهم مايسوون ولا توجد اي مقارنه مع البورش هذا رأيي الشخصي والله الموفق.

وعلى العموم الله يعطيك خير السياره اللي بتشترينها ويكفيك شرها

مع خالص تحياتي بوحمد111
Bin Hood
13-05-2008, 06:54 PM
اختي شنو هالتغيرات البسيطة اللي راح تصير في شهر 8

اذا عندج فكرة !!!!!
نورFROM قطر
13-05-2008, 07:44 PM
نونو تسلمين يا حياتي ...


اما من ناحيه في واحد بنطقه :anger1: فهو يبيله انا اقووووووووووول من زمان هالفلفل
يبيله حد يقطعه...

والله انه مدوخني:rolleyes2:
بس مب مشكله عندي الحل:tease:

والله يافلفل ان موتري عزيز على قلبي... ودي احطه بالمتحف ولا غيري ياخذه:( بعدين اشدخل :secret: ....


يسلموووووووووووووووووووو يا آل ثاني.......... فديتك



بوحمد.........يسلمووووووووووووو ياقلبي ورايك نااااااااااااااااااايس
نورFROM قطر
13-05-2008, 07:55 PM
والله على كلامهم ان الكيان 6 سلندر بتكون فيها مواصفات الs بدون طلبيه

وان بيكون فيها شاشه وبلوتوث وزينون وووووووو....... بس

هذا اللي لقطته من كلامه يعني بتكون فيها هالتعديلات البسيطه على كلامه رتوش...
nono-qtr
13-05-2008, 08:01 PM
الله يسلمج حبيبتي

تهنيتي :p
nono-qtr
27-05-2008, 08:14 PM
ابشرج نور

اتصلو لي الوكاله وقالو لي شهر 6 بتووصل

<< سوت حفله

:d
بـــاروود
27-05-2008, 09:06 PM
بالمبارك خيتوو تستاهليين
boooooon
27-05-2008, 10:18 PM
ِكم سنة الضمان وشلون اسعار قطع غيار البورش يا ريت حد يفيدنا

والي يقول السفايف ب 3000 هالكلام صحيح ؟
start
28-05-2008, 01:39 AM
السلاام عليكم ,,
.. معني كيان Gts هي شكل تيربو بس المكينه اقوي من الكيان S وقوتهااا 405حصاان ويوجد سستم اقزووووز يزودها تقريبا 15 حصان و فيها شفت لا يوجود الا بالتووربوووو,,وهي شفت لاول مره تستعمله شركة بوورشه وهو خاااص بالثباات ولو تلااحظ الداخليه غير سوااءعن التوربو او كيان S والميزه الفريده بالكياان Gts انه اوطي يعني انزل من اي كيااان
نورFROM قطر
28-05-2008, 05:41 AM
ابشرج نور

اتصلو لي الوكاله وقالو لي شهر 6 بتووصل

<< سوت حفله

:d
يا حياتي تستاهلين والله .... عاد لاتنسين انا اول وحده بعدج اسوقها:victory:
نورFROM قطر
28-05-2008, 05:42 AM
تسلمووووون كلكم على الردود ... اما باقي الاستفسارات نخليها لاصحاب الخبره مايقصرون
ابوعزوز6
28-05-2008, 09:17 AM
انا افضل للحريم ياخذون لهم بيجو لانه قوي ويتحمل وهاذا رايي
nono-qtr
28-05-2008, 04:20 PM
تستاهليين خيرر

عقبال مانسمع بسيارتج انها وصلت ^_^
ابن الذيب
29-05-2008, 04:00 AM
نونو ونور .. !

أحسن شي سويتوه في حياتكم انكم خذتوا كايين .. !

والله فديته الكايين أنا .. فعلاً هو أحلى موتر ..

أصلاً مادري شلون الناس عايشين بدون بورش ..

والله لو راعيين الجي ساقوا كايين من الجداد بيهدون الجيااااات كل ابوهم ..

أصلاً مافي مقااارنه بين أي موتر والكايين .. لاتقولين لي أي موتر غيره لا مرسدس ولا لكزس ولاخرابيط

موتر خفيف دم , رياضي , رشيق , وجميل وكل شي .. P=

والمشكللللللله الكبييره .. انه عقب ماتتعودين عليه .. مافي أمل تسوقين موتر غيره .. حتى ولو أحلى وأغلى منه ..

وصج السفايف بـ5000 لكن بتبدبينهم ف السنه مره .. مقدور عالـ5 يعني ..

.. << مشتط P=

" لا حياة من دون بورش "
نورFROM قطر
29-05-2008, 04:52 AM
انا افضل للحريم ياخذون لهم بيجو لانه قوي ويتحمل وهاذا رايي


ههههههه متعصب:anger1:

يسلمووووووو:victory:
نورFROM قطر
29-05-2008, 04:53 AM
تستاهليين خيرر

عقبال مانسمع بسيارتج انها وصلت ^_^

شكرا" يا عمري:victory:
نورFROM قطر
29-05-2008, 04:55 AM
نونو ونور .. !

أحسن شي سويتوه في حياتكم انكم خذتوا كايين .. !

والله فديته الكايين أنا .. فعلاً هو أحلى موتر ..

أصلاً مادري شلون الناس عايشين بدون بورش ..

والله لو راعيين الجي ساقوا كايين من الجداد بيهدون الجيااااات كل ابوهم ..

أصلاً مافي مقااارنه بين أي موتر والكايين .. لاتقولين لي أي موتر غيره لا مرسدس ولا لكزس ولاخرابيط

موتر خفيف دم , رياضي , رشيق , وجميل وكل شي .. P=

والمشكللللللله الكبييره .. انه عقب ماتتعودين عليه .. مافي أمل تسوقين موتر غيره .. حتى ولو أحلى وأغلى منه ..

وصج السفايف بـ5000 لكن بتبدبينهم ف السنه مره .. مقدور عالـ5 يعني ..

.. << مشتط P=

" لا حياة من دون بورش "
يسلموووووو على الرد عاد انت لا تقولهم مانبي حد ياخذ:secret:
بعدين بتسير شوارعنا كلها بورشات:rolleyes2:
لالالالالالا مانبي :eek5:
بس اذا انا خذت خلاص محد ياخذ:tease:
المنشــــــر
29-05-2008, 08:19 AM
الحوض الجديد ماعليه كلام

فيه شاشه ونفقيشن ورنجات الومنيوم

لاااااا امزح معاج

عليج X5 عجيبة والسيرفس جداً ممتاز

بالتوفيق
غير عنهم
29-05-2008, 08:25 AM
الي اشوفه ان الكيان 6سلندر مافيه حيل وتملل بسرعه ومادام الواحد حاط افلوسه يزوده شوي و ياخذ كيان اس 8سلندر على فكره من بعد مائه متر تسمع صوت المكينه وهي تصارخ بعكس 8سلندر الي كل ماتعطي امر بيع عفوا سرعه اتقوم بتنفيذ
ابن الذيب
29-05-2008, 12:31 PM
يسلموووووو على الرد عاد انت لا تقولهم مانبي حد ياخذ:secret:
بعدين بتسير شوارعنا كلها بورشات:rolleyes2:
لالالالالالا مانبي :eek5:
بس اذا انا خذت خلاص محد ياخذ:tease:


صاجه .. :discuss: ..

من زين البورش .. مب شي .. ومب عملي ..والياباني أحسن وأقوى منه بألف مره ..
شفيهم الكروزورات .. :omg: ؟ شكل وعزم واقتصادي .. :omen2: ..


" ها شرايج نور ؟ :nice: "
السد
29-05-2008, 01:51 PM
شبااااااااااااااااااااااااااب

بليز ... افكر اخذ بورش....:nice:

بس ابي اعرف شنو معنى تيربو الجي تي كيان مادري بعد شنو؟

اشوف ناس تقول كيان وناس تقول جي تي ؟؟؟

ايش الفرق؟
وايش الاحسن؟
وانا كبنت ما احب السيارات اللي تطيييييييييييييييييير.....
ف شنو الاحسن؟
وهل صحيح ان الموتر (وعر) على قولتهم؟

ارجو الافاده...............:shy:

للمعلومات الكاملة يرجى مراجعة الوكيل
nono-qtr
29-05-2008, 06:59 PM
شطيتوني اكثر حق السياره

متى بتووصل :(


ابن الذيب والله انا يوم خذت البورش

مافكرت الا بشكلها D:

ولا ادري شسالفتها

بس قلت له اهم شي فل اوبشن هههه :p

بس موبي العرشه :(

خل يشيلونها يتصرفون فيها مسببه لي اكتئاب :(

مادري اذا يقدرون ولا لا :(


غير عنهم ..


والله مافهمت شي من الي قلته ههههههه :p

<< مب ويه هالسوالف

اهم شي انه السياره عاجبتني ^_^
BusinessWoman
01-06-2008, 01:34 PM
حد عنده فكره عن اسعار السفايف للطوارق ؟؟؟؟؟؟
ابن الذيب
01-06-2008, 03:05 PM
ها شخبار البورشات .. وصلت ولا ؟!

خخخخخ
nono-qtr
01-06-2008, 03:23 PM
كمنج سون يقولون

اخر 6

بدا العد التنازلي هههه

كنت اتمنى انها توصل في عيد ميلادي

احلا هديه بتكون

<< هديه بفلوسها هههه :p


ان شاء الله نبشركم بوصولها ^_^
الدنيا تجارب
01-06-2008, 11:28 PM
غير البي ام ما ايب الراس
وبالتوفيق يا نور وان شاء الله بس انحصلج صوب الاند
هههههههه
خالد الخوري
02-06-2008, 11:37 PM
اش تبين في البورش يا اختى خراب وغثى العراوي زين ترا اجدادنا اكرفو على البياكم كرف ولليوم الشيبان يبون بيكم عليج بالعراوي فيه منه قير اتماتيك
طالع بن نازل
02-06-2008, 11:52 PM
مرحبا اختي نور ,,,,,,,,,

الحقيقة البورش اختيار جيد, وانا كلمت الشركة علشان احجزلي gts .
لكن للأسف قا لولي راح تجي السيارة بعد 7 شهور !!!!!!!!!!!!!!!
فلفل حار
02-06-2008, 11:59 PM
حد عنده فكره عن اسعار السفايف للطوارق ؟؟؟؟؟؟

تفضلي

http://qatarshares.com/vb/showthread.php?t=176059
nono-qtr
17-06-2008, 06:22 PM
البووورش بتوصل الاحد

<< بتسوي حفله :p
HEART_LION
17-06-2008, 07:19 PM
مبرووك يعطيج خيرها ويكفيج شرها

انا بعد خذت واحد تيربو
qatar.com
17-06-2008, 09:36 PM
خذي انفنتي ولا نيسان مورانوا شعندة الي منحاز للنيسان

في بعد عندج لكزس ار اكس هاي حلوة بعد للبنات

بس انتي شكلج ولا سيارة داشة راسج تبين شي موب موجد بكثرة
فلفل حار
19-06-2008, 12:31 AM
البووورش بتوصل الاحد

<< بتسوي حفله :p

الف مبروووووووك اختي :)
ابن الذيب
19-06-2008, 06:04 AM
بالمبارك ..@_@
عاد حطي لنا راييج ..=)
ابوعبدالعزيز
19-06-2008, 11:02 AM
الكيان نوع من انواع البورش ، وهي طبعا الشكل المعروف عند الكل

بس اهناك انواع من الكيان :
01 كيان : ذيه ستة سلندر وهو افضل حاجة حق البنات .
02 كيان اس : ذيه ثمانية سلندر ، وهو اقوي من رقم واحد وزيادة في المواصفات وطبعا اغلي في السعر .
03 كيان جي تي اس : ذيه بعد ثمانية سلندر ، وهو اقوي من الأس رقم 2 وطبعا بعد اشوي اغلى منه .
04 كيان تيربو : طبعا وضروري اعلى من اللي ذكرتهم سابقا واقوى واغلى .
05 كيان تيربو اس : ما انصحج تاخذينه لانه خاص حق شباب .

من ناحية الوعورة ... كل سيارة تحترم نفسهه ... يعني اسبورت اتكون وعرة سواء كانت فور ويل أو صالون أو كوبيه ... والسبب عزيزتي أن الشركة التي تصنع السيارات الرياضية اي ما كان اسمهه يهمهه سرعة السيارة ، وهي بكل بساطة معادلة بين الوعورة والسرعة العالية للوصول إلى الثبات على الطريق .

بصورة اسهل فيه سيارات قيمتهه مليون ومليون ونصف ، العراوي اريف منهه ، يعني لا تكلمين عن وعورة في سيارات اسبورت ، بس الوعورة المقبولة ومب المذمومة .


تحياتي وبالتوفيق .
nono-qtr
23-06-2008, 04:02 PM
الله يبارك فيكم ..

بس تأخرت ماوصلت

كان المفروض استلمها الخميس :(

بس يلا نطرت شهرين بانطر بعد :p
nono-qtr
01-07-2008, 03:13 PM
استلمتها الحمدلللللللللللله

ميه الميه :d

بس مرضت ثاني يوم :(

<< ماستانست فيها ثاني يوم :p

علي بالعافيه هههه ^_^


الحمدلله مواصفاتها حلوه

عجبتني الاضاءه الي تحت اكثر شي

^_^