تلاعب بعض الشركات المساهمة [الأرشيف] - منتديات شبكة الأسهم القطرية

مشاهدة النسخة كاملة : تلاعب بعض الشركات المساهمة

al-kaabi

09-05-2008, 02:55 AM

اين ادارة سوق الدوحة من تلاعب بعض الشركات بالمساهمين وخصوصا ماحصل من تاخير توزيع ارباح مصرف الريان وكذلك الاكتتاب الاضافى فى مصرف قطر الاسلامي لم يرسلوا كتب التخصيص والمبالغ الزائده من الاكتتاب وهل ستتبعهما باقي الشركات0
مصرف الريان اول شي طلب من كل مساهم يريد الارباح فتح حساب عندهم وبعدها يماطل ادارة البريد فى تكلفة ارسال الشيكات الحين قام يطرش لكن بالقطاره 0
اما مصرف قطر الاسلامي فقد ضرب بكل قوانيين الشركات المساهمه ( تبي كتاب التخصيص والمبلغ الزائد روح فرع الشركات بشارع حمد واستلمهم ) علشان يوفرون قيمة الطوابع0
السؤال الى متى نسكت ؟؟؟؟؟؟؟؟؟
:anger1::anger1::anger1::

الغـــيور

09-05-2008, 05:22 AM

هدي اخوي روح خذلك قلاص شاي وتريق يالله صباح خير حافض على اعصابك والله مايستاهلون انك تعصب عشانهم ... الناس اوصلت القمر واحنا لين الحين مانعرف نوصل لصاحب الحق حقه يكدون ملايين ويعطونا ملالييم ويسترخصون توصيلها لنا.

المفروض ان المبالغ هذي تتحول لحساباتنا البنكيه افضل واسرع وافر لهم من الطوابع البريديه

شكرا عالموضوع وهناك اشياء اهم من هالموضوع بكثير يجب ان يلقى النظر عليها من ادارة السوق

al-kaabi

10-05-2008, 01:19 AM

aljaber

10-05-2008, 02:16 AM

محد ساكت ياخوي بس الموضع ومافيه ان:weeping::weeping:

لقد أسمعت لو ناديت حيا *************** ولكن لا حياة لمن تنادي
ولو نار نفخت بها أضاءت *************** ولكن أنت تنفخ في رماد

:omen2:

الغـــيور

10-05-2008, 05:53 AM

مشكور اخوي على الرد يقولون الى يده في الماي مب مثل الى يده بالنار الغلاء منتشر بالبلاد والرواتب مكانك سر 0
انا ملاحظ ان الى شافوا الموضوع 110 ولا واحد تكرم بالتعليق الا واحد شدعوه ؟
:omg:

ترى كلنا عايشين بديره وحده ومتضررين من هالأمور .. وأنا معك مش ضدك أبدا

أسئل الله العلي القدير ان يغفر لوالديك ويدخلهم فسيح جناته ... اللهم امين

دمت بود عزيزي

al-kaabi

10-05-2008, 05:01 PM

جزاك الله الف خير اخوي الغيور
اخوي aljaber كفيت ووفيت

:nice::nice::nice:

ANONYMOUS

11-05-2008, 11:29 PM

انا اؤويدك اخوي

الريان تو مستلم شيكهم

والاسلاميه للتأمين.. لازم اروح لهم الشركه.. ليش مايعرفون صندوق البريد..

وليش صندوق البريد.. اعطيهم لحساب بالبنك ويرسلونه اول يوم

لفلوس انحطت وديعه يوميه.. ومضاربات.. والمساهمين ياغافلينلكم الله

Clueless

12-05-2008, 12:40 AM

بصراحة اللي ما راح وفتح حساب في الريان يوم قالو تعالو قبل شهر فما يلوم الا نفسة
طبعا انا اتكلم على المبالغ اللي تسوى ان الواحد يروح ويتعنى ويفتح حساب
اما اذا المبلغ قليل ولا يأثر على راعيه او مو مستعجل يستناه لين يجي لانه لا راح يقدم ولا يأخر
ولا تنسى اخوي عدد المكتتبين في الريان,,,,,, مهوووووووووووووووول واذا كانو يكاسرون في قيمة البريد فهذا من صالح المساهمين وربحية المصرف واذا يأخرون فلوس الناس بعد من صالح المساهمين اللي ذكرتهم لك اعلاه (اللي مو فارقه معاهم)

على فكرة انا ما بعد استلمت شيكي وانتظره على احر من الجمر ولكن انا خارج قطر ولا اقدر اجي بسهولة علشان استلم شيكي وافتح حساب
والله يوفق

المشتاقه الى الجنه

12-05-2008, 06:13 AM

المفروض ما نسكت على الإستهتار بحقوق المساهمين
أرباح الإجاره للحين ما استلمتهم
ولما رحت البنك أستلم قالتلي الموظفه يا أختي انتي ما عندك إجاره
ولما قلتلها طبعا عندي ومن 3سنوات
وصارت تشوف على الكمبيوتر وتدور ولما تأكدت إنه أنا لي أسهم قالتلي الشك ضايع ويبون يصدرون شيك ثاني ولما يجهز احنا نكلمك
وإلى الآن من أسبوعين ما في أحد كلمني الشيك بصدروه من أستراليا الظاهر
والله التلاعب ما ينسكت عليه أبدا