استفسار عن ارض في الخور

[eveqatar]

ممكن استفسار

لقيت بيتين شعبيين على ارض مساحتها 1200 مؤجرين 24 االف في الشهر
في منطقه الخور

وصاحب البيت يبي مليوننين وثمانمئه


هل تنصحوني بالشراء لاني بكره بدفع له

[سوق واقف]

اخوي الغالي أبيك تشيك مع البلدية أذا البيوت ما عليها قص ..
(( حاسب نص بيوت الخور عليها إزالة ))
الشيء الثاني أنت تقول مأجر حاسب يمكن عقب ما تاخذ البيت الي في البيت يقول بفسخ العقد
حاسب الحين هذي حركاتهم يدبوسنك في بيت وان البيت مأجر وعقب ما تشري يقول باي باي
تتوهق
بالنسبة للسعر ممتاز أذا كل بيت 1200متر
أذا قصدك البيتين 1200متر ما يسوى

[حارس الليل]

طبعاً اخوي اكيد مؤجرين على شركة في الخور
واكيد البيتين في غرب الخور او جنوبها او شرقها
وهذي المناطق ماعليها ازالة الإزالة فقط في منطقة البنعلي على البحر وتقدر تتأكد من موقع هيئة التخطيط خريطة الإزالة موجودة
بالنسبة للسعر فوق الممتاز
اعرف واحد من الربع شاري بيت من فترة ثلاث شهورفي الخور شعبي وبدون ملاحق على مساحة 450 متر مربع بنفس القيمة الي تقول عنها مليون واربعمية ، يعني انت الحين عندك مساحة الأرض لكل بيت 600 ، ومؤجرين ، يعني حتى لو يطلعون المؤجرين الف عائلة هندية بتأجر منك البيتين على الاقل بعشرة آلاف .

الشراء من عدمه هذا شيء راجعلك

تقبل تحياتي

[سهم المستقبل]

السلام عليكم اخوي
البيوت اللي تقصدها انا عارفها حالتها جيده حتى البيبان الخارجيه مالت البيتين حالتهم تعبانه شوي :victory:

وكلام اخونا حارس الليل صحيح الازاله على منطقه وحده بس

واذا البيوت اللي اقصدها اللي مأجره على شركه والشركه بتجدد على فكره توكل على الله
السعر فوق الممتاز

اصلاً انت احسبها اذا الفوت فوق ال 200 ريال في هذي المنطقه من اكثر من شهر
يعني بحسبه بسيطه سعر الارض لو حسبنها على ال 200تسوى2600000
يعني راعيهم حاسب كل بيت 100 الف * 2 =200 الف يعني التوتل 2800000
وانت الكسبان
توكل على الله وبالتوفيق للجميع

[فلفل حار]

اخوي الغالي أبيك تشيك مع البلدية أذا البيوت ما عليها قص ..
(( حاسب نص بيوت الخور عليها إزالة ))
الشيء الثاني أنت تقول مأجر حاسب يمكن عقب ما تاخذ البيت الي في البيت يقول بفسخ العقد
حاسب الحين هذي حركاتهم يدبوسنك في بيت وان البيت مأجر وعقب ما تشري يقول باي باي
تتوهق
بالنسبة للسعر ممتاز أذا كل بيت 1200متر
أذا قصدك البيتين 1200متر ما يسوى

جزاك الله الف خير اخوي سوق واقف :)

[بوحارب]

سعر حلوووووووووو من قلب