برنامج شهر العسل ماليزيا

[فـــــواز]

السلام عليكم ورحمة الله وبركاته

كيف الحال ياشباب

برنامجي كالتالي ياليت تعلقون عليه بالنسبه للفنادق للطياران وغيرها وش تنصحوني به اول مره اسافر ماليزيا مع الاهل


برنامج كما يلى ان شاء الله

الوصول يوم 25/6 _____ المغادره يوم 6/7 ________ البرنامج 10 ليالى

من 25/6 الى 27/6 كوالالمبور فندق مندرين اوريانتال غرفه ديلوكس عالبلد 690 رنجت ليلتان = 1380 رنجت

من 27/6 الى 29/6 لنكاوى فندق ويستن غرفه ديلوكس عالحديقه 900 رنجت ليلتان = 1800 رنجت

من 29/6 الى 2/7 بينانج فندق راسا سيانج غرفه ديلوكس مواجهه للبحر 725 رنجت 3 ليالى = 2175 رنجت

من 2/7 الى 5/7 كاميرون فندق كاميرون غرفه ديلوكس 660 رنجت ليلتان = 1320 رنجت

من 5/7 الى 6/7 كوالالمبور فندق ويستن غرفه ديلوكس عالبرجين 710 رنجت ليله واحده

اجمالى تكلفه الفنادق تحديدا كما جاء اعلاه شامله المصاريف والضرائب و2 افطار لكل غرفه ( عدا كاميرون بدون افطار ) = 7385 رنجت

الطيران الداخلى ________ الماليزى

يوم 27/6 من كوالالمبور الى لنكاوى للشخص 290 رنجت شخصين = 580 رنجت

يوم 29/6 من لنكاوى الى بينانج بالعباره وتحجزها بنفسك من الفندق

اجمالى تكلفه الفنادق والطيران = 7385 + 580 = 7965 رنجت

والله ولى التوفيق

وشرايك غالي رخيص المبلغ لاني حاجز عن طريق شركه ؟؟

وبالنسبة للفنادق نظيفه اهم شي تكون نطيفه ومرتبه وقريبه من كل شي الاسواق المطاعم وغيرها

في الانتظار جزاك الله خير

[فـــــواز]

هذا المجموع بالقطري = 9,031.70 Qatari

[فـــــواز]

السفر 24 / 6 الساعه 2 الظهر 20 دقيقه الوصول الى كوالمبور اليوم الثاني بتاريخ 25 / 6

والمغادره بتاريخ 6 /7 الساعه 4 الفجر 15 دقيقه

[الغفير]

بصراحة اغلب الفنادق ما اعرفها
بس بخصوص المبلغ الاجمالي للرحله
9 الف ريال
اشوفه وااااايد وايد زين
و بخصوص لنكاوي رأيي تحجز من هناك

و الله يسعدكم يا رب



نسيت اقول لك
جمعه مباركه

[إعلامي قطر]

..

هلا الشيخ ..

بالنسبه للجدول حلو بس لو تقدر تخلي رجعتك لكوالا بدري أكثر
يعني مثلاً بدال لاتقعد بالأخير ليله وحده بكوالا تقعد ليلتين أو ثلاث
وأنصحك إنك ماتقعد أكثر من ليلتين بكاميرون هايلند ..

ورجعتك بدري لكوالا منها تركلس وتتشرى أغراض لو حاب ..

أيضاً بالنسبه لبينانق عن نفسي جربت فندق الهوليدي إن من فترة بسيطة
" البرج المطل على البحر " وأنصح أي واحد ياخذ هالفندق لأن موقعه
جغرافي ومن تطلع منه يكون قدامك السوق ممتد بشكل موازي للسيف
" ستايل بوكيت " والمطاعم بالهبل خصوصاً مطعم السفينه أول مطعم
لاصق بالهوليدي إن وهالمطعم ملك الستيكات بماليزيا .. :nice:

ما أنصحك تروح مطعم السفينه بكوالا لأنه ملك النامس بالشرق الأوسط .. :eek5:

أيضاً بالنسبة للفنادق أنصحك بكوالا تسكن بالماريوت بصراحه عجيب وفيه
مطعم جاكي شي خيالي ملك الستيكات بالعالم لوول شفيني مركز على المطاعم ..

الستيكات فيه من 100 رنقت لين 500 رنقت .. :rolleyes2:
الرنقت الواحد = ريال قطري .. تقريباً وأعتقد الرنقت أغلى بشوي ..

وفيه محلات حلوه وخدمتهم حلوه بصراحه وحتى تلفزيونهم
فيه قنوات عربيه ورياضيه << لهوات الكوره .. :tease:


وبالنسبه لفندق كاميرون أعتقد هو نفسه إللي آنا سكنت فيه
إسمه كاميرون أو هايلند أو شي هالشكل بصراحه خربطت بينه
وبين إللي سكنت فيه بجنتنق المهم سعره كان حوالي 200 رنقت
وهو أعتقد أعلى فندق بكاميرون هايلند !!

أيضاً بالنسبة لروحتك لنكاوي حضرتك ذكرت إنك عقب لنكاوي
بتنزل بينانق بالفييري "العباره" وواضح إن نزلتك هذي دون رجعه !!

أو إنك عقب ماتخلص من بينانق بترجع لنكاوي
ومن لنكاوي بترجع بطياره لكوالا ؟؟!!

عموماً بالحالتين أحس مشوارك مرهق بهالجزئيتين يعني
شلون بتشل قشارك وياك وبتركب الفيري وهالشكل؟!

عموماً بقول لك إقتراحي وإنت براحتك ..
آنا نزلت من كوالا لبينانق وقعدت فيها ومنها طلعت رحله لين لنكاوي ورجعت
بنفس اليوم وبهالرحله يودونك أهم معالم لنكاوي وتكون رحله حلوه ومتكامله ..

بس القصد إنك تكون مخلي أغراضك في بينانق ومستقر هناك وهذا الأفضل ..
وأعتقد 10 ليالي كفايه فيها تسكن يا في بينانق أو لنكاوي ومايحتاي الثنتين !!

يعني تخليها سحبه وحده من 27 لين2 في بينانق وخلال هالفتره تروح رحلات
إلى لنكاوي وغيرها " وعلى فكره بينانق نسخه مطورة لجزيرة فوكيت أو بوكيت "

وطبعاً كل شي بحسابه لأن بينانق أغلى ..

وإن كنت أشوف المتعه في بوكيت غير !!


وعلى فكره كل تنقلاتي داخل ماليزيا من كوالا لين بينانق " حوالي 4 ساعات ونص "
ومن بينانق لين كاميرون "حوالي 4 ساعات " ومن كاميرون لين جنتنق " حوالي
3 ساعات " رجوعاً من جنتنق لكوالا " حوالي ساعه " كانوا مع الدريول بالسياره ..


عموماً مابي أجنح .. :shy:


بالنسبة للأسعار ألاحظ عليها مرتفعه يمكن لسببين:
1- بداية موسم
2- طحت على شركة غاليه

إذا حاب تعيد حساباتك أو تتأكد أنصحك تمر سفريات نفقيشن إللي بالمطار
إحذى مكتب القطرية وتطلع الطابق الثاني عند هندي إسمه باول ..


بالنسبة لماليزيا إذا حاب تلف بكوالا مع دريول يحاسبك على الساعه
20 رنقت بلغني وبعطيك رقم بوراشد خوش دريول
وأمين وحبوب وسنداره شوي ههه ..


وإذا بتدبر أمورك هناك براحتك لكن حاسب حاسب حاسب من الهندوس
الله ياخذهم ولاتصدقهم ترى كذابين لدرجه ماتتخيل وكل واحد فيهم
طابع له تسعيره خاصه فيه ويقص على العرب للأسف الشديد ..


بالتوفيق إن شاء الله ..

..

[إعلامي قطر]

جمعه مباركه



لعموم الفائده إسمح لي أعلق على هالنقطه بالعام ..

لايجوز بأي شكل من الأشكال المباركه بيوم الجمعه
وإن كان هذا اليوم يعتبر كعيد للمسلمين ..

لكن الأعياد إللي نبارك فيها عيدين لا ثالث لهما ومعروفين للكل .. :shy:

المصدر: جهة موثوقة .. :nice:



..

[HADi]

السفر 24 / 6 الساعه 2 الظهر 20 دقيقه الوصول الى كوالمبور اليوم الثاني بتاريخ 25 / 6

والمغادره بتاريخ 6 /7 الساعه 4 الفجر 15 دقيقه

في نقطه مهمه اخوي بنبهك عليها ..

طيارتك الساعه 2 وعشرين دقيقه وغلبا بتتاخر يعني بطير الساعه 3

+ 8 ساعات الرحله

بتوصل الساعه 10

لين ما توصل الفندق 11 او اكثر بعد وطبعاً بترقد بتنحسب عليك ليله بدون فايده

لو تاخر الرحله يوم يعني بتاريخ 27

في طياره الساعه 01:15 صباحاً

وفيه بعد الساعه 20:30

اعتقد افظل لك

[بدور]

9,031.70 <<<< ماعرفت اقرا كم المبلغ الصراحه

السفره كلها تكلفك 9000 ريال بسسسسسسسسس مثل ماقال الغفير

سعر خيالي واااااااااايد معقوله 9000 ريال فقط طار عقلي

[بن مخشدع]

جاييينش ياماليزيا جايينششش

من كثر ما الشباب سندروا راسي بروح لها

[فـــــواز]

جزاكم الله خير

بعلق بالموضوع لي رجعه بعد

[فـــــواز]

بصراحة اغلب الفنادق ما اعرفها
بس بخصوص المبلغ الاجمالي للرحله
9 الف ريال
اشوفه وااااايد وايد زين
و بخصوص لنكاوي رأيي تحجز من هناك

و الله يسعدكم يا رب



نسيت اقول لك
جمعه مباركه




جزاك الله خير يالغالي

والله يبارك فيك

[فـــــواز]

..

هلا الشيخ ..

بالنسبه للجدول حلو بس لو تقدر تخلي رجعتك لكوالا بدري أكثر
يعني مثلاً بدال لاتقعد بالأخير ليله وحده بكوالا تقعد ليلتين أو ثلاث
وأنصحك إنك ماتقعد أكثر من ليلتين بكاميرون هايلند ..

ورجعتك بدري لكوالا منها تركلس وتتشرى أغراض لو حاب ..

أيضاً بالنسبه لبينانق عن نفسي جربت فندق الهوليدي إن من فترة بسيطة
" البرج المطل على البحر " وأنصح أي واحد ياخذ هالفندق لأن موقعه
جغرافي ومن تطلع منه يكون قدامك السوق ممتد بشكل موازي للسيف
" ستايل بوكيت " والمطاعم بالهبل خصوصاً مطعم السفينه أول مطعم
لاصق بالهوليدي إن وهالمطعم ملك الستيكات بماليزيا .. :nice:

ما أنصحك تروح مطعم السفينه بكوالا لأنه ملك النامس بالشرق الأوسط .. :eek5:

أيضاً بالنسبة للفنادق أنصحك بكوالا تسكن بالماريوت بصراحه عجيب وفيه
مطعم جاكي شي خيالي ملك الستيكات بالعالم لوول شفيني مركز على المطاعم ..

الستيكات فيه من 100 رنقت لين 500 رنقت .. :rolleyes2:
الرنقت الواحد = ريال قطري .. تقريباً وأعتقد الرنقت أغلى بشوي ..

وفيه محلات حلوه وخدمتهم حلوه بصراحه وحتى تلفزيونهم
فيه قنوات عربيه ورياضيه << لهوات الكوره .. :tease:


وبالنسبه لفندق كاميرون أعتقد هو نفسه إللي آنا سكنت فيه
إسمه كاميرون أو هايلند أو شي هالشكل بصراحه خربطت بينه
وبين إللي سكنت فيه بجنتنق المهم سعره كان حوالي 200 رنقت
وهو أعتقد أعلى فندق بكاميرون هايلند !!

أيضاً بالنسبة لروحتك لنكاوي حضرتك ذكرت إنك عقب لنكاوي
بتنزل بينانق بالفييري "العباره" وواضح إن نزلتك هذي دون رجعه !!

أو إنك عقب ماتخلص من بينانق بترجع لنكاوي
ومن لنكاوي بترجع بطياره لكوالا ؟؟!!

عموماً بالحالتين أحس مشوارك مرهق بهالجزئيتين يعني
شلون بتشل قشارك وياك وبتركب الفيري وهالشكل؟!

عموماً بقول لك إقتراحي وإنت براحتك ..
آنا نزلت من كوالا لبينانق وقعدت فيها ومنها طلعت رحله لين لنكاوي ورجعت
بنفس اليوم وبهالرحله يودونك أهم معالم لنكاوي وتكون رحله حلوه ومتكامله ..

بس القصد إنك تكون مخلي أغراضك في بينانق ومستقر هناك وهذا الأفضل ..
وأعتقد 10 ليالي كفايه فيها تسكن يا في بينانق أو لنكاوي ومايحتاي الثنتين !!

يعني تخليها سحبه وحده من 27 لين2 في بينانق وخلال هالفتره تروح رحلات
إلى لنكاوي وغيرها " وعلى فكره بينانق نسخه مطورة لجزيرة فوكيت أو بوكيت "

وطبعاً كل شي بحسابه لأن بينانق أغلى ..

وإن كنت أشوف المتعه في بوكيت غير !!


وعلى فكره كل تنقلاتي داخل ماليزيا من كوالا لين بينانق " حوالي 4 ساعات ونص "
ومن بينانق لين كاميرون "حوالي 4 ساعات " ومن كاميرون لين جنتنق " حوالي
3 ساعات " رجوعاً من جنتنق لكوالا " حوالي ساعه " كانوا مع الدريول بالسياره ..


عموماً مابي أجنح .. :shy:


بالنسبة للأسعار ألاحظ عليها مرتفعه يمكن لسببين:
1- بداية موسم
2- طحت على شركة غاليه

إذا حاب تعيد حساباتك أو تتأكد أنصحك تمر سفريات نفقيشن إللي بالمطار
إحذى مكتب القطرية وتطلع الطابق الثاني عند هندي إسمه باول ..


بالنسبة لماليزيا إذا حاب تلف بكوالا مع دريول يحاسبك على الساعه
20 رنقت بلغني وبعطيك رقم بوراشد خوش دريول
وأمين وحبوب وسنداره شوي ههه ..


وإذا بتدبر أمورك هناك براحتك لكن حاسب حاسب حاسب من الهندوس
الله ياخذهم ولاتصدقهم ترى كذابين لدرجه ماتتخيل وكل واحد فيهم
طابع له تسعيره خاصه فيه ويقص على العرب للأسف الشديد ..


بالتوفيق إن شاء الله ..

..

الله يوفقك يالغالي وما قصرت على التعليق الطيب الي افادني وتمت زياده الايام في اخر يوم بكوالمبور الى يومين زياده

وبالنسبة لسعر نعم سعر الموسم

ويعطيك الف عافيه

[فـــــواز]

في نقطه مهمه اخوي بنبهك عليها ..

طيارتك الساعه 2 وعشرين دقيقه وغلبا بتتاخر يعني بطير الساعه 3

+ 8 ساعات الرحله

بتوصل الساعه 10

لين ما توصل الفندق 11 او اكثر بعد وطبعاً بترقد بتنحسب عليك ليله بدون فايده

لو تاخر الرحله يوم يعني بتاريخ 27

في طياره الساعه 01:15 صباحاً

وفيه بعد الساعه 20:30

اعتقد افظل لك

هادي مشكور على مرورك الطيب

الله يجزاك خير نعم فكره طيبة وتم تعديل السفره ان شاء الله ويسر على يوم قبل السفر يعني 23 6

وكسبنا يوم كامل وحطيناها باخر شي كوالمبور

بيض الله وحهك على النقطه المهمه هذي

[فـــــواز]

9,031.70 <<<< ماعرفت اقرا كم المبلغ الصراحه

السفره كلها تكلفك 9000 ريال بسسسسسسسسس مثل ماقال الغفير

سعر خيالي واااااااااايد معقوله 9000 ريال فقط طار عقلي


تسلمين على المرور والتعليق

[فـــــواز]

جاييينش ياماليزيا جايينششش

من كثر ما الشباب سندروا راسي بروح لها


تروح لها وانت طيب ان شاء الله

تروح وترجع بسلامه يالغالي

[فـــــواز]

مشكورين ياشباب

وصدق من نشد واستشار ما ضاع

يعطيكم الف عافيه يا احسن اعضاء بالمنتدى والاعضاء الاخرين مافيهم اقصور

[كاتم المواجع]

مرحبا اخوي فواز
اذا بغيت رقم سائق في كوالامبور ويوديك لاي مكان بسعر مناسب وسياره جديده
عن تجربه

[فـــــواز]

مرحبا اخوي فواز
اذا بغيت رقم سائق في كوالامبور ويوديك لاي مكان بسعر مناسب وسياره جديده
عن تجربه

الله يعطيك العافيه اخوووي وما تقصر

مشكور

[ولد الزبارة]

جدولك ممتاز جدا .

بس حاول تزيد من مدة العاصمة ( كوالالمبور) عشان التسوق والتمشي فيها ، ولا يطوفك العود والمطاعم العربية .

وأنصحك بالماريوت اللى جنب الوستن ، لانه افخم والريوق الذ و ارقى

وبالنسبة لبييانج:لقد احسنت الاختيار لفندق ( راساسيانج) فندق راقي وهادئ جدا وموقع ممتاز بالقرب من السوق الليلي .


الله يوفقك ويونسك

نصيحه /

حاول تودي وياك ، أشرطة لأمة الحرم المكي ( السديس والشريم ) كهدايا للمسلمين هناك ، وشوف مدى فرحتهم.
تعرف حب المسلمين للحرم وأئمتها

[ALKASER]

السلام عليكم اخوي
ترا السعر 9000 وشوي وايد زين وممتاز جدا انا كنت متوقع بتقول على الاقل 15000
وترا فندق مندرين اوريانتال من افضل الفنادق في كوالا وهو اقرب فندق للبرجين ولاصق فيه وفخم جدا وراقي والباقيين انا مش متاكد لاني ما رحت الا لبينانج وكنا في فندق وايد وايد ممتاز بس ما ذكر اسمه وكوالا وسن واي الي انا حاليا ادرس فيها دراستي الجامعية وهي جنب كوالا
هههههههه مع اني ادرس في ماليزيا بعس ما رحت للاماكن الحلوة الي فيها ههههههههه شنسوي الجامعه ماتخلي الواحد على راحته ادعيلنا
وبالتوفيق واي خدمه انا حاضر راسلني على الخاص
دمت بود

[فـــــواز]

جدولك ممتاز جدا .

بس حاول تزيد من مدة العاصمة ( كوالالمبور) عشان التسوق والتمشي فيها ، ولا يطوفك العود والمطاعم العربية .

وأنصحك بالماريوت اللى جنب الوستن ، لانه افخم والريوق الذ و ارقى

وبالنسبة لبييانج:لقد احسنت الاختيار لفندق ( راساسيانج) فندق راقي وهادئ جدا وموقع ممتاز بالقرب من السوق الليلي .


الله يوفقك ويونسك

نصيحه /

حاول تودي وياك ، أشرطة لأمة الحرم المكي ( السديس والشريم ) كهدايا للمسلمين هناك ، وشوف مدى فرحتهم.
تعرف حب المسلمين للحرم وأئمتها

الله يجزاك خير على الفكره الطيبه بتوزيع الاشرطه

ومشكور على المرور

[فـــــواز]

السلام عليكم اخوي
ترا السعر 9000 وشوي وايد زين وممتاز جدا انا كنت متوقع بتقول على الاقل 15000
وترا فندق مندرين اوريانتال من افضل الفنادق في كوالا وهو اقرب فندق للبرجين ولاصق فيه وفخم جدا وراقي والباقيين انا مش متاكد لاني ما رحت الا لبينانج وكنا في فندق وايد وايد ممتاز بس ما ذكر اسمه وكوالا وسن واي الي انا حاليا ادرس فيها دراستي الجامعية وهي جنب كوالا
هههههههه مع اني ادرس في ماليزيا بعس ما رحت للاماكن الحلوة الي فيها ههههههههه شنسوي الجامعه ماتخلي الواحد على راحته ادعيلنا
وبالتوفيق واي خدمه انا حاضر راسلني على الخاص
دمت بود


الله يوفقك اخوووي بدراستك

الله يعطيك العافيه على التعليق

[مس هلا]

تصدقون اشتهيت ارووووووووح لماليزيا.....

[خشوف]

طيب هل السعر شامل التذاكر لشخصين ؟

[رنج سبورت]

ماراح تندم على حجزك في مندرين اورينتال

حاول تشوف ريجنسي اعتقد اسعار السكن عندهم ارخص

[ثاني]

بالتوفيق أخوي فواز

[فـــــواز]

تصدقون اشتهيت ارووووووووح لماليزيا.....

تروح له وانت طيب مشكور على المرور

[فـــــواز]

طيب هل السعر شامل التذاكر لشخصين ؟

مرحبا توني شايف الرد والرساله على الخاص ورديت عليك بس مافهمت وش كنت تقصد كنت

الحين عرفت
السعر التذاكر لا اخووي من دون سعر التذاكر

التذاكر انا حاجزها من القطريه


واسمحلي توني مشيك الحين على الرد على الموضوع

[فـــــواز]

ماراح تندم على حجزك في مندرين اورينتال

حاول تشوف ريجنسي اعتقد اسعار السكن عندهم ارخص

اخووي ما ادري ليه احسن ريجنسي غالي يمكن اغلى سفريات اشوفها

مشكور على مرورك

[فـــــواز]

بالتوفيق أخوي فواز


وياك يالغالي


جزاك الله خير

الله يعطيك الصحه والعافيه

[ام المراد]

بالتوفيق ...

[فـــــواز]

جزاك الله خير

مشكوره على المرور

[عندليب قطر]

جزاك الله خير يالغالي

والله يبارك فيك

[راعي ال2008 الاسود]

جزاك الله خير اخووي فواز على هالموضوع الحلو