المساعد الشخصي الرقمي

مشاهدة النسخة كاملة : استفسار عاجل


سوق واقف
10-05-2008, 10:27 PM
السلام عليكم ورحمة الله وبركاته

شباب شريت سيارة جديدة والحمد الله بس سؤال أنا راعي سفر بر واحب السفر وكل أسبوعين أسافر مرتين

ابي شيء احطه على الموتر ما يطير صبغ وجه الموتر ولا الليتات تصفر

يقولون العازل الورق مع الايام لونه يتغير وومكن يطير الصبغ في طريقة غير لوكس

أرجو أنكم تفيدوني
بوحارب
10-05-2008, 10:32 PM
سو له تغبيره كل ما تسافر ^^
سوق واقف
10-05-2008, 10:33 PM
التغبيرة تطير أبو الصبغ
بوحارب
10-05-2008, 10:37 PM
خلك على اللوكس ابرك لك
بن مخشدع
10-05-2008, 10:38 PM
لوكس من واقع تجربه يحافظ على السيارة ولا يطير اللون مثل التغبيره

وان احتديت برقع خشم الموتر وانتهى الموضوع
ولد-قطر
10-05-2008, 10:43 PM
ركب للاصق الي عند مركز حماية في شارع السد
سوق واقف
10-05-2008, 10:43 PM
العازل الي في شارع السد مب زين
أرجو الإجابة
اللوكس مشاوير طويلة مب شيء

أنا رحت البحرين وعقب من البحرين الكويت يوم وصلت الكويت الي الصدام طاير لونه

لأنه يقولون اللوكس في الصيف مب زين لأنه مواد كيمياوية مع ضربة الشمس يخرب الصبغ
سوق واقف
10-05-2008, 10:43 PM
ركب للاصق الي عند مركز حماية في شارع السد

أذا جيت أشيل اللاصق ما يطير الصبغ
ANONYMOUS
10-05-2008, 10:48 PM
تسافر كل اسبوعين مرتين :)


يعني تسافر كل اسبوع

اسبوعيا

نرجع لمحور حديثنا


الاصق الشفاف احد الاصدقاء ركبه بـ 3000 ريال

تأكد منهم هل عليه ضمان..

هل يتغير لونه

هل يتقشر الصبغ يوم تشيله..

اسأل اللي بخاطرك

والطلب منههم ورقة ضمان اذا ناسبك العرض

اما اللوكس والتغبيره ف مادري عنهم
سوق واقف
10-05-2008, 10:49 PM
تسافر كل اسبوعين مرتين :)


يعني تسافر كل اسبوع

اسبوعيا

نرجع لمحور حديثنا


الاصق الشفاف احد الاصدقاء ركبه بـ 3000 ريال

تأكد منهم هل عليه ضمان..

هل يتغير لونه

هل يتقشر الصبغ يوم تشيله..

اسأل اللي بخاطرك

والطلب منههم ورقة ضمان اذا ناسبك العرض

اما اللوكس والتغبيره ف مادري عنهم

انت تقول أطلب ضمان الزين لو المحل سكر وين أدورهم عقب
أم الزين
10-05-2008, 10:50 PM
لوكس طال عمرك وبس

وانتبه من التغبيرة مب شي وتأثر على لمعان السيارة
سوق واقف
10-05-2008, 10:57 PM
اللوكس مسافات قصيرة
أنا أبي أسافر مكة إن شاء الله والمدينة واللوكس ما يتحمل
الـخـور
10-05-2008, 10:58 PM
تبي نصيحتي

لا لوكس ولاتغبيره ولاشي

اذا جاك الرمل والعج خف السرعه عند 80 واذا مافي رمل عادي اسرع

بتشوف الصبغ تمام ومافي اي شي تحتاجه
قطري33
10-05-2008, 11:01 PM
العازل الي في شارع السد مب زين أرجو الإجابة
اللوكس مشاوير طويلة مب شيء

أنا رحت البحرين وعقب من البحرين الكويت يوم وصلت الكويت الي الصدام طاير لونه

لأنه يقولون اللوكس في الصيف مب زين لأنه مواد كيمياوية مع ضربة الشمس يخرب الصبغ

اول مره اسمع هالكلام اخوي سوق واقف.. بالعكس ناس وايد ركبوه وامدحوا لي فيه .. وبعدين هاذا منتج امريكي معروف وعليه ضمان بعد... وانا مركب على موتري والحمدالله ماشكيت منه ابدا... باللعكس يحمي الصبغه ويحمي الزجاج الامامي من الحصى
الهاوي28
10-05-2008, 11:09 PM
مره نسيت اللوكس على موتري والموتر صاف بره الطبيله تحت الشمس

جيت اليوم الثاني اللوكس صاير كانة اسمنت

ههههههههه اللون الاسود تغير صار ابيض من اللوكس
ANONYMOUS
10-05-2008, 11:15 PM
انت تقول أطلب ضمان الزين لو المحل سكر وين أدورهم عقب



لا مب مسكر قريب

الا اذا خالف الشروط الصحيه هههههههههههه

لان المحل جديد والحركه في الدوحه جديده

ف يبي له كم سنه

عادي تلحق تبدل موترك اذا انت من النوع اللي يبدل سيارته كل 5 سنين
فلفل حار
10-05-2008, 11:18 PM
بسم الله الرحمن الرحيم

اللوكس حلو وفعلا يحافظ لك علي السياره حتي لو الجو برع اعصار :eek5: بس مشكلته يطير لك لمعة السياره والقهر لو كان لون موترك اسود او رمادي يعني لون غامق وتروح لمعته مب شي ، وبعد لو طولت خليته علي السياره وايد بيصير الصبغ كأنه مجعد مادري شلون بس مايبين الا من قريب ، يعني انسى تركبه لأي سياره جديده

التغبيره حلوه وماعليها اضرار بأذن الله حسب ماشوف بس بعد ماتطول تخليها علي السياره والتغبيره طال عمرك اغلب الي يقولك انها طارت بسرعه هذول لانهم يرشونها ويقبضون الخط ويكيم لك علي الخط 180 لي البحرين ويرجع الدوحه يتشكي منها ، بالعكس التغبيره ترشها بالمحطه الي عند دوار القلعه سابقا وعقب تروح السوبرماركت احذاه تاخذ لك خرابيط السفره من اكلات خفيفه وبسكوت وغيره :discuss: تنطر علي التغبيره 10 دقايق لي ربع ساعه علي ماتجف مضبوط وعقبها توكل علي الله وامش بسرعه معقوله مب كله مداعس ، هذا لو كان الجو عاصف :rolleyes2: بس لو كان مطر لاتحط التغبيره لانه بتروح بالراحه وماتحتاج اصلا حق التغبيره ولا غيرها للسياره دام الماي يهل علي الموتر

والحمايه الي بالسد انا مريته ، شغله عدل لكن اسعاااره تعور البطن علي قولة احد الاعضاء :shy: حق فور ويل جديد قالي الليتات الاماميه مع الكشافات ب800 ريال ، والزجاج الكبير الامامي بـ 800 ريال ، بس لو ابي الوجه كامل للسياره من ليتات اماميه + كشافات+ نص البانه + نص الرفارف الاماميه + المناظر الجانبيه + الشبك + الصدام الامامي كااامل = 3700 ريال :eek5:

والضمان مدى الحياه وكل ثلاث شهور تروح له سيرفز بس دقائق معدوده يسوي لك تنظيف علي الحمايه الي ركبته مجانا طبعا وهذا شي طبيعي بعد مابتدفع مبلغ وقدره من اولها :anger1:

والبرقع مابينفع لانه مع قبضة الخط والهوى مكان الفراغ في النص في البانه بيتم يراقع علي البانه طول الخط وبيشمخ لك البانه شويااات او وايد علي حسب سرعتك ، يعني لاتعب نفسك وتفصل لانه حرام مايستاهل تشمخ لك البانه مع انه حمايه ممتازه للسياره ، وغير العباله تعال فك وركب كل شوي :rolleyes2:

الحين طال عمرك بنصحك علي حسب السياره الي خذتها ، هل هي سيارة العمر وبـ تم عندك سنين قدام ؟ ان كان جوابك نعم توكل علي الله وركب حمايه وروح محلهم بنفسك وشوف شغلهم يمكن يعجبك مثل ماعجبني:discuss:

بس الي ماعجبني بـ كلامه وحسيته مبالغ فيه قال لي لاتحط صابون لوكس او تغبيره فوق الحمايه كلش لانه يعملون لك نفس التيزاب ويخرب لك الحمايه علي الليتات ، طيب التغبيره ينعد اساسا من طين وماي ؟ حاله حال لو ايام الوسمي بالشتا دخلت بالبر علي سنه وموترك انطبن من الطين ، واللوكس مجرد صابون حاله حال الصابون الي نغسل به سياراتنا بالمغاسل ؟ يعني معقوله في شي يأثر وشي لا ؟ مدري ليه قال هالكلام

بس ان كاانت روحاتك للسعوديه والرياض ممكن تركب هناااك عند وكيلهم ، بيطلع عليك ارخص واااجد من الدوحه بفارق مايقل عن 1500 إلى 2000 ريال واتوقع اكثر حسب ماوصل لي الكلام ( عن تلفون قوتشي:secret: ) بس طبعا لو بالدوحه اشوفه افضل لانه لاتنسي سيرفز التنظيف كل 3 ثلاث شهور + لو انه لاسمح الله اخترب عليك الحمايه ترد له ويغيره له مجانا ع الضمان ، وشخصيا اخوك لي الحين محتار لاني بيني وبينك مثل ماشفت انه حمايه ممتاز ويحمي من الاغبره والاتربه ، نفسيا انا ماقتنعت اقط 4 الاف ريال علي لزقه ، ولازم اوضح لك هـ الشي عشان ماتقول من كلامي ومدحي لهم اني مركب عندهم :)

وان شاء الله قدرنا نـفيدك يالغالي :)
ولد-قطر
10-05-2008, 11:38 PM
أذا جيت أشيل اللاصق ما يطير الصبغ

والله يفداك الكذب مادري بس الي اعرفه اذا ركبت الاصق مالك حاجه تشيله لانه راح يكون شفاف


واذا تبغي روح جرب زيبارت حق ناصر بن خالد في طريق سلوى
nedoo
11-05-2008, 12:04 AM
اخوي انا جربت التغبيره الصيف الي فات رحت لبنان وسوريه والاردن في الموتر حطيت التغبيره في الليل ومشيت ثاني يوم الظهر وتمت التغبيره لين غسلت الموتر وكنت امشي 180-200 وللسفرات القريبه انصحك بالشامبو دوف او هاي اند شودز لانه اثقل من اللوكس
صندح
11-05-2008, 04:41 AM
العازل الي في شارع السد مب زين
أرجو الإجابة
اللوكس مشاوير طويلة مب شيء

أنا رحت البحرين وعقب من البحرين الكويت يوم وصلت الكويت الي الصدام طاير لونه

لأنه يقولون اللوكس في الصيف مب زين لأنه مواد كيمياوية مع ضربة الشمس يخرب الصبغ


كلام صحيح

صندح
فلفل حار
12-05-2008, 01:29 PM
شكله سوق واقف فنقش من اسعار الحمايه:eek5:

بعد عمر طويل ان شاء الله :nice:
أســ الحـب ــير
12-05-2008, 04:10 PM
الصراحه ولا شئ ينفع

انا حطيت التغبيره على الرنج القبلي حرق البلاستيك الي على الكشافات واليتات ماتأثرت لانها زجاج طير لمعت البانه لدرجه لين جيت ابيعه قالي احمد نجم البانه مصبوغه :anger1:

والحمايه فيه مشكله وحده ، انه بعد ماتشيله يطير لمعت الموتر مثله مثل الاصق الملون الي يركبونه في دبي على 30000 الف اسود مات وغيره ....

وبخصوص اللوكس واحد حاطه على لكزس طير صبغة البانه والصدام وحرق زجاج الليتات كلفه
الموتر 4000 ريال

بالعربي لي بغيت تسافر دق سلف وروح اهم شئ (دعاء السفر):nice: