قراصنة البلوتوث يستطيعون تحديد الفريسة

[إنسان]

http://www.imagup.info/images/06/1196886573_funny-bluetooth.jpg

أماكن تواجدهم: المجمعات (الكوفي شوب و ساحات المطاعم)

طريقة القرصنة: عمل بحث عن أجهزة لفترات زمنية متقاربة لمعرفة الأسماء الجديدة وتحديد المارة فتكون الفريسة حسب الإسم

نوعية الفريسة: الأسماء التي توحي بالرغبة في إستلام البلوتوث

أنواع القراصنة: بعض القراصنة هدفهم المرأة المتزوجة ويتم معرفتها من الإسم "أم فلان"

نوعية البلوتوث: صور خادشة للحياء (جنسية) وأيضا إرسال رقم الموبايل

................

لذا نوصي أولياء الأمور بعدم شراء موبايلات بها خاصية البلوتوث لأبنائهم وبناتهم

ولدي سؤال مُلح :

هل القانون يُدين من يُرسل رقم موبايله بالبلوتوث :confused:

[انا احساس]

اممممممم مااعتقد
اعتقد انها حرية شخصية وكذلك المستقبل
تسلم اخوي

[شاهين]

طيب ليش أم فلان
تفتح البلوتوث وتضغط موافق
ومن الأساس ليش تخلي البلوتوث شغااال
أأنا أقووول أن أي واااحد دش مكان عااام ومتعمد يخلي جوله شغااال
يتحمل اللي يجيه من ذنوووووب
سواً كانوا من التماسيييح أو من أم فلان أو أيً كاااان
ألا من كاااان ناااسي البلوتوث شغااال

والله يعييين أم فلان أذا بترووووح مكاان عام وبتخلي البلوتوث شغاااال







أقولك شي أكتب أسم بنت في البلوتوث:discuss:
وشوووووووووف العجب اللي بيجيك
وأحلى أسم جااااني

( أضغط موافق وريح قلبي ):eek5:



ويعطيك العافيييه أخووووي
أنساااان

[ضوى]

هههههههههههههه

الحمد لله لا افتح البلوتوث ولا ادري عنه الا ببيت اهلي جان بيطرشون لي شئ والا ما لي حاجة فيه في المجمعات ، امحق ام فلان اذا بتفتح وبتستقبل من اغراب ملفات

[الامل القديم]

باعتقادي هؤلاء ناس فاضيه ماعندهم مخ ولا مسؤوليه

ولي يرمي الناس بحجاره ربنا يرميه بالاقوى

والدنيا دواره يوم لك وعشره عليك

[بوخالد2]

ياهلا اخوى انسان تعجبني مواضيعك :nice:

بس خاطرى اعرف ليش كاتبه ام فلان وتستقبل بعد ماعندها زوج ؟؟؟

ولا اللعبه والمتعه صارة موضه جديده الحين ( كلن يدورله صاحب يشكيله )

تدري والله مره رحت الالعاب اللى هناك في لاند ومريت على المطاعم عند الخرووج

الا والله شفت العجب يارجال

رجاجيل كبار في السن يدورون بلوتوث والله اني اطالعه واشر عليه واضحك عليه بعد

وعادي عنده

والله روح اليوم ولا الجمعه وتذكرني هنااك وبتشووف

[ام محمد ن]

بس انا عندي استفسار اش قصدة اللي يحط النك له اسمة الحقيقي ورقم تلفونة ولا مع فتح خط البلد اش يقصد

[إنسان]

اممممممم مااعتقد
اعتقد انها حرية شخصية وكذلك المستقبل
تسلم اخوي

إرسال صور مخلة بالآداب للآخرين حرية شخصية وممكن يكونون الآخرين من القصر

أختلف معاك وكلن له رايه

شكرا على المرور الكريم :discuss:

[الزاجل]

اغلاق خاصية تفعيل البلوتوث ..

افضل من الذهاب الى طريق المحاكم ..

[إنسان]

طيب ليش أم فلان
تفتح البلوتوث وتضغط موافق
ومن الأساس ليش تخلي البلوتوث شغااال
أأنا أقووول أن أي واااحد دش مكان عااام ومتعمد يخلي جواله شغااال
يتحمل اللي يجيه من ذنوووووب
سواً كانوا من التماسيييح أو من أم فلان أو أيً كاااان
ألا من كاااان ناااسي البلوتوث شغااال

والله يعييين أم فلان أذا بترووووح مكاان عام وبتخلي البلوتوث شغاااال

أقولك شي أكتب أسم بنت في البلوتوث:discuss:
وشوووووووووف العجب اللي بيجيك
وأحلى أسم جااااني

( أضغط موافق وريح قلبي ):eek5:

ويعطيك العافيييه أخووووي
أنساااان

بس والله جرأة ووقاحة .. ما يخافون أم فلان تجرجرهم في مراكز الشرطة :telephone:

مشكور اخوي شاهين على المرور الكريم

[شاهين]

بس والله جرأة ووقاحة .. ما يخافون أم فلان تجرجرهم في مراكز الشرطة :telephone:

مشكور اخوي شاهين على المرور الكريم


ماأعتقد تجرجرهم أم فلان
لانها رضت على نفسها أنها تستقبل المجهوووول

[إنسان]

هههههههههههههه

الحمد لله لا افتح البلوتوث ولا ادري عنه الا ببيت اهلي جان بيطرشون لي شئ والا ما لي حاجة فيه في المجمعات ، امحق ام فلان اذا بتفتح وبتستقبل من اغراب ملفات

لا تظلمين بختج اختي ضوى لأن اللي قالي السالفه كان يتكلم عن الزوج اللي استلم البلوتوث على موبايل هله وأم فلان ما تستلم بلوتوث من أغراب :nono:

كل الشكر لمرورك الكريم اختي ضوى

[إنسان]

باعتقادي هؤلاء ناس فاضيه ماعندهم مخ ولا مسؤوليه
ولي يرمي الناس بحجاره ربنا يرميه بالاقوى
والدنيا دواره يوم لك وعشره عليك

أتفق معاج بأنهم ناس فاضيه وتافهه والمصيبه بتلقين ناس عدت مرحلة المراهقه بسنين طويله وعايشين مراهقه متأخره

نقول الله يشفيهم ويهديهم ومشكوره اختي الأمل القديم على المرور الكريم

[إنسان]

ياهلا اخوى انسان تعجبني مواضيعك :nice:
بس خاطرى اعرف ليش كاتبه ام فلان وتستقبل بعد ماعندها زوج ؟؟؟
ولا اللعبه والمتعه صارة موضه جديده الحين ( كلن يدورله صاحب يشكيله )
تدري والله مره رحت الالعاب اللى هناك في لاند ومريت على المطاعم عند الخرووج
الا والله شفت العجب يارجال
رجاجيل كبار في السن يدورون بلوتوث والله اني اطالعه واشر عليه واضحك عليه بعد
وعادي عنده
والله روح اليوم ولا الجمعه وتذكرني هنااك وبتشووف

خل أم فلان محترمه نفسها من خلال الإسم عشان محد يطرش لها هالخرابيط وعلى الكلام اللي وصلني ان الزوج هو اللي فتح البلوتوث

بس شرايك في المتزوجات اللي يروحون المجمعات باسماء كلها دلع مثل الحلوه .. الدلوعه .. الفاتنه .. أم عيون كحيله .. الخ

وفاتحه البلوتوث حده :nice:

تسلم اخوي بوخالد ومرورك أسعدني

[إنسان]

بس انا عندي استفسار اش قصدة اللي يحط النك له اسمة الحقيقي ورقم تلفونة ولا مع فتح خط البلد اش يقصد

والله شكلج يا أم محمد ما سلمتي منهم وسؤالج حلو بس وين اللي بيجاوب :con2:

كل الشكر لمرورج الكريم

[إنسان]

اغلاق خاصية تفعيل البلوتوث ..

افضل من الذهاب الى طريق المحاكم ..

يا زج زج يا حبيب قلبي في ناس تبي حقها حتى لو وصلت للمحاكم بس السؤال اللي يرضخ نفسه هل بتاخذ حقك في المحكمه

وحشتنا يا القاطع

[ANONYMOUS]

ام فلان وفاتحه لبلوتوث وبمجمع لا.. وتستقبل بعد !!

هذي اشكره تبي تكوّن علاقات محرمه


انا لله وانا اليه راجعون

[الزاجل]

يا زج زج يا حبيب قلبي في ناس تبي حقها حتى لو وصلت للمحاكم بس السؤال اللي يرضخ نفسه هل بتاخذ حقك في المحكمه

وحشتنا يا القاطع

وحش كبير ياكلك :p

شوف صرت مسالم
وايد اسكت وافوض امري لله
والله يعوضنا خير ..

[FG]

:telephone:

أتصدق هذي التقنيه اللي ماهضمتها من قلب ..

[الزاجل]

:telephone:

أتصدق هذي التقنيه اللي ماهضمتها من قلب ..

ما استخدمتها كلش ؟ :secret:

[اعالي الجنان]

ذكرتني بموقف صار لي اخوي انسان
كنت مبطله بلوتوثي اخذ من خواتي اللي عندهم وكان ذي اول ماانتشر البلوتوث
ونسيت او ماجه في بالي اصكه وثاني يوم مريت المكتبه الا اسمع صوت من جوالي اكثر من مره شلته اشوف الاواحد مطرش لي بلوتوث (القلب الجريح-عساه دووم بهالحال) ورفضت وعاد ورفضت قمت ادور من وين اصكه وانا حالتي حاله مع ان النك ديني
ومن يومها وانا كله اصكه مابطله ابد
الله يهديهم ويصلحهم

[FG]

ما استخدمتها كلش ؟ :secret:


نادر جداً

لأني أصلاً ماأحب أخذ نغمات وصور واحطها بجوالي

اللي أعرفه أن الجوال للأتصال وأستقبال وأرسال الرسائل والايميلات

:victory:

[الزاجل]

نادر جداً

لأني أصلاً ماأحب أخذ نغمات وصور واحطها بجوالي

اللي أعرفه أن الجوال للأتصال وأستقبال وأرسال الرسائل والايميلات

:victory:

جذيه يحق لك :victory:

[بن مخشدع]

كيف بدنا نعيش بلا بلوتوث

الصراحه البلوتوث شي حلو احيانا تكون قاعد في مطعم والا كوفي شوب

وزين انك تتبادل المقاطع والصور مع اللي حولك خصوصا اذا كانوا من الجنس اللطيف :shy:

اهم شي انك ما تطرش مقاطع او صور وصخه

بعدين ليش حاطين اللوم على البنات

اشفيها اذا حطت ام فلان يمكن في الاساس ما تستقبل من حد غريب يمكن من رفيجاتها

ويمكن اللي يستقبل واحد من الشباب يعني ياما صارت

واحد من ربعي اذا متملل وجواله مافيه شي جديد يحط له نك نيم وحده

ويتم يستقبل بلاوي من الشباب

رجاء لا تحطون اللوم على البنات لان الاولى الشاب اصلا ما يطرش كانه حريص على ان البنت ما تحط نك نيم ام فلان والا ام زعطان

والسلام ختام

اخيرا انا مع قاعدة الاتصالات الجديدة اللي تقول :

بلتثني وابلتثك

:shy:

[@بوٍخلــي@]

اممممممممممممم
شكلكم نسيتوا شي
مب بس فاتحه البلوتوث بس
وبعد تستقبل

لا وبعد اهم شي

كـــــــــــــــــــــــــــــــاشخه حده

شتقولون انتو بس...
نسال الله العافيه

[إنسان]

ماأعتقد تجرجرهم أم فلان
لانها رضت على نفسها أنها تستقبل المجهوووول

لا ما استقبلت المجهول عطت زوجها يستقبل .. هذا الكلام اللي وصلني :yes:

وهو يسأل هل المحكمة تحكم له :court:

[التيما]

كلهم ما يستحون الي يشغلون البلوتوث من غير داعي رياييل وحريم ومالها معنى أصلا سواء مره ولا ريال ..

[إنسان]

ام فلان وفاتحه لبلوتوث وبمجمع لا.. وتستقبل بعد !!
هذي اشكره تبي تكوّن علاقات محرمه
انا لله وانا اليه راجعون

فلان ولدها وهي حاطه إسم أم فلان وهذا إعلان منها للناس اللي تفهم والغير متطفلين
"يا ناس أنا متزوجه وعندي عيال خلوني في حالي وأنا فاتحه البلوتوث مب لكم واشكالكم استحوا على وجيهكم أنا مب فاضيه كل شوي الا مسكرته واذا طلعت من المجمع ارد افتحه"

والسؤال اللي يسدح نفسه ليش المتزوجات صاروا مستهدفات ...

وخذ هذي عندك .. هذا أكبر دليل على وجود خلل في المجتمع إذا هذي هي سمعة المتزوجات وهذا ديدنهم .. اللهم لا تعاقبنا بما فعل السفهاء منا :omen2:

كل الشكر لمرورك الكريم

[قلب شاعر]

محد يفرض نفسه على الثاني ..... واجد ناس عندهم بلوتوث ولا عمهرهم شغلوه لدرجه لما تشغله تشوف اسم الجوال نفسه اللس جاي من الشركه .... بس انا لا حظت الكل يشغل بلوتوثه حتى اللي مايبغي يستلم اي شي بعد البلوتوث شغال.... وفي النهايه محد قال لهم يشغلونه او يستلمون .... انت عطيت الفرصه لغيرك يرسل واستقبلت ليش تحمل غيرك اهمالك وعدم حسن تدبيرك .....

[التيما]

فلان ولدها وهي حاطه إسم أم فلان وهذا إعلان منها للناس اللي تفهم والغير متطفلين
"يا ناس أنا متزوجه وعندي عيال خلوني في حالي وأنا فاتحه البلوتوث مب لكم واشكالكم استحوا على وجيهكم أنا مب فاضيه كل شوي الا مسكرته واذا طلعت من المجمع ارد افتحه"

والسؤال اللي يسدح نفسه ليش المتزوجات صاروا مستهدفات ...

وخذ هذي عندك .. هذا أكبر دليل على وجود خلل في المجتمع إذا هذي هي سمعة المتزوجات وهذا ديدنهم .. اللهم لا تعاقبنا بما فعل السفهاء منا :omen2:

كل الشكر لمرورك الكريم

اسمح لي اخوي ام فلان تفتحه في المجمع شولا ؟؟ ومن الاساس ليش تفتحه ؟؟ وبعدين من صعوبته كلش افتح واصك البلوتوث ؟؟ الا كبسه زر يشتغل وكبسه ثانيه يصكر .. مو قضيه .. لكن تقولي وحده تفتحه وتخليه شغال عمال على بطال مالها معنى ..

[بن مخشدع]

كلهم ما يستحون الي يشغلون البلوتوث من غير داعي رياييل وحريم ومالها معنى أصلا سواء مره ولا ريال ..

يعني انتي ما تستحين ؟؟ :secret:

شوفي هالرابط هديه مني لج

سبحان الله

http://qatarshares.com/vb/showthread.php?t=81055&highlight=%C7%E1%C8%E1%E6%CA%E6%CB

على فكرة انتي اللي كاتبه الموضوع :shy:

[شاهين]

لا ما استقبلت المجهول عطت زوجها يستقبل .. هذا الكلام اللي وصلني :yes:

وهو يسأل هل المحكمة تحكم له :court:


نفس الشي أخوووي
أنسااااان
أنت في مكاااان عااام ومحد جبرك تفتح البلوتووووث
أفترض محل تلفزيونات
وأنت مريت جنب المحل وشفت مقطع مخل بالأداب
من التلفزيونات المعروضه في المحل
تعتقد لو أشتكيت للمحكمه راح تحكم لك

[إنسان]

وحش كبير ياكلك :p

شوف صرت مسالم
وايد اسكت وافوض امري لله
والله يعوضنا خير ..

تصدق اني ما شفت اللي باللون المخفي إلا في الإقتباس

أما تفويض أمرك لله هذا يعني انك نضجت :p وبالفعل مافي أحسن من إنك تريح بالك وتحتسب الاجر :omen2:

[إنسان]

:telephone:
أتصدق هذي التقنيه اللي ماهضمتها من قلب ..


ما استخدمتها كلش ؟ :secret:


نادر جداً
لأني أصلاً ماأحب أخذ نغمات وصور واحطها بجوالي
اللي أعرفه أن الجوال للأتصال وأستقبال وأرسال الرسائل والايميلات
:victory:


جذيه يحق لك :victory:

يا جماعة الخير البلوتوث تقنية جميلة وتوفر عليك فلوس بحيث إنك تنقل الصور والمقاطع وكل شي بدون ما تدفع شي والبديل هو رسايل الـ SMS & MMS وعلى كل رساله الشيء الفلاني

المشكلة في سوء الإستخدام وفي المتطفلين والشيء اللي أستنكره وأدعوا الله الا يسلط عذابه علينا هو انتشار قضية أن المتزوجات هدف سهل للمغازلجيه

هذه هي القضية التي يجب علاجها قبل أن تستفحل

ويمكن استفحلت وأنا آخر من يعلم :mad:

[جلمود]

ياهلا اخوى انسان تعجبني مواضيعك :nice:

بس خاطرى اعرف ليش كاتبه ام فلان وتستقبل بعد ماعندها زوج ؟؟؟

ولا اللعبه والمتعه صارة موضه جديده الحين ( كلن يدورله صاحب يشكيله )

تدري والله مره رحت الالعاب اللى هناك في لاند ومريت على المطاعم عند الخرووج

الا والله شفت العجب يارجال

رجاجيل كبار في السن يدورون بلوتوث والله اني اطالعه واشر عليه واضحك عليه بعد

وعادي عنده

والله روح اليوم ولا الجمعه وتذكرني هنااك وبتشووف

يـــخي خلهم زقرت يتشببون :anger1: عادي :tease:

تبي الصدق أخوي إنسان الشرهه على البنت الي بتفتح البلوتوث وبتحطلي ( نك) سخيف

[إنسان]

ذكرتني بموقف صار لي اخوي انسان
كنت مبطله بلوتوثي اخذ من خواتي اللي عندهم وكان ذي اول ماانتشر البلوتوث
ونسيت او ماجه في بالي اصكه وثاني يوم مريت المكتبه الا اسمع صوت من جوالي اكثر من مره شلته اشوف الاواحد مطرش لي بلوتوث (القلب الجريح-عساه دووم بهالحال) ورفضت وعاد ورفضت قمت ادور من وين اصكه وانا حالتي حاله مع ان النك ديني
ومن يومها وانا كله اصكه مابطله ابد
الله يهديهم ويصلحهم

يالله خذ .. نك ديني وما سلمتي وأم فلان وما اسلمت بس غريبه أنا نكي حكمه ومحد يطرش لي :nice:

الحين اكتشفت السبب .. اختي اعالي الجنان انتي حاطه نك ديني بس انه يدل على الجنس وام فلان نفس الشي اما انا حاط حكمه بحيث ان الجنس مجهول فالمتطفلين من الجنسين يبحثون عن الجنس المغاير لهم فيحتارون في امري ومحد يقرب صوبي :nice:

حطي حكمه وافتحي البلوتوث وجربي يمكن يمشي الموضوع معاج

[التيما]

يعني انتي ما تستحين ؟؟ :secret:

شوفي هالرابط هديه مني لج

سبحان الله

http://qatarshares.com/vb/showthread.php?t=81055&highlight=%C7%E1%C8%E1%E6%CA%E6%CB

على فكرة انتي اللي كاتبه الموضوع :shy:

مادري انت تستعبط ولا تستظرف دمك ؟؟ اولا شدخل هالموضوع بموضوعي الي انت رازه هني ؟؟ وبعدين انا ما قلت ما عندي اسم للجوال بدليل اني قلت بكبسه زر اشغله وبكبسه زر اصكه .. انا كلامي عن الي مشغلين جوالهم عالفاضي والمليان .. وشكلك من هالنوعيه عشان جذي البطحه الي على راسك حسست من كلامي .. ودامك شفت هالموضوع القديم لي معناته انك عضو قديم وداش بنك غير او مطرود وداش بنك ثاني ..

مشكله الي يحطون نفسهم في مواقف بايخه ..

[إنسان]

كيف بدنا نعيش بلا بلوتوث
الصراحه البلوتوث شي حلو احيانا تكون قاعد في مطعم والا كوفي شوب
وزين انك تتبادل المقاطع والصور مع اللي حولك خصوصا اذا كانوا من الجنس اللطيف :shy:
اهم شي انك ما تطرش مقاطع او صور وصخه
بعدين ليش حاطين اللوم على البنات
اشفيها اذا حطت ام فلان يمكن في الاساس ما تستقبل من حد غريب يمكن من رفيجاتها
ويمكن اللي يستقبل واحد من الشباب يعني ياما صارت
واحد من ربعي اذا متملل وجواله مافيه شي جديد يحط له نك نيم وحده
ويتم يستقبل بلاوي من الشباب
رجاء لا تحطون اللوم على البنات لان الاولى الشاب اصلا ما يطرش كانه حريص على ان البنت ما تحط نك نيم ام فلان والا ام زعطان
والسلام ختام
اخيرا انا مع قاعدة الاتصالات الجديدة اللي تقول :
بلتثني وابلتثك
:shy:

والله سوالفك حلوه ياخوي بن مخشدع واستفدنا منك مصطلح جديد .. بلتثني وابلتثك على وزن مسجني وامسجك :nice:

[اكسجين]

يعني انتي ما تستحين ؟؟ :secret:

شوفي هالرابط هديه مني لج

سبحان الله

http://qatarshares.com/vb/showthread.php?t=81055&highlight=%C7%E1%C8%E1%E6%CA%E6%CB

على فكرة انتي اللي كاتبه الموضوع :shy:


بن مخشدع...:nice:..حلوة ملعوبة..

[إنسان]

اممممممممممممم
شكلكم نسيتوا شي
مب بس فاتحه البلوتوث بس
وبعد تستقبل
لا وبعد اهم شي
كـــــــــــــــــــــــــــــــاشخه حده
شتقولون انتو بس...
نسال الله العافيه

شلون عرفت انها كاشخه حده .. باين عليك يا بوخلي انت تعرف سوالف قراصنة البلوتوث ونبي نستفيد منك .. شلون يعرفون صاحبة الموبايل ويحددونها ويطرشون لها خصوصا انها مب قاعده معاهم في نفس المكان يمكن طايفه من جدامهم ويصكونها بالبلوتوث شلون اعرفوا نكها وناس وايد طايفين معاها وكلهم مشغلين البلوتوث :con2:

يا ريت تفيدنا :yes:

[الغفير]

بلتثني وابلتثك

:shy:


هههههههههه الله يقطع سوالفك
خشدعه و بلتثني و مادري شنو

تعجبني افكارك ياخي

بلتثني و ابلتثك :)
خخخخخخخخخخخخخخ

[إنسان]

كلهم ما يستحون الي يشغلون البلوتوث من غير داعي رياييل وحريم ومالها معنى أصلا سواء مره ولا ريال ..

إسمحي لي اختلف معاج التيما .. مره محترمه نفسها ونكها أم فلان مب نكها بنت هوى عشان يطرشون لها أرقامهم وعلى فكره هي ما استقبلت البلوتوث وقبل لا ترفضه زوجها طلب منها يشوفه .. كلمة ما يستحوون تنقال للناس المتطفلين مب لإنسان لمجرد انه فاتح البلوتوث مب فاضي كل شوي يسكره ويرد يفتحه عشان يتحاشى الفضوليين

يسلموووووووو المرور التيما

[إنسان]

محد يفرض نفسه على الثاني ..... واجد ناس عندهم بلوتوث ولا عمهرهم شغلوه لدرجه لما تشغله تشوف اسم الجوال نفسه اللس جاي من الشركه .... بس انا لا حظت الكل يشغل بلوتوثه حتى اللي مايبغي يستلم اي شي بعد البلوتوث شغال.... وفي النهايه محد قال لهم يشغلونه او يستلمون .... انت عطيت الفرصه لغيرك يرسل واستقبلت ليش تحمل غيرك اهمالك وعدم حسن تدبيرك .....

سؤال مباشر لك ياخوي قلب شاعر .. انت تسويها .. هل ترسل بلوتوث لغرض المغازل

إسمح لي .. عن نفسي أنا ما اسويها لأني محترم نفسي ومحترم الآخرين ومع ذلك أنا فاتح البلوتوث لأني مستثقل كل شوي اسكره وارد افتحه وهذا ما يقلل من احترامي لمجرد اني فاتح البلوتوث وهذا ينطبق على المرأة طالما نكها أم فلان .. أم عيال وزوجه

خل نعترف بوجود خلل في المجتمع إذا سمعة المتزوجات في الطين :discuss:

[إنسان]

اسمح لي اخوي ام فلان تفتحه في المجمع شولا ؟؟ ومن الاساس ليش تفتحه ؟؟ وبعدين من صعوبته كلش افتح واصك البلوتوث ؟؟ الا كبسه زر يشتغل وكبسه ثانيه يصكر .. مو قضيه .. لكن تقولي وحده تفتحه وتخليه شغال عمال على بطال مالها معنى ..

وجهة نظر نحترمها وعن نفسي أشوف الخلل مب في أم فلان ولكن في المجتمع الذي يحتاج لوقت كي يتحضر .. ايضا وجهة نظر :discuss:

[التيما]

إسمحي لي اختلف معاج التيما .. مره محترمه نفسها ونكها أم فلان مب نكها بنت هوى عشان يطرشون لها أرقامهم وعلى فكره هي ما استقبلت البلوتوث وقبل لا ترفضه زوجها طلب منها يشوفه .. كلمة ما يستحوون تنقال للناس المتطفلين مب لإنسان لمجرد انه فاتح البلوتوث مب فاضي كل شوي يسكره ويرد يفتحه عشان يتحاشى الفضوليين

يسلموووووووو المرور التيما

اخوي انسان بعد اذنك كلامي قلته عن ناس شغالين البلوتوث 24 ساعه طيب سؤال ليش ؟ مالهم بارض يشغلونه ويصكرونه !! يحطونه في الخدمات السريعه في الجوال وعلى زر جدام عينهم وكان الله غفور رحيم .. لكن اشغل البلوتوث وعقب اشتكي شولا ؟؟ وبعدين ليش تحط نك أم ... تحط اسم ولدها وخلصنا .. وكلامي حتى عن الرياييل مو بس الحريم ... وبعدين اخوي كلنا نعرف ان في حريم وبنات يستغلون أم فلان .. كتلميح لها انها متزوجه او مطلقة وللأسف المرضى من الحريم والرياييل وايد .. فليش احط نفسي في هالموقف المحرج .. والمصيبه الي قلتها ان ريلها موافق على ان مرته تشغل البلوتوث .. ما سالها ليش ؟؟ طيب شغليه اذا تبون تستقبلون شي مو عالفاضي والمليان .. وحده ولا واحد مشغل بلوتوثه طول اليوم معناته طول يومه يستقبل مو شرط بصوره غلط ممكن عادي بس اذا انا استقبل هبابي كل كم يوم ولا بالشهر ولا ولا ليش اعور راسي من الأساس ؟؟

[التيما]

وجهة نظر نحترمها وعن نفسي أشوف الخلل مب في أم فلان ولكن في المجتمع الذي يحتاج لوقت كي يتحضر .. ايضا وجهة نظر :discuss:

اخوي .. لمن تخلي باب بيتك مفتوح لازم تتوقع ان في متلصصين يطلون عالبيت ويشوفون شفيه من داخل ويمكن يدشون .. والي مايبي هالشي يصكر باب بيته .. نفس الشي الجوال دام الإنسان خلى بلوتوثه شغال يتوقع ان كل من هب ودب وساقط ولاقط بيطرش له واذا متسندر يصكه ويرتاح .. :nice:

[الـدانـه]

عمري ما فكرت بهالشي جوالي فقط للمكالمات واحيانأ مسجات


كيف يعني يكون لي (نك) بجوالي ؟؟؟


وايش اهميته هذا البلوتوث ؟؟؟ استحملني


ورب البيت ماعرف بس فضول ..........اكيد شي حلو


اذاممكن تذكر اهميته انسان


انا مش على بعضي ...... كأنه واحد قال لوحده (انتي ماتستحين ) وكملتوا سالفتكم والأمور سهالات !


الظاهر يتهيألي

[إنسان]

يعني انتي ما تستحين ؟؟ :secret:
شوفي هالرابط هديه مني لج
سبحان الله
http://qatarshares.com/vb/showthread.php?t=81055&highlight=%C7%E1%C8%E1%E6%CA%E6%CB
على فكرة انتي اللي كاتبه الموضوع :shy:

تقصد شلون اعرفت كل هالنكات لو انها ما كانت فاتحه البلوتوث في أحد المجمعات

سؤال في الصميم

[التيما]

تقصد شلون اعرفت كل هالنكات لو انها ما كانت فاتحه البلوتوث في أحد المجمعات

سؤال في الصميم

هههههههههههههه تضحكوني .. اولا للعلم انا متعوده لمن اكتب موضوع ادور وابحث فيه وادور عن مواضيعه ولمن حطيت هالموضوع في الي انا شفته بنفسي وفي الي خذته من النت .. وبعدين انا ما قلت ما اشغل البلوتوث .. انا قلت ما افتحه الا اذا في شي بستقبله مو حق كل من هب ودب .. حد فهم الكلام ولا ازيد بعد ؟؟ لان الظاهر وايد ناس ماتبي تفهم .. وياريتك دام قلت له سؤال في الصميم قلت له يحسن ملافظه دام انا ضيفه على موضوعك .. بس الظاهر الموضوع تصفيه حسابات .. وانا قد هالتصفيه

[إنسان]

نفس الشي أخوووي
أنسااااان
أنت في مكاااان عااام ومحد جبرك تفتح البلوتووووث
أفترض محل تلفزيونات
وأنت مريت جنب المحل وشفت مقطع مخل بالأداب
من التلفزيونات المعروضه في المحل
تعتقد لو أشتكيت للمحكمه راح تحكم لك

هل أعتبره تأكيد منك ان المحكمه ما تحكم للمتضرر خصوصا إذا واحد مطرش رقمه لوحده على البلوتوث :discuss:

[إنسان]

يـــخي خلهم زقرت يتشببون :anger1: عادي :tease:
تبي الصدق أخوي إنسان الشرهه على البنت الي بتفتح البلوتوث وبتحطلي ( نك) سخيف

قصدك نك يوحي بالرغبة بإستقبال البلوتوث .. أشاركك الراي .. الشرهه على نوعية هالبنات

يسلمووووووووووو اخوي جلمود

[إنسان]

مادري انت تستعبط ولا تستظرف دمك ؟؟ اولا شدخل هالموضوع بموضوعي الي انت رازه هني ؟؟ وبعدين انا ما قلت ما عندي اسم للجوال بدليل اني قلت بكبسه زر اشغله وبكبسه زر اصكه .. انا كلامي عن الي مشغلين جوالهم عالفاضي والمليان .. وشكلك من هالنوعيه عشان جذي البطحه الي على راسك حسست من كلامي .. ودامك شفت هالموضوع القديم لي معناته انك عضو قديم وداش بنك غير او مطرود وداش بنك ثاني ..

مشكله الي يحطون نفسهم في مواقف بايخه ..

تصدقين التيما انج ذكرتيني بشارلوك هولمز (اللي بالأحمر) .. انتي عندج الحس الامني omen

بس بن مخشدع عنده وجهة نظر وانتي عودتينا على الصراحه .. والزعل مرفوع :discuss:

[إنسان]

بن مخشدع...:nice:..حلوة ملعوبة..

عن نفسي ما أحب أزعل حد وبن مخشدع زعل ناس وانت مأيده .. انتظر اللي بيجيك :nice:

يسلمووووووووو المرور اخوي عمر بن علي

[هام السحاب]

والله هالناس ماعندهم هدف فالحياه واذا كان لهم هدف اكيد هدفهم طلع تسلل
خاطري اعرف ليش البلوتوث شغال 24 ساعه شنو العبره من هالشي اما ام فلان الي تشغل البلوتوث و تستقبل محد طقها على ايدها وقالها استقبلي غصب

[الـدانـه]

تصدقين التيما انج ذكرتيني بشارلوك هولمز (اللي بالأحمر) .. انتي عندج الحس الامني omen

بس بن مخشدع عنده وجهة نظر وانتي عودتينا على الصراحه .. والزعل مرفوع :discuss:


ابيييييه ...... ماتستحين وجهة نظر ؟؟؟ اما عليك برود اعصاب ..... يقهر


بعدين تعال انت ليه ماترد على سؤالي ؟


ايش فايدة البلوتوث ؟ ضيوف على موضوعك ومسهرنا ....... احترمنا شوي :weeping:

[إنسان]

هههههههههههههه تضحكوني .. اولا للعلم انا متعوده لمن اكتب موضوع ادور وابحث فيه وادور عن مواضيعه ولمن حطيت هالموضوع في الي انا شفته بنفسي وفي الي خذته من النت .. وبعدين انا ما قلت ما اشغل البلوتوث .. انا قلت ما افتحه الا اذا في شي بستقبله مو حق كل من هب ودب .. حد فهم الكلام ولا ازيد بعد ؟؟ لان الظاهر وايد ناس ماتبي تفهم .. وياريتك دام قلت له سؤال في الصميم قلت له يحسن ملافظه دام انا ضيفه على موضوعك .. بس الظاهر الموضوع تصفيه حسابات .. وانا قد هالتصفيه

أفا والله يا التيما .. تصفية حسابات معاج .. صدقيني حساباتي معاج مافي اصفى منها وإن شاء الله مع الكل .. ومعاج حق في الإسلوب اللي تم طرحه من بن مخشدع وانا عبرت عنه في احد ردودي اني ما احب أزعل حد وهذا إيحاء بأن اسلوبه يزعل ويمكن تصفية حسابات من الطرف الآخر بس وجهات النظر يجب أن تُحترم يعني من موضوعج فهمنا انج فاتحه البلوتوث في مكان عام وهذا اللي قلته مب اكثر لما عبرت عنه وقلت في الصميم

وحقج علي وأنا واحد أحترم ردودج لجرأتها وانتي من الناس اللي تقولين رايج بكل تجرد وهذا يعجبني

الله يهداج خليتيني أشقح الردود اللي قبلج :oops:

[إنسان]

ابيييييه ...... ماتستحين وجهة نظر ؟؟؟ اما عليك برود اعصاب ..... يقهر
بعدين تعال انت ليه ماترد على سؤالي ؟
ايش فايدة البلوتوث ؟ ضيوف على موضوعك ومسهرنا ....... احترمنا شوي :weeping:

شكلج بتسهريني وأنا وراي دوام .. البلوتوث يسمح لج بنقل الصور والمقاطع الصوتيه ومقاطع الفيديو والفرق بينه وبين رسائل الوسائط المتعدده MMS ان البلوتوث مجاني .. ويفرق عن وصلة الـ IR انه يغطي مساحة 10 امتار تقريبا

والميزه في البلوتوث انج يا ترفضين استقبال الرساله أو تقبلينها والمرسل يطلع نكه ولا يظهر رقمه عشان جذي يكون مجهول والمتطفلين استغلوا هذي الميزه في تناقل الصور والمقاطع الخليعه والمغازل

ونصيحتي لج لا تشغلينه في المجمعات لأن النك الديني ونك أم فلان ما اسلموا من قراصنة البلوتوث

هذا اللي عندي وتصبحون على خير

[الـدانـه]

شكلج بتسهريني وأنا وراي دوام .. البلوتوث يسمح لج بنقل الصور والمقاطع الصوتيه ومقاطع الفيديو والفرق بينه وبين رسائل الوسائط المتعدده MMS ان البلوتوث مجاني .. ويفرق عن وصلة الـ IR انه يغطي مساحة 10 امتار تقريبا

والميزه في البلوتوث انج يا ترفضين استقبال الرساله أو تقبلينها والمرسل يطلع نكه ولا يظهر رقمه عشان جذي يكون مجهول والمتطفلين استغلوا هذي الميزه في تناقل الصور والمقاطع الخليعه والمغازل

ونصيحتي لج لا تشغلينه في المجمعات لأن النك الديني ونك أم فلان ما اسلموا من قراصنة البلوتوث

هذا اللي عندي وتصبحون على خير




الحين اقدر انام بسلام


مع اني والله مافهمت ...... كيف اشغله وانا ماعرفه اصلآ :rolleyes2:

[بوخالد2]

يـــخي خلهم زقرت يتشببون :anger1: عادي :tease:

تبي الصدق أخوي إنسان الشرهه على البنت الي بتفتح البلوتوث وبتحطلي ( نك) سخيف


اى والله مايلامون من اللى يشوفونه بالمجمعااات

وبعدين اخووى انسان

شنو الهدف من تشغيل البلوتوث من المراه (( المحترمه )) بالمجمعااات ؟؟؟؟؟؟؟؟؟

اكيد لغايه بنفسها :eek5:

[اسيرةاحزاني]

اشكرك اخوي ع الموضوع

والحمدلله ما اشغل البلوتوث انا نادر في البيت

[miss-qatr]

السالفه ما يبيلها كل هالجدل والاختلاف بوجهات النظر

المختصر .... اللي ما تبي الكلام ولا الاذيه حق نفسها تحاسب ولا تخلي فرصه حق حد ياخذها ضدها وحتى ان كانت ام فلان تحاسب ومره ثانيه ما تشغل البلوتوث بالاماكن العامه يعني الوحده ممكن اتغلط مره او مرتين بس مب كل مره واتقول نسيته شغال :)


اللي متعمده اتحط نك يثير اللي بيشوفه فهذي تسمح لي انسانه متعمده واهي تبي حد يرسل لها

يعني الوحده تدخل باحترامها وتطلع باحترامها من هالاسواق اللي فيها ( اللي عنده سالفه واللي ماعنده )

الله يصلح حالنا اجمعين



تسلم اخوي انسان على تنوع مواضيعك

تحيااااااتي

[بن مخشدع]

مادري انت تستعبط ولا تستظرف دمك ؟؟ اولا شدخل هالموضوع بموضوعي الي انت رازه هني ؟؟ وبعدين انا ما قلت ما عندي اسم للجوال بدليل اني قلت بكبسه زر اشغله وبكبسه زر اصكه .. انا كلامي عن الي مشغلين جوالهم عالفاضي والمليان .. وشكلك من هالنوعيه عشان جذي البطحه الي على راسك حسست من كلامي .. ودامك شفت هالموضوع القديم لي معناته انك عضو قديم وداش بنك غير او مطرود وداش بنك ثاني ..

مشكله الي يحطون نفسهم في مواقف بايخه ..

:secret::secret:

[بن مخشدع]

والله سوالفك حلوه ياخوي بن مخشدع واستفدنا منك مصطلح جديد .. بلتثني وابلتثك على وزن مسجني وامسجك :nice:

شكرا لجميل ردك :nice:

[بن مخشدع]

بن مخشدع...:nice:..حلوة ملعوبة..


دبل كيك :nice:

[انا احساس]

إرسال صور مخلة بالآداب للآخرين حرية شخصية وممكن يكونون الآخرين من القصر

أختلف معاك وكلن له رايه

شكرا على المرور الكريم :discuss:

ماراح تقدر تمنع حد من الارسال او الاخر من الاستقبال .....اذا مااقتنع من نفسه بان هالشيء غلط وارفضه بكامل قناعته ....رجاجيل كبار ومتزوجين وتشوف بلاوي بجواويلهم.....
الله المستعان

[اعالي الجنان]

يالله خذ .. نك ديني وما سلمتي وأم فلان وما اسلمت بس غريبه أنا نكي حكمه ومحد يطرش لي :nice:

الحين اكتشفت السبب .. اختي اعالي الجنان انتي حاطه نك ديني بس انه يدل على الجنس وام فلان نفس الشي اما انا حاط حكمه بحيث ان الجنس مجهول فالمتطفلين من الجنسين يبحثون عن الجنس المغاير لهم فيحتارون في امري ومحد يقرب صوبي :nice:

حطي حكمه وافتحي البلوتوث وجربي يمكن يمشي الموضوع معاج

لا اخوي انسان نكي مايدل اذا انثى اوذكر نفس اعالي الجنان الكل يحسب اني ذكر او انثى ومع هذا ماسلمت
لا لا حكمه ولا شي خلني صاكته ابرك لي وان بغيت شي بطلته

[جوووري]

والله حط نك ديني مثل ... الله واكبر .. اتق الله حيثماء كنت... حاسب نفسك قبل الحساب.. الدنيا فانيه .. الموت قادم.. سبحان الله .. لا اله الا الله.. الحمدلله... وغيره واجد والله محد يلتفت لك انا دايم ابطله بس تذكير اللي يبطل النك يمكن يذكر الله ويصير لي حسنه

[إنسان]

هههههههههه الله يقطع سوالفك
خشدعه و بلتثني و مادري شنو
تعجبني افكارك ياخي
بلتثني و ابلتثك :)
خخخخخخخخخخخخخخ

مشكلة التبلتث في الأماكن العامه مثل ما قال بن مخشدع بدايتها بريئه وتنتهي بالصور والمقاطع المخله بالآداب والمشكله تكون بين الجنسين وهنا الخطأ المُركب :yes:

[إنسان]

اخوي انسان بعد اذنك كلامي قلته عن ناس شغالين البلوتوث 24 ساعه طيب سؤال ليش ؟ مالهم بارض يشغلونه ويصكرونه !! يحطونه في الخدمات السريعه في الجوال وعلى زر جدام عينهم وكان الله غفور رحيم .. لكن اشغل البلوتوث وعقب اشتكي شولا ؟؟ وبعدين ليش تحط نك أم ... تحط اسم ولدها وخلصنا .. وكلامي حتى عن الرياييل مو بس الحريم ... وبعدين اخوي كلنا نعرف ان في حريم وبنات يستغلون أم فلان .. كتلميح لها انها متزوجه او مطلقة وللأسف المرضى من الحريم والرياييل وايد .. فليش احط نفسي في هالموقف المحرج .. والمصيبه الي قلتها ان ريلها موافق على ان مرته تشغل البلوتوث .. ما سالها ليش ؟؟ طيب شغليه اذا تبون تستقبلون شي مو عالفاضي والمليان .. وحده ولا واحد مشغل بلوتوثه طول اليوم معناته طول يومه يستقبل مو شرط بصوره غلط ممكن عادي بس اذا انا استقبل هبابي كل كم يوم ولا بالشهر ولا ولا ليش اعور راسي من الأساس ؟؟

في ناس تتكيسل عن تسكير وفتح البلوتوث مثل مافي ناس تتكيسل عن غلق الموبايل في المسجد ويعتقد محد بيتصل فيه وقت الصلاة ومب كل الناس عندهم المعرفه في وضع خاصية تسكير البلوتوث بضغطة زر

وفي ناس فيهم براءة يعتقدون إذا حطوا أم فلان بيكونون في مأمن .. ما يدرون ان المجتمع تلوث وما عاد مجتمع إسلامي مثالي


اخوي .. لمن تخلي باب بيتك مفتوح لازم تتوقع ان في متلصصين يطلون عالبيت ويشوفون شفيه من داخل ويمكن يدشون .. والي مايبي هالشي يصكر باب بيته .. نفس الشي الجوال دام الإنسان خلى بلوتوثه شغال يتوقع ان كل من هب ودب وساقط ولاقط بيطرش له واذا متسندر يصكه ويرتاح .. :nice:

اللي بيدش بيتي بدون إستئذان حتى لو الباب مفتوح من غير المحارم أقدر اضربه والقانون يسندني ويدينه .. والسؤال اللي يدربح نفسه هو هل القانون يُدين المتطفلين وقراصنة البلوتوث لو تم معرفتهم

لا تنسين اختي التيما ان القصر والمراهقين من بنات وشباب عندهم موبايلات وصعب تسيطرين عليهم أحيانا كثيره فلا بد من وجود قانون يُدين المتطفلين اذا تم معرفتهم خصوصا في حالة إرسال مقاطع مخلة بالآداب وإرسال رقم الموبايل

أنا أرشح العضيد لهذه المهمه :yes:

[إنسان]

عمري ما فكرت بهالشي جوالي فقط للمكالمات واحيانأ مسجات
كيف يعني يكون لي (نك) بجوالي ؟؟؟
وايش اهميته هذا البلوتوث ؟؟؟ استحملني
ورب البيت ماعرف بس فضول ..........اكيد شي حلو
اذاممكن تذكر اهميته انسان
انا مش على بعضي ...... كأنه واحد قال لوحده (انتي ماتستحين ) وكملتوا سالفتكم والأمور سهالات !
الظاهر يتهيألي

اطلعي منها انتي وهي تسلم :nice:

[إنسان]

والله هالناس ماعندهم هدف فالحياه واذا كان لهم هدف اكيد هدفهم طلع تسلل
خاطري اعرف ليش البلوتوث شغال 24 ساعه شنو العبره من هالشي اما ام فلان الي تشغل البلوتوث و تستقبل محد طقها على ايدها وقالها استقبلي غصب

أنا ما أدري ليش الناس تلوم الضحية وتترك المجرم :con2:

[إنسان]

الحين اقدر انام بسلام
مع اني والله مافهمت ...... كيف اشغله وانا ماعرفه اصلآ :rolleyes2:

بعد هذا اللي ناقص اقعد أشرح لج طريقة تشغيل البلوتوث :nice:

[إنسان]

اى والله مايلامون من اللى يشوفونه بالمجمعااات
وبعدين اخووى انسان
شنو الهدف من تشغيل البلوتوث من المراه (( المحترمه )) بالمجمعااات ؟؟؟؟؟؟؟؟؟
اكيد لغايه بنفسها :eek5:

لا غايه ولا وسيله .. وحده لا تعرف تسكره ولا تشغله ومحترمه نفسها بإسم أم فلان وللعلم ترفض البلوتوث وما تستقبل من الغرباء بس زوجها استقبل من باب الفضول والسوالف توصل واخوك إنسان يحب يتناقش معاكم في أمور المجتمع

عزيز وغالي يا بوخالد

[إنسان]

اشكرك اخوي ع الموضوع
والحمدلله ما اشغل البلوتوث انا نادر في البيت

زين ما سويتي .. حميتي نفسج من الفضوليين والمتطفلين والفاضيين والسخيفين والتافهين وعديمي التربيه والأخلاق والدين .. بس بردت قلبي :omen2:

[امل الحب]

مممم بعد تفكير عميق..

اتوقع ان لو راح واشتكى وقال فلان طرش حق زوجتي مابيوصل حق نتيجة؟؟ بتقول ليش؟

نروح حق ليش؟
لان الله يسلمك التقنية فيها حق الرفض والقبول فهي كان بامكانها الرفض او بامكان زوجها الرفض واغلاق البلوتوث وانتهى الموضوع يعني محد بجابر حد على شي ..

والبلوتوث شغال 24 ساعة ليش من الاساس لاتقول ماعتدها وقت تسكره يعني هي داخلة مجمع وهي عارفة الي يصير من هالامور المفروض التسكير واجتناب المشاكل وعوار الراس من الاساس..

[إنسان]

السالفه ما يبيلها كل هالجدل والاختلاف بوجهات النظر
المختصر .... اللي ما تبي الكلام ولا الاذيه حق نفسها تحاسب ولا تخلي فرصه حق حد ياخذها ضدها وحتى ان كانت ام فلان تحاسب ومره ثانيه ما تشغل البلوتوث بالاماكن العامه يعني الوحده ممكن اتغلط مره او مرتين بس مب كل مره واتقول نسيته شغال :)
اللي متعمده اتحط نك يثير اللي بيشوفه فهذي تسمح لي انسانه متعمده واهي تبي حد يرسل لها
يعني الوحده تدخل باحترامها وتطلع باحترامها من هالاسواق اللي فيها ( اللي عنده سالفه واللي ماعنده )
الله يصلح حالنا اجمعين
تسلم اخوي انسان على تنوع مواضيعك
تحيااااااتي

أول ما طلع البلوتوث كان في نوكيا بوصاروخ تقريبا .. وانا كان عندي هالموبايل وعند واحد من الزملاء في العمل وإذا جيت مكتبه وما لقيته أبدأ البحث عنه بين المكاتب بالبلوتوث

شوفوا كيف الإستعمال السلمي للبلوتوث وقارنوها مع من يستخدمه لإرسال مقاطع وصور خليعه وشوفوا تاثيرها السيء على الناشئه وشوفوا الآثام المترتبه على اصحابها

الله يصلح الحال ومشكوره اختي miss-qatr

[بوخالد2]

لا غايه ولا وسيله .. وحده لا تعرف تسكره ولا تشغله ومحترمه نفسها بإسم أم فلان وللعلم ترفض البلوتوث وما تستقبل من الغرباء بس زوجها استقبل من باب الفضول والسوالف توصل واخوك إنسان يحب يتناقش معاكم في أمور المجتمع

عزيز وغالي يا بوخالد


الله يسلمك اخووى انسان

ولكن شنو الهدف انها اتحط لها نك باسم ام فلان ؟؟؟؟

اذا هي مب النوع اللى اتقوله لاتعرف اتشغل او اتسكره ؟؟؟

[إنسان]

شكرا لجميل ردك :nice:

همسه في إذنك يا بن مخشدع أنا متاكد إنك ما راح تكون سعيد إذا تسببت في تعاسة غيرك وتم في قلبه شي عليك بسبب نقدك الحاد ويمكن يكون الإسلوب فض

الإسلوب له دور كبير .. يا ما ناس اطلبت اشياء لم يُستجب لها وجا غيرهم وطلبوا نفس الطلب وتمت الموافقه لهم لأن إسلوب الأخيرين مُقنع أما الاولين على دفاشه

وشكرا لمرورك الكريم

[إنسان]

الله يسلمك اخووى انسان
ولكن شنو الهدف انها اتحط لها نك باسم ام فلان ؟؟؟؟
اذا هي مب النوع اللى اتقوله لاتعرف اتشغل او اتسكره ؟؟؟

الهدف .. مع الخيل يا شقرا .. مثل ما يسوون الناس تبي تكون مثلهم .. الناس عندهم بلوتوث وهي مب اقل منهم وتستقبل من الناس اللي تعرفهم بس القراصنة طول عمرهم قطاع طرق وحراميه :yu:

[ANONYMOUS]

عمري ما فكرت بهالشي جوالي فقط للمكالمات واحيانأ مسجات


كيف يعني يكون لي (نك) بجوالي ؟؟؟


وايش اهميته هذا البلوتوث ؟؟؟ استحملني


ورب البيت ماعرف بس فضول ..........اكيد شي حلو


اذاممكن تذكر اهميته انسان


انا مش على بعضي ...... كأنه واحد قال لوحده (انتي ماتستحين ) وكملتوا سالفتكم والأمور سهالات !


الظاهر يتهيألي


يا أوطه يامغمضه انتي
:weeping:

[إنسان]

ماراح تقدر تمنع حد من الارسال او الاخر من الاستقبال .....اذا مااقتنع من نفسه بان هالشيء غلط وارفضه بكامل قناعته ....رجاجيل كبار ومتزوجين وتشوف بلاوي بجواويلهم.....
الله المستعان

المتزوج ما عليه خوف .. الخوف على القصر والمراهقين من بنات وشباب

بس تدرين شلون .. مادام السالفه فيها بلتثني وابلتثك .. احنا قاعدين نأذن في خرابه

يسلموووووووووو المرور

[إنسان]

لا اخوي انسان نكي مايدل اذا انثى اوذكر نفس اعالي الجنان الكل يحسب اني ذكر او انثى ومع هذا ماسلمت
لا لا حكمه ولا شي خلني صاكته ابرك لي وان بغيت شي بطلته

هذا احسن حل لأن المتدينات والمتزوجات مستهدفات .. بالله هذي حاله :omen2:

[إنسان]

والله حط نك ديني مثل ... الله واكبر .. اتق الله حيثماء كنت... حاسب نفسك قبل الحساب.. الدنيا فانيه .. الموت قادم.. سبحان الله .. لا اله الا الله.. الحمدلله... وغيره واجد والله محد يلتفت لك انا دايم ابطله بس تذكير اللي يبطل النك يمكن يذكر الله ويصير لي حسنه

اكيد لك حسنه إن شاء الله .. تذكرت واحد من الأهل مراهق كان كل ما يشوف لافتة "لا تنسى ذكر الله" كان يردد .. لا تنسى ذكر الله .. لا تنسى ذكر الله .. بدال ما يذكر الله .. المسكين فاهم غلط :nice:

يسلمووووووووو المرور اختي جوووري

[nym]

وليش ام فلان تشغل البلوتوث

[ANONYMOUS]

وليش ام فلان تشغل البلوتوث




هذا هو البلا

ليش

WHY

:eek5:

[إنسان]

مممم بعد تفكير عميق..
اتوقع ان لو راح واشتكى وقال فلان طرش حق زوجتي مابيوصل حق نتيجة؟؟ بتقول ليش؟
نروح حق ليش؟
لان الله يسلمك التقنية فيها حق الرفض والقبول فهي كان بامكانها الرفض او بامكان زوجها الرفض واغلاق البلوتوث وانتهى الموضوع يعني محد بجابر حد على شي ..
والبلوتوث شغال 24 ساعة ليش من الاساس لاتقول ماعتدها وقت تسكره يعني هي داخلة مجمع وهي عارفة الي يصير من هالامور المفروض التسكير واجتناب المشاكل وعوار الراس من الاساس..

على الصعيد الشخصي أؤيد معاقبة هؤلاء القراصنة خصوصا في حالة إفساد الناشئة

كل الشكر لمرورك الكريم اختي أمل الحب

[إنسان]

يا أوطه يامغمضه انتي
:weeping:

:con2:


وليش ام فلان تشغل البلوتوث

البلوتوث شغال عندها على طول عشان تستقبل من الناس اللي تعرفهم وعندها كسل وقصور وجهل في إلغاء خاصية الإستقبال


هذا هو البلا
ليش
WHY
:eek5:

نفس الجواب فوق

مشكورين على المرور الكريم