استفسار : محلات تفصيل الخيام في قطر

[إنتعاش]

هلا بكم اخواني .


صديق عزيز لدي يريد تفصيل خيمة في بيته
على المواصفات الآتيه :

المساحه 7 * 5 متر
من الخارج سدو
وعوازل حرارية
بالاضافة إلى الدكه ( الصبية السفلية )
بالاضافة إلى تمديدات الكهرباء
بالاضافه إلى تفصيل جلسة سدو تكون بإرتفاع 30 سم عن الارض تقريبا ً. .

كم تكلفه في قطر ؟
ما هي المحلات الجيدة وبأسعار معقولة في قطر ؟
ما هي المحلات الجيدة بأسعار معقولة في السعودية ؟


وجزاكم الله خير على الافادة مقدما

[فرحة الكواري]

موضوعك بوقته اخوي انتعاش وانا انطر حد يفيدنا :)

[قطر501]

والله ياخوي الي أعرفه في شركة مقرهم فوق وكالة الهوندا سابقا شارع النجمه شغلهم ممتاز ودائما يحطون اعلان في الوسيط وطبعا فيه غيرهم بس ماعرفهم بس طبعا في السعودية ارخص

[_QTR_]

اتصل على هذا الرقم 5844466 عبدالعزيز

عنده شركة وبيفيدك لانه فصل خيام حق الربع

[اعالي الجنان]

انا بعد ابي اعرف كم يكلف ياليت حد يفيدني

[إنتعاش]

سلمتم اخواني على التفاعل
وبإنتظار مزيدا ً من الاخوة والافادات

[جود المشاعر]

هلا اخوي

انصحك تتصل في عبدالعزيز 5844466

وعنده بيت في سوق واقف .. واسمه ( الحوش الفني )..ماشالله عليه شغله ممتااز وماعليه كلام..الله يوفقه يااارب..

[إنتعاش]

تسلمون اخواني على الافادة

وياريت حد يعطينا تفاصيل عن الاسعار و عن المحلات في السعودية واسعارها للي يعرف

وشكرا لكم

[يونيك]

هلا اخوي

انصحك تتصل في عبدالعزيز 5844466

وعنده بيت في سوق واقف .. واسمه ( الحوش الفني )..ماشالله عليه شغله ممتااز وماعليه كلام..الله يوفقه يااارب..

الاسعار؟

[سلمان_1]

الخيمة بنفسها ممكن تكلفك 14 إلى 15 الف على اكبر تقدير
لكن هناك مصاريف ثانية مثل الدفان والتبليط و تسليك الكهربة
اعتقد اجمالي التكلفة بيكون حوالي 23 الف
اما بالنسبة لجلسة السدو فما عندي عنها خلفية
وشغل الشركات يختلف فيه منه زين و فيه مشي حالك
كلامي بناء على اسعار العام الماضي يمكن تغيرت الاسعار

بالنسبة للشركة في شركة العجب للخيام موجودة في السوق اللي على يمين الشارع اللي طالع من محطة الفروسية رايح لاشارات المناصير
شغلهم نظيف بس غالي

[إنتعاش]

سلمت اخوي سلمان على الافاده

وبإنتظار بقية الاخوة

[فلفل حار]

ألي اعرفه انه الصبيه أو الدكه تجيب عمال من برع وهم يسونها لك بالارتفاع الي تبيه علي حسب حجم الخيمه :)

كان ودي افيدك اخوونا الغالي انتعاش بس اخووك فلفل اخر واحد يعرف بـ الخيام :)

[ام شادن]

السعوديه أرخص أخوي

[فارس الشمال]

هلا اخوي انتعاش ...بتكلفك الخيمه مقاس 5×7 بيت شعر مع الجلسه والعوازل مع الألمنيوم

(باب ودرايش)مع التركيب 16 الف ...

وخيمه مقاس 5×7 طربال روسي مع جلسه ونفس المزايا(عوازل والالمنيوم)مع

التركيب 14 الف...وانا مستعد اوفرها لك:victory:

[ابـو مــحــــمـــــد]

رح للدمام وريح بالك
7*5 مسويها واحد من الربع بـ10الاف ريال
4 درايش المنيوم + باب سحاب
ونفس المواصفات واحد من عيال عمي من يومين
راح حق محل تفصيل الخيام طلب منه 23 الف نهائي

والله يوفق

[بـــ ح ـــر]

انصحك تسويها من السعوديه

تسوي لهم اتصال وتعطيهم المقاسات الخارجيه

والدكه اهم يطلبون عليك تسويها والابواب ودرايش عليك وانصحك تاخذ الخام الداخلي من الدوحه

وراح ادور لك رقمهم

نفس المقاسات سويتها في البيت بدون جلسه مع جميع الخدامات ابواب ودرايش وكهرباء ومكيفات والدكه كلفتني حوالي 36000 الف قبل سنتيين عن طريق السعوديه


انا اتوقع الاسعار ارتفعت كثير وراح تكوون التكلفه اكثر من 50 الف

تحيتي

[بـــ ح ـــر]

((00966500133417)) رقمه في السعوديه

((5069187)) رقمه في الدوحه وراح يكون يوم السبت في الليل موجود في الدوحه

اسمه انور با كستاني الجنسيه

واي خدمه انا حاضر لك والاخواني المتواجدين

[حمد]

اتصل على هذا الرقم 5844466 عبدالعزيز

عنده شركة وبيفيدك لانه فصل خيام حق الربع

سوى خيمة حق واحد من الربع

شغله فضيع صراحه وامين جدا ... واعتقد انه مصري يتكلم قطري مضبوط .... ويلبس غتره وعقال

[ALKASER]

السلام عليكم اخوي
اخوي في واحد في الحسا في شارع الخليج
بس ناسي اسم المحل واسعاره زينه وارخص من قطر بوايد
بالتوفيق