أبي مكان لتعليم اللغات في قطر

[Qa10]

السلام عليكم ورحمة الله وبركاته


حبيت اعرف اذا كان في مراكز لتعليم اللغات غير الانجليزي والعربي


اي شي


هااام للقاية

[بنت الحرمي]

وعليكم السلام ورحمة الله وبركاته

اخوي في مركز Berlitz

عندهم كل لغات العالم تقريباَ على حسب الطلب

ويقع في الهلال

[القانوني]

معهد اللغات

يطرح دورات في الفرنسية واليابانية والفارسية


ومكانه في المعمورة




القانوني ،،،

[بولينجر]

والله حلو... وين بالضبط Berlitz في الهلال أختي بنت الحرمي؟

[Qa10]

شكرا أختي على المساعدة

ماقصر اخوي القانوني


جزاكم الله خير

[بنت الحرمي]

والله حلو... وين بالضبط Berlitz في الهلال أختي بنت الحرمي؟

والله اخوي ما اذكر وين بالضبط بس كل اللي اذكره انه في الهلال والطريق الدائري الثالث

ممكن تتصلهم وتسألهم عن موقعهم :) والسموحه على القصور

[دانـة قطـر]

وعليكم السلام ورحمة الله وبركاته

اخوي في مركز Berlitz

عندهم كل لغات العالم تقريباَ على حسب الطلب

ويقع في الهلال


بعيــــــــد :(

زين والتدريس خلط ولا البنات بروحهم والصبيان بروحهم؟

[بنت الحرمي]

بعيــــــــد :(

زين والتدريس خلط ولا البنات بروحهم والصبيان بروحهم؟

والله اختي اعتقد الصفوف المختلطة للاطفال

بس الكبار لاء.. على حد علمي

[دانـة قطـر]

والله اختي اعتقد الصفوف المختلطة للاطفال

بس الكبار لاء.. على حد علمي


تسلمين أختي عالرد السريع

يعطيج العافيه :nice:

[ALKASER]

Berlitz يقع في الهلال
يعني لو تروح دوار المول ويكون النادي الاهلي وقاعة ريجنسي على يمينك
تاخذ الدوار وترجع صوب محطة البترول وتكمل سيدا بعد المحطة لين تشوف فلل على يمينك بكون واحد منهم
وبالتوفيق بس انا كنت بدرس عندهم بس شفت دوراتهم وايد مبالغ فيه ونظامهم واسلوبهم في التدريس ينفع مع اطفال مش مع اكبار لانه كله تلقين بس
بالتوفيق

[qatari1]

السلام عليكم ورحمة الله وبركاته


حبيت اعرف اذا كان في مراكز لتعليم اللغات غير الانجليزي والعربي


اي شي


هااام للقاية

أقترح تعلم اللغة العربية أولاً وإجادتها، ومن ثم التفكير في تعلم لغات اخرى:tease:
فمنذ متى أصبحت هام للغاية..هام للقاية:omen2:

عموماً بالنسبة للغة الفرنسية هناك المركز الثقافي الفرنسي الواقع في الدفنة، ويتبع السفارة الفرنسية. وهذا المعهد أدرس فيه حالياً.

وهناك معهد اللغات التابع لوزارة التربية والتعليم، ويقوم بتعليم اللغات الإنكليزية والفرنسية والفارسية واليابانية لموظفي الوزارات والجهات الحكومية.

[بولينجر]

والله اخوي ما اذكر وين بالضبط بس كل اللي اذكره انه في الهلال والطريق الدائري الثالث

ممكن تتصلهم وتسألهم عن موقعهم :) والسموحه على القصور
تسلمين والله وما قصرتي أختي بنت الحرمي...

[بولينجر]

Berlitz يقع في الهلال
يعني لو تروح دوار المول ويكون النادي الاهلي وقاعة ريجنسي على يمينك
تاخذ الدوار وترجع صوب محطة البترول وتكمل سيدا بعد المحطة لين تشوف فلل على يمينك بكون واحد منهم
وبالتوفيق بس انا كنت بدرس عندهم بس شفت دوراتهم وايد مبالغ فيه ونظامهم واسلوبهم في التدريس ينفع مع اطفال مش مع اكبار لانه كله تلقين بس
بالتوفيق
مشكور والله وما قصرت أخوي الكاسر.... شكلي هونت يوم إنه تلقين

[maryam5]

أقترح تعلم اللغة العربية أولاً وإجادتها، ومن ثم التفكير في تعلم لغات اخرى:tease:
فمنذ متى أصبحت هام للغاية..هام للقاية:omen2:

عموماً بالنسبة للغة الفرنسية هناك المركز الثقافي الفرنسي الواقع في الدفنة، ويتبع السفارة الفرنسية. وهذا المعهد أدرس فيه حالياً.

وهناك معهد اللغات التابع لوزارة التربية والتعليم، ويقوم بتعليم اللغات الإنكليزية والفرنسية والفارسية واليابانية لموظفي الوزارات والجهات الحكومية.


عاد معهد اللغات تسميه معهد تستفيد منه؟؟؟

[maryam5]

انزين الخبراء بمعاهد اللغة الانجليزية

شنو افضل معهد لن الحين في معاهد وايد الواحد صار يحتار

لا تقولون لي البريطاني - كله خرطي في خرطي الي اعرفهم ادخلوا ما استفادوا شي

ياريت يكون اوكيه ومضمون!!!

[راشد محمد]

els , جامعة قطر

[qatari1]

عاد معهد اللغات تسميه معهد تستفيد منه؟؟؟

أعتقد فيه فائدة لأنه يمنح دبلوم في اللغة في نهاية المطاف، ومعترف فيه من الحكومة، وهو تقريباً الإثبات الوحيد لكفاءة اللغة في الوزارات.


انزين الخبراء بمعاهد اللغة الانجليزية

شنو افضل معهد لن الحين في معاهد وايد الواحد صار يحتار

لا تقولون لي البريطاني - كله خرطي في خرطي الي اعرفهم ادخلوا ما استفادوا شي

ياريت يكون اوكيه ومضمون!!!

البريطاني هو الأعرق بين كل المعاهد، ولا تنسِ أن بريطانيا هي اللغة الأم للإنكليزية.

ثم ما أدراكِ أن من دخل البريطاني لم يستفد منه!

عموماً الاستفادة يلزمها اجتهاد من الدارس، وإذا غاب الاجتهاد والمثابرة فلم يستطيع أحد أن يفعل المعجزات سواءً أكان البريطاني أو غيره!