إستملاك منطقة جنوب الخور ؟؟؟

[الأستشاري]

تم إستملاك المنطقة الواقعة جنوب رأس النوف إلى شمال منطقة سميسمة ب3 كلم وهي منطقة يوجد بها عدد من الشاليهات الخاصة ومطار الخور بالأضافة إلى محطة الصرف الصحي ومحطة أرسال تابعة لكيوتل . وذلك لأقامة مشاريع تابعة لمؤسسة قطر فانديشن حيث سوف تقوم ببناء مبنى جديد لأكاديمية القادة وفروع للجامعات ومدارس وسكن.

[حمد]

الصراحه

اعتقدان في خلل عندنا ..... وايد كثرنا من الجماعات والمدراس والملاعب . وشوف انها اكثر من احتياجنا

كان الاولى ... نهتم بتطوير البنى التحتيه ... خاصة في اراضي كبار الموظفين ... الي نمتلكها ولا نقدر نسكنها !!!

[barod]

الصراحه

اعتقدان في خلل عندنا ..... وايد كثرنا من الجماعات والمدراس والملاعب . وشوف انها اكثر من احتياجنا

كان الاولى ... نهتم بتطوير البنى التحتيه ... خاصة في اراضي كبار الموظفين ... الي نمتلكها ولا نقدر نسكنها !!!

الا اكيد فيه خلل وعدم تخطيط والبنيه التحتيه اهم من بعض المشاريع الي ما استفاد منها المواطن شي

[خالي مشاعر]

بالاضافة للملاحضات اللي اذكروها الاخوان اعتقد ان مافي جامعة في العالم يكون موقعها على البحر(بس ربعنا يبون شئ حلو وخلاص) يعني اذا الجامعات سووها على البحر والمطار على البحر ايش بيبقى للشاليهات والفنادق والمشاريع الثانيه
ماشاء الله البر عندنا مافي اكبر منه ليش مايسوون المطار والجامعات في البر على خط الشحانية ولا على خط بوسمره على شان الزحمه اتخف والضيق الي صاير في البلاد.
انا مادري ليش الجماعه اللي يخططون دايما يهمهم الشكل اكثر من المضمون يعني مثلا المطار ايش بيفرق اذا المسافر نزل في وسط البر ولا على البحر في النهاية بيدخل البلاد وبيشوفهاوايضا الرمل اللي ادفنوا فيه البحر حق مدرج المطار معظمه خذوه من سيلين والحين بعد ماخذوا الرمل قالوا لازم انحافظ على البيئه وعلى الطعوس .
مثال ثاني نادي السد انا معاكم انه تحفه بس اعتقد بهالفلوس اللي خسروها كان ممكن يبنون ملعب قد استاد خليفه.
مبنى البريد كم كلفتهم المواقف؟؟؟ انا اول مره اشوف مواقف حجمها قد المبنى الرئيسي نفسه.
جامع الدوله اللي يبنونه في الدفنه اعتقد لو بفلوسه يكبرون المساجد اللي في الفرجان اللي الناس فيها يصلون في الشمس بيكون افضل.
ليتات شارع الوعب شكلها حلو بس الاناره الله بالخير وانا متأكد ان تكلفتها اضعاف الليتات العاديه

نقطه اخيره ....
بخصوص البنيه التحتيه اللي العالم ينطرونها على شان يبنون ...
ليش مايمددون الكهرباء بس ويودون الماي بالدناكر والمجاري وانتوا بكرامه كل واحد يحفر بالوعه في البيت وخلاص يعني احنا عشنا سنين على هالشي مافيها شئ وبعدين شوي شوي يمددون الماي والمجاري وحتى القار مانبيه خلهم يسوونه عقب بس خلوا الناس يبنون وانا متأكد ان 90 في الميه من الناس بيرضون بهالشئ لان الناس اتعبوا وهم ساكنين بالايجار يدفعون دم قلبهم للايجار

اسف على الاطاله بس الواحد يبي يطلع اللي في قلبه...

[هام السحاب]

بالاضافة للملاحضات اللي اذكروها الاخوان اعتقد ان مافي جامعة في العالم يكون موقعها على البحر(بس ربعنا يبون شئ حلو وخلاص) يعني اذا الجامعات سووها على البحر والمطار على البحر ايش بيبقى للشاليهات والفنادق والمشاريع الثانيه
ماشاء الله البر عندنا مافي اكبر منه ليش مايسوون المطار والجامعات في البر على خط الشحانية ولا على خط بوسمره على شان الزحمه اتخف والضيق الي صاير في البلاد.
انا مادري ليش الجماعه اللي يخططون دايما يهمهم الشكل اكثر من المضمون يعني مثلا المطار ايش بيفرق اذا المسافر نزل في وسط البر ولا على البحر في النهاية بيدخل البلاد وبيشوفهاوايضا الرمل اللي ادفنوا فيه البحر حق مدرج المطار معظمه خذوه من سيلين والحين بعد ماخذوا الرمل قالوا لازم انحافظ على البيئه وعلى الطعوس .
مثال ثاني نادي السد انا معاكم انه تحفه بس اعتقد بهالفلوس اللي خسروها كان ممكن يبنون ملعب قد استاد خليفه.
مبنى البريد كم كلفتهم المواقف؟؟؟ انا اول مره اشوف مواقف حجمها قد المبنى الرئيسي نفسه.
جامع الدوله اللي يبنونه في الدفنه اعتقد لو بفلوسه يكبرون المساجد اللي في الفرجان اللي الناس فيها يصلون في الشمس بيكون افضل.
ليتات شارع الوعب شكلها حلو بس الاناره الله بالخير وانا متأكد ان تكلفتها اضعاف الليتات العاديه

نقطه اخيره ....
بخصوص البنيه التحتيه اللي العالم ينطرونها على شان يبنون ...
ليش مايمددون الكهرباء بس ويودون الماي بالدناكر والمجاري وانتوا بكرامه كل واحد يحفر بالوعه في البيت وخلاص يعني احنا عشنا سنين على هالشي مافيها شئ وبعدين شوي شوي يمددون الماي والمجاري وحتى القار مانبيه خلهم يسوونه عقب بس خلوا الناس يبنون وانا متأكد ان 90 في الميه من الناس بيرضون بهالشئ لان الناس اتعبوا وهم ساكنين بالايجار يدفعون دم قلبهم للايجار

اسف على الاطاله بس الواحد يبي يطلع اللي في قلبه...



يعطيك العافيه و ماقصرت :nice:

[تاجر]

بالاضافة إلى ملاحظات اخوي خالي مشاعر المهمه ..
انا مستغرب الصراحه من المسؤولين .. تهميش لمناطق قطر في غرب قطر (الشحانية - الجميلية ... الخ)
والتركيز على الساحل الشرقي من قطر .. مسؤولين الدول الثانية يفكرون كيف ينقلون الزحمه إلى المناطق النائية .. وربعنا مصرّين على الزحمه .. وعدم التفكير في المستقبل .. الهم الوحيد بناء المجمعات السكانية .. طيب إلى متى ؟!؟!

أهالي الخور حوصروا بين المجمعات السكنية والمشاريع .. وسكن العمال والعزاب وخلل سكاني في الخور بدرجه رهيبه .. اللي يروح الخور كأنه رايح تايلند والا ميانمار ..!!

اليس الافضل التركيز على البنية التحتية للمناطق التي تم توزيع الاراضي بها << (واحد منهم وقاعد ينطر الخدمات) ..

مناطق في الدوحه للحين نقل الصرف الصحي بالدناكر .!!!!!!!!!!!!!!!!!!!!!!!!!!

انا لله وانا اليه راجعون

((ألم يكن معهم رجل رشيد))