ليش الاحراج اذا كانت أمك غير قطرية..؟

[هتـان قطر]

طبعا الموضوع واضح من عنوانه...

احنا نعيش في مجتمع صغير والاغلبيه يتعارفون ..يعني كلنا عيال قريه وكلن يعرف أخيه

اكيد يوجد بيننا من كانت أمه غير قطريه..مصريه كانت أو سوريه أو هنديه أو غير ذلك..

اللي الاحظه انه فيه ابناء ينحرجون من جنسية الام..فليش الاحراج..اذا كانت مسلمه

ليش تنحرج منها..؟:shy:

طفل امه هنديه وخاله معهم في البيت ويوصله احيانا للمدرسه..الولد ينحرج يقول لاصدقائه

انه خاله ويقولهم انه دريولهم..:(

أم الولد تقولي السالفه وهي حزينه..قلت لها ما عليك منه عاده صغير..وانا في قرارة

نفسي أقول الله يعينك عليه هذا من ألحين كذا ..كيف اذا كبر شبيسوي..:weeping:

سؤالي لكم هل تنحرج اذا احد عرف جنسية أمك..؟

الام هي الام حتى وان كانت من الاسكيمو.. فلا تنحرجون الا ارفعوا روسكم

يكفي انها مسلمه..

[shrook]

المشكله انه في نااااس بيتشوف نفسها على النااااس

بينسوااااا انه كلنا .... انسان وخلقنا رب العالمين كلنا سواسيه وما في حد احسن من حدااااا

انا بعتبره جهل ....





يعطيك العافية اختي

[معاند جروووحه]

هو مافي شي هذه أمي


بس نفترض امي هنديه:anger1: او روسيه:tease:
وتشاجرنا انا وولد الجيران وقال لي يا ولد الهنديه والله على راسه اما اذا امي روسيه و

قال يا ولد الروسيه:shy:باقوله بحنيه عيب تقول كذا

[shrook]

هو مافي شي هذه أمي


بس نفترض أن امي هنديه:anger1: او روسيه:tease:
وتشاجرنا انا وولد الجيران وقال لي يا ولد الهنديه والله على راسه اما اذا امي روسيه و

قال يا ولد الروسيه:shy:باقوله بحنيه عيب تقول كذا



ههههههههههههه ههههههههههههههه حلوووووووه يا معاند

[ســـهم]

بصراحه الوالده الله يطول عمرها

مكسيكيه مسلمه :)











ما اشوف فيها شي واللي يشوف أنه جنسية امه عيب او أحراج هذا انسان مريض ومافيه خير

مهما كانت فهي ام سوى نيباليه جنوب افريقيه الخ الخ

...

[هتـان قطر]

المشكله انه في نااااس بيتشوف نفسها على النااااس

بينسوااااا انه كلنا .... انسان وخلقنا رب العالمين كلنا سواسيه وما في حد احسن من حدااااا

انا بعتبره جهل ....





يعطيك العافية اختي


صادقه يا شروق بس على ارض الواقع تشوفين كلام ثاني..

مع ان الامهات ما يقصرون في التربيه بس المجتمع يفرض

واقعه المرير..الله يعينهم على هالجيل

[الامل القديم]

هو مافي شي هذه أمي


بس نفترض امي هنديه:anger1: او روسيه:tease:
وتشاجرنا انا وولد الجيران وقال لي يا ولد الهنديه والله على راسه اما اذا امي روسيه و

قال يا ولد الروسيه:shy:باقوله بحنيه عيب تقول كذا

عن جد ضحكتني حلووووووووه منك

للاسف هذه الظاهره ياريت فقط على الجنسيه في ناس تستحي تقول هذي امي لانها مو متعلمه وتتكلم على سجيتها وتحرجها او تحرجه امام اصدقاءه
ياناس في ناس بحطوا اهاليهم بمشفى العجزه لانه مو متعلم
فاختي القصه ما وقفت على الجنسيه الله يكون بعون الناس على انفسهم

[هتـان قطر]

هو مافي شي هذه أمي


بس نفترض امي هنديه:anger1: او روسيه:tease:
وتشاجرنا انا وولد الجيران وقال لي يا ولد الهنديه والله على راسه اما اذا امي روسيه و

قال يا ولد الروسيه:shy:باقوله بحنيه عيب تقول كذا


معاند جروحه ..دايما الام الهنديه هي اللي يتحسسون منها عيالها

وهي مالها ذنب ...

اما ولد الروسيه بيشفع له البياض ..ما تخلي سوالفك:)

[بنت المنتدى]

السلام عليكم ورحمة الله وبركاته


بصراحه انا ملاحظه هالشي بصوره كبيره عندنا في الشغل .. وخصوصاً لو كانت هنديه .. تستحي وينقلب لون وجهها وماادري وش يصير كل هذا عشان احد سألها وقالها امج من منه؟؟


ونفس ماتكرمتواا .. الأم هي الأم .. ويكفي أنها مسلمه .. والجنة تحت أقدامهم ..


على فكره أمي لبنانيه:shy:




















أمزح .. أمي قطريه اباً عن جد .. لكن ليه بعض الجنسيات نتفاخر فيها وبعضها نستحي منهااا

[هام السحاب]

مافيها احراج ولا ش ادي في ناس وايد امهاتهم مب قطريات و ماسكين مناصب فالبلد ويفتخرون
بس الي ينحرج من هالشي فيه عقده نفسيه
الله يحفظ امهاتنا
يعطيج العافيه اختي هتان على موضوعج الراقي

[بنت المنتدى]

معاند جروحه ..دايما الام الهنديه هي اللي يتحسسون منها عيالها

وهي مالها ذنب ...

اما ولد الروسيه بيشفع له البياض ..ما تخلي سوالفك:)



اي والله انج صادقه يالغاليه ..

والله ان هالمسبات اسمعها بين البنات يابنت الهنديه .. ويا ام الاجار .. و وحده اكسرت خاطري مرت اله فيه بنات متهاوشين معاها يقولون اخييييييه فيه ريحت دهن تاتا:eek5::eek5: والله عيب صج جاتني الضحكه بصراحه لكن عيييييييييب .... وش ذنب الام اللي ربت وكبرت؟؟

[Riku3]

ما اقدر احط نفسي بمكان هالشخص لان هالصفة ماتنطبق علي .. بس ما اتوقع ان من السهولة ان الواحد يعترف بهالشيء بسبب نظرة المجتمع >_< ..

ماني عاطفي واقول كلام انا ما اطبقه لمجرد انه الشي الصحيح ... وهذي هي الحقيقة الي نعيشها ! .. وانا اعرف واحد امه مصرية وهو ماعنده مشاكل وخاله شغال معاه بس مع هذا مايحب هالمعلومه تطلع برع الاصدقاء والمعارف ~_~ .

[هتـان قطر]

بصراحه الوالده الله يطول عمرها

مكسيكيه مسلمه :)











ما اشوف فيها شي واللي يشوف أنه جنسية امه عيب او أحراج هذا انسان مريض ومافيه خير

مهما كانت فهي ام سوى نيباليه جنوب افريقيه الخ الخ

...



اليخاندرو ...اقصد سهم.. مب شرط يكون الشخص مريض يمكن المجتمع اللي حوله

وتطنز العيال اللي في سنه على جنسية امه تخليه يخش الامر وينحرج ان خواله هنود..؟

احنا كبار ونفهم السالفه لكن ولد في سن المراهقه تفكيره ناقص وبينعكس على نفسيته

وعلى اهله من حوله..

موضوع الشيعه وين اختفى..؟ قطيتها براسي واختفيت

[shrook]

السلام عليكم ورحمة الله وبركاته


بصراحه انا ملاحظه هالشي بصوره كبيره عندنا في الشغل .. وخصوصاً لو كانت هنديه .. تستحي وينقلب لون وجهها وماادري وش يصير كل هذا عشان احد سألها وقالها امج من منه؟؟


ونفس ماتكرمتواا .. الأم هي الأم .. ويكفي أنها مسلمه .. والجنة تحت أقدامهم ..


على فكره أمي لبنانيه:shy:




















أمزح .. أمي قطريه اباً عن جد .. لكن ليه بعض الجنسيات نتفاخر فيها وبعضها نستحي منهااا


اعتقد المجتمع اله دوووور كبير مع احتراااامي لكل الجنسيات بس مثلا تجد الجنسيه الهنديه

مهانه بعض الشيء او لا يوجد احترااااام لهذه الفئه من النااااا س عشان هيك الي امه هنديه

بتلاقيه بيخجل منها ...

بس لو امه من الجنسيااااات ذات شئن عالي بتلاقي بكل فخر بيجي وبيقلك انا امي .......

[شـرشبيـل]

ليش تنحرج من أمك ليش عاد الأب كلش ارجع قبل 80 سنة وبتعرف أصل أبوها من وين

[بنت المنتدى]

اليخاندرو ...اقصد سهم.. مب شرط يكون الشخص مريض يمكن المجتمع اللي حوله

وتطنز العيال اللي في سنه على جنسية امه تخليه يخش الامر وينحرج ان خواله هنود..؟

احنا كبار ونفهم السالفه لكن ولد في سن المراهقه تفكيره ناقص وبينعكس على نفسيته

وعلى اهله من حوله..

موضوع الشيعه وين اختفى..؟ قطيتها براسي واختفيت




أمااا هههههههههههههههههههههه :funny::funny::funny::funny::funny::funny:

[هتـان قطر]

انتظروووووني رايحه اجيب بنتي من المدرسه وراجعه للرد عليكم ان شالله..


:nice:

تفضلوا البيت بيتكم

[ضوى]

اللي يتحرج من امه انسان مريض ولا بكفو

الام هي الام بكل زمان ومكان

تعطي وتعطي وتعطي وفي الاخر ما تاخذ من عيالها الا التنكر منها ومن اصلها امحق عيال اقول

[بوخالد2]

هلا اختى هتان

موضوع حساس الصراااحه انا امي من قطرية :) خليجيه

واهم كذا انها ربتنا وطلعت رجاال ينشد بهم الظهر

ولكن انتي فكري معااى ياهتان لو انتي امج هنديه وانا قتلج يابنت الهنديه

شنو ردة فعلج -- خلج واقعيه وبعيدا عن المثاليه :)

اهني في الخليج بالذات والدول العربيه الهنديه اكثر شي معرووفه شنو وظيفتها

يمكن علشان كذي الولد يتحسس من الموضوع هذا ومن خاله (( راجوا ))

فل كان عربي كان اخذ الموضوع بسهاله

ولكن العقده هي الهنديه

ولكن انا عن نفسي انصحه انه يكون رجاال ويخلي الخرابيط ذي عنه

لاانها امه وهي اللى ربته وعلمته


وتقبلي احتراامي

[ســـهم]

اليخاندرو ...اقصد سهم.. مب شرط يكون الشخص مريض يمكن المجتمع اللي حوله

وتطنز العيال اللي في سنه على جنسية امه تخليه يخش الامر وينحرج ان خواله هنود..؟

احنا كبار ونفهم السالفه لكن ولد في سن المراهقه تفكيره ناقص وبينعكس على نفسيته

وعلى اهله من حوله..

موضوع الشيعه وين اختفى..؟ قطيتها براسي واختفيت

خخخخخخخخ اليخاندرو

شوفي هتان

طبعا احنا نعيش في مجتمعات ولابد من التأثر بها ولكن ان جعلنا الأهتمام الأكبر في بعض

المجتمعات المتخلفه فسنظل تحت ضغوطهم

هناك عادات اكبر من جنسية الأم تغيرت وانثرت علما انها عادات حسنه وتتبع تعاليم الدين

فلو قارنا بين هذه العادات وهذه العقليات لرأينا أن الأمر سهل جدا ولا ينبغي الأحراج

لابن الروسيه معاند او ابن الكنديه او غيرها من الجنسيات

ولأ اعتقد أنني سأسمح لاي شخص أن يتحدث عن والدتي مهما كانت جنسيتها

بالأضافه ان الأنسان العاقل لن يتجرأ بأن يقول مثل هذه التفاهات الباليه والتي أكل الدهر

عليها وشرب

هناك ملوك ورؤساء امهاتهم أجنبيات وقد حكموا دولا

واما بالنسبه للجنسيه الهنديه فالهنود يمتلكون مالا تملكه الدول العربيه قاطبة

فلا نستهين بهذه الجنسيه التي أنجبت أبو الكلام :nice:

[ولد الزبارة]

هذه الظاهرة ( الانحراج )منتشرة خاصة بين الطلاب اللى أمهاتهم غير قطريات.

وياويلك ويا سواد ليلك ، لو عرفوا عيال صفك اسم امك ، فما بالك لو طلعت امك مصرية او هندية أو .....الخ


اذكر واحد في الفريج امه مصرية يعرفونه ربعه بولد المصرية ، لان اغلبية عيال الفريج نفس اسمه.


اما
اذا كبر الطالب وعقل واصبح رجلا
عرف ان مافيها شي

[PoBox]

هذا واقع حاصل

ان انحرج وكبر السالفة ،، راح ياثر على نفسه بالنهاية
والموضوع اشوف مايحتاج تكبير
من الشخص اللي امه تكون هندية او باكستانية او ايرانية او نيبالية او امريكية او نيجيرية

ادري ، مقصوده
دخلت الاسم عمدا
ليش لو كانت امك امريكية راح يكون الوضع عادي ؟
لانه شي تربينا عليه
ان هذا كشخة ،، وهذا كجره :omen2:

اشوف ماله داعي الحرج ،،:discuss:
بالعكس الثقة بالنفس تخلي اللي حتى في نفسه كلمة يبي يبديها استهزاءا راح يبلعها
ام ان كان الشخص خجول من هالشي ومستحي من أمه
فاعتقد الغلط منه ، المفروض مايخجل من هالشي ،،:discuss:


كنا في المدرسة في الابتدائية او بالاحرى في النموذجية
ومعانا شخص اصله هندي ،، أمه كانت الخدامه في المدرسة او بصيغة حلوة الفراشة
ماكان يستحي ،، وكان في الفسحة يروحلها وتعطيه السندويشات جدام الكل
والكل يدري ان هذي امه ،، وماكان يستحي
مع انه شكله مثلنا وثوبه وحتى كلامه

وان عايره شخص مريض ياولد الخدامه
كان بكل برود يقول امي تشتغل احسن من امك اللي قاعده في البيت مثل المزهرية :funny: ويفتخر فيها :victory:
مشكلة ايام الطفولة خخخخ

وشكرا على الموضوع هتان قطر

[خنور]

بصراحه امي برازيليه بس الحمدلله اسلمت , وانا طالع على خوالي احب كره القدم .

وياويل من يقول فيهم شي .

[سهم بن سهم]

أنا أمي الله يرحمها إيـــرانيـــة من سلالة حكمت بلاد فارس :victory::victory:

[ضوى]

أنا أمي الله يرحمها إيـــرانيـــة من سلالة حكمت بلاد فارس :victory::victory:


:victory::victory::victory::victory:

[miss-qatr]

اكيد جيتي من المدرسة هتان :p


اول شي يعطيك العاااافيه دايماً اطلعين مواضيع حلوه :victory:


الاخوان ماقصرو وقالو اللي كنا بنقوله اللي يستعر من امه ولا اصله هذا فيه عقده نفسيه :secret:

وضحكتني يا بوكسينج عن للي قال حق الصبي احسن من امك اللي قاعده بالبيت كنها مزهرية هههههههههههههه



تحيااااااتي لك يا اختي الغااااليه :nice:

[نمر بن عدوان]

لو هالسؤال تم توجيهه للطلاب في المدارس افضل وبتكون الاجابة عليه اكثر واقعية .

بس السؤال الي يطرح نفسة اذا امه كانت هندية ابوه شنهو جنسيته اكيد مب قطري لأنه لو كان قطري زوجته الهندية بتحصل على الجواز وبتصير قطرية . واذا صارت قطرية بتكون مثلها مثل غيرها قطرية اما اذا جينا للاصل فممكن الي يقول لهالولد امك هندية يرد علية مثلا ويقوله امك ايرانية او سعودية او يمنية او بحرينية اقصد اذا رجعنا لأصول اهل قطر ووحده بوحده .

[بنت المنتدى]

تأخرتي هتان كل هذا من زحمة الطريق:fight:

[شاهيناز]

مره لبنانيه متزوجه قطري

كانت تبكي عند امي تقول شفت صديقه بنتي في الصالون

لما عرفت اني امها قالت ماقالت لي انا امها لبنانيه

تقول ليش بنتي تستعر مني انا بنت ناس.....!!!

مالوم البنت
لان المجتمع اجبرها على ها الامر
النظره الطبيقه

والناس تشوف الي مب خليجي غير للاسف
يعني لو امها سعوديه ولا اماراتيه ولا كويتيه ولا بحرينيه
ترفع راسها وتفتخر فيهم

بس غير جذيه لا

[انتظار مصير]

اي والله انج صادقه يالغاليه ..

والله ان هالمسبات اسمعها بين البنات يابنت الهنديه .. ويا ام الاجار .. و وحده اكسرت خاطري مرت اله فيه بنات متهاوشين معاها يقولون اخييييييه فيه ريحت دهن تاتا:eek5::eek5: والله عيب صج جاتني الضحكه بصراحه لكن عيييييييييب .... وش ذنب الام اللي ربت وكبرت؟؟


:taunt::taunt::taunt::taunt::taunt:

[نمر بن عدوان]

مره لبنانيه متزوجه قطري

كانت تبكي عند امي تقول شفت صديقه بنتي في الصالون

لما عرفت اني امها قالت ماقالت لي انا امها لبنانيه

تقول ليش بنتي تستعر مني انا بنت ناس.....!!!

مالوم البنت
لان المجتمع اجبرها على ها الامر
النظره الطبيقه

والناس تشوف الي مب خليجي غير للاسف
يعني لو امها سعوديه ولا اماراتيه ولا كويتيه ولا بحرينيه
ترفع راسها وتفتخر فيهم

بس غير جذيه لا

بلعكس كان عندنا واحد فلفريج امه بحرينية كانوا ينادونه ياولد البحرينية وكان يصيح .

وبعدين وين لعمانية ليش ماجبتي طاريها ولا مب خليجية :secret:

[جلمود]

والله هو مافيه احراج بس هنديه انا اشوفه شوي صعبه ,, يعني الام لو كانت عربيه مصريه ولا سوريه ولا مغربيه :eek5: أف ماصادوهم الشيبان قبل مايعرفون شنهو المغرب ولا بربعون هناك ,, ولكن مدامها امي وربتني وسهرت على والله لا استحي ولا غيره بالعكس اله بتفاخر بها

[الهاوي28]

على قولة الاوليين

المره الا حمالت بطن

والولد يتبع ابوة

[مطيع الله]

الله يخلي لنا كل أم مصرية
جابوا لنا الرجال والنساء وكثرونا بعد قلة
أما بخصوص حرج الطفل من أصل أمه فهو موضوع يزول مع الكبر
ولا أجد مبرر لعاقل يخجل من أصل أمه حتى لو كانت بنت صانع

[الـدانـه]

معاند جروحه ..دايما الام الهنديه هي اللي يتحسسون منها عيالها
وهي مالها ذنب ...

اما ولد الروسيه بيشفع له البياض ..ما تخلي سوالفك:)



:nice::nice::nice:


لاحظت هالشي من وحده في المنتدى :secret:

[خبير أقتصادي]

قريت هالوضوع و تابعت الردود .... بصراحة مستغرب .. شهالأفكار الضحلة

هههههه لا و تحليل عميق لحل المعادلة


ذو العقل يشقى بالنعيم بعقله..وأخو الجهالة بالشقاوة ينعم

[هتـان قطر]

عن جد ضحكتني حلووووووووه منك

للاسف هذه الظاهره ياريت فقط على الجنسيه في ناس تستحي تقول هذي امي لانها مو متعلمه وتتكلم على سجيتها وتحرجها او تحرجه امام اصدقاءه
ياناس في ناس بحطوا اهاليهم بمشفى العجزه لانه مو متعلم
فاختي القصه ما وقفت على الجنسيه الله يكون بعون الناس على انفسهم

اعتقد الجهل مب في الاهل...الجهل في اللي يتفشل من هله ايا كانوا متعلمين ولا مب متعلمين

:anger1:



السلام عليكم ورحمة الله وبركاته


بصراحه انا ملاحظه هالشي بصوره كبيره عندنا في الشغل .. وخصوصاً لو كانت هنديه .. تستحي وينقلب لون وجهها وماادري وش يصير كل هذا عشان احد سألها وقالها امج من منه؟؟


ونفس ماتكرمتواا .. الأم هي الأم .. ويكفي أنها مسلمه .. والجنة تحت أقدامهم ..


على فكره أمي لبنانيه:shy:




















أمزح .. أمي قطريه اباً عن جد .. لكن ليه بعض الجنسيات نتفاخر فيها وبعضها نستحي منهااا


هذا هو السؤال يااحلى ملاك...ليش يتفشلون من الهنديه والمصريه

وما يتفشلون اذا كانت انجليزيه او سوريه او لبنانيه..؟ ليييييش...؟:anger1:





مافيها احراج ولا ش ادي في ناس وايد امهاتهم مب قطريات و ماسكين مناصب فالبلد ويفتخرون
بس الي ينحرج من هالشي فيه عقده نفسيه
الله يحفظ امهاتنا
يعطيج العافيه اختي هتان على موضوعج الراقي


وهذا هو الصح ...ما تكون جنسية الام عائق امام طموح الشخص..بالعكس الا المفروض

يعوض امه سنوات الغربه عن بلادها واهلها...:weeping:

[HaMo0o0o0oDE]

هي يات بس على العياره :weeping:
حتى في اسر وقبائل ماتزوج بناتها حق الي امهاتهم مب قطريات
والسالفه هاي عند واحد من ربعي قطري بس امه عربيه وربت والله رجال والنعم فيهم
ماقدر ياخذ بنت عمه تقول انا اخذ هاي ولد ال,,,,,,,,, :anger1:

من يومها الرجال مايفكر يتزوج قطريه خير شر
اذا بنت عمه قالت جذي عيل غيرها وش يقول :tease:

ولكن دائما اقول البعض وليس الكل عشان محد يعصب علي لووووول:omen2:

[هتـان قطر]

اي والله انج صادقه يالغاليه ..

والله ان هالمسبات اسمعها بين البنات يابنت الهنديه .. ويا ام الاجار .. و وحده اكسرت خاطري مرت اله فيه بنات متهاوشين معاها يقولون اخييييييه فيه ريحت دهن تاتا:eek5::eek5: والله عيب صج جاتني الضحكه بصراحه لكن عيييييييييب .... وش ذنب الام اللي ربت وكبرت؟؟


المفروض من الاهل يوعون عيالهم انهم اذا صاحبوا احد ما يعيرونه لا باصله ولا بفصله

ليمتى واحنا عايشين عيشة الجاهليه.." ولا تنابزوا بالالقاب"

عيالي جاتهم فتره كل واحد منهم له لقب معين ..تنرفزت ووضحت لهم هذي الايه

وانه مايجوز تلقب حد من اصحابك بلقب يكرهه...:anger1:



ما اقدر احط نفسي بمكان هالشخص لان هالصفة ماتنطبق علي .. بس ما اتوقع ان من السهولة ان الواحد يعترف بهالشيء بسبب نظرة المجتمع >_< ..

ماني عاطفي واقول كلام انا ما اطبقه لمجرد انه الشي الصحيح ... وهذي هي الحقيقة الي نعيشها ! .. وانا اعرف واحد امه مصرية وهو ماعنده مشاكل وخاله شغال معاه بس مع هذا مايحب هالمعلومه تطلع برع الاصدقاء والمعارف ~_~ .

كلامك هو الواقع بعينه...ومهما نقول ونحاول نكون مثاليين...الواقع ونظرة المجتمع

يفرض نفسه غصبن عنا...:(


[/COLOR]


اعتقد المجتمع اله دوووور كبير مع احتراااامي لكل الجنسيات بس مثلا تجد الجنسيه الهنديه

مهانه بعض الشيء او لا يوجد احترااااام لهذه الفئه من النااااا س عشان هيك الي امه هنديه

بتلاقيه بيخجل منها ...

بس لو امه من الجنسيااااات ذات شئن عالي بتلاقي بكل فخر بيجي وبيقلك انا امي .......


شروق يوم كنت صغيره كانوا جيراننا الاب قطري والام هنديه...عيال قريتنا الله يسامحهم

ما خلوا الولد في حاله...تطنز واهانات لين تعقد الولد واصبحت شخصيته ضعيفه

من كثر الاهانات...تدرين شسووا..؟ تركوا القريه بكبرها وراحوا منطقه ثانيه..:weeping:


ليش تنحرج من أمك ليش عاد الأب كلش ارجع قبل 80 سنة وبتعرف أصل أبوها من وين


ما فهمت...الاب قطري ..يعني وش بيكون..؟

:omen2:


أمااا هههههههههههههههههههههه :funny::funny::funny::funny::funny::funny:


:nice:

[هتـان قطر]

اللي يتحرج من امه انسان مريض ولا بكفو

الام هي الام بكل زمان ومكان

تعطي وتعطي وتعطي وفي الاخر ما تاخذ من عيالها الا التنكر منها ومن اصلها امحق عيال اقول


ضوى اذا كانوا صغار ما تحكمين عليهم بالمرض النفسي...انا الوم المجتمع والناس اللي

حواليه هم اللي اسسوا هالفكره في النفوس..الله يعينهم



هلا اختى هتان

موضوع حساس الصراااحه انا امي من قطرية :) خليجيه

واهم كذا انها ربتنا وطلعت رجاال ينشد بهم الظهر

ولكن انتي فكري معااى ياهتان لو انتي امج هنديه وانا قتلج يابنت الهنديه

شنو ردة فعلج -- خلج واقعيه وبعيدا عن المثاليه :)

اهني في الخليج بالذات والدول العربيه الهنديه اكثر شي معرووفه شنو وظيفتها

يمكن علشان كذي الولد يتحسس من الموضوع هذا ومن خاله (( راجوا ))

فل كان عربي كان اخذ الموضوع بسهاله

ولكن العقده هي الهنديه

ولكن انا عن نفسي انصحه انه يكون رجاال ويخلي الخرابيط ذي عنه

لاانها امه وهي اللى ربته وعلمته


وتقبلي احتراامي


بوخالد الخليجيه ما عليها خلاف الا بالعكس يفتخرون اذا خوالهم من احدى الدول الخليجيه

علشان كل ماجات العطله يروحون لخوالهم...:victory:


المشكله تكمن اكثر شي في اللي امه هنديه...اتمنى من كل قلبي انهم يغيرون هالفكره

خصوصا المدرسات لازم ينبهون الطلاب لهذا الشي ويفهمونهم انه مافيه فرق بينه

وبين جميع الطلاب اللي معه...اتمنى ذلك:)

[هتـان قطر]

خخخخخخخخ اليخاندرو

شوفي هتان

طبعا احنا نعيش في مجتمعات ولابد من التأثر بها ولكن ان جعلنا الأهتمام الأكبر في بعض

المجتمعات المتخلفه فسنظل تحت ضغوطهم

هناك عادات اكبر من جنسية الأم تغيرت وانثرت علما انها عادات حسنه وتتبع تعاليم الدين

فلو قارنا بين هذه العادات وهذه العقليات لرأينا أن الأمر سهل جدا ولا ينبغي الأحراج

لابن الروسيه معاند او ابن الكنديه او غيرها من الجنسيات

ولأ اعتقد أنني سأسمح لاي شخص أن يتحدث عن والدتي مهما كانت جنسيتها

بالأضافه ان الأنسان العاقل لن يتجرأ بأن يقول مثل هذه التفاهات الباليه والتي أكل الدهر

عليها وشرب

هناك ملوك ورؤساء امهاتهم أجنبيات وقد حكموا دولا

واما بالنسبه للجنسيه الهنديه فالهنود يمتلكون مالا تملكه الدول العربيه قاطبة

فلا نستهين بهذه الجنسيه التي أنجبت أبو الكلام :nice:


منهو ابوالكلام..؟ انا سامعه هالاسم من قبل..:rolleyes2:

احنا ندري بكل شي ..بس على ارض الواقع كل شي يتغير..

سهم حتى احنا لما احد يجي يخطب وامه مب قطريه نتردد الف مرة...:weeping:


هذه الظاهرة ( الانحراج )منتشرة خاصة بين الطلاب اللى أمهاتهم غير قطريات.

وياويلك ويا سواد ليلك ، لو عرفوا عيال صفك اسم امك ، فما بالك لو طلعت امك مصرية او هندية أو .....الخ


اذكر واحد في الفريج امه مصرية يعرفونه ربعه بولد المصرية ، لان اغلبية عيال الفريج نفس اسمه.


اما
اذا كبر الطالب وعقل واصبح رجلا
عرف ان مافيها شي


هذا اللي محتاج تغيير من قلب...ولد فلانه وولد علانه..

الرسول صلى الله عليه وسلم تزوج ماريا القبطيه وهي من الاقباط وانجبت ابنه

ابراهيم...وتزوج صفيه بنت حيي وكانت يهوديه واسلمت..ولنا فيه قدوة

[هداف]

الله يسامح الشيبان اللي ما ختاروا النسب الطيب والام اللي يتشرف فيها ولدها
وهذا خطأ الاب انه ما يختار خال طيب لولده وما لوم هذا القطري المتعقد من مقولة
( ولد المصريه ولد السوريه ولد اللبنانيه ولد الهنديه الخ ) لان المجتمع عندنا له عاداته وتقاليده وصفاته الخلقيه وهذا الولد طبيعي بيكون شكله وكلامه مختلف عن بني عمه المرددين من خوال وعمام والعيال وهم صغار دائما ما تكون بينهم مشاكل وهمز ولمز وطنايز وبا لتالي الولد بيشيل معاه ها لعقده غصبن عليه


ولكن هي امك لو كانت امه سودا هي امك شيلها على راسك وحب تراب رجولها والله يسامح ابوك اللي ما عرف يختار خوالك

[هتـان قطر]

هذا واقع حاصل

ان انحرج وكبر السالفة ،، راح ياثر على نفسه بالنهاية
والموضوع اشوف مايحتاج تكبير
من الشخص اللي امه تكون هندية او باكستانية او ايرانية او نيبالية او امريكية او نيجيرية

ادري ، مقصوده
دخلت الاسم عمدا
ليش لو كانت امك امريكية راح يكون الوضع عادي ؟
لانه شي تربينا عليه
ان هذا كشخة ،، وهذا كجره :omen2:

اشوف ماله داعي الحرج ،،:discuss:
بالعكس الثقة بالنفس تخلي اللي حتى في نفسه كلمة يبي يبديها استهزاءا راح يبلعها
ام ان كان الشخص خجول من هالشي ومستحي من أمه
فاعتقد الغلط منه ، المفروض مايخجل من هالشي ،،:discuss:


كنا في المدرسة في الابتدائية او بالاحرى في النموذجية
ومعانا شخص اصله هندي ،، أمه كانت الخدامه في المدرسة او بصيغة حلوة الفراشة
ماكان يستحي ،، وكان في الفسحة يروحلها وتعطيه السندويشات جدام الكل
والكل يدري ان هذي امه ،، وماكان يستحي
مع انه شكله مثلنا وثوبه وحتى كلامه

وان عايره شخص مريض ياولد الخدامه
كان بكل برود يقول امي تشتغل احسن من امك اللي قاعده في البيت مثل المزهرية :funny: ويفتخر فيها :victory:
مشكلة ايام الطفولة خخخخ

وشكرا على الموضوع هتان قطر



اكيد ام هالولد اللي معكم مفهمته يفتخر بنفسه وبامه وهذا الشي ولد عنده قوة الشخصيه..

لكن بعض الامهات مكسورات الجناح فكيف بيستمد هالولد قوة الشخصيه...

تسلم يابو البكاسينج على هالرد..:)

[هتـان قطر]

بصراحه امي برازيليه بس الحمدلله اسلمت , وانا طالع على خوالي احب كره القدم .

وياويل من يقول فيهم شي .


تعتقد لو امك هنديه كنت بتصرح بهذا الكلام...؟

:omen2:


أنا أمي الله يرحمها إيـــرانيـــة من سلالة حكمت بلاد فارس :victory::victory:


والنعم ..ليش لا دامها مسلمه :nice:


:victory::victory::victory::victory:


:nice::nice::nice:

[هتـان قطر]

اكيد جيتي من المدرسة هتان :p


اول شي يعطيك العاااافيه دايماً اطلعين مواضيع حلوه :victory:


الاخوان ماقصرو وقالو اللي كنا بنقوله اللي يستعر من امه ولا اصله هذا فيه عقده نفسيه :secret:

وضحكتني يا بوكسينج عن للي قال حق الصبي احسن من امك اللي قاعده بالبيت كنها مزهرية هههههههههههههه



تحيااااااتي لك يا اختي الغااااليه :nice:


الحمدلله وصلت..وتغديت مع ابو العيال بعد...

miss-qatr ما تعتقدين ان المجتمع له دور في هذا الامر..؟

:nice:


لو هالسؤال تم توجيهه للطلاب في المدارس افضل وبتكون الاجابة عليه اكثر واقعية .

بس السؤال الي يطرح نفسة اذا امه كانت هندية ابوه شنهو جنسيته اكيد مب قطري لأنه لو كان قطري زوجته الهندية بتحصل على الجواز وبتصير قطرية . واذا صارت قطرية بتكون مثلها مثل غيرها قطرية اما اذا جينا للاصل فممكن الي يقول لهالولد امك هندية يرد علية مثلا ويقوله امك ايرانية او سعودية او يمنية او بحرينية اقصد اذا رجعنا لأصول اهل قطر ووحده بوحده .

وهذي المشكله..انه فيه مدرسات الله يهديهم ملتزمين فقط بالكتاب المدرسي..

اتمنى من كل مدرسه انه يكون دورها اكبر واشمل من التعليم ..

:nice:



تأخرتي هتان كل هذا من زحمة الطريق:fight:

هذا انا جيت...وعورتني اصابعي من الطقطقه...


فاصل ونواصل..

[بنت المنتدى]

http://gallery.7oob.net/data/media/72/CB012188.jpg

بردي على قلبج حبيبتي :)

[جلمود]

http://gallery.7oob.net/data/media/72/CB012188.jpg

بردي على قلبج حبيبتي :)

ليش ما تشرب 7 أب :rolleyes2:

[هتـان قطر]

http://gallery.7oob.net/data/media/72/CB012188.jpg

بردي على قلبج حبيبتي :)


ليش ما تشرب 7 أب :rolleyes2:



مشكورين..

توني اصوت على الخدامه تجيب لي كولا..

[maryam5]

صح كثير من الناس يستعرون من امهاتهم وجنسياتهم
والله امي مهما كانت تبقى تاج راسي

اعرف بنات امهاتهم هنديات وباكستانيات ماكانوا يقولون لنا ما ادري ليش يخشون ولما عرفنا ان امهاتهم هنديات ماكان لهم وجه يقابلونا كلش

حتى اشكالهم تبين ان فيهم عرق هنود بس ينكرون لكن لين متى؟؟؟؟

فديت امي وريحة امي والله

[moon_night]

بصراحه الحمدلله ان امي قطريه ولاني واقعيه يمكن اذا امي مش قطريه وحد عايرني بجنسية امي بتأثر

صح امي احبها وكل شي لكن الكلام يجرح

وانا اشوف الاهل هم الي يدخلون هالافكار في راس عيالهم يعني لازم الام تربي عيالها ان مافي فرق بين جنسيه وجنسيه خلاص كلنا بشر

[ANONYMOUS]

عشان تدرين ان قمة الاحراج

ولا عضو قال ان امه هنديه.. لان احراج.. مهما كبر الانسان..

ذكرتيني بقصه..

مره كان عندي دوره تدريبيه شباب وبنات قطريين واجانب,,.

المهم.. في البريك اروح اعمّر الطاسه..

رديت اللوبي.. لقيت قاعدين سوالف..

وكان محور حديثهم.. ان اغلب الموجودين القطريين امهاتهم هنود.. وكانوا يسولفون عن الموضوع عادي وبكل اريحيه وكل واحد يقول منطقتهم.. والاكل المشهور..

انا تقريبا الوحيد اللي امي اسبانيه..

رديت البيت تهاوشت مع الوالد ليش ماخذ هنديه .. عشان اشبك معاهم..

:p



نقطه مهمه.. انا ماعندي اشكاليه في الناس اللي امهم من اي جنسيه..

وخصوصا الهنود..

ما انسى اجار المنجا اللي كنت اخذه من ديلي انديا.. يوم كنت اوفرسييز ستيودنت

:)

[ROSE]

اسمحي اختي هتان على اغلاق الموضوع

والسبب

التسبب بالحساسية مابين الاعضاء والتجريح بالكلام فالافضل اغلاقه

وقد شهدنا رأي شريحه جيده من الاعضاء

اشكرك على سعة صدرك

[ابوعلي]

:nice::nice::nice:


لاحظت هالشي من وحده في المنتدى :secret:

اتمنى تخلين ملاحظتج لنفسج وما في داعي تقولين انج لاحظتي من وحده في المنتدى

هل انتي تعرفين هالوحده شخصيا حتى تحكمين عليها

اتمنى ترك هالاسلوب والاولى ان الشخص ينشغل بنفسه بدل من متابعة الاعضاء


اسمحيلي اختي روز اني ضفت هالرد بعد اغلاق الموضوع

[ROSE]

اتمنى تخلين ملاحظتج لنفسج وما في داعي تقولين انج لاحظتي من وحده في المنتدى

هل انتي تعرفين هالوحده شخصيا حتى تحكمين عليها

اتمنى ترك هالاسلوب والاولى ان الشخص ينشغل بنفسه بدل من متابعة الاعضاء


اسمحيلي اختي روز اني ضفت هالرد بعد اغلاق الموضوع



مسموح اخوي وفعلا فيه ناس فاضيه