بروح فرنسا ومدريد مطلوب مساعدة خبراء هذي الدولتين

[RJ83]

السلام عليكم..

توني كنسلت سفرة الصين وبروح باريس ان شاء الله .. لمدة أسبوع والوجهة الاولى دزني لاند لمدة 3 ايام والباقي موزعه على الاماكن الثانية في باريس .. فيا ليت حد يفيدني باحسن اسعار مع اسماء الفنادق لدزني .. أحسن وسائل التنقل بين دزني ومدينة باريس ،، ووين تنصحوني اروح ــ للشوبنج والمطاعم والاماكن السياحية واي احسن الاوقات في اليوم للذهاب لها .. وفي الاسبوع الثاني من باريس يمكن انروح بلدة مجاورة او منطقة ثانية في فرنسا..وحاليا انفكر في مدريد..اشرايكم؟

يا ليت حد ينصحني ويفيدني ويعطيكم العافية..

[Chambray]

هلا اخوي
شلونك عساك طيب
شوف يالغالي ، بالنسبة لديزني 3 ايام واحد :)
اسكن في باريس ، وخل يوم لديزني ، ويوم آخر لبارك استريكس http://www.parcasterix.fr/ وهي ملاهي لاتقل حلاوه عن ديزني وفيها العاب خطره وحلوه :)
وخل يومك من الصبح لين الليل ،

وبالنسبة للسوق انا انصحك في منطقة اسمها val d'europe تحصلها ياطويل العمر قبل ديزني لاند بمحطة وحده عن طريق rer وهو عبارة عن منطقة تسوق رخيصة بالمقارنه مع باريس :) http://www.valdeurope.fr/

بخصوص ملاهي استريكس حط parc astérix في اليوبتيوب ، وشوف الفيديوهات :)


واحسن وسيلة للتنقل بين باريس وديزني لاند هو rer وهو نفس الميترو بس اكبر ويطلع لضواحي باريس واقبض الخط A تحصله في كل من محطة قارديلون ومحطة شارديغول ايتوا ( محطة قوس النصر ) ..

راح ارسلك لك رقمي على الخاص واي شئ اتصل ، وحاضرين لك ..

[Chambray]

بخصوص مدريد انت متأكد تبي تروح مدريد ؟
ليش ماتروح سويسرا ؟؟؟؟؟ وتقعد هناك على الاقل اسبوع وتشوف الثلج وتستمتع فيه :)
مدريد في الصيف شوي حاره :) حلاتها في شهر 2 او 3 او 4 او 5

[Chambray]

http://www.boum.info/lien%20Parc%20Asterix.gif

Bon voyage monsieur

[fadhel]

عزيزي
اولا : اليوم الاول خلك في باريس وتمشي في الشانزليزية حتي تتعود علي الجو لايه شوي حار انا توني جاي وبعد ما تسكن وترتاح وتمشي في الشانز حاول تروح الي مكان اسمة ابوقير وهو شارع تجاري كل التكاسي يعرفونة وهناك تقدر تحصل كل الملابس والمويديلات التي بتزل في السوق وبسعر ارخص
من الشانز عند قوس النصر هناك باص يأخذك في جولة لمدة ساعتين اركب الباص ب 12 يورو ولا تستحي واركب فوق علشان تشوف كل المناظر الحلوة ومنها راح تعرف وتحدد المناطق اللي تبي تزورها
كذلك لاحظ منطقة اسمها الاوبرا وبالخلف بالضبط راح تشوف عدة مول ( الاول للرجال فقط الثاني للنساء فقط الثالث للأثاث ) المحلات اسمها lafayette
اليوم الثاني : روح الي مطقة اسمها لاديفنس وهو عبارة عن عده مولات وبأمكانك تمضية اليوم كلة هناك وهي من الشانز 7محطات يعني اخر محطة في القطار الخط الاصفر
اليوم الثالث والربع : احجز في ديزني لاند لمدة يومين لانة زحمة شوي وكل لعبة تنتظر حوالي ساعة فيها
لاتنسي تصور رحلتك كل شي حلو بالصوره
ورحلة سعيدة
واعذرني علي محدوية المعلومات

[دانـة قطـر]

ودونا فرنسا بنعفسها عفسا :nice:

مثل ما قال أخونا جاسم البدر مدريد حاره وما أحبها <<< اشدخل :eek5:

توكل على الله رورح سويسرا أو إيطاليا :victory:

بالتوفيق إن شاء الله

[RJ83]

هلا اخوي
شلونك عساك طيب
شوف يالغالي ، بالنسبة لديزني 3 ايام واحد :)
اسكن في باريس ، وخل يوم لديزني ، ويوم آخر لبارك استريكس http://www.parcasterix.fr/ وهي ملاهي لاتقل حلاوه عن ديزني وفيها العاب خطره وحلوه :)
وخل يومك من الصبح لين الليل ،

وبالنسبة للسوق انا انصحك في منطقة اسمها val d'europe تحصلها ياطويل العمر قبل ديزني لاند بمحطة وحده عن طريق rer وهو عبارة عن منطقة تسوق رخيصة بالمقارنه مع باريس :) http://www.valdeurope.fr/

بخصوص ملاهي استريكس حط parc astérix في اليوبتيوب ، وشوف الفيديوهات :)


واحسن وسيلة للتنقل بين باريس وديزني لاند هو rer وهو نفس الميترو بس اكبر ويطلع لضواحي باريس واقبض الخط A تحصله في كل من محطة قارديلون ومحطة شارديغول ايتوا ( محطة قوس النصر ) ..

راح ارسلك لك رقمي على الخاص واي شئ اتصل ، وحاضرين لك ..

مشكور اخوي ..
ان شاء الله احنا وجهتنا الاولى لديزني لمدة يومين وودنا بسكن قريب منها.. بأي فندق او شقق بغرفتين او 3 تنصحني سواء في باريس وكذلك بالقرب من ديزني لاند يا ليت تعطيني اسماء عشان اشوف الحجوزات وانا شفت اشكثر عالنت بس ما عرفت اختار ..

يعطيك العافية:nice:

[RJ83]

عزيزي
اولا : اليوم الاول خلك في باريس وتمشي في الشانزليزية حتي تتعود علي الجو لايه شوي حار انا توني جاي وبعد ما تسكن وترتاح وتمشي في الشانز حاول تروح الي مكان اسمة ابوقير وهو شارع تجاري كل التكاسي يعرفونة وهناك تقدر تحصل كل الملابس والمويديلات التي بتزل في السوق وبسعر ارخص
من الشانز عند قوس النصر هناك باص يأخذك في جولة لمدة ساعتين اركب الباص ب 12 يورو ولا تستحي واركب فوق علشان تشوف كل المناظر الحلوة ومنها راح تعرف وتحدد المناطق اللي تبي تزورها
كذلك لاحظ منطقة اسمها الاوبرا وبالخلف بالضبط راح تشوف عدة مول ( الاول للرجال فقط الثاني للنساء فقط الثالث للأثاث ) المحلات اسمها lafayette
اليوم الثاني : روح الي مطقة اسمها لاديفنس وهو عبارة عن عده مولات وبأمكانك تمضية اليوم كلة هناك وهي من الشانز 7محطات يعني اخر محطة في القطار الخط الاصفر
اليوم الثالث والربع : احجز في ديزني لاند لمدة يومين لانة زحمة شوي وكل لعبة تنتظر حوالي ساعة فيها
لاتنسي تصور رحلتك كل شي حلو بالصوره
ورحلة سعيدة
واعذرني علي محدوية المعلومات

مشكور اخوي.. ابوقير وقوس النصر شيسمونهم بالانجليزي والفرنسي..واشلون الجو في باريس بشهر 8

ويعطيك العافية

[RJ83]

ودونا فرنسا بنعفسها عفسا :nice:

مثل ما قال أخونا جاسم البدر مدريد حاره وما أحبها <<< اشدخل :eek5:

توكل على الله رورح سويسرا أو إيطاليا :victory:

بالتوفيق إن شاء الله

هلا والله شكلي بغير رايي دام ان حر احنا بروحنا شاردين عن الحر :rolleyes2:

[RJ83]

بخصوص مدريد انت متأكد تبي تروح مدريد ؟
ليش ماتروح سويسرا ؟؟؟؟؟ وتقعد هناك على الاقل اسبوع وتشوف الثلج وتستمتع فيه :)
مدريد في الصيف شوي حاره :) حلاتها في شهر 2 او 3 او 4 او 5

شهر 8 في ثلج بسويسرا؟؟؟
واي منطقة تقصد.. واي احسن طريقة للسفر من باريس لها؟؟؟


يعطيك العافية

[Chambray]

مشكور اخوي ..
ان شاء الله احنا وجهتنا الاولى لديزني لمدة يومين وودنا بسكن قريب منها.. بأي فندق او شقق بغرفتين او 3 تنصحني سواء في باريس وكذلك بالقرب من ديزني لاند يا ليت تعطيني اسماء عشان اشوف الحجوزات وانا شفت اشكثر عالنت بس ما عرفت اختار ..

يعطيك العافية:nice:

شوف اخوي ، من باريس إلى ديزني بالrer بالآغويغ ، يستغرق نص ساعة فقط ،
وإذا بتسكن دور سكن في val d'europe
انا سكنت هناك بشقق سكنية ممتازة لكن شوي ضيقه ، وهذي طبيعه فنادق اوروبا ،، وفي فندق ibis بجانبهم سعره اعتقد 70 يورو ، ومن val d'europe لين ديزني محطة وحدة بس اقل من دقيقتين بالrer وتنزل في قلب ديزني .. لكن فنادق ديزني احسنهم نيويورك ديزني او فندق ديزني لاند وهو في قلب الملاهي ، وعندك الهوليدي إن قريب وعندك الموفنبيك و و وإلخ
هذا اذا حبيت تسكن في ديزني .
لكن إذا حبيت تسكن في باريس شوف لك شقق فرايزر في اللاديفانس ، شقق وايد حلوه ومصنفه 4 نجوم .. ومكيفه وعلى كيفك ..




شهر 8 في ثلج بسويسرا؟؟؟
واي منطقة تقصد.. واي احسن طريقة للسفر من باريس لها؟؟؟


يعطيك العافية

هلا اخوي
في بعض القمم في سويسرا الثلج 24 ساعة على مدار السنه ، وعندك على سبيل المثال لا الحصر قمة جبل تيتلس وقمة جبل Eiger وقمة يونفروخ وعندك زيرمات للبراد على طول السنة :)
احسن وسيلة للسفر السيارة :) او القطار ، او الطائرة لين جنيف ومن ثم خذ لك سويس باس وتوكل على الله روح اي منطقة تحب ،، وادعيلي في سويسرا من كثر ماتشوف مناظر طبيعيه خلابه ، تقول سبحان الله على هالطبيعه الخلابه ( جنتهم في الدنيا ) ..

[RJ83]

هلا اخوي جاسم .. بغيت اخذ رايك اذا عندك خلفية عن جزيرة Corsica اي احلى منطقة فيها واحلى شاطئ واشلون ممكن تروح لها من باريس ..لاني افكر اروح اسبوع..


يعطيك العافية

[Chambray]

هلا اخوي جاسم .. بغيت اخذ رايك اذا عندك خلفية عن جزيرة Corsica اي احلى منطقة فيها واحلى شاطئ واشلون ممكن تروح لها من باريس ..لاني افكر اروح اسبوع..


يعطيك العافية

هلا اخوي
اعتقد انك تقصد جزيرة Corse
http://www.tlfq.ulaval.ca/axl/europe/images/corse-map-Mediterr.gif
هذي ياطويل العمر مارحت لها .. بس هي تقع جنوب فرنسا ، في البحر الابيض المتوسط ، قريبه من ايطاليا ، وحجمها تقريباً اصغر من قطر بشوي ، فيها جبال ، وتعتمد هالجزيرة على السياحة . يعني ان شاء الله تتوفق فيها ، واعتقد إذا رحت كان او نيس في رحلات بحرية لها او بالطائرة
عدد سكانها حول 280 الف نسمه .. وهي مسقط رأس نابليون بونابارت

هذا موقع الرسمي السياحي للجزيرة (http://www.visit-corsica.com)

[مليت]

قالت باصيف بين فرنسا ومدريد

وانت يا مليت وين ودك تصيف

قلت اتركيني للحزن وتناهيد

الله يخلي غرفتي والمكيف


منقوووووووووووووووووووووووله اجازززززززه سعيده يارب

[RJ83]

قالت باصيف بين فرنسا ومدريد

وانت يا مليت وين ودك تصيف

قلت اتركيني للحزن وتناهيد

الله يخلي غرفتي والمكيف


منقوووووووووووووووووووووووله اجازززززززه سعيده يارب

والله الغرفة مع المكيف احلى شي في الصيف..:nice:

يعطيك العافية

[RJ83]

هلا اخوي
اعتقد انك تقصد جزيرة Corse
http://www.tlfq.ulaval.ca/axl/europe/images/corse-map-Mediterr.gif
هذي ياطويل العمر مارحت لها .. بس هي تقع جنوب فرنسا ، في البحر الابيض المتوسط ، قريبه من ايطاليا ، وحجمها تقريباً اصغر من قطر بشوي ، فيها جبال ، وتعتمد هالجزيرة على السياحة . يعني ان شاء الله تتوفق فيها ، واعتقد إذا رحت كان او نيس في رحلات بحرية لها او بالطائرة
عدد سكانها حول 280 الف نسمه .. وهي مسقط رأس نابليون بونابارت

هذا موقع الرسمي السياحي للجزيرة (http://www.visit-corsica.com)

يعني افهم من كلامك انه ما يصير اروح لها من باريس بالطيارة؟؟
زين اذا بروح من كان او نيس احصل حجز اكيد ؟؟

يعطيك العافية اخوي وما تقصر ..

[Chambray]

يعني افهم من كلامك انه ما يصير اروح لها من باريس بالطيارة؟؟
زين اذا بروح من كان او نيس احصل حجز اكيد ؟؟

يعطيك العافية اخوي وما تقصر ..

لا ياخوي
اكيد في طيارة لين هناك من باريس
انت تتكلم عن باريس ماتتكلم عن مدينة صغيره
باريس فيها مطارين ، ولازم تحصل رحلة او ثنتين في اليوم ..
مع العلم ان الجزيرة مو صغيره .. كبيرة الجزيرة واكيد في طيارات من باريس لين الجزيرة ..

[Chambray]

أخوي انا بحثت لك عن الرحلات ، طلع فيها رحلات كثيرة في اليوم من باريس ، لكن المشكلة ان هناك اكثر من مطار في هالجزيرة ، مادري انت في اي مطار او مدينة تبي تروح؟
http://www.worldatlas.com/webimage/countrys/europe/lgcolor/corsica.gif

موقع اكسبيديا - اختر Vol - يعني رحلات بالطائرة ومن ثم حط مدينة الذهاب والعوده
http://www.expedia.fr/

[RJ83]

أخوي انا بحثت لك عن الرحلات ، طلع فيها رحلات كثيرة في اليوم من باريس ، لكن المشكلة ان هناك اكثر من مطار في هالجزيرة ، مادري انت في اي مطار او مدينة تبي تروح؟
http://www.worldatlas.com/webimage/countrys/europe/lgcolor/corsica.gif

موقع اكسبيديا - اختر Vol - يعني رحلات بالطائرة ومن ثم حط مدينة الذهاب والعوده
http://www.expedia.fr/

يعطيك الف عافية احوي عالمجهود وانا اذا الله راد اتوقع اروح مطار اجاكسيو او باستيا ..
اتعرف ارخص طيران من هناك وتقريبا كم ساعه.. وهل اسوي الحجز من النت او من المطار..

شي ثاني.. اي موقع فنادق تنصحني فيه للحجز اهم شي يكون موثوق..

وتسلم اخوي :)

[jajassim]

توني كنسلت سفرة الصين وبروح باريس ان شاء الله

:omg::omg:

:sorry:

[Chambray]

هلا اخوي الطيران الفرنسي Air France ساعة و35 دقيقه
من مطار اورلي في باريس إلى مطار اجاكيو Ajaccio وهذا رمزه AJA

هذي دايركت

وفي ترانزيت في نيس بتصير 3 ساعات ونص

اما بخصوص الفنادق فلك الخيار
A. Hôtel Fesch - www.hotel-fesch.com -
B. Hôtel du Golfe - www.hoteldugolfe.com -
C. Hotel napoleon - www.hotel-napoleon-ajaccio.com - -

E. Hôtel Albion - www.albion-hotel.com -

F. Hotel-Demeure Les Mouettes - www.hotellesmouettes.fr

H. Hôtel San Carlu - www.hotel-sancarlu.com -

I. Hôtel Saint Charles - www.hotelsaintcharlesajaccio.com -

J. Hotel du Palais - www.hoteldupalaisajaccio.com


بس على حسب آراء الجمهور فالأفضل http://www.hotellesmouettes.fr/ هذا الفندقHotel Les Mouettes

[RJ83]

انت عجييييب بصراحة ..تسلم اخوي وما قصرت ..بس هذي الفنادق كلها في اجاكسيو والا في منها في باستيا لاني افضل باستيا..

وبخصوص المقاطعه اللي حطيت موضوعها هي وين مكانها وهل الثلج فيها على مدار السنة.. اواشلون الجو في الصيف لان المنطقة عجبتني افكر فيها..:)

[Chambray]

انت عجييييب بصراحة ..تسلم اخوي وما قصرت ..بس هذي الفنادق كلها في اجاكسيو والا في منها في باستيا لاني افضل باستيا..

وبخصوص المقاطعه اللي حطيت موضوعها هي وين مكانها وهل الثلج فيها على مدار السنة.. اواشلون الجو في الصيف لان المنطقة عجبتني افكر فيها..:)

هلا الغالي
الفنادق كلها في اجاكسيو فقط ،، انت ماقلت لي انك تبي باستيا ؟ على فكرة اجاكسيو من اكبر مدن هالجزيرة ..

بخصوص مقاطعة بيغينية الثلج حتى بداية 5 ، اعتقد ان انتهى موسم التزلج ، مالحقت عليه قبل !! بس احين المنطقة فيها ربيع مو طبيعي وفيها شلالات وانهار حلوه ، وعندك رياضة التجديف في قريه اولوريو سان مارين
http://www.tourisme-oloron.com/pyrenees/-Francais-

http://soeix.free.fr/

بس يبيلك سيارة علشان تتفرفر على راحتك ، ومنها تمر على اسبانيا لان هالمنطقة هي الحدود بين اسبانيا وفرنسا ، وقريب منك سانسبيستيان في اسبانيا وعندك مدينة بالباو ..

في رحلة الشباب مقررين يروحونها الاسبوع الجاي لهالمدينة ، لكن انا مش رايح معاهم وهي رحلة خاصة بالتجديف في النهر ، وهي رياضة حلوه
http://www.tourisme-oloron.com/pyrenees/IMG/ruboff8.jpg

[RJ83]

تسلم اخوي.. يعطيك مليووووووووووووووووووووووووون عافية :)

[Chambray]

بخصوص فنادق باستيا والله ماعندي فكرة عنها بتاتاً
لكن بحثت لك في النت ووجدت لك التالي

Hotel Dolce Notte
Hotel Ostella
Best Western Corsica Hotel Bastia Centre
Hotel Central
Hotel les Voyageurs
Hotel l'Alivi
Bonaparte Hotel

[RJ83]

أي أحسن موقع ثقة لحجز الفنادق ؟؟ :)

[Chambray]

booking
واكسبيديا
اكبر مواقع لحجز الفنادق

[Chambray]

http://www.expedia.com
http://www.booking.com

[RJ83]

مشكور اخوي .. ما قصرت

[بولينجر]

اختيار موفق إن شاء الله.... الله يوفقك وتروح وترد بالسلامة....

[RJ83]

اختيار موفق إن شاء الله.... الله يوفقك وتروح وترد بالسلامة....

الله يسلمك اخوي

[RJ83]

بالنسبة لفيزا الشنقن.. هل لازم اسويها من سفارة فرنسا؟؟ والا عادي من اي سفارة؟؟
وهل لازم اروح شخصيا والا عادي ابعث مندوب؟؟
وشالمطلوب لها؟؟

وشكرا