صفعه قويه يتلقاها طلاب منازل الشهاده الثانويه..والسبب..؟

[هتـان قطر]

اليوم هو اول يوم لطلاب الشهاده الثانويه..وفي صبيحة هذا اليوم تلقى 50 طالب من

طلاب المنازل صفعه قويه من قبل اداريين المدارس ومن المسؤولين في الوزاره..

كيف ذلك..؟

كنت استمع لبرنامج وطني الحبيب الا جات عدة اتصالات من قبل الطلاب يشتكون من

عدم معرفة المدارس اللي بيقدمون فيها الاختبارات..

احد الطلاب ينتمي لمدرسة جاسم بن حمد واخبره الاداري ان اختباره في مدرسة ابن تيميه

فلما حب يتأكد كلم الوزاره وقاله احد المسؤولين المدرسه توجد في المعموره..

راح اليوم الصبح وما لقى المدرسه لما كلمهم قالوا هي اصلا توجد في مكان مدرسة

مدينة خليفه سابقا...ياخي ليش ما وضحتوا للطلاب من قبل..

واحد ثاني قالوا له روح مدرسة مدينة خليفه ..لما راح لقى اللافته مكتوب عليها

مدرسة ابن تيميه..احتار وكلم ابوه وكلموا مدرسة جاسم قالوا نعم هي المدرسه

بس كانت مدرسة مدينة خليفة سابقا..دخل قبل الوقت بخمس دقايق..

بعض الطلاب كانوا يكلمون البرنامج والساعه كانت تشير الى 8 وثلث...

يعني بدا الامتحان وهم مع دورية الشرطه يبحثون عن المدرسه وبعضهم على

الخط مع حسن الساعي اللي جزاه الله خير قعد اتصالات مع المدارس..

شرايكم في اللي حصل...؟


ومن المسؤول عن اللخبطه اللي صارت..؟

[ANONYMOUS]

الخطأ مشترك

من الوزاره اللي ماوضحت

ومن الطالب اللي ماستعلم قبل الامتحانات بوقت كافي

[The Blade]

لاحول ولاقوه شئ يحير
وزارة التربية X مستشفى حمد
لازم نشوف حل لهم...

[بنت المنتدى]

:eek5::eek5::eek5::eek5::eek5::eek5:

بل بل بل بل .. والله انكسر خاطري كفايه هم الدراسه والخوف من الاسئله والارهاق في هالايام بالذات ...!!


والله العظيم يحرووووون :anger1::anger1::anger1::anger1:


عاد كل شي اله طلابنااا حرام والله :anger1::anger1::anger1:



وبيض الله وجه ولد الساعي عمره ماقصر بشي لكن مين اللي بيتحمل اللي صاااااار ..!

[طارق]

صراحه

الوضع يلخبص , انشاء الله المساكين ماتأذو

[دلة الرسلان]

هتان اول شيء صباح الخير:nice:

الحين المفروض الطالب وراه امتحان شهاده والمدارس فاتحة بيبانها ما اجزت يركب سيارته

الله لا يهينه ويدور مدرسته قبلها بشهر الا اذا الوزارة ما نزلت اسماء المدارس مقار المنازل

الا قبله بيوم هذا شيء ثاني :omen2:

[الخيال قطر]

صح وزارة التربية فيها نقص في الترتيب والتنظيم

كما حصل من اعوام انتقال مدرسة التجارة الثانوية مع بداية الفصل الدراسي الثاني

من المبنى القديم كان في الدوحة الى مبنى جديد في بن محمود دون اخطار الطلاب

حيث وصل الطلاب وانتظروا حتى الساعه الثامنة ولم يأتي احد وفي الاخير وجدوا الحارس

واستعلموا منه وفهموا ان المدرسة انتقلت الى منطقة بن محمود..

حيث لم يتم انتهاء من الترتيب واعطوا الطلاب اسبوع اجازة حتى يتم انتهاء

وتم تبرير ذلك بعدها بانتقالها بشكل مفاجئ وسريع ...

(((( يعني في خمس ثواني انتقلت المدرسه ولم يتسنى لهم الاعلان في الصحيفه ))))

[أم نوره]

صباح الخير اختي هتان
سمعت الحديث كله في وطني الحبيب بصراحه الخطاء من المدرسه
وجزاه الله خير الاداري الي قال بنعوضهم الوقت

[الزاجل]

الله يعينهم

[( الفهد )]

مشكلة في وقت حرج ،، الله يعينهم

[انا احساس]

مااتخيل اتعرض لهذا الموقف ....والامتحان النهائي بعد
:eek3:

[قطريه ماركه]

سمعت الشكوى في وطني الحبيب صباح الخيير ..
اللي يقول انا الحين في الزحمه وللحين ما وصلت ..
واللي نسى المعلوماات من الصدمه ...
هالوزاره وصلت سن الشيخوخه ولازم يحلووونها ...
الله يعينهم ...

[بوحارب]

الله يستر على الربع

اليوم عندهم امتحانات ليكون منهم:looking:

يسلمون هتان على الأهتمام في الأمور الشبابيه والعلمية ^^

[هام السحاب]

الله يعينهم
كفايه ضغط امتحانات الثانويه

[بوحارب]

مااتخيل اتعرض لهذا الموقف ....والامتحان النهائي بعد
:eek3:

:looking::looking:


مشكلة البنات ايام الأمتحانات:(

[مطر الحب]

السلام عليكم .. صبحكم الله بالخير


اخت هتان .. اشكرج على طرح هالموضوع

انا من انصفعو اليوم .. ولا صفعه قويه ..اتمنى ان محد يصيده هالموقف

ومتصل بعد لوطني الحبيب وما قصر حسن الساعي يزاه الله كل خير

**

دخلت مدرسة جاسم الا اصادف لوحه .. طلاب المنازل والليلي بمدرسة ابن تيميه .. ( ليش ما حطو اللوحه عند بوابة المدرسه ..البوابه الخارجيه )؟

انا وقفت مكاني ما عرفت شسوي ..

حصلت مدرس قدامي .. قلت له استاذ اي طلاب اللي بن تيميه ثالث ثانوي ولا طلاب النقل

قال طلاب ثالث ثانوي ..
ابن تيميه انا ما عرف وين موقع المدرسه نهائيا سالته وين المدرسه قال مدينة خليفه سابقا

انا طلعت ركبت الموتر رحت المدرسه .. رحت مدرسه غلط ..

اشوف المدرسه مهجوره .. مني مناك اتصلت تلفون .. المهم عرفت ان المدرسه عند مركز شباب الدوحه..

ورحت .. والله لا يرويكم زحمة دوار المرخيه ..

مني مناك

قلت الا اتصل للبرنامج وطني الحبيب

اكلمهم لييين ما وصلت المدرسه ع الساعه 8 وربع ..
وادارة المدرسه ما قصرت خلوني ادخل اقدم الاختبار ..

دخلت اللجنه الساعه 8 و20 او 8 و25 دقيقه

والاختبار الساعه 8 بالضبط

اللحين السؤال ..

من المسؤول ..

ليش ما خبرونا ان طلاب المنازل راح يقدمون اختباراتهم بمدرسة ابن تيميه ..

ارقامنا موجوده عندهم .. رقم البيت + رقم الجوال

يعني الله لا يهينكم يا ادارة مدرسة جاسم خبرو الطلاب المنازل انهم راح يقدمون بمدرسة ابن تيميه

لحد يقولي انهم مشغولين ومادري شنو

طيب مشغولين ..

يوم رحنا المدرسه قبل اسبوعين من اليوم اكثر او اقل شوي ..

انا من الطلاب اللي راحو مدرسة جاسم قبل اسبوعين عشان آخذ ورقة لمن يهمه الامر + جدول الاختبارات

عشان اقدم اجازه من الدوام

ليش ما خبروني ان راح نختبر بمدرسة ابن تيميه ؟؟؟!



*****



والله يالربع اني دخلت اللجنه .. شقولكم .. والله لا تعليق بصراحه

خذيت ورقة الاساله وورقة الاجابه . خاطري احل شي .. خاطري اطلع قانون من اللي درسته .. والله ما حليت


اكذب عليكم اني حليت ربع الاساله .. اقل من الربع .. حالتي النفسيه لا تعليق بصراحه

ولا تنسون ضغط ووقت حرج ..





يعني اللحين .. باخذ دور ثاني بمادة الفيزيا .. من السبب .. من المسؤل اللي حصل اليوم ؟

[الامل القديم]

الله يعينهم

[عديـل الـروح]

صباح الخير :

* ارد على كلام الاخ / دلة الرسلاون : وأأيدة لكل ما قال .
* ارد على اللاخ / خيال قطر : ما اعتقد يا خوي ان وزارة حكومية مثل وزارة التربية فيها نقص في الترتيب والتظيم مثل ما تقول ... هذا رأئك واحترمه .... بس افيدكم بشغلتين مهمين :

الاولى : بالنسبة للمدرسة المذكورة : ليس من اختصاص الوزارة تخبر طلاب المدرسة بانتقال مدرستهم الى مكان آخر .. وانما ذلك يكون من اختصاص مدير المدرسة والادارة المعنية والطالب اللي يبي يدرس اصلا .

ثانيا : بالنسبة لجملة عدم الترتيب والتنظيم :
افيدك بموقف حصل قبل حوالي الاسبوعين :
وهو : ان مراجعين راجعوا وزارة التربية في اجراء معين وتركوا طفلتين بالسيارة ، وكتبت عنهم جريدة الراية القطرية ---
{{{ لكن الشئ اللي ما اكتبوه : ان وكيل وزارة التربية شخصيا ومساعدوه وبعض من مديري بعض الادارات نزلوا شخصيا للسيارة اللي بها الطفلتين وهم من قاموا اصلا بابلاغ الشرطة }}}}

فهل مواقف نفس هذه تدل على عدم الاهتمام او عدم التنظيم ؟؟!!!!

مع التجية والتقدير

[هتـان قطر]

اسمحوا لي يمكن ماقدر ارد على كل واحد..جزاكم الله خير على التفاعل مع الموضوع..

الصراحه حسيت بقهر لما سمعت الطلاب يشتكون ومحتارين ما يدرون شيسوون...

مثل ما قال بعض الاخوة ان الخلل في الطلاب..ليش ما راحوا قبله بيوم واسألوا عن مكان

المدرسه ..؟ لان فيه طلاب المنازل وفيه طلاب المدارس الخاصه..

وكذلك الوم مدرسة جاسم بن حمد اللي ما نبهوا الطلاب ان مكان الاختبار مب في نفس

المدرسه..الله يعينهم ومايكون هذا الحدث يؤثر على مستواهم في باقي الاختبارات..




عيالنا بعد يدورون سبب ...:victory:


الحمد لله اني شليت ولدي من هالمدرسه..:(

[مطر الحب]

مثل ما قال بعض الاخوة ان الخلل في الطلاب..ليش ما راحوا قبله بيوم واسألوا عن مكان

المدرسه ..؟ لان فيه طلاب المنازل وفيه طلاب المدارس الخاصه..

وكذلك الوم مدرسة جاسم بن حمد اللي ما نبهوا الطلاب ان مكان الاختبار مب في نفس

المدرسه..الله يعينهم ومايكون هذا الحدث يؤثر على مستواهم في باقي الاختبارات..

(

أختي هتان قطر .. اظاهر ما قريتي ردي اللي فوق ..

المهم ..

بالعقل .. خلينا نتكلم بالعقل ..

انا مسجل بمدرسة جاسم بن حمد الثانويه للبنين .. منازل ..
اختبرت الفصل الاول بمدرسة جاسم .. ليش بالفصل الثاني انقلونا لمدرسة ابن تيميه ؟

اذا انتو مش مقتنعين .. اوكي .. ما علينا ..


انا بمسجل بمدرسة أ .. لانها اقرب لي ..
ليش ينقلوني أقدم الاختبار بمدرسة ب ؟ ..

ما علينا من هذا ..

ليش ما خبرونا يوم رحنا ناخذ ورقة من يهمه الامر + جدول الاختبارات ؟

تبون اتحطونها بفوق الطلاب .. سمحولي .. خطأ من ادارة مدرسة جاسم ..






عيالنا بعد يدورون سبب ...:victory:

(

المفروض اقولج يما مب اختي هتان :tease:

والله ما عرفنا من وين ناكلها اليوم من اللي صار .. عيل شهادة ثانويه .. تقدر اتسوي فارق كبير للطلاب المنازل ..
وانتو تعرفون ان الطلاب المنازل اكثريتهم يشتغلون .. ما تدرون ان الشهاده الثانويه ايش راح اتسوي له بعمله من ترقيه ومن الى آخره ..


واللي صار اليوم .. راح ادخل دور ثاني بأختبار اليوم ؟

[هتـان قطر]

أختي هتان قطر .. اظاهر ما قريتي ردي اللي فوق ..

المهم ..

بالعقل .. خلينا نتكلم بالعقل ..

انا مسجل بمدرسة جاسم بن حمد الثانويه للبنين .. منازل ..
اختبرت الفصل الاول بمدرسة جاسم .. ليش بالفصل الثاني انقلونا لمدرسة ابن تيميه ؟

اذا انتو مش مقتنعين .. اوكي .. ما علينا ..


انا بمسجل بمدرسة أ .. لانها اقرب لي ..
ليش ينقلوني أقدم الاختبار بمدرسة ب ؟ ..

ما علينا من هذا ..

ليش ما خبرونا يوم رحنا ناخذ ورقة من يهمه الامر + جدول الاختبارات ؟

تبون اتحطونها بفوق الطلاب .. سمحولي .. خطأ من ادارة مدرسة جاسم ..





المفروض اقولج يما مب اختي هتان :tease:

والله ما عرفنا من وين ناكلها اليوم من اللي صار .. عيل شهادة ثانويه .. تقدر اتسوي فارق كبير للطلاب المنازل ..
وانتو تعرفون ان الطلاب المنازل اكثريتهم يشتغلون .. ما تدرون ان الشهاده الثانويه ايش راح اتسوي له بعمله من ترقيه ومن الى آخره ..


واللي صار اليوم .. راح ادخل دور ثاني بأختبار اليوم ؟



الله يعينكم على اللي صار اليوم..

الصراحه انا الوم المدرسه بالدرجه الاولى ..يعني تجون يوم الامتحان

وتفاجئون الطلاب بان اختباركم في مدرسه اخرى...كيف تفسرون لنا هالشي..

اتصدق انا ولدي كان عندهم وما شفت منهم اي اهتمام بالطلاب ..ومن بداية

النصف الثاني نقلت ولدي..والحمد لله تحسن مستواه وجاب نسبه طيبه..

واللي ذابحني انهم حاطين لهم موقع وخرابيط ..واخرتها هالمهزله اللي صارت

[رحال]

من يقول هذا الكلام مردود عليه :

كل من تأخر في اليوم الأول عن الأختبارات ولم يعرف

عن مدرسته أي شيء هؤلاء لم يتقدموا أصلا لأختبارات

الشفهية التي تسبق الأختبارات التحريرية بوقت كافي !!!

وهؤلاء الطلبة يأتون أصلا ليس بهدف النجاح بل من أجل

أخذ أجازة عمل وأغلبهم من العسكريين !!!

يتقدم للأختبار وبعد مضي نصف الوقت يسلم ورقته ويتوكل

على الله للبيت !!!

[مطر الحب]

من يقول هذا الكلام مردود عليه :

كل من تأخر في اليوم الأول عن الأختبارات ولم يعرف

عن مدرسته أي شيء هؤلاء لم يتقدموا أصلا لأختبارات

الشفهية التي تسبق الأختبارات التحريرية بوقت كافي !!!

وهؤلاء الطلبة يأتون أصلا ليس بهدف النجاح بل من أجل

أخذ أجازة عمل وأغلبهم من العسكريين !!!

يتقدم للأختبار وبعد مضي نصف الوقت يسلم ورقته ويتوكل

على الله للبيت !!!


أخوي رحال ..

اي اختبارات شفهيه ولي يرحم والديك ..

اللحين ما في اختبارات شفهيه :omen2:

:omen2::omen2:

واتمنى انك ما تشمل الجميع ..

اصابعك مو مثل بعض ..

وبخصوص الاجازه من العمل ..

هاي كان زمان انهم يعطون اجازه من عندهم ..

نادر ما تحصل انهم يعطون الاجازه من عندهم ..

اللحين الاجازه من رصيد الواحد نفسه ..



:secret::secret::secret:

[امل الحب]

الله يعينهم ويسهل عليهم ان شاء الله :)



من يقول هذا الكلام مردود عليه :

كل من تأخر في اليوم الأول عن الأختبارات ولم يعرف

عن مدرسته أي شيء هؤلاء لم يتقدموا أصلا لأختبارات

الشفهية التي تسبق الأختبارات التحريرية بوقت كافي !!!

وهؤلاء الطلبة يأتون أصلا ليس بهدف النجاح بل من أجل

أخذ أجازة عمل وأغلبهم من العسكريين !!!

يتقدم للأختبار وبعد مضي نصف الوقت يسلم ورقته ويتوكل

على الله للبيت !!!


اخوي الامتحانات الشفهية تكنسلت من حول 5 سنوات ماعاد به شفهي :)

[رحال]

الله يعينهم ويسهل عليهم ان شاء الله :)





اخوي الامتحانات الشفهية تكنسلت من حول 5 سنوات ماعاد به شفهي :)

أيضا مب عذر المفروض يسأل عن مقر اللجنة بوقت كافي !!!

[المخباط]

ياحبكم للتبلي والشكاوي زين كذا طاحت براسك ياطالب المنازل المفروض تخيم في المدرسه قبل الامتحان:tease:

[عبدالله العذبة]

شكرا أمهاتنا و آباءنا لأنكم تهتمون بامتحاناتنا نحن الطلاب.

و على كل حال الخطأ خطأ وزارة التربية لأن جوالات الطلاب موجودة و يستطيعون إبلاغهم بتغيير مدارسهم.

ثم من يتوقع أن يتم نقل المدرسة التي كان يقدم فيها أصلا؟

هلا هذا عُرف تعليمي؟

شخصيا لم يغيروا مدرستي و هي ابن تيمية للبنين.
.

[ونه الم]

والله حرام عليهم وهقووهم وأربكوهم
الله يوفقهم وينجحهم يارب

[Smart]

والله حرام

[الوفي]

سمعتهم اليوم والله حرام عليهم والله لوسمعتوا صوت واحد منهم وهو مرتبك وصل المعموره والمدرسه بمدينة خليفه الله يعينه مادري شلون قدم الأمتحان عقب هذا كله........