المساعد الشخصي الرقمي

مشاهدة النسخة كاملة : اعتزلت المشاعر واعتزلت القصيد



كش ملك!!
30-10-2005, 06:43 PM
لا يا شعري لا تجامل واعترف اني انتهيت!
كيف اقولك والمشاعر شوفة بحـورك ركـام


كان لي قلب وغرامه ينكتب له الـف بيـت
لكن الظاهر تعـود خافقـي عالانهـزام


ما بقت عندي سوالف قالها روميو لجوليـت
والغبي مجنون ليلى تاه في وسـط الزحـام


لا تصدق لو حكوا لك ما بكـى! والله بكيـت
بس انا اخفي دموعي عن عيون ابن الحرام


يا كثر اهل الشماته لو اقـول انـي خطيـت
والعشق اكبر خطيئه في دساتيـر اللئـام !


وينها اللي من سببها صارت حروفي يا ليت!
ليتني ما كنت عاشق لا ولا شفـت الهيـام


لعنبو ذيك الخطاوي منها وشهـو جنيـت؟
ما جنيـت الا التعاسـه والقهـر والانتقـام


اذكر اني في حياتـي للرذيلـه مـا مشيـت
ساقني عرق المراجل من خوالـي والعمـام


ومن وانا نطفه برحمها كانت امي بالمبيـت
ما تقول الا يا ربـي اجعلـه فـارس همـام


ووالدي الله يحفظه كل مـا شفتـه دعيـت
ما نسيت الخيزرانه يومها بجلـدي عـلام!


ما ظلمت ولا كذبت ولا نهبـت ولا طغيـت
ولا تعاطيـت النميمـه لا ولا نقـل الكـلام



حاشم النفس اللحوحه لا تخرب مـا بنيـت
وراس مالي في قصايد قلتها بكـل احتـرام


لكن اليوم اعتزالي للشعـر يصـرخ بطيـت
اترك الساحه لغيرك وازهـم فراشـك ونـام


ودعيني يا حروفي واعذرينـي لـو عميـت
البكى يوم الموادع يحـرق عيـون السـلام


في امان الله يا شعري مقتنع او ما رضيـت
مات في نبضي وجودك مثل ما مات الغـرام


قلت لك لا لا تجامل واعترف انـي انتهيـت
وانتهى مشوار شاعر شفت فيـه الالتزام


كتبها : الوجــ كش ملك ــد

بدور
30-10-2005, 07:07 PM
في امان الله يا شعري مقتنع او ما رضيـت
مات في نبضي وجودك مثل ما مات الغـرام


قلت لك لا لا تجامل واعترف انـي انتهيـت
وانتهى مشوار شاعر شفت فيـه الالتزام



اشكرك اخوي على كلماتك الحزينه ويارب ما تموت ولاتنهزم مشاعرك
كلماتك هي نبض المنتدى يا شاعرنا الكبير والله لايحرمنا من قصيدك

شمس قطر1
30-10-2005, 07:47 PM
اهاه اول كلمه اعترفت بها لوحدك ...وجد .... اصلا يا شاعرنا لاتستطيع ان تعتزل المشاعر ولا الشعر لانهم مرتبطين في دمك مع بعض .... صح لسانك اخوي كما تعودنا منك .....شعر المشاعر.... والكلمات الجميله القويه الطنانه والرنانه في قلب وآذان سامعها......يعطيك العافيه.....
http://members.lycos.co.uk/nsooori5/upload/uploading/6675656.jpg

عزيز
30-10-2005, 07:48 PM
في امان الله يا شعري مقتنع او ما رضيـت
مات في نبضي وجودك مثل ما مات الغـرام


قلت لك لا لا تجامل واعترف انـي انتهيـت
وانتهى مشوار شاعر شفت فيـه الالتزام



اشكرك اخوي على كلماتك الحزينه ويارب ما تموت ولاتنهزم مشاعرك
كلماتك هي نبض المنتدى يا شاعرنا الكبير والله لايحرمنا من قصيدك

الله الله

مب علي الشعر !!

علي الفنان ألي حط لنا هالشعر :nice:

يسلموووووووووو ياحلوو

وبعدين يالشعشعه شالنفاق ذي :D

أبصم أنج منافقه :looking:

Cat
30-10-2005, 10:18 PM
كلمات جميله..كتبت بقلم شاعر..

تحياتي.. :)

MTC-Q8
30-10-2005, 11:05 PM
صح لسانك

مراقب الاسهم
31-10-2005, 12:42 AM
لاتفكر باعتزالك وانهي الفكره ياليت
مابه احد في عذوبك تستحق الاحترام



كش ملك
او الوجد
صح الله لسانك على قوله (نجاح المساعيد)

الله يعطيك العافيه فعلا اتحفتنا بكلماتك الرائعع
اخوك
خساره من الكويت