ناوي اسافر ايطاليا شهر عسل

[Doha 2016]

اسعد الله اوقاتكم بكل خير

بصراحه انا توني متزوج تقريبا في نهايه شهر 10

وكنت ناوي اسافر شهر عسل في ذاك الوقت بس هونت لان قطر يكون جوها حلو بالذات في 11 و12 وشهر 1 و2

وعلشان كذا هونت السفر للصيف طبعا علشان الحر

وحاط في بالي نص شهر 7 اسافر ايطاليا

وقلت لازم استشير اخواني الاعضاء يمكن عندهم خبره في ايطاليا

عن السكن والمطاعم والملاهي والمجمعات والمناطق الطبيعيه ومن هالسوالف

اتمنى تفيدوني

وعساكم على القوه

[إنتعاش]

الله يبارك لك اخوي حياتك ويجمع بينكم في خير ..

ايطاليا من شهر 7 و 8 حارة بالصيف

افضل شهور لزيارة ايطاليا : 4 و 5
أو 10 و 11

من ناحية جو أروع ..

لكن من ناحية معلومات في البلد تفضل هالموضوع ان شاءالله يفيدك

http://www.qatarshares.com/vb/showthread.php?t=127281

[Doha 2016]

بصراحه كفيت ووفيت يا انتعاش

بيض الله وجهك على كل حال

واعجبتني البحيره الي جنوب شرق روما وفلورنسا وميلانو

وساحه الرسامين

وبخصوص السائق العربي كان ترسل لي رقمه تسوي لي خير ...

وان شاء الله يتم السفر وانت والله دخلتها في مزاجي حيل يا انتعاش

[الجنوبي 11]

في شهر يوليو ما انصحك تروح ايطاليا ،لان الجو فعلا حار والله يرزقك بالذريه الصالحة

[CHESS]

الله يبارك لك اخوي

و يرزقك بالذريه الصالحة

[وسمي2016]

الله يبارك لك اخوي

و يرزقك بالذريه الصالحة

ايطاليا الاسواق والعمل الرسمي للشركات الكبرى تغلق في شهر 8 حيث موسم الاجازات
السنويه لهم,,,,شهر 7 حار نسبيا الى شمال اوروبا يعني معظم الوقت تلبس تي شيرت

ونسوانا يضايقهم الحر بملابسهم,,,,,,,ولكن ايضا شهر 7 موسم رئيسي للتنزيلات للبضائع

في ايطاليا واذا كلا ولابد رايح,,, الله الله في الخريده

وكذلك لابد من ترتيب مسبق للفنادق حيث معظمها ياخذون على الاسعار الخاصه مقدم ولا يقبلون الالغاء او تغيير المواعيد,,,,يعني تحط برنامجكم الحين وبعدين لا تفكر تغيره

الله يوفكم ان شاء الله

[سهم طايش]

الف مبروك اخوي و الله يوفقك في سفرتك

[Doha 2016]

الجنوبي 11

تسلم يالغالي على النصيحه والله يرحم والديك

CHESS

الله يبارك بعمر ويرزقنا وياك الذريه الصالحه

دمت يالغالي وماقصرت على المعلومات الحلوه وخاصه حق الفنادق والخريدات والله يرزقنا وياك الذريه الصالحه

وبخصوص نسوانا الطبيعه ان شاء الله تنسيهم الجو الحار اذا هم مستحملين جونا


Almowafaq


سهم طايش

الله يبارك بعمرك والفال لك انت والربع اجمعين كانكم مب متزوجين واذا متزوجين الثانيه مافيه مشكله

والله يوفق الجميع يالغالي

[صافيه]

الف مبروك والله يسعدك واكيد افضل شهر هو 7 و 8

[محسن العجي]

الله يرزقك الذريه الصالحه ياخوي

والف مبروك

وتردون بالسلامه ان شاء الله

[بلا حدود!]

الله يوفقكم إيطاليا روعه جامعه الطباع الأوربي و شمال افريقيا يعني بالعربي مصر أوربا

[ابوشهاب]

مبررروك اخوي والله يوفقكم ^^

[lalamar]

تحمل اخوي تروح ايطاليا وخاصة في هالوقت:omg:

الجو حرررررررررررر :anger1:

تحس الارض تحتك حاره والسما فوقك حاره ضو :secret:

الله يعينك لو رحت :rolleyes2:

بتتبهدل:eek5:

روح ع الاقل المانيا والا زيلامسي

والشعب تعبان وقليل الادب ومايعرف يتعامل مع الناس:nice:

[راعي ال2008 الاسود]

بالتوفيق لك والله يهنيكم ان شاء الله بس تبي مكان ترتاح زور بيت ربك البيت الحرام وبتستانس وناسة
بتقول مااابي اطلع منها اسألني انا مجرب هالوضع والله تمنيت اني مااطلع منها واقعد على طول هناك

[وضحى قطر]

الله يباركلك اخوي ان شاء الله الاخو ان ما قصروووا كفوو ووفووا


اتمنالك التوفيق

[الحوت-141]

الله يرزقك الذريه الصالحه

والف مبروك

[الكتاروني]

إن بتروح إيطاليا فإذهب إلي أقصي الشمال قرب الحدود مع النمسا .... هناك مدينة تسمي بولزانو ... بها إمتداد جبال الألب ... الطبيعة هناك لا يمكن وصفها ..... و الجو ممكن يكون حار بالنسبة للأوربيين بس لنا ... ولا شيء.
طبعا لا تنسي زيارة فينسيا و سان ماركو للذكريات فقط و إن شاء ستكون سعيد ... إيطاليا بلد روعة خاصة في الشمال

[مساهم فنان]

اسعد الله اوقاتكم بكل خير

بصراحه انا توني متزوج تقريبا في نهايه شهر 10

وكنت ناوي اسافر شهر عسل في ذاك الوقت بس هونت لان قطر يكون جوها حلو بالذات في 11 و12 وشهر 1 و2

وعلشان كذا هونت السفر للصيف طبعا علشان الحر

وحاط في بالي نص شهر 7 اسافر ايطاليا

وقلت لازم استشير اخواني الاعضاء يمكن عندهم خبره في ايطاليا

عن السكن والمطاعم والملاهي والمجمعات والمناطق الطبيعيه ومن هالسوالف

اتمنى تفيدوني

وعساكم على القوه


أخي روما حارة في الصيف حارة حارة ، يمكن ميلانو جوها أفضل وطبيعتها حلوه ...
تبي نصيحتي روح ألمانيا أو سويسرا أو لندن أو فيينا ، الجو هناك أفضل أما إيطاليا جوها حار جدا مثل حر الدوحة ، وأسواقها تسكر في شهر 8 ، ما تفتح إلا في 25 من شهر8 ، بصراحة اتضيق السدر ، وموب ذاك الزود ، يقال : تسمع بالمعيدي خير من أن تراه . وهذا ينطبق على إيطاليا ، بصراحة موب حلوة كما تتوقع ... وبعد خذ بالك من الحرامية ، ترى حراميتهم أكثر من حرامية لندن .