ماهو مدى تأثر فودا فون --- على اسعار الارقام

[Bluetooth]

السلام عليكم

الكل يعرف ان موعد دخول فودافون بداء بالعد التنازلي ...

والكيد انها بتحاول تجذب العملاء بأساليب مختلفه

ممكن تستخدم اسلوب توفير الرقم المميز لجذب العميل


مامدى تأثر سوق ارقام الهواتف الجواله... بعد ادراج فودافون وتوفير الارقام المميزه

[فهد24]

يعطيك العافيه على هالموضوع المهم بصراحه..
وانا عن نفسي.. اتوقع ان الارقام المميزه الحاليه راح تتأثر بسبب الشركه اليديده بشكل سلبي وبينزل سعرها بشكل كبير..يعني الارقام بو طخة 20000 وفوق راح تحصلهم على 6000 ولا 8000 بالكثير..
هذا والله اعلم..
الخوف ان كيوتل تتفق معاهم على حركه مني ولا مني ونتم مربوطين بكيوتل لين اخر العمر..

[العودي V.X.R]

اي والله انك صادج يا خوك

[Bluetooth]

يعطيك العافيه على هالموضوع المهم بصراحه..
وانا عن نفسي.. اتوقع ان الارقام المميزه الحاليه راح تتأثر بسبب الشركه اليديده بشكل سلبي وبينزل سعرها بشكل كبير..يعني الارقام بو طخة 20000 وفوق راح تحصلهم على 6000 ولا 8000 بالكثير..
هذا والله اعلم..
الخوف ان كيوتل تتفق معاهم على حركه مني ولا مني ونتم مربوطين بكيوتل لين اخر العمر..


يعني الحين فترة تصريف للأرقام ؟

الشباب يصرفون

[Bluetooth]

اي والله انك صادج يا خوك


:victory:

[Bluetooth]

الظاهر الموضوع ماعجب الشريطيه

ماشوفهم علقوا

[إحساس قطر]

اي والله

[بوحمد2007]

اخوي ما اعتقد تاثيره كبير لان الارقام تختلف واتتواقع بديتها 37و38 واعتقد بتتبع سياسة كيوتل
يعني عندك واسطة بدبر لك ارقام حلوة واما بالنسبه للارقام المميزة اتتوقع تنزل مزاد ويعطيك العافيه

[العنان]

ما اتوقع الارقام بتتأثر يعني في بلدان كثيره فيها بدل الشركه ثنتين وثلاث واربع نفس الاردن ، والارقام اسعارها عاليه ، وبعدين مهما صار الناس بتم ماسكه ارقام كيوتل ، هذي وجهة نظري.

[الدغناش]

يعطيكم العافيه على هاالموضوع والله بس انا رايي ان بعد ما تنطرح الشركه في السوق بمدى بسيطه الارقام اللي تابعه لكيوتل راح ترتفع بشكل جنوني لان بكل بساطه احنا مالنا فرصه كبيره للحصول على رقم مميز من الفئه الذهبيه او الفضيه لان الارقم قاعده تتوزع من شهرين حسب علمي وفي حركه غريبه قاعد اشوفها في السوق‘ الارقام الرباعيه المميزه قاعده تختفي بشكل ملحوض واللي عنده مايبيع حتى لو جاب له سعر حلو (ملاحضه : غير المحتاج ) وعندي واحد من تجار الارقام نصحني وقالي اذا عندك رقم رباعي خله لاتبيعه الحين واصبر عليه بعدين تقدر تقول شنهي فرصتنا في البداله اللي بداية رقمها 770 او880 من الحين اقولك اي رقم بتحطه في بالك (مأخوذ) او محجوز لغيرك """"""""""""""""""""""""""""""""""""""

[100$]

انا اشوف ان الارقام بينزل سعرها فودا فون تقدر نوفر ارقام

يعني كيوتل كم صار لها من نزلة خدمة الجوال؟ كم سنه تقريبا من 1995
يعني من عشر سنين
والبدالات الي استخدمتها

51
52
53
54
56
57
58
59
50

كلها استنزفتها كيوتل في تقريبا عشر سنين وما زلت تقدر تحصل وتقدر تشتري رقم حلوو

فودا فون تقدر تنزل ارقام مميزه بصوره كبيره

واعتقد بكون فيه تاثير على الارقام

[elsahher]

اسمحولى ادلى برايى المتواضع من واقع خبرتى

فى مصر كانت شركتى موبينيل وفودافون فى السوق
لايهمهم الارقام المميزة

ولكن بدخول الشركة الجديدة اتصالات
التى اصبح همها الاكبر تعويض ما تم دفعة للدخول للسوق
فقد كان الارقام المميزة سبيلها الاول
فى سحب العملاء من الشركتين وايضا جعل الخطوط المميزة مصدر تعويض كبيير
ومن ناحية اخرى نبة الشركتين للاهتمام بالارقام المميزة كسلاح
ومصدر لمكاسب وان لم يكن بشكل مباشر ورسمى
باختصار
الشركة الجديدة لها ان تختار سياستها
بتسعير الارقام المميزة لتحقيق مكاسب
او جعلها وسيلة لجذب عملاء الشركات الاخرى او الاسلوبين معا

لكن اعتقد انة لن يؤثر على اسعار الارقام المميزة فى الشركات الاخرى
سواء القديمة او الجديدة

لسبب القديم ثابت لدى الناس اكوادها
والشركة الاقوى فى الخدمات والشبكة ستحتفظ بمكانتها لدى الناس مهما كانت المنافسة

الشىء الاكيد ان دخول منافس جديد سيخفض الاسعار عامة للخدمات
وتتيح عروض كثيرة ترضى الجميع
والله يوفق الجميع

[قلب شاعر]

والله ياالربع كل البوادر تأكد ان فودافون بتكون شركه ضعيفه لمنافسه كيوتل لأنها راح تستخدم بدالات من كيوتل وبعدين خلونا نكون واقعيين وين المنافسه القويه والدعايه الجذابه ...فودافون ...مالها اي حس في الدوحه ولا دعايه ولاشي ولا تحس انها داخله تنافس .... يا جماعه الأتصالات يوم حبت تدخل مصر قطعت الشركات الثانيه بالدعايه وشركه زين الكويتيه ملينا من كثر مانشوفها في قنوات التلفزيون ونغمتها صارت في كل جوال ....انا اشوف انها راح تكون نفس شركه دو في الأمارات أدخلت اتنافس الأتصالات بس اطلعت نفس كيوتل محد يقدر يحصل رقم مميز للي عنده واسطه ويعرف المدير ....صارت نكسه الرقم اللي يسوى 10000 درهم صار يسوى 30000 الف درهم في الأتصالات ومحد يبي دو ....كل الحقائق تؤكد ان فودافون راح تكون نفس دو واسؤا ....والعلم عند رب العالمين

[الدغناش]

لا وازيدكم من شعر بيت عقب ما اعلنوا ان الشركه بتزاول عملها في نوفمبر 2009 شوف كيف ارقام كيوتل بتولع مره ثانيه عندك اكثر من سنه ونص عشان اتشوف الشركه الجديده ( من حي ومن ميت)

[ذوق]

عفوآ اخوانــي الشركه متى بتنزل؟؟

[BiN QtR]

انا سمعت انها بتبدأ شغلها شهر 11 هالسنه والله اعلم
بس حبيت اتاكد اذا المعلومه صح ولا غلط
ويعطيكم العافيه

[Luxury]

^
^

شهر 11 هالسنه راح تفتح باب الاكتتاب لشركه فودا فوون

لكن متى تبتدي تشتغل الله اعلم
احتمال السنه اليايه شهر 11

[حمد بن خالد]

فى مصر كانت شركتى موبينيل وفودافون فى السوق
لايهمهم الارقام المميزة



واحب اضيف شي بعد اخوي elsahher

فودا فون شركة ربحية اكثر من غيرها

في مصر ماكان يهمها راحت العميل شركة من أسوء الشركات وفي لندن نفس الشي

يعني يوم تدخل البلاد على طول تتفق مع الشركة اللي موجوده وبتضل اسعار المكالمات عالية

لو كانت شركة اتصالات الامارات كان بتشوف المنافسة القوية وبتشوف اسعار المكالمات في تنافس مستمر والارقام المميزة

مثل اللي حاصل في مصر والسعودية (( رقمي ))

يعني فودا فون من الحين انا اتوقع انها بتكون متعاونة مع كيوتل قلباً وقالباً

شركة سيئة وانا انصدمت يوم شفتهم ربحوا المناقصة

لان اللي دفعوا أكثر اتصالات وكان الفرق شاسع بين اتصالات الامارات وفودا فون بس بعد ماصار الدمج بينهم وبين مؤسسة قطر رست عليهم المناقصة

يعني فودا فون بتلعب بكم لعبة همها الأول والأخير الربحية

طبعاً كل الشركات همها الربح بس فودا فون ربحها غير ربح غير مريح للعميل

الله يعينا على هالشركة التعبانة

والسموحه عالإطالة

:)

[الدغناش]

للعلم
فودفون ستزاول عملها في شهر 11 /2009 حسب تصريحات الجرايد

[elsahher]

واحب اضيف شي بعد اخوي elsahher

فودا فون شركة ربحية اكثر من غيرها

في مصر ماكان يهمها راحت العميل شركة من أسوء الشركات وفي لندن نفس الشي

يعني يوم تدخل البلاد على طول تتفق مع الشركة اللي موجوده وبتضل اسعار المكالمات عالية

لو كانت شركة اتصالات الامارات كان بتشوف المنافسة القوية وبتشوف اسعار المكالمات في تنافس مستمر والارقام المميزة

مثل اللي حاصل في مصر والسعودية (( رقمي ))

يعني فودا فون من الحين انا اتوقع انها بتكون متعاونة مع كيوتل قلباً وقالباً

شركة سيئة وانا انصدمت يوم شفتهم ربحوا المناقصة

لان اللي دفعوا أكثر اتصالات وكان الفرق شاسع بين اتصالات الامارات وفودا فون بس بعد ماصار الدمج بينهم وبين مؤسسة قطر رست عليهم المناقصة

يعني فودا فون بتلعب بكم لعبة همها الأول والأخير الربحية

طبعاً كل الشركات همها الربح بس فودا فون ربحها غير ربح غير مريح للعميل

الله يعينا على هالشركة التعبانة

والسموحه عالإطالة

:)

اخى اعذرنى

فودافون فى مصر

الافضل وكن اسعارها الاعلى

فودافون لايهمها عدد العملاء

ولكن يهمها نوع العميل الذى يستطيع الدفع مقابل خدمة جيدة

والامر يختلف باختلاف البلد وادارة الشركة

هناك ادارة سياستها
خدمة رخيصة بتكلفة اقل
وهناك شركة تدفع كثيرا مقابل تحسين مستوى الخدمة وتفرض اسعار عالية مقابل جودة الخدمة

ورهانكم الحقيقى

اى تربحون كثيرا لو كانت فودافون ستدخل السوق القطرى منافسة

لا متعاونة ومتفقة مع شركات قطر الحالية

المنافسةاى كانت تفيد الجميع

بالمناسبة المنافسة
للاسف
تحجمها الدولة بقوانين تسعير

موجودة عندنا فى مصر
والا كانت الاسعار والعروض
اقوى بكثير

الله يوفقهم
ويكون خير لكم

[حمد بن خالد]

ننتظر ونشوف ماورانا شي

انا قلت سيئة من واقع تجربة في مصر وفي لندن وفي الكويت

لكن ننتظر ونشوف

[المعنى]

السلام عليكم
الارقام المميزه او بالاصح الذهبيه والفضيه كما يسمونها فودا فون لا يحق لمالك الرقم تحويله او بيعه.
وهذا كلام اكيد مثلما يحدث الان في البحرين.و يمكن تحويله فقط اذا كان الرقم تحت هاتين الفئتين.