شرايكم في الاكس فايف

[Um Sultan]

ياجماعة الخير ..

انا حاجزه بي ام دبليو اكس فايف لون ابيض من داخل بني موديل 2009

فل ابشن وسقف بانوراما ..

شرايكم في السياره من كل النواحي ..

اكمل الحجز ودافع لهم او اشوف لي شي ثاني ..

السياره 6 سلندر وطلعت لي ب 280 الف ...




او اخذ لي رنج سبورت hse ???

[مناحي السادس عشر]

بصراحه سياره روعه جدا ومنظرها رهيب واشوفها احسن من الرنج بالشكل وموفقه خير يارب
والله يعيطيك خير هالسياره ويكفيك شرها

[البيت بيتك]

توكل على الله والله روعه من كل شي

[سلامي للكل]

مسااااااااااااااااء الخيـــــر اختــــي أم سلطــان

اذا كانـــت المقارنــــة بين الاكس فايـــف و الرنــج سبورت

فــ أحسنتـــي الاختيــــار "اكس فايف" :nice:

ماشاء الله سيــــارة روعـــــة وجميــلــــة وتمتلــك كل مواصفــــات السيـــارة العصريــــة

ومناسبــــة للسيـــدات أكثر من الرنج سبورت

توكلي علــــى الله

ومبروك مقــدمــاً:victory:

[بوحارب]

ما شاء الله عليج كشيخه ^ ــ ^

الأكس فايف حلوة والرنج بعد حلو

بالتوفيق

[وطن]

اختي اذا 6 سلندر
بتكون ثقيله
أنا أنصحج تجربين سواقتها عندهم قبل لا تشترين وحده

[رنج سبورت]

انصحج بالml 350 (مرسيدس)
6 سلندر الشكل الجديد المعدل بينزل شهر 9 \2008
سعرها مايتجاوز ال260 الف

[الـخـور]

توكلي على الله اختي

البي ام دبلو بدت تتحسن في الاواني الاخيره

والاكس فايف سيارة بنوتيه وكشخه اكثر من الرنج

الرنج خلاص راحة موضته .. وبالتوفيق

[limited]

ام سلطان

انصحج بالهيلكس ... عشان اغراض الجمعيه ورخيصه بعد ... انما مادري بعبدالغني ... بيوفرونها لج ولا لازم حجز وتنطرين لين عقب رمضان <<<<< ينغز عبدالغني




اكس فايف والقلب داعي لعيالج
بالتوفيق

[هام السحاب]

توكلي على الله
وأحسنتي الاختيار الاكس فايف شكله كشخه وتوه متغير

[ANONYMOUS]

ام سلطان

انصحج بالهيلكس ... عشان اغراض الجمعيه ورخيصه بعد ... انما مادري بعبدالغني ... بيوفرونها لج ولا لازم حجز وتنطرين لين عقب رمضان <<<<< ينغز عبدالغني



بالتوفيق



i second you mate

um sultan try red SLR

:)

[فلفل حار]

توكلي على الله اختي

البي ام دبلو بدت تتحسن في الاواني الاخيره

والاكس فايف سيارة بنوتيه وكشخه اكثر من الرنج

الرنج خلاص راحة موضته .. وبالتوفيق

:nice::nice::nice:

وانصحج نفس نصيحه اختي وطن ، او انج تأجرين لج وحده من محلات الاجار لمده يوم واحد بس وتجربينها صبح وعصر لتعرفين اذا تدخل مزاجج ولا لا

[الفـ@ــــد]

موفقه اختي وانا عندي وحدة بس ثمانيه مرتاح عليها ما عليها كلام سرعه مميزات وشكل جديد وابرك من الرنج الي خلاص طاح كرته@

[H A S S A N]

موفقه اختي وانا عندي وحدة بس ثمانيه مرتاح عليها ما عليها كلام سرعه مميزات وشكل جديد وابرك من الرنج الي خلاص طاح كرته@

صحيح كلامك واذا نبين تغيرين خذي كيان اهم شي تنسين الرنج

[الدانـة]

موفقه اختي وانا عندي وحدة بس ثمانيه مرتاح عليها ما عليها كلام سرعه مميزات وشكل جديد وابرك من الرنج الي خلاص طاح كرته@

اللي والله احسنلج ال بي ام لأن الرنج كل من هب ودب ركبها

[عـيـون قـطـر]

السلام عليكم
اختى 6 سلندر ثقيله من قلب انا مجرب
لو 8 سلند توكلي على الله
اما عن رنج سعره مو ثابت كلش واكس فايف سعره فيه

تقبلوا تحياتي

[الـخـور]

بالنسبه لي اشوف 6 سلندر مناسب لج اختي
وصرفيته للبترول وايد زينه

ال8 سلندر حق واحد يحب المداعس والسرعه

[eXpert*]

go ahead with BMW X5 it amazing special the dark gray color with red inteorior

[البدر 8]

سيارة اكثر من رائعة
ليش ماتفكرين في جيب انفنتي 35
وتوفرين 100 الف ريال ومكينة اقوى

[nym]

انا افضل x5 لعدة اسباب الصيانه المجانيه وتمدديدنها لخمس سنوات وتفكين عمرك
وبعدين في النهايه راكبه بي ام

[Um Sultan]

تسلمون جميعااا

وانا صج البي ام داخله مزااجي وخاطري فيهاا


واللي يقولون اخذي 8 سلندر .. وايد علي :$

6 سلندر اشوفها اوكي حق بنت وتوها تسوق :)

تسلمون جميعا على تواصلكم ومشاركتكم

[فــلان]

أصبتي وأحسنتي الإختيار الله يبارك لج إختي توكلي على الله

[بـــاروود]

اختي قبل لاتخذينهاا انصحج شوفي البورش كاين اماا اذا بتقارنين بين الرنج وال x5 انا اشووف x5 احلى ومبرووك مقدمن خيتوو

[mrloverman]

الاكس فايف موتر ماعليه كلام لكن صار له وايد تقريبا من 2001 اما بخصوص الرنج صراحه موتر رزه وحلو وكشخه بس عوار راس اذا بغيتي النصيحه انا اقول لك الحقي الحين واحجزي لك بورش كايين 2009 الجديده مع التعديلات الجديده شاشه لمس ودفيدي وغيرو في الجير سيستم بالاضافه الى الكماليات الاخرى من سوفت لذر ونفجيشن وهدروليك وتلفزيون وتلفون وكل هذا مايتعدى ال 280000 بالنسبه ل ثمانيه سلندر وبقوة 400 حصان او سعر 230000 الف كحد اعلى يزيد او ينقص بالنسبه ل ستة سلندرات وبقوة 300 حصان ترى النصيحه عن تجربه جربة الثلاث مواتر واحسنهم البورش من كل النواحي من صيانه وقوه وعملي وترا الحجز بدا هالايام على موديل ال2009 والموتر بيوصل شهر 9 والله الموفق

[Bin Hood]

اختي الـ X5 سيارة مناسبة للحريم

بس بالنسبة للمكينة 6 سلندر ما عندي فكره عنها

بس ما اعتقد ان الحريم يهتمون في المكينة

الله يبارك لك

[تلفزيون قطر]

أنا بصراحه أنصحج بلأكس سكس عجييييب والله شكله والله .....






وفالج التوفيق





تلفزيون قطر

[Um Sultan]

أنا بصراحه أنصحج بلأكس سكس عجييييب والله شكله والله .....

وفالج التوفيق

تلفزيون قطر



ضيق ماينفع لليهال واغراضهم