استفسار : من وين اجيب ورقه ان ماعندي سجل تجاري

[الخفي]

السلام عليكم ورحمه الله وبركاته

هناك جهه حكوميه طلبت مني كتاب انه ماعندي سجل تجاري

من وين اجيب هالورقه وليش هالجهه موب هي اللي تخاطب

الجهات المختصه ليش انا اللي اروح وهل اقدر استخرج الورقه

عن طريق الانترنت ( الحكومه الالكترونيه )

ملاحظه : ترى ماعندي سجل تجاري ومع ذلك مضطر اثبت لهم الله يعيني

افيدوني جزاكم الله خير

[الهاوي28]

وزارة التجاره والاقتصاد

الرخص التجارية

[الخفي]

وزارة التجاره والاقتصاد

الرخص التجارية


وين مكانهم بالضبط ياخووي

[الهاوي28]

وين مكانهم بالضبط ياخووي


ياخي اتصل على 180 بكره الصبح وبعيطونك وزراه التجاره

واستفسر منهم الله لا يهينك

[الخفي]

ياخي اتصل على 180 بكره الصبح وبعيطونك وزراه التجاره

واستفسر منهم الله لا يهينك


ادري ان كيوتل بيعطونهم عنوانهم

بس انا ابغي اللي عنده تفاصيل اكثر

وسبق وراح لهم عشان بعد اسئل وش

المطلوب وابي معلومات بدال ماتصل على

البداله وبيردون ويحولوني وممكن مايردون علي

خبرك في الدوحه ماتقدر تخلص شي بالتلفون انت على كل حال

شكرا على المعلومات وماقصرت

[بروفشنال]

وزارة الاقتصاد موقعها خلف السيتي سنتر من جهة الجنوب مباشرة والموضوع سهل بس حرك عمرك اشوي

[الخفي]

وزارة الاقتصاد موقعها خلف السيتي سنتر من جهة الجنوب مباشرة والموضوع سهل بس حرك عمرك اشوي


مشكور ياخووي بس اي طابق

وش الاوراق اللي يطلبونها غير البطاقه الشخصيه

لانه فيه واحد الحين كلمته قالي الضاهر في السد بلازما

سابقا وانا الحين احترت انت على كل حال الله يعطيك الف الف عافيه

علي المعلومات وماقصرت انت والاخ الهاوي

[bo3abed]

مشكور ياخووي بس اي طابق

وش الاوراق اللي يطلبونها غير البطاقه الشخصيه

لانه فيه واحد الحين كلمته قالي الضاهر في السد بلازما

سابقا وانا الحين احترت انت على كل حال الله يعطيك الف الف عافيه

علي المعلومات وماقصرت انت والاخ الهاوي



ماعتقد يالشيخ بيطلبون منك أوراق غير بطاقتك عشان الرقم الشخصي...ويجيكون في السستم إذا عندك سجل لو لأ...وإذا ماعندك بيصدرونلك الورقه المطلوبه..
وزارة الإقتصاد والتجارة مثل ما قال الأخ خلف الستي سنتر جهة الجنوب..اول ما تدخل الوزارة بتشوف الإستقبال قدامك...إسألهم وين قسم السجلات والرخص التجاريه وهم بيقولونلك أي طابق...رئيس القسم أحمد الجفيري...خوش رجال تحطه على يمناك...

بس الشي الغريب..اول مره اسمع عن جهة تطلب هالمعلومه...هل هذا قانون جديد بعد..إحنا نعرف إن الموظف الحكومي لازم ما يكون عنده نشاط خاص...بس أول مره ينطلب إثبات في هالشي؟؟

[الخفي]

ماعتقد يالشيخ بيطلبون منك أوراق غير بطاقتك عشان الرقم الشخصي...ويجيكون في السستم إذا عندك سجل لو لأ...وإذا ماعندك بيصدرونلك الورقه المطلوبه..
وزارة الإقتصاد والتجارة مثل ما قال الأخ خلف الستي سنتر جهة الجنوب..اول ما تدخل الوزارة بتشوف الإستقبال قدامك...إسألهم وين قسم السجلات والرخص التجاريه وهم بيقولونلك أي طابق...رئيس القسم أحمد الجفيري...خوش رجال تحطه على يمناك...

بس الشي الغريب..اول مره اسمع عن جهة تطلب هالمعلومه...هل هذا قانون جديد بعد..إحنا نعرف إن الموظف الحكومي لازم ما يكون عنده نشاط خاص...بس أول مره ينطلب إثبات في هالشي؟؟



الله يعطيك العافيه على الاجابات الشافيه

ولا تستغرب ياخووي الجهه اللي طلبت مني الورقه ( جامعه قطر )

قطعو راتب زوجتي الا اجيب لهم

1- شهاده راتب
2- شهاده اني ما املك اي اسهم في البورصه ( كشف حساب ) واليوم رحت لهم
وخذيت منهم شهاده

3- شهاده اني ماعندي سجل تجاري

عالعموم انت ماقصرت ويعطيك العافيه

لانه فيه واحد يقول في السد بلازا الضاهر فيه قسم هناك مادري صحيح