فرنسا ولا ايطاليا

[BiN QtR]

الســلام عليــكم
بصراحه هالصيف محتار بين ايطاليا وفرنسا وحبيت اخذ رايكم
وللي يعطوني رايهم ممكن يقولونلي فأي منطقه في فرنسا ولا ايطاليا اللي اعجبتهم
ويعطيكم العافيه

[فرفوريشن]

لا هاي ولا هاي

روح شرق اسيا احلى

[vip8]

نصيحه ... انت اخووي اعتقد شارد من الحر عندنا وتبي تروح ايطاليا في الصيف ماتصلح طبعا وبدون تفكير باريس الجو روعه في 7و8 وهذا رايي الشخصي لانك تقدر تقتح على خريطه االعالم وتشوف موقع ايطاليا وقربها من المتوسط والجو الحار الي يكون غالب عليها وهذه من تجربه شخصيه اما عاصمه النوور فمافي كلااام عليها ..

[N7eEeS]

كل مارحت فوق يكون افضل على الاقل الجو حلو :)
فرنسا :)

[Chambray]

ايطاليا حلوه خصوصاً مناطق الشمال ، والمناطق الغير مشهورة ، والقريبه من حدود سويسرا .. الجو جميل جداً هناك في الصيف .
فرنسا ايضاً الجو جميل في الصيف ، لكن الجو متقلب في فرنسا
مرة حر ومرة برد ومرة ربيع ومرة خريف ، كل هالفصول في يوم واحد !
يعني اليوم جاتنا رشه مطر اول مرة اشوف نفسها ، قلت خلاص فرنسا بتغرق ، لكن بعد ساعتين من الامطار قمت اشوف الشمس !! والله تعجبت !! فسبحان الله

[miss-qatr]

لا هاي ولا هاي

روح شرق اسيا احلى

:nono::nono:


نصيحه ... انت اخووي اعتقد شارد من الحر عندنا وتبي تروح ايطاليا في الصيف ماتصلح طبعا وبدون تفكير باريس الجو روعه في 7و8 وهذا رايي الشخصي لانك تقدر تقتح على خريطه االعالم وتشوف موقع ايطاليا وقربها من المتوسط والجو الحار الي يكون غالب عليها وهذه من تجربه شخصيه اما عاصمه النوور فمافي كلااام عليها ..

:thumbup::thumbup::thumbup:

[rema13]

اذا بتروح ايطاليا لا تقرب روما عشان ماتسيح من الحر... فلورانس وميلان حلوين... واذا اتحب حشره العرب في باريس لان ايطاليا تخلى منهم

[ام المراد]

فرنسا وبالتوفيق

[بلا حدود!]

أنصحك أنزل في إيطاليا أجلس يومين وأطلع باريس و فلها
بالتوفيق

[sood mhamed]

روح فرنسا بس اطلع برة منطقة شامني شوف المناضر الي ماشفتها في حياتك

[نورFROM قطر]

بارييييييييييييييييييييييس

[عذب الكلام 1]

فرنسا احلى وايطاليا ما فيها عرب وايد

[تحت المؤشر]

فرنسا ما يبيلها كلام.


إيطاليا شعب همجي و فوضوي

[واحد ثقة]

شمال إيطاليا أفضل ،،،

انزل في ميلان ثم توجه مباشرة إلى كومو الجميلة مسافة نصف ساعة ومنها إلى لوجانو الرائعة على الحدود السويسرية نصف ساعة أخرى ودش على سويسرا وتمتع وانا خوك ،،،،،

كومو ولوجانو مناطق جبلية جميلة جداً وباردة والعرب فيها قليل ، وفي حال أردت الصخب وكثرة العرب فانتقل إلى الشمال قليلاً نحو العاصمة السويسرية وماجاورها ،،،


يعني بالعربي خلك حول جبال الألب لاتباعد :)

[Night KNight]

هلا والله

اخوي انا الصيف الي راح كنت محتار نفسك

وقلت اروح واشووف بعيني الاحسن

رحت ايطاليا واول ماوصلت الى فينيسيا

اول شي الجو حااار يعني ماتغير شي

وثاني شي مارتحت حق شعبهم

جلست 3 ايام هناك والصراحه ماستانست كلش

وعقبها رحت باريس فرق السما والارض والله

اول شي الجو بارد

ثاني شي الخليجين وايد هناك

والمغاربه وايد واكثرهم يتكلمون عربي

انا انصحك في فرنسـا

والراي الاول والاخير لك

[وطن]

ايطاليا

ما اداني فرنسا ولا الفرنسيين
وايد نفسهم خايسه ولا يتعاملون عدل مع الناس



الايطاليين حليوين

بس لا تروح في شهر 8
السوق كله يسكر
اجازتهم

فينيسيا وايد حلوة
وميلانو
وروما .. بس روما احر وحده فيهم

الجو عموماً مو بارد ولا حار
زوين

[lalamar]

فرنسا طبعا

تحمل تروح ايطاليا في هالوقت

الجو ضو وناااااااااار

تحس الارض تحتك حاره والسما فوقك حاره

ومعاملتهم زفت وقليلين ادب

[راعي ال2008 الاسود]

اكيد فرنسا احلى

[الوجيه]

اذا كنت محتار روح فرنسا وايطاليا

بس جو فرنسا ابرد واحلى

[راعي ال2008 الاسود]

بن قطر صح انا قلت فرنسا بس ليش اول شي بلاد كفار وبعدين لزم نقطع اوروبا لانهم تعدوا على حبيبنا
( الرسول صلى الله عليه وسلم ) وبعدين مخاسير على الفاضي وديون ليش اتعب عمري في روحة بس عشان
غير جو تبي روحة تريحك من كل شي زور بيت ربك البيت الحرام والله البيت بتلقلى من وراه اجر اما
ذيك البلدان شبتحصل من وراها الا الخساير والذنوب فوقها وانا انصحك وكيفك القرار الاول لك وبالتوفيق
لك ان شاء الله