المجلس الاعلى .. وعراقيل البعثات ( الحل يا جماعه )

[بــو فهــد]

السلام عليكم والرحمه

أخوكم طالب مغترب في الولايات المتحده الامريكيه .. مبتعث ( على حسابي الخاص )
السالفه ومافيها اخواني ان المجلس الاعلى سوا " دعايه " له في الجرايد بـ الغاء شرط نسبة شهادة الثانويه .. و " طبعا " المجلس الاعلى " خبره " في تلميع الامور .. لكن الخافي اعظم .. الجامعه اللي ادرس فيها ذ" university of colorado at denver and health science center "
وتغير اسمها الى " university of colorado at denver " .. لكن الاخوان في المجلس الاعلى للتعليم ما رضو يفهمون الموضوع .. قريبي يدرس في الجامعه من سنه تقريبا .. وراحو هله يقدمون له على بعثه .. ايش تتوقعون رد " الاخوان الحبايب " .. : " اسفين .. الجامعه شليناها من اللسته "
طيب والناس اللي راحو وصرفو دم قلبهم في هالجامعه ولما بغو يرتاحون ويحولون على حساب الدوله ؟؟ شيسوون .. تروح فلوسهم على الخالي بلاش ؟؟
الحمدلله محد هله مقصرين وياه .. لكن يا اخوان الواحد كبر وما يبي يعتمد على هله .. احنا ما عدنا يهال ..
لي متى هالتخبط ؟ لي متى ؟؟؟ وايش السبب اللي يخلي الجامعه تنشال من البعثات ؟ ولا الموضووع سبهلله ؟؟؟؟؟؟

[مطيع الله]

هم يقولون يسعون لدعم العملية التعليمية وتثقيف الشعب
الست انت تتعلم في مجال مهم للبلد؟
وين المجلس ما يردون عليك؟
الله يكون في عونك
شد حيلك
واطرق كل باب
فقد يكون القرار عند خواجة لم تصل اليه حالتك بعد
والله على كل شيء قدير

[الزاجل]

بوفهد..

يمكن تكون لك معاملة خاص
وخاصة انك من ضمن اللي ادرسوا يوم
كانت لجامعة من ضمن اللستة ..

تقدر تراجعهم وتعرض عليهم مشكلتك..
او تطلب من حد يباشر لك موضوعك من قطر ..

فاحتمال اللي ينطبق عليك ما ينطبق على الخريجين
اليداد في الثانوية العامة ..