اللغة الإنجليزية

[شبيهة البحر]

أعزائي أعضاء الشبكة
أنا ضعيفة جداً في اللغة الإنجليزية
مما يحول دون تقدمي في مجال عملي
أريد أن أتعلم اللغة وخاصة المحادثة
ولا أدري أين أتجه وماذا أفعل
قررت اطرح هذا الموضوع هنا عشان تفيدوني

بماذا تنصحوني؟

[Mo0o0oM]

اختي شبيه البحر انا عندي نفس المشكله وودي اطور نفسي من هالناحية .. حاولت ادخل معاهد بس ماكنت استمر بسبب ضروف عملي .. وبيني وبينج ترى ماكو اصرار :shy:

[قطري شايب]

ادخلي معهد لغه
شوفي افلام مترجمه وحاولي تربطين بين الكلام
اقري جرايد انجليزيه
تكلمي انجليزي بالبيت حتى لو خرابيط لين تقبظيين اشوي اشوي
شوفي اخبار بالانجلش
احفظي الكلمات الشائعه في المحادثات
وشوي اشوي بتمشيين عمرج

[هسلان]

ذكرتيني في بداية حياتي العملية
كنت ميح بالانجليزي والاقي احراج كبير لان 95% من الموظفين كانو اجانب
والحمد لله مشيت حالي معاهم وكنت ماستحي من الخربطة وكنت مصمم على تعلم الغة
بس بعد فترة زادو عندنا الشباب وبدو الأجانب يتكلمون عربي احسن مني

حاولي أختي ما تتكلمين عربي مع غير العرب حتى لو خربطتي ترى الغة ممارسة مش حبر على ورق
الله يوفقج

[الألماسي]

أولا : ادخلـي معهــد لغــه . . وحاولــي تستفيدين . .مثلا لما تتعلمين كلمه جديده او موضوع جديد حاولي تطبقينــه . . وكثــري من مشاهدتك للأفلام الأجنبيـــه + المســلـسلات الأجنبيـــه مثـل " فرندز " وغيره . .
حاولـي تقريــن كتـب . . واخذي لـج معجـم الكترونـي وخليـه وياج 24 ساعـه . . ولاتستحيـن من هـ الشئ لان بالنهايه انـتي المستفيده . .
صدقيني لـو كل يوم تعلمتـي 10 كلمــات يعني بالشهـر 300 كلمــه يعنـي بالشهرين 600 كلمـه . . يكون شـئ حلو . . وهـ الكلمات اللـي تعرفينهـا حاولي تستخدمينهــا . .
وخلنـا نكون صريحيـن الحيـن اغلب المحلات عندنـا صاروا يتكلمون انجليزي ولا تستحيـن انج تتكلمين . . وحاولي تفتحين مواضيـع مع ناس انتي اوردي عارفتهم ويتكلمون انجليزي ولاتستحين اذا صلحـولـج . .

لاتاخذيـن المعهـد " دراسـه " اخذيـه هوايــه وعـزم انـج تبين تتعلميـن . . بتواجهين صعوبه بالأول بس عقـب بإذن الله راح تمشيـن حبــه حبــه . .

اللـه يوفقــج بحياتـــج " العلميـــه والعمليـــه "

[umm yousef]

جامعات مثل الهولندية وشمال الاطلنطي تطرح دورات رائعه..وربما جامعه قطر لكن ليس لدي فكرة!..
وحاليا ادرس كورس انجليزي في الاطلنطي وفعلا تحسنت للأفضل قراءة وكتابه واستماع...
فدوري على مكان مضمون لأن معظم المراكز الآخرى ربحية وأنتي وحظك معاهم...
الله يوفقك..

[ذوق]

اخبر دكتوري الكندي قالنا كلمة....قال لا تتوقعون انكم راح تكونون بروفشنال في الأنجليزي بواسطة دخولكم الجامعات ولا تعلمكم بالكتب...قال اذا انتوا ماحاولتوا تدرسون تتعلمون اللغة من نفسكم مستحيل احنا نقدر نعلمكم...احنا فقط نعلمكم الأساسيات والقواعد والكلمات والمصطلحات عليكم..

تخيلوا انه مايطلع من الكلاس عندنا الا يخلينا نعلمة كم كلمة عربيه ويحفظها :)


ما يبيلج غير الأراده

والله يوفقج

[شبيهة البحر]

شكراً كثيراً لكل من مر من هنا
شكراً لنصائحكم القيمة
تحياتي للجميع

[أم نوره]

هلا أختي شبيهة البحر مساااااااء الخير
انصحج اتجبين مدرسة اجنبيه بالبيت مش عربيه وخلي حد يفهمها الي تبين وصديقيني شوي شوي
بتصرين اوكي
انا قاعده اتعلم مع بنتي شوي شوي
وبعدين الروايات الاجنبيه الي فيها ترجمة قصدي صفحه انجليزي وصفحه عربي واااااااايد تساعدج
واشتري مترجم عشان يساعدج بالنطق لبعض الكلمات الي ما تعرفين تنطقينها
والله يوفقج

[شبيهة البحر]

هلا أختي شبيهة البحر مساااااااء الخير
انصحج اتجبين مدرسة اجنبيه بالبيت مش عربيه وخلي حد يفهمها الي تبين وصديقيني شوي شوي
بتصرين اوكي
انا قاعده اتعلم مع بنتي شوي شوي
وبعدين الروايات الاجنبيه الي فيها ترجمة قصدي صفحه انجليزي وصفحه عربي واااااااايد تساعدج
واشتري مترجم عشان يساعدج بالنطق لبعض الكلمات الي ما تعرفين تنطقينها
والله يوفقج
شكراً لأم نوره
بس وين ألاقي هالروايات اللي تقولين عنها

[ANONYMOUS]

في طريقتين..

الاولى محتاجه جهد جبار وهي كما ذكروها الاخوان

الثانيه مجهودها عادي وهي مخالطت اللي يتكلمون انقليزي

---

ابتدي بشغاله فلبينيه او اندونيسيه انقليزيتها بلبل..

تابعي القناه السعوديه الثانيه ( الاجنبيه ) روعه..

Mbc4 تابعيها مع تحفظي الشديد نصها خرابيط

وفي الدوام - مادري وين تداومين - بس حاولي تتخاطبين مع الاجانب( اقصد الحريم لاحد يجيب العيد) من كل الجنسيات.. طبعا اللغه المشتركه بتكون انقليزي.. حتى لو لغتهم الام مثلا هنديه ...


وطبعا ماننسا ان التوفيق بيد الله

وتعالي عقب سنه غردي عندنا

[lalamar]

دخلي معهد للغه

[أم نوره]

شكراً لأم نوره
بس وين ألاقي هالروايات اللي تقولين عنها

في مكتبة جرير واطلبي من العامل هناك يساعدج