المساعد الشخصي الرقمي

مشاهدة النسخة كاملة : أحدهم قال لي


بوحمد1
30-05-2008, 11:29 PM
.
.
.
.
.
.
.
.
.
.
.


حبيت اخذ رايكم واحد من الشباب قال بشتري ارضك بكذا ولكن عن طريق البنك قلت له مايخالف قال لي عطني السند الأصلي حتى اتم المعاملة هنا انا قلت اسأل واخذ رايكم قبل اي تصرف هل من الممكن يقدر يتصرف بالسند في اي معاملة لصالحه مع العلم انني لا اعرفه ولم اراه من قبل افيدوني افادكم الله .
مغروور قطر
30-05-2008, 11:32 PM
مرحبا اخي العزيز

اولا يرجع الى مدى الثقه مابينك وبينه واذا كانت هناك ثقه ماعتقد بيسوي شي واذا كانت لاتوجد اعطائه صوره من السند افضل وليس السند الاصلي
بوحمد1
30-05-2008, 11:35 PM
مشكور حبيب البي وننتظر المزيد من الخبراء والمجربين وموظفوا البنوك
القناص
30-05-2008, 11:45 PM
مايقدر يسوي شي لأن نقل الملكية لا زم التوقيع على المبايعة قدام موظف التسجيل العقاري
مستثمر 999
30-05-2008, 11:48 PM
الحذر واجب

ولا المحاكم بتفيدك ولا القانون اذا حول البيت باسمه وباعه وهاجر

احنا في سوق السيارات يوميا نسمع عن مشاكل من هالسوالف

عطه صوره من الملكيه فقط
Qatarii
30-05-2008, 11:54 PM
ياخي البنك بحياته مايطلب النسخة الأصليه للسند او حتى ملكية السيارة والصورة تكفي لأي معاملة او انا اشور عليك تعطية صور
بوحمد1
31-05-2008, 10:25 AM
مشكورين وماقصرتو
ملكة البورصة
31-05-2008, 02:56 PM
هلا اخوي عطة بس صورة من السند ونسخة من الخريطة إذ عندك وبعدين البنك يطرش مندوبهم التسجيل العقاري وفي يوم التسجيل تروح إنت ومع الشراي ومندوب البنك وزارة العدل من وقت عال8 صباحا وتخلصون اجراءاتكم و بيعتكم ولازم حد من البنك يسلمك الشيك في نفس اليوم يمكن يقولون لك البنك بعد كم يوم لا تسوي شي الا وانت متاكد من ان البنك بيسلمك الشيك في نفس اليوم لان ههذا حقك وحلالك لازم تظمنه واظن يطلبون شهود الله واعلم ...

وبالتوفيق والله يبارك لك في رزقك ...

بخصوص السند الاصلي نعم يقدر يسوي فيه اشياء مو شي وخلك حذر في هالزمن
بوحمد2
31-05-2008, 06:42 PM
.
.
.
.
.
.
.
.
.
.
.


حبيت اخذ رايكم واحد من الشباب قال بشتري ارضك بكذا ولكن عن طريق البنك قلت له مايخالف قال لي عطني السند الأصلي حتى اتم المعاملة هنا انا قلت اسأل واخذ رايكم قبل اي تصرف هل من الممكن يقدر يتصرف بالسند في اي معاملة لصالحه مع العلم انني لا اعرفه ولم اراه من قبل افيدوني افادكم الله .
عطه صوره فقط وقوله مش بوزك؟
ابو خلف
31-05-2008, 07:26 PM
وايش مشكل يعنى انك تروح وياة انت شخصيا
اذا استدعى الامر الى البنك فى اليوم اللى يبى هو ينهى معاملتة!!!!!!!!!!!!!!!!!!!!!!!!
المرقاب
31-05-2008, 11:59 PM
اعطه صوره وان اصر على السند الاصلي قله باروح معك البنك ونخلص المعامله مع بعض ومادامك ماتعرفه لاتستحي منه
حمد
01-06-2008, 03:46 PM
عطه صورة طبق الاصل ... تاخذها من السجل العقاري .... بس اذا يقدر يسوي شي ولالا .... صراحه مادري؟؟!!
سوق واقف
01-06-2008, 05:47 PM
حاسب يالغالي