لو تكرمت عطني رايك في الجيب

[ولدالدوحه]

السلام عليكم

حبيت اخذ رايكم في الجيب شروكي الاس ار تي ال 6.1 شكلة عاجبني الصراحه بس ما ادري اشلون استعماله كم في الوكاله و اذا في مستعمل ولا لا و من ناحية الخربات و السيرفس شلون الي يعرف شئ لا يبخل علينا و لكم الشكر :shy:

[فلفل حار]

الي اعرفه سعر الجديد بحدود 230 الف واذا حصلت مستعمل بتلقاه ارخص وايد لانه مب وايد يشترونه

ومن ناحيه استعمال يقولون قوووي جدا ورياضي درجه اولى

والي اعرفه سيرفز المانع تعبان شووي مايمدحونه

[عـنيـد قـطـر]

والله يالغالي اختيارك حلو موتر قوي وريف وشكله عجيب انا شريته من ثلاث شهور

ولين يومك ولا اخترب ولا صوت ولا طقه ولا شي مثل الوكاله .

سعره في الوكاله 224000 بس انا انصحك خذلك واحد ماشي شوي مرجع ولا في معرض

يكون نضيف .

[قطـ VERTU ـر]

موتر مآعليه كلااااامـ وعزمه حلوو .. اثبت تفوقهـ واايد من سيارات السبورتـ من خلال التسارعااتـ .. على ايام البورش كايين الشكل القديمـ .. كنا نشوف مقارانتـ بينه وبين البورش وكان يتفووقـ ..
وآيد من ربعي مآخذينـ لهمـ ..
مكينته وايد حلووهـ وقويهـ .. وقابليتها للتزويد تعجبكـ .. قبل فترهـ اشتغلناا على وآحد .. ركبنا عليه هدرز كوكس لونق تيوبـ .. واقزوز بي اند بي .. وفلتر ريس .. وبرمجة ديابلوو .. العزم مآ اوصف لكـ اشلوون ,, يمكن وصلت قوة الموتر النهائية حوالي 480 حصان اذا مب أكثرر ,,
بس نفس ماقلو اخواني اللي قبلي ,, حاول تآخذ لك وآحد مستعمل ونظيف او وآحد مرجعـ لان سعره ينزل وااااااااايد وآآيد .. بس حاول تآخذ 2008 لان موآصفاته احلىى .. وغيرو فيه اشيااء شويـ حلووهـ ..
واي استفسار اخويـ عن الجيبـ انا حااضرر ,,

[ولدالدوحه]

تسلمون يا شباب و ما تقصرون بس وين احصل واحد مستعمل و ممشاه شوي يبيلها فرة في المعارض

[فلفل حار]

حط اعلان بالوسيط مطلوووب الموترالفلاني

احسن لانه هالموترماعتقد تحصله بالمعارض وان كان موجود يمكن راعي الموتر نفسه يشوف الوسيط ويتصلك ويطلعه من المعرض وتتفقون :)

[The Blade]

تسلمون يا شباب و ما تقصرون بس وين احصل واحد مستعمل و ممشاه شوي يبيلها فرة في المعارض

اخوي روح الشركة يمكن تحصل عندهم مواتر مرجعه.....
والله يوفقك
واختيار ممتار

[مستثمر111]

انا كان عندي الموتر حلو وقوي من قلب بس عيبه انه يملل تزهق منه بسرعه

[$...المبارك...$]

آيش رايك أتأجر واحد لمدة يومين واتشوف استخدامة أو اتروح الشركة واتسوقة (تست ادرايف)

[BURBERRY]

اخوي ادخل على موقع سوق قطر فيه كم واحد معرووض

http://www.qatarsale.com

[ولدالدوحه]

اشكر الجميع على التواصل لكم كل التحية و الاحترام

[انسان حساسي]

موتر قوي ماخذ حقه والسبب الخرابات وسعره يطيح على طول عقب مايطلع الموتر والسيرفس تعبان

ولو ان الموتر قوي ورياضي

[ولدالدوحه]

موتر قوي ماخذ حقه والسبب الخرابات وسعره يطيح على طول عقب مايطلع الموتر والسيرفس تعبان

ولو ان الموتر قوي ورياضي

اشكر الجميع على التواصل بس ما هي نوعية الخربات الي تصيب الموتر :shy: