الاسهم والطفرة الاقتصادية قضت على الود والمحبة وسوالف الوناسة

[نمر بن عدوان]

ماتحسون معاي ان كل شي تغير بعد طفرة الاسهم القعدات الحلوة والسوالف الي ماتنمل والجمعات والرحلات والزيارات كلها تغيرت او انتهت .

الحين لو نقعد ويا بعض شباب او شابات شنهي السوالف الي تدور بينا.

(( هاه شسويت بعت اليوم ولا مابعت .......انت اشريت اليوم وبكم شريت.......اخخخخ يالقهر ماقدرت ابيع وطاح السهم .......بكرة شنشتري ؟؟؟........ يقولون هالشركة فيها زيادة راس مال ....وهالشركة بتوزع مجاني ...........يقولون في اكتتاب الشهر الجاي ...افااااااا يعني السوق بينزل ....لازم نبيع قبل لاينزل ...لالا نشتري احسن))


(( كم الفوت عندكم في العزيزية ....وانتوا كم واصل الفوت عندكم.....بكم شريت العمارة....تصدق بعتها قبل شهر بمليونين واليوم واصلة 3مليون ليتني مابعت... تبي ارض تجارية ... ليش ماتشتري ارض 900متر وتسوي عليها فلتين......ليش ماتشتري ارض في لندن.......ليش ماتاخذ شقة في جزيرة اللؤلؤة ......انا شريت عمارة فغزة يقولون بيجيها القص والتعويض حلو.... لاتبيع ترى الاسعار بتطلع....بيع ترى الاسعار بتنزل))


(( عندي مشروع يكسب ذهب....باجيب بضاعة من الصين...كم اجار المحل....بكم القطعة تطلع عليك وبكم تبيعها...الخلوات مرتفعه....سو هالمشروع احسن...لالا لاتسوي هالمشروع بتخسر... من وين احصل عمال ... المحل اجارة غااالي))



خل نكون صريحين ماتلاحضون ان هذي سوالف المجالس والجمعات هالايام ,,,, وهالسوالف كانت تخص عينة من المجتمع لكن الان اصبحت تخص كل المجتمع.....وتنتهي الجمعة بصداع وحيرة وقلق وانفعالات لا ارادية وارادية وقولون واعصاب .:weeping:


وراحت وانتهت الجمعات الحلوة والسوالف الي تونس عن البر والبحر والسفرات وسوالف الطباخ والمواتر واحسن مطعم واحلى محل يسوي كنافة ,,,,,,,, وباقول لكم نكتة وعندي لكم لغز . وتنتهي الجمعة بضحك ومعنويات مرتفعة وبال راااااااااايق. :nice:


وجدي على وقت مضى واصبح رجوعه مستحيل:weeping:

[رآعي موآجيب]

صادق أخوي بن عدوان

بس بالنسبه للي أشوفه في المجالس والدوام والتجمعات ان التطرق لهالمواضيع قلت وارجعت الناس تغير من مجريات حياتها شوي

ولا تنشط هالسوالف الا ايام الأكتتابات والأدراج وعقب يرجع كل شي كما كان

{ لأن الناس ملت من هالسولف ,, أكثر من 5 سنوات على هالحال ,, خلااااااص }

تحياتي لك

[الخيميائي]

اذا دخل المال من الباب هربت المشاعر من الشباك :p

[BURBERRY]

مرحبا اخوي نمر بن عدوان

انا اشوف عكس كلامك .. في المجالس و في الدوام ما نتكلم عن الاسهم و الاقتصاد إلا في حالة ادراج شركة جديده للاكتتاب .. اما بعدين لا .. المواضيع و السوالف تكون عاديه .. سوالف و ذكريات الشياب .. و الي له في الشعر يشعر .. .. الخ

[نمر بن عدوان]

صادق أخوي بن عدوان

بس بالنسبه للي أشوفه في المجالس والدوام والتجمعات ان التطرق لهالمواضيع قلت وارجعت الناس تغير من مجريات حياتها شوي

ولا تنشط هالسوالف الا ايام الأكتتابات والأدراج وعقب يرجع كل شي كما كان

{ لأن الناس ملت من هالسولف ,, أكثر من 5 سنوات على هالحال ,, خلااااااص }

تحياتي لك

المشكلة ياخوي لو تحسبها في السنة اكتتابين او ثلاثة كل اكتتاب ياخذ له شهرين او ثلاثة سوالف وبعدها الادراج ياخذ له شهر ين اوثلاثة سوالف وبعدها التخطيط للمبلغ الي ربحتة بشنهو تستثمره وتعدي الايام والاشهر من اكتتاب لادراج لأستثمار ويمضي قطار العمر.:weeping:

[نمر بن عدوان]

اذا دخل المال من الباب هربت المشاعر من الشباك :p

تعبير ولا اروع اوافقك علية مليون في المية .المشاعر والمال مايجتمعون الا عند من اعتبر المال وسيلة لخدمتة وخدمة مشاعرة وقليل منهم على هذه الشاكلة:nice:

[khaldoon]

اخي الكريم نمر بن عدوان

كنت اسمع انه لو جلست مع الشعب العربي ما تلاقيه يتكلم الا بالفلوس

و شوف المسلسلات بكافة لغاتها كلها و تعرف كلامي صحيح والا لا...كل القصص اللي تعكس الحياة الاجتماعيه فلوس بفلوس

نصب و احتيال و سرقات و اختلاسات وشرطه و مظاهر غناء فاحش او فقر مدقع و ميراث واللي باع امه و ابوه و اخوانه علشان الفلوس ومشاكل ميراث وكلها فلوس بس

حتى ما تلاقي الناس تنكت الا و تدخل الفلوس في النكته

ما تسمع يقولك اضحك بشلن ...يعني اضحك بسعر شلن على الاقل وما تظل مكشر

الاسهم الكل يتكلم فيها ...اللي يفهم واللي ما يفهم ...كبير و صغير

انا والله ما سمعت عن الاسهم الا يوم صناعات

الحين اشوف طلاب الجامعات اساتذه فيها

[الخبير العقاري]

اخوي نمر

اوافقك الرأي بنسبة 80% والله المستعان

[نمر بن عدوان]

مرحبا اخوي نمر بن عدوان

انا اشوف عكس كلامك .. في المجالس و في الدوام ما نتكلم عن الاسهم و الاقتصاد إلا في حالة ادراج شركة جديده للاكتتاب .. اما بعدين لا .. المواضيع و السوالف تكون عاديه .. سوالف و ذكريات الشياب .. و الي له في الشعر يشعر .. .. الخ


اكيد اخوي الموضوع مب على العموم 100% لكن اسمحلي اقول ان الوضع الي تتكلم عنة اصبح شاذ في عصر المادة الي نعيشة .