إخواني من يقدر يفيدني

[قلب بو ظبي]

السلام عليكم ورحمة الله وبركاته
تحيه طيبه أما بعد

ابى معلومات عن دوام المرور في قطر لاني بايي الفترة اليايه وماعندي إجازه يمكن أخذ يوم واحد اكبر الظن الخميس وايي قطر الاربعاء واكمل الويك اند الجمعه والسبت ارجع الامارات
فماعندي وقت
ابى اعرف ساعات العمل الرسمي للجهة المسئولة عن التنازل عن السيارات وهل لوعندي وكاله عامه من أختي (صادر من محكمة أبو ظبي) ممكن أسجل سياره باسمها؟؟!! والا لازم حضورها-
عادي احط رقم قطر على السياره واسفرها الامارات-وعادي استخدمها ووقت التجديد ايي قطر؟؟؟
كم كلفة شحن السيارة من قطر للامارات وكم قيمته وشو احسن شركة شحن؟؟
هل فيه شركة تسوي لي تامين شامل على السياره في الامارات وقطر؟؟

واسمحولي على المغثه
بس ابى اعرف قبل لا ايي واتوهق خاصة انه عملي رسمي (دوام يومي)

[فارس الكلمة]

الدوام الرسمي من الساعة السادسة صباحاً بتوقيت ( الدوحة ) حتى الساعة الواحدة ظهراً ..

و يمتد الدوام حتى الساعة السابعة مساء لبعض المعاملات .. ( أتصل على هاتف 4890666)

[حامي الشمال]

وعلى ماعتقد في دوام العصر في المرور حق تركيب اللوحات بس مادري هل فيه تبديل الاسامي ولا لا واسمحلنا على القصور

[الهاوي28]

اخوي مايصير اتسجل سياره لوحتها قطرية بأسم خليجي اذا كان غير مقيم في قطر ويملك بطاقه شخصيه

اما في حالتك انت مافي غير طريقه وحده وهي

انك تسجل السياره بأسم واحد قطري تعرفه وتثق فيه وبعدين يعمل لك توكيل من المحكمة وتصدق عليه

من وزاره الخارجيه (موضوع التوكيل والتصديق ياخذ ساعتين تقريبا) وبعدين بموجب التوكيل

تقدر تاخذ السياره ووتنازل هناك فيها حق اختك بس بعد ماتنزل لوحاتها القطرية

[السد]

اللي اعرفه انه هناك لوح تصدير
تروح لاي معرض ويسوي لك لوح تصدير
لكن عن الرسوم لا اعرف سعر الرسوم

[HEART_LION]

ياخوي اصحاب المعارض بيفيدونك واذا يصير بيسوون لك كل شي وموفق

[الحـــوت]

لازم الى بتسجل السياره بسمه يكون عنده بطاقه شخصيه قطريه
وبالنسبه للسفر بالسياره اذا عندك بطاقت صاحب السياره الاصليه تقدر تطلع بالسياره من الحدود

[رحال]

4890666:telephone:



هذا رقم المرور أتصل وخذ المعلومة اللي تبيها منهم أفضل !!!

[خالد الخوري]

شركات الشحن شركة ايزي بس اسعارهم غالية اعتقد بيشلون الموتر على سطحة لين الامارات ب 3500 ريال تلقى ارخص بس مش شركات افراد بس الاضمن شركات لان معاها تأمين على السيارة لين توصل الامارات 4500700 ايزي للشحن

[start]

الاخ الكريم ,,,اذ التوكيل مصدق من خارجية الامارات ومصدق من سفارة قطر في الامارات كل اموورك مظبووطه
1-بعد اختيارك للسيااره تسال المعرض ان السياره ابي اصدرها وابي ورقة مقااصه وتعني ورقة المقاصه ان جمارك السياره مدفوعه في قطر وعندك شيئ ظروري ان السيااره طالعه من وكالات قطر لان اذا السياره من احدي دول الخليج راحت عليك المقاصه ولازم تدفع لها جمارك في الامارات او اي دوله خليجيه طبعا تبعا للنظم والشروط المعمول بها في دول الخليج
2-التكلفه لتسقيط اللوحات القطريه مع المخلص هي 1200 ريال قطري
3-بعد تسقيط اللوحات يتم اعطائك لوحات اخراج للسياره ولك 15 يوم في قطر بعدها لازم تجدد التامين
4-يجب حضورك للمرور مع التوكيل
5-ابتعد عن اخطاء وهي لاتطلع بالسياره يوم الخميس بعد الساعه 11 صباحا لان السعوديه ماراح يسمحون لك وعملهم من السبت حتي الاربعاء من 7 صباحا الي 10 مساءابس احسن شيئ الخروج الصبح
7- ويجب أن تكتب في اوراق الخروج للسياره من هو صاحب السياره ومن الساااايق والا السعوديه لايسمحون لك بخروجها حتي لو انت المالك يعني لازم وظروري,إذ إنت معزم علي شحن السياره فأفضل شيئ الخروج بالسياره من قطر ومن ثم شحنها من السعوووديه ارخص بكثير
............................ولك جزيل الشكر علي هالسؤال الطيب لانه يعم بالفااايده علي المنتدي

[قلب بو ظبي]

ألف شكر يا اخواني ماقصرتووا
يزاكم الله الف خير..احرجتوني باهتمامكم والله