المساعد الشخصي الرقمي

مشاهدة النسخة كاملة : إعلان الارباح..وسعر السهم؟؟(دعوة للنقاش)



سوبر سهم
02-02-2005, 11:07 PM
:confused:

السلام عليكم

ايش قصة سوقنا الشركة اللي تعلن ارباح كبيره يهبط سعر سهمها

والشركات اللي ماتعطي ارباح مجدية ترتفع اسهمها

مثال على ذلك:
سهم المصرف

في انخفاض .

سهم وقود في ارتفاع ؟
وقطاع الخدمات؟

دعوة للنقاش ونقرا ارائكم


لاتفشلوني وردوا علي :rolleyes:

qatar_moon
03-02-2005, 05:58 AM
والله انها نفس الملاحظه

الحين الي اعلنوا عن ارباح كبيره اشوف سعرهم نازل

والله شي غريب

يمكن حركه مقصوده ( وحده اتفلسف )

سوبر سهم
03-02-2005, 05:37 PM
هههههههههههههههههههه

قطر مون

اعجبتني حركة مقصوده :)
يمكن ليش لا
بس انا اتوقعها سالفة مضاربه يشترون على الاشاعه اول مايطلع الخبر قد السهم مرتفع ايبيعون
فتصير عمليات بيع كبيره اتنزل السعر


اشراي الباقييين؟


ننتظرهم.

سهم أب
03-02-2005, 10:57 PM
السلام عليكم ورحمة الله وبركاته.....

موضوع حلو كثير، ومحير........ وتعليق قطر موون ضحكني من القلب :p

عموماً هو ما فيه شي واضح إلا اللي قلته يا سوبر سهم، وهو الشي المنطقي..... واللي هو ان الناس تسمع اشاعة (سواء كانت صحيحة أو لا) وتروح عليها...... فإذا اعلنت الأرباح جد السهم طالع وأرباحهم من بيع السهم كبيرة....... فيزيد العرض بكثير على الطلب وينزل سعر السهم.......

وتسلم على الموضوع يا سوبر........ وردوا عليه يا عالم ولا تفشلونه :D

تحياتي،،

سوبر سهم
04-02-2005, 11:54 AM
عليكم السلام والرحمة

الله ايسلم اخوي وحياك بينا سهم اب

الحمدلله انك مأيدني في سالفة العرض والطلب ونزول السهم.:)

اي والله دروا علييييييييييييييييييييينا :@

وينكم:(

إنتعاش
04-02-2005, 06:03 PM
صحيح ظاهره واضحه

لكن مثل ما ذكرتوا

تكون في عملية الصراع في مرحلة ما قبل اعلان التوزيع وما بعد اعلان التوزيع

فتصير اهنيه مرحلة البيع وجني الثمار للمضاربين ويشتري المتأخرين . .

والعرض يغطي . .

لكن شوي توصل مرحلة اتزان خفيفه

ويستمر يطلع شوي شوي قبل التوزيع الفعلي بيومين يثبتون او ينزلون بعض الاحيان

qatar_moon
05-02-2005, 07:57 AM
اي الحين فهمت شسالفه

سوبر سهم
05-02-2005, 01:45 PM
انتعاش فال الله ولا فالك

جعل الاسهم في صعود ولاترى للنزول طريق

وخلك في الشديد البنوك لي انزلت ماتخق من قلبها

يعني تنزل بهداوه ويسمون عليها وترجع :) ولا شرايك؟

فرحة الكواري
07-02-2005, 09:52 AM
مراحب

اللي اشوفه ,, اغلب الشركات في ارتفاع

وهذا شي طبيعي لان معظمهم عندهم اجتماع الجمعية

فالكل يبي يشتري عشان العضوية في المجلس

فكل مايشترون يطير السهم ,, واذا شي نازل اللحين

80% بيرتفع قبل الاجتماعات

تغريبا انا مع كلام اخوي انتعاش :)

هذا والله أعلم

8
8

احس اني خربطت وايد
لاني مب ويه نقاش هههههههه

ويعطيكم العافية

سوبر سهم
07-02-2005, 10:29 AM
هلا اختي الدرة

قصدج يعني لو نزل السهم مرده يرجع لحالة التوازن؟؟

احنا نبي ارتفاع وبس :) مانبي نزول وحالة توزان :) الطمع شين


الانخفاض الصحيح فقط هو انخفاض الدولي الاسلامي اليوم

فقط لاغير لان سعره كان مبالغ فيه وبيرجع لسعره الصحيح

:)

إنتعاش
07-02-2005, 11:57 PM
اخوي الكريم والاخواة الاكارم

يجب علينا عند تقييم شيء ما ان نسترعي عامل العقل والمنطق

كلنا نبي الاسهم ترتفع وتضرب للسماء


ولكن نقول ذلك حتى لا ندخل على شيء ما ونحن لا نعرف اسسه ولا تحليلاته العقلانيه

التي تجنبك المخاطره . .

اعتقد علينا فهم ان ما هو الآن في السوق من اسعار ما هو إلا ( جنون )

فلذلك اتمنى ان نتنبه لهذه المسألة . .

ونكون حذرين في عملية الشراء خصوصا . .