نداء للي عند سهمين في البورصة

[ابوعبدالعزيز]

السلام عليكم

نداء نداء نداء لأهل قطر

يا جماعة الخير انقول بدل المرة ألف مرة إلى عنده سهمين ومب عارف شيسوي فيهم ليش ايطيح سعر السهم ، يعني لو وصل السعر اربعين ريال فرضا ليش ايبيع ابتسعه وثلاثين وثمانين ويضر نفسه ويضر الناس معاه !!!!! ، اعرضه بربعين ،، وما انباع اليوم بينباع بكره .

يمكن الناس تعتقد أن الاسهم لهه تاريخ صلاحية عشان جذيه تبغي اتخلص منه لا يطيح ابجبدها ويغرمونهه البلدية ويمكن يحولونهم للمحكمة بعد .

نطلب في النهاية تكاتف وادري أن صوتي بينبح ومحد راح يسمع ولكن حبيت اقول هلشيء علشان انتكاتف ويطلع الجميع ابفايده .

والله من وراء القصد .

تحياتي .

[غريب الحال]

السوق اخوي سوق التخطيط والاستراجيات والربح والخساره

واما الي ذكرتهم اخوي فهم ناس مو فاهمين شي اعطيك عينه انا كنت في المجموعه

يوم ادراج الخليج الدوليه وكان جمبي شخصان يطالعون تذبذب السهم قبل الافتتاح

وغير السعر 4 مرات اول مره 39 والثانيه 38 والثالثه 37 والرابعه 36

ولما فتح السوق جاه المسج على 37 ونص طلب مسج المبلغ من المجوعه

وراح اخذ المبلغ وهو سعيد ما يعرف انه سهم قوي والا ر اح يوزع ارباح ولا

تحليل الشباب الي قدرو السهم بخمسين الى سبعين وانت شايف السهم وين وصل

اليوم لمت اب 53 وعشرين في ست ايام كان الفرق 15000 ريال ولما تساله ليش

بعت يقول مثلي مثل غيري

ان شاء الله يكون درس له ولغيرو في هذا السوق الي ما يرحم والسلام

[نمر بن عدوان]

كلها ارزاق ومقسمها رب العباد . الي يشتري ب40 يبيع ب45 والي يشتري ب45يبيع ب50 والي يشتري ب50 يبيع ب55 والي يشتري ب55 يبيع ب50 يعني بخسارة . انا اربح واخلي غيري يربح وممكن بعد غيري يربح وانا اخسر والي كاتبة ربك من رزق بتاخذة ولاتصدق ريال واحد يدش جيبك مب مكتوب لك .

راحة البال في القناعة السعادة في القناعة الاستمتاع بلمال في القناعة والقناعة سببها الايمان المطلق بأن الرزق مكتوب ولن تأخذ شي مكتوب لغيرك ولن يحرمك احد شيء مكتوب لك

[البركان]

كلها ارزاق ومقسمها رب العباد . الي يشتري ب40 يبيع ب45 والي يشتري ب45يبيع ب50 والي يشتري ب50 يبيع ب55 والي يشتري ب55 يبيع ب50 يعني بخسارة . انا اربح واخلي غيري يربح وممكن بعد غيري يربح وانا اخسر والي كاتبة ربك من رزق بتاخذة ولاتصدق ريال واحد يدش جيبك مب مكتوب لك .

راحة البال في القناعة السعادة في القناعة الاستمتاع بلمال في القناعة والقناعة سببها الايمان المطلق بأن الرزق مكتوب ولن تأخذ شي مكتوب لغيرك ولن يحرمك احد شيء مكتوب لك

كلام موزوون مايطلع الا من شخص راضى بقضاء الله وقدره


درر ياعين ابوى

[Smart]

جزاك الله خير
كلام عدل

[عابر سبيل]

انا كنت في المجموعه

يوم ادراج الخليج الدوليه وكان جمبي

انا اليوم كنت في المجموعه...
و تعرفون من كان(ت) جنبي...

ابنيّه...و تتمشى فالّه شعرها بعد...
بس اغرب شي..انها كانت ...
تشرب حليب من المرضااااعه...

نعم...اخوي/غريب الحال و الاخ/بو عبدالعزيز...
نداؤكم في محله...

بس..لو انكم تنزلون لارض الواااقع...بيتغير كلامكم...

المجموعه...من يووومين..و الزحمه لي ويييين...
عند فرع البنك التجاري...

الناس...موب نااااطره حتى اتدخل فلوسها في الحساب..
تبي كاااااااش...

امس انا في الوطني اللي في مطار الدوحه...

وحده جايه ابجوالها تسحب ما باعته (بالمسج)...واطلبت تحويله
الى سعودي..و على طووول..هوب للطياره...

النااااس محتاااجه...و في ناس مقرووصه....

و مثل ما قال الاخ/نمر...
اذا الي بايع...ربحان...فلا ملامة عليه...
و هنيا للي شرى من بعده و هم بعد ربح...
هذي الدنيا...ارزاق مقسمه...
و لو تبون تتأكون...اسألوا كل من في هالمنتدى
ممن يُعتبرون خبراااء و محنكيين و متخصصين..
هل كل ما ضرباتهم كانت رااابحه..و الا 50/50..

يعني حتى الي اتظنونه فلتة زمااانه...لا بد انه خسر..و ربما
لا زال يتعجل في بيعات و لا يصبر لكي يحصل كااامل الربح وحده..

و تحيه لك/ابو عبدالعزيز...على حرقتك...

[ابوعبدالعزيز]

الأخوان :

غريب الحال
نمر بن عدوان
البركان
smart
عابر سبيل

شاكر لكم المرور ،،،

بس والله الواحد ايتكلم من إلى يشوفه في البورصة ، شيء الصراحة يحرق القلب ، يعني احنه انعرف أن كثرة المساهمين في أي شركة حتى لو قلت عدد الأسهم عندهم بالنسبة للفرد يشكلون قوة لا يستهان بها في تحديد سعر السهم ، عيل ليش انخرب على بعض ، لأن أي واحد ايبيع بسعر اقل من المعرض ينسحب عليه ثاني يبيع ابسعر اقل وثالث بأقل الأقل ورابع نفس الشيء ، يعني في النهاية طاح السعر ، وحلني إذا ارتفع او ما تدخل في السعر هامور أو محفظة عشان ترفع السعر مرة ثانية .

أخوي نمر بن عدوان : آمنه بالله .
أخوي عابر سبيل : يا خوي صبرنا وايد على البورصة وأهل البورصة ، يعنى اتوافقني في الكلام أن المفروض يكون للناس هدف وهو تحديد سعر معين للبيع بدل التخبط إلى حاصل .


تحياتي للجميع .:)