(( Bmw X5 )) .. من ؟؟ ينصحني !! فيها ):

[الســـهم]

الواحد يحتار بالمواتر هاليومين .. :rolleyes2:

رسيت في الفترة الاخيرة :victory: على سيارة BMW X5 ..

من الآخر يالربع << وايد طولتها (: , السيارة تستاهل الواحد يشتريها ؟؟ :shy:

[*بوحمد]

Bmw X5

امحق موتر اتقول كنك راكب جمس موديل 1975

[مستثمر 999]

توكل على الله

وربي يعطيك خيرها ويكفيك شرها

واذا بتمشي ورا كلام الناس ...عمرك ما راح تشتري شي


اقترح عليك انك تأجر لك سياره بدون تحديد المده لين تقرر وش بتاخذ

بالتوفيق

[*بوحمد]

عزيزي اجر لك X5
قبل لاتشتري وعطني رايك

[The Blade]

اخوي كلام مجرب احسن لك من كلام الناس الي متادري وش السالفه شوف لك واحد يستعمل هذا الموتر وأسأله عن الموتر او روح الوكاله وجرب الموتر....
X5 او Bmw عامة سعر الوكاله غالي بعد بعدين في المعرض " مستعمل " رخيص وتطيح من قيمة الموتر وايد ع العموم اغلب المواتر تطيح اسعارها ماعدى التويوتا (ياجبل مايهزك ريح )

[فــلان]

الإكس فايف الجديده سياره ممتازه ولأصحاب الذوق الخاص من رايي :) ,, روح الوكاله وجربها والله يبارك لك إن شاء الله أخوي وموفق

[الفهد1]

المشكلة في الكمبيوتر

[الســـهم]

مشكورين لاهتمامكم وابداء رأيكم ..

فكرة التيست درايف موجوده , ولكن احتاج رأي اللي استخدموا السيارة , مزاياها وعيوبها ؟؟

يعطيكم الف عافية ..

[الـخـور]

ياخوي الاكس فايف سيارة حق الحريم اكثر شي
انصحك كشاب تشوف اللكزس فورويل

[HEART_LION]

بخصوص التست درايف انا رحت غير متوفر لديهم حاليا

ومحد نصحني فيه والله يوفقك مثل ماقالوا الشباب اجر يوم واحد وقرر

[Um Sultan]

انا حجزت لي اكس فايف وكنت خلاص بدفع لهم بااجر

بس قلت خل اروح اجرب البورش الكاين ..

الصراحه فرررررررررررررررررق

الاكس فايف ولاشي عند البورش

البورش تحس انك قاعد صج بسياره فخمه

نصيحتي سو مثلي وخذ لك بورش ..

الاكس فايف اووكي وحلوه بس بعد الضمان تنتهي وتعال ادفع ^_^

[الدنيا تجارب]

اختي ام سلطان البورش حلوه بس محس فيها كشخه بالنسبه لي وقطع الغيار ناااار
بالنسبه للبي ام الصراحه ارووع ما تكون اخوي عنده صالوون مريحه وكشخه وقطع غيارها رخيص وخدمه ممتازه ويعني شركه الفردان شغل ترتيب
وبالتوفيق

[الدنيا تجارب]

ويا اخوي الاكس فايف ترتيب وحلووه وتوكل بالتوفيق

[مافيا قطر]

ابتعد عن وكاله الفرادان وبعدين عندك اليكزس الجديد قيمته فيه ورزه اما الاكس فايف قيمتها تتطيح بسرعه

اما البورش ماعليها كلام بس قطع الغيار غاليه يحى تويوتا فى كل مكان موجوده ولك الاختيار وشاور بعد الربع ولا تستعجل وعقب تقول يلهوى ياخرابى

[ame32480]

موتر حلوو .. وكالاستعمال بعد حلوو ..

بس مشكلته وععر واايد ..

والموتر رزززه وماعليه كلام ..

ونصيحه خذ ياللون الابيض او الاسوود .. والرنجات 20 سوود وفالك طييب ..

[المشتاقه الى الجنه]

بعد تجربه مافي بعد البي ام سيارات وبالخصوص x5
راحه ورفاهيه وفخامه
أنا عندي x5 وأبي أشتري الحين x5الي يجرب البي ام ما يرضي بغيرها من السيارات
وبالنسبه لوكالتها ممتازه سيارتي موديلها 2003 وما شاء الله عليها من 5 سنين وزياده عندي ما احتاجت أي شي غير سفايف درم ويل زيوت 000000
والناس يبالغون 00000 اسأل مجرب والسياره عندي ما بعدها سياره ما شاء الله

[الســـهم]

الف شكر لاهتمامكم ..

اطمع بمزيد من الاراء وخصوصا اللي جربوا السيارة ..

والباب مفتوح لترشيح سيارة اخرى بس بشرط تكون سيارة المانية فقط ومن نفس فئتها ..

[الدنيا تجارب]

غير الالماني لا تاخذ

[رقم مميز]

اخوي

سهم

انا ماجربتها ولا ركبتهااااا

بس كنت اسولف مع واحد

وقالي كلمه

خذلك الماني

اذا مشيت 200 ولف الخط مانثر ربعك من الدرايش

والحافظ الله سبحانه

[راعي ال2008 الاسود]

اخوي تبي خذ لك اللكزس الجديده ورزه ثراها وبعد عندك اللون الذهبي وال الرصاصي او الابيض
احلى اللوان حقها وفك عمرك من مشاكل الفردان ومن قال الفردان اضمن ثرا الشغل الله بالخير
ودقوا من وارد الفردان صح انه يجيب مواتر حلوة وفخمة لكن بلعوزك في القطع الغيار والتشيك
ونصيحتي خذ اللكزس احسن واللكزس لحد الان افخم موتر واحلى موتر فرويل

[البيت بيتك]

عند واحد من الربع اللون ابيض من الداخل اسود موديل 2006م اذا لك خاطر كلمني على الخاص

[q6ri_vip]

الشيخ عندي x5 2008 وللأمانه الموتر وعر وعر وعر ماتحس فيه بلراحه وثاني شي يشير عندي صوت السنسر غير هالشي ماشي ... وأذا بغيت تاخذ عليك بالأسود أحسن من الالوان الثانيه لان لو خذت اللون الابيض بيكون على الصدام الخلفي والامامي قطع سود تحت فشكله يطلع مب لذاك الزود مايعطيك فخامه نفس اللون الاسود .

[اّل ثاني 77]

Ml63
وبالتوفيق

[وطن]

اخوي الاكس فايف من ناحية السواقة حلوه الصراحة
الـ 4.8


انت روح جربها في الوكالة
اطلع فيها وادعس وسو كل اللي في خاطرك قبل لا تاخذها
:)

عاد مو تتهور وتسوي لهم مخالفات عليها

[simota uae]

والله اذا عندك افلوس اشتر ولا تشاور ...............واذا عندك افليسات وخايف عليهن لا يضيعن لا والله لا تغامر وخذلك شي مضمون......بس نصيحة خذلك هيونداي واتوكل على الله وبدل شعارها بشعار البي ام وحط كتابة v8 x5 بس واتمشى عكرنيش الدوحة شو تطلع فلته بتكون شي مميز

[kakashi]

اخوي الموتر عجيب وماعليه كلام واحنا عندنا الفئه الخامسه والفئه السادسه
والحمدلله مانشتكي منهم , مواتر عمليه وتصلح للاستخدام اليومي و خدمة الفردان اروع اتحس انك اتعامل مع شركة مب كراج مثل تويوتا مع احترامي للشباب اللي قالو لك اخذ لكزس مافي مقارنه مع الاكس فايف
لا في السواقه ولا العزم ولا الثبات اللكزس مثل الفي اكس ار بس عليه كماليات ازيد
ملاحظه : اذا انت من النوع اللي يحب يغير سيارات فانصح انك تاخذ لك مستعمله
علشان لي حبيت اتبيع ما يطيح وايد من سعر السياره
وتحياتي لك

[إنتعاش]

سيارة رائعة اخوي كانك حبيت السيارة شخصيا ً فهي ممتازة ولا يعلى عليها
ويكفيك ان وكيلها الفردان وخدماتهم الممتازة الحقيقة ..

لكن مثلك عارف وتشوف من الردود ان غالبية شبابنا لا هبو في سيارة هبو فيها وكرهو الناس
في السيارات الثانية

مثل ايام رنج سبورت طبو فيه طبه لين ما بقى شارع مافيه رنج سبورت
والحين طبو في الكيان وما تلقى سيارة في الوكالة والسبب الموضه والتقليد في الشراء

واستغرب من اللي يقول ان الكيان افخم من الاكس فايف !!

الكيان عملي صح ،، لكن من الداخل تقليدي جدا وبامكانك تشوفه ..

البي ام دبليو اكس فايف افخم وانعم بكثير بكثير بكثير من ناحية الديكور والتصميم
الداخلي في السيارة ..

لكن حط في بالك بعد اذا خذتها تخليها عندك تحلل قيمتها لأنها غير مرغوبة مثل الكيان
فيطيح سعرها كثير ،،

و كان لك خاطر في وحده جديده و ماشيه شوي وطايح من سعرها واجد ..
روح طريق سلوى معرض توب كار ،، عنده بيضا ماشيه شوي حوالي 3000 يمكن او اقل
وسعرها انزل من الوكالة يمكن في الـ 280 هالشكل قيمتها ..

وبعد في اكس سكس بيضا ماشيه شوي كان لك خاطر في نفس المعرض

تحياتي لك

[الســـهم]

يعطيكم العافية جميعا ..

مثل هالسيارات تشتري وكيلها قبل لاتشتريها ..

اعتقد ان الفردان هو الاجدر والافضل حاليا كخدمات وعلامة ؟ على الصيانة ..

انا فكرت بالـ بي ام دبليو نظرا لخدمات مابعد البيع اللي يقدمها افضل وكيل سيارات في قطر بدون مبالغة .. ( مش دعاية واسألوا اللي جربوا الفردان )

مشكورين على آرائكم ومشاركاتكم اللي اعتز فيها , وان شاء الله يكون لنا نصيب في الـ X5 ..