المساعد الشخصي الرقمي

مشاهدة النسخة كاملة : معقووووووووولة ؟!!!


جمال العبدلي
02-06-2008, 06:11 PM
شيء لا يستوعبه لا عقل ولا منطق .. وإلا كيف لدولة عدد سكانها اكثر من مليون ونص مسموح لها فقط 1500 حاج ؟؟ ياجماعة الخير هذي رابع سنه احاول احج وكل مره تطلع لي سالفه ... يا ان مافي حجز او مافي تذاكر .. فعلا منتهى الدهشه عندما ينوي الواحد ان يؤدي فريضه ولا يستطيع ...الله يسامح السلطات السعوديه بقراراتها المجحفه والغير مدروسه .. من بعد 15 الف حاج في قطر اصبح المسموح 1500 حاج فقط ومن بعد 30 الف حاج من الامارات اصبح المسموح 5000 حاج فقط .. لاتعليق .. صبر جميل والله المستعان
lalamar
02-06-2008, 06:16 PM
احسن علشان ماتصير زحمة والناس ينرعصون ويموتون
جمال العبدلي
02-06-2008, 06:17 PM
احسن علشان ماتصير زحمة والناس ينرعصون ويموتون

هذا مهب حل في حلول احسن وافضل مثل انهم يقننون الحج يعني الي حج مايسمح له الا عقب ثلاث سنين
عبدالله العذبة
02-06-2008, 06:19 PM
أخي العزيز الزميل جمال حفظه الله.

أنا على يقين من أن سمو الأمير حفظه الله سيجري اتصالاته الأخوية مع خادم الحرمين الشريفين.

أو سيكلف من يراه مناسباً لحل مثل هذا الأمر الذي لن يصعب على السياسة القطرية الحكيمة.

و أتمنى لك حجاً مبروراً و سعياً مشكوراً بإذن الله.
جمال العبدلي
02-06-2008, 06:21 PM
أخي العزيز الزميل جمال حفظه الله.

أنا على يقين من أن سمو الأمير حفظه الله سيجري اتصالاته الأخوية مع خادم الحرمين الشريفين.

أو سيكلف من يراه مناسباً لحل مثل هذا الأمر الذي لن يصعب على السياسة القطرية الحكيمة.

و أتمنى لك حجاً مبروراً و سعياً مشكوراً بإذن الله.

مرحبتين زميلي العزيز ...
والله يالغالي اتمنى لان كل سنه اقول ان شاء الله هالسنه بحج ولا تصيب معاي وهالسنه شكلها ماراح تصيب
@بوٍخلــي@
02-06-2008, 06:22 PM
صحيح كلامك اخوي جمال
حتي فتحوا هاي الموضوع في وطني الحبيب
المشكله 1500
من سعيد الحظ الي بيسافر؟؟
بعدين على ما سمعته حتي المقاولين بيتضرورا
وبعدين السلطه السعوديه استخداموا الكود في هاي النسبه
وعلى ما سمعته نظام الكود يتطبق على الدول الي عدد سكانها وايد مثل مصر
80 مليون = 80 الف
اما قطر
مليون ونص = 1500

ما في وجهه مقارنه
الله المستعان اخوي جمال
ان شاء الله تسافر
وتحج
لاتنسى الدعاء لنا ولصالح المسلمين اخوي
تحياتي لك
deepbluesea
02-06-2008, 06:24 PM
فعلا شي مب معقول

وانا مثلك انصدمت اخوي لين قالوا لي عدد الحجاج من قطر


اعتقد وزارة الاوقاف والشوؤ الدينيه لازم تشوف حل


الله المستعان والله يعين اللي ناويين الحج السنه ، الظاهر بيكون ا لحجز بالكم سنه
جمال العبدلي
02-06-2008, 06:24 PM
صحيح كلامك اخوي جمال
حتي فتحوا هاي الموضوع في وطني الحبيب
المشكله 1500
من سعيد الحظ الي بيسافر؟؟
بعدين على ما سمعته حتي المقاولين بيتضرورا
وبعدين السلطه السعوديه استخداموا الكود في هاي النسبه
وعلى ما سمعته نظام الكود يتطبق على الدول الي عدد سكانها وايد مثل مصر
80 مليون = 80 الف
اما قطر
مليون ونص = 1500

ما في وجهه مقارنه
الله المستعان اخوي جمال
ان شاء الله تسافر
وتحج
لاتنسى الدعاء لنا ولصالح المسلمين اخوي
تحياتي لك

منطقياً غلط فمن الغير معقول ان تعادل الدول كلها على نفس النسبه فهناك دول بالملايين وهناك دول لاتتعدا المليون ونصف وهناك دول اغلب سكانها مسلمين وهناك دول المسلمين فيها اقليه.. بصراحه حسبه ظالمه
حقيقه
02-06-2008, 06:24 PM
قول ان شاءالله
وتوكل
وبأذن الله مايردونك بس قدم بدرري :victory:
جمال العبدلي
02-06-2008, 06:25 PM
فعلا شي مب معقول

وانا مثلك انصدمت اخوي لين قالوا لي عدد الحجاج من قطر


اعتقد وزارة الاوقاف والشوؤ الدينيه لازم تشوف حل


الله المستعان والله يعين اللي ناويين الحج السنه ، الظاهر بيكون ا لحجز بالكم سنه



وزارة الاوقاف عندنا ماتقدر اتسوي شي الموضوع متعلق بوزارة الحج في السعوديه ومايحلها الا حكامها
جمال العبدلي
02-06-2008, 06:27 PM
قول ان شاءالله
وتوكل
وبأذن الله مايردونك بس قدم بدرري :victory:

يقولون ان في ناس حاجزه من العام الماضي وفي ناس ردوهم عشان العدد تم تقليصه
deepbluesea
02-06-2008, 06:52 PM
يقولون ان في ناس حاجزه من العام الماضي وفي ناس ردوهم عشان العدد تم تقليصه

صحيح

انا مريت قبل اسبوعين على بعثة الكواري للحج كنت ابي احجز حق واحد له وهله

قالوا لي وين ، الحج عندنا فل من السنه اللي طافت واذا على عدد الحجاج الحالي ، بيكون لسنتين قدام

سألتهم والحل وشو

قالوا احنا كل ما يجينا حد يبي يحج نقوله روح راجع هئية الحج واللي مكانها في السد وقدم شكوى

وهاي كله عشان يمكن يتحركون لحل عدد الحجاج

واللي سمعته ان المقاولين رافضين لحد الحين

لانه اصلا بيخسرون على هالعدد

اعتقد لو تم هالعدد كل بعثه راح يكون نصيبها اقل من 100 حاج

يعني خسرانيين
هسلان
02-06-2008, 06:52 PM
خلي توكلك على الله وبتلقى الحل
أنا السنة الماضية حجيت مع الاهل وكان عددنا تسعة اشخاص ورحنا عن طريق حملة سعودية من الدمام وكانت خدماتهم جيدة واسعارهم مناسبة ستة الف ريال بالطيارة من الدمام
يعني مافي مشكلة لبقيت تحج بتيسر أن شاء الله
بس أنت أنو وبيسهل الله كل أمر
جمال العبدلي
02-06-2008, 06:55 PM
صحيح

انا مريت قبل اسبوعين على بعثة الكواري للحج كنت ابي احجز حق واحد له وهله

قالوا لي وين ، الحج عندنا فل من السنه اللي طافت واذا على عدد الحجاج الحالي ، بيكون لسنتين قدام

سألتهم والحل وشو

قالوا احنا كل ما يجينا حد يبي يحج نقوله روح راجع هئية الحج واللي مكانها في السد وقدم شكوى

وهاي كله عشان يمكن يتحركون لحل عدد الحجاج

واللي سمعته ان المقاولين رافضين لحد الحين

لانه اصلا بيخسرون على هالعدد

اعتقد لو تم هالعدد كل بعثه راح يكون نصيبها اقل من 100 حاج

يعني خسرانيين

اللي سمعته ان كل حمله لها 45 حاج فقط بالاضافه الى الاداريين والمسؤولين عن الحمله
جمال العبدلي
02-06-2008, 06:56 PM
خلي توكلك على الله وبتلقى الحل
أنا السنة الماضية حجيت مع الاهل وكان عددنا تسعة اشخاص ورحنا عن طريق حملة سعودية من الدمام وكانت خدماتهم جيدة واسعارهم مناسبة ستة الف ريال بالطيارة من الدمام
يعني مافي مشكلة لبقيت تحج بتيسر أن شاء الله
بس أنت أنو وبيسهل الله كل أمر

والنعم بالله ان شاء الله بشوف لي حل الواحد مايظمن عمره لين السنه الجايه
المشط
02-06-2008, 06:56 PM
شيء لا يستوعبه لا عقل ولا منطق .. وإلا كيف لدولة عدد سكانها اكثر من مليون ونص مسموح لها فقط 1500 حاج ؟؟ ياجماعة الخير هذي رابع سنه احاول احج وكل مره تطلع لي سالفه ... يا ان مافي حجز او مافي تذاكر .. فعلا منتهى الدهشه عندما ينوي الواحد ان يؤدي فريضه ولا يستطيع ...الله يسامح السلطات السعوديه بقراراتها المجحفه والغير مدروسه .. من بعد 15 الف حاج في قطر اصبح المسموح 1500 حاج فقط ومن بعد 30 الف حاج من الامارات اصبح المسموح 5000 حاج فقط .. لاتعليق .. صبر جميل والله المستعان

اخوي في ازاله كبيره حول الحرم والفنادق ماتستوعب عدد الحجاج

مايقدرون يسمحون بعدد اكثر من السكن المتوفر هذا الشي في ذمتهم

نستحمل كم سنه بس بعدها ان شاء الله بيكون الحج اسهل واريح
al-fahad
02-06-2008, 07:01 PM
تم تقرير الأمر بناء على نظام الكوته 1 في بالمئه لكل دوله
يعني قطر لها 1500 بما ان عدد السكان مواطنين ومقيمين مليون ونص
لكن القرار حقيقة غير منصف لأن هناك دول ستجد انه عدد الحجاج لديها قد تضاعف أقصد هنا دول لها كثافة سكانية
كنت أتمنى لو تم استثناء دول الخليج من هذا النظام لأسباب كثيرة
منها قله العدد السكاني وتقارب المسافة حيث من يذهب للحج يرجع فور انتهاء مراسم الحج

ولك كل الشكر أخي جمال وفقك الله
jajassim
02-06-2008, 07:03 PM
حسب علمي أخوى ،،، هذه ضغوط من السعودية ،، لمنع بعض الحجاج ،، وخاصة اللي يجون بزيارات عائلية ،، لأخونا المقيمين ،، ويستغلون وجودهم ويحجون عن طريق الدوحة ،، حيث في بلادهم العدد اكتمل فلا يقدرون يحجون عن طريق بلادهم ،، :)
جمال العبدلي
02-06-2008, 07:06 PM
حسب علمي أخوى ،،، هذه ضغوط من السعودية ،، لمنع بعض الحجاج ،، وخاصة اللي يجون بزيارات عائلية ،، لأخونا المقيمين ،، ويستغلون وجودهم ويحجون عن طريق الدوحة ،، حيث في بلادهم العدد اكتمل فلا يقدرون يحجون عن طريق بلادهم ،، :)

طيب واحنا اشذنبنا؟
jajassim
02-06-2008, 07:18 PM
طيب واحنا اشذنبنا؟

أنت مالك ذنب أخوى ،، الذنب على السفارة السعودية ،، ليش تعطي الموافقة ،، لي ماعندهم اقامات دائمة ،، وكذلك لجنة شؤون الحج القطـرية :)
Ghost
02-06-2008, 07:29 PM
مافي مشكله لو لك نيه بالحج ماعليك يالحبيب؟ أقتراح من أخوك الصغير


(((دق سلف لسيارتك ))) والله يحفظك
الزاجل
02-06-2008, 07:37 PM
مافي مشكله لو لك نيه بالحج ماعليك يالحبيب؟ أقتراح من أخوك الصغير


(((دق سلف لسيارتك ))) والله يحفظك

نفس اقتراح الولادة يا اخونا جمال ..

تقول روح بسيارتك يا يبة
وهناك انضم لحملات سعودية ..

فاي شخص عنده خبرة او معرفة في هالموضوع
يدلي بدلوه .
جمال العبدلي
02-06-2008, 07:39 PM
نفس اقتراح الولادة يا اخونا جمال ..

تقول روح بسيارتك يا يبة
وهناك انضم لحملات سعودية ..

فاي شخص عنده خبرة او معرفة في هالموضوع
يدلي بدلوه .

انا ماقد حجيت من قبل فاحتاج لمرشد حجاج عشان تصلح حجتي ماقدر اروح بروحي وانا ماعرف مناسك الحج بشكل كامل ودقيق ووافي
um abdulla
02-06-2008, 07:39 PM
نشتكي من الاغراق السكاني
وهاذهو نصيبنا 1500 لاننا تجاوزنا المليون سكانيا
يعني لو كنا اقل لقلت حصتنا من الكوتا
:secret:

الله يوفق لك اخوي جمال
حارب باظفارك وقلمك
ترى السنة الجاية يمكن اذا الله احيانا تطلع لك عراقيل جديدة
اعقد النية والعزم ان تسجل هالموسم
ولا تنسانا من الدعاء
والله تجربة لا تنسى
وفريضة لا تفوت
جمال العبدلي
02-06-2008, 07:46 PM
نشتكي من الاغراق السكاني
وهاذهو نصيبنا 1500 لاننا تجاوزنا المليون سكانيا
يعني لو كنا اقل لقلت حصتنا من الكوتا
:secret:

الله يوفق لك اخوي جمال
حارب باظفارك وقلمك
ترى السنة الجاية يمكن اذا الله احيانا تطلع لك عراقيل جديدة
اعقد النية والعزم ان تسجل هالموسم
ولا تنسانا من الدعاء
والله تجربة لا تنسى
وفريضة لا تفوت


المشكله يا ام عبدالله ان من الحين تم توقيف استقبال طلبات الحج في الحملات لان عندهم حجز لحجاج من الموسم الماضي وبعضهم سبقني فكل ماتصل في حمله يقولون لي العدد كافي .. املنا في تدخل سامي وكريم من سمو الامير المفدى لان لو تمينا على هالوضع ماظن راح احج الا عقب سبع سنين :(
الزاجل
02-06-2008, 07:46 PM
انا ماقد حجيت من قبل فاحتاج لمرشد حجاج عشان تصلح حجتي ماقدر اروح بروحي وانا ماعرف مناسك الحج بشكل كامل ودقيق ووافي

يقولون لك تنضم الى حملة حجاج سعودية ..
ما اتروح بروحك .. عاد اشلون ما عندي فكرة ..

واضم صوتي لصوت ام عبدالله
لا تنسانا من الدعاء عند البيت الحرام ..
um abdulla
02-06-2008, 07:51 PM
المشكله يا ام عبدالله ان من الحين تم توقيف استقبال طلبات الحج في الحملات لان عندهم حجز لحجاج من الموسم الماضي وبعضهم سبقني فكل ماتصل في حمله يقولون لي العدد كافي .. املنا في تدخل سامي وكريم من سمو الامير المفدى لان لو تمينا على هالوضع ماظن راح احج الا عقب سبع سنين :(

من ذولا سامي وكريم
ما شالله

:):D
al-fahad
02-06-2008, 07:54 PM
من ذولا سامي وكريم
ما شالله

:):D


الله العالم يبون يحجون يا ام عبدالله :)
جمال العبدلي
02-06-2008, 07:56 PM
من ذولا سامي وكريم
ما شالله

:):D


علمي علمج يمكن امضيعين المنتدى ؟:secret:
um abdulla
02-06-2008, 07:56 PM
الله العالم يبون يحجون يا ام عبدالله :)

حج يا حاج

:shy:
lalamar
02-06-2008, 08:27 PM
حج يا حاج

:shy:

صبح صبح ياعم الحاج
بنت الحرمي
02-06-2008, 08:48 PM
اخوي الفاضل جمال ..

صحيح شيء مستغرب .. ولكن اعتقد تم تحديد عدد الحجاج للحفاظ على سلامتهم ..

وعدم تكرار حوادث السنوات الماضية ..
بوحارب
02-06-2008, 09:39 PM
الحمدلله حجيت وافتكيت من هالقوانين

يعطيك العافية يالعبدليhttp://www.qatarshares.com.qa/data/208/211/storm_11465026_1578819259.gif
الخطيب
02-06-2008, 10:00 PM
على حسب ما فهمته من أحد الإخوان إن ال 1500 للحجاج الغير القطريين الراغبين في الحج من قطر وبالنسبة لأهل قطر فالباب مفتوح لهم .
عن نفسي أنا حجزت السنة الماضية في آخر أسبوعقبل الوقفة ومعاي 2 من الربع وحملة
( أ ) .
ولا تنسى إنه حملة مثل الفرقان حج معاها السنة الماضية حوالي 1500 حاج فما أعتقد فهمنا للموضوع صحيح .
ناصر العمادي
02-06-2008, 10:41 PM
فعلا أخوي جمال العدد بسيط جدا .....

ولكن كما رأيت على الواقع بما أني من يومين راجع من العمره الوضع حاليا سيئ الزحمه رهيبه بسبب توسعة الحرم من ناحيه .. وهدم كل المباني والفنادق والأسواق المحاذيه للحرم والبعيده نوعا ما عن الحرم ...
وأكبر مشكله تكمن في باب المسعى الزحمه لاتطاق بسبب ضيق المكان بسبب التوسعه ..

فأعتقد والله أعلم أن هذا هو السبب لتقليل عدد الحجاج .....

أذا الله أراد بنزل الصور للوضع الحالي في الحرم غدا بمشيئة الله ..

وأهم شي النيه ياخوي والله يسهل لك أمورك وييسرلك دربك يارب

تحياتي وتقديري لك
ANONYMOUS
02-06-2008, 11:51 PM
حسب علمي أخوى ،،، هذه ضغوط من السعودية ،، لمنع بعض الحجاج ،، وخاصة اللي يجون بزيارات عائلية ،، لأخونا المقيمين ،، ويستغلون وجودهم ويحجون عن طريق الدوحة ،، حيث في بلادهم العدد اكتمل فلا يقدرون يحجون عن طريق بلادهم ،، :)



اخوي جاجاسم

هالكلام اوريدي مطبق

لان عندي اندونيسي من العام يقول يبي يجيب امه وابوه يعتمرون و يحجون

بس مايعطونهم ويزه
بوخالد911
02-06-2008, 11:53 PM
هلا

؛؛؛

مدري ليش التضييق على اللي يبي يرووح الحج
:omg:
والمفروض هناك يكون تعاون اكبر ما بين دول المجلس

نبي تعاون على أرض الواقع !!!

ما نبي نسمع كلام في كلام !!!

نبي شي واقع وملموووس

:omg::eek5::omg:
زقرتي ومزاجي
03-06-2008, 12:22 AM
شيء لا يستوعبه لا عقل ولا منطق .. وإلا كيف لدولة عدد سكانها اكثر من مليون ونص مسموح لها فقط 1500 حاج ؟؟ ياجماعة الخير هذي رابع سنه احاول احج وكل مره تطلع لي سالفه ... يا ان مافي حجز او مافي تذاكر .. فعلا منتهى الدهشه عندما ينوي الواحد ان يؤدي فريضه ولا يستطيع ...الله يسامح السلطات السعوديه بقراراتها المجحفه والغير مدروسه .. من بعد 15 الف حاج في قطر اصبح المسموح 1500 حاج فقط ومن بعد 30 الف حاج من الامارات اصبح المسموح 5000 حاج فقط .. لاتعليق .. صبر جميل والله المستعان



العبدلي

ياكثر انتقاداتك .. الله يستر منك

كل دوله لها انظمه وقوانين
تخيل كل دوله في العالم
منها 1500 حاج كم يصير المجموع


يالغالي
يمكن السلطات في المملكه العربيه السعوديه
تشوف شي انت ماتشوفه
ولا تقولي ان نظرتك للأمور اكبر من السلطات في المملكه العربيه السعوديه


واذا على الحج يمكن ربي مب كاتبلك انك تحج في الوقت اللي تبيه
بتتحدى القدر بعد .. ولا بتنتقد القضاء والقدر



يا اخي في الله

احسن الظن


وخل عنك الانتقادات الله يرحم والديك
ملينا خلاص طقت جبدنا
المشط
03-06-2008, 12:54 AM
اخوي ناصر العمادي عمره مقبوله ان شاء الله

اخواني في الرد السابق كاتب لكم ان في ازاله حول الحرم

والان الاخ ناصر العمادي اكد هذا الشي

وهذا موضوع الاخ jajassim ( اضخم تطوير في التاريخ تشهده مكة المكرمة )
http://qatarshares.com/vb/showthread.php?t=169477

يعني الاسباب لا ضغوظ ولا غير

اخوي جمال تقدر تروح تحجز عن طريق اي حملة في السعوديه
ريان
03-06-2008, 12:58 AM
بصراحه عدد صغير جدا 1500

وانا شبه سنويا احج مع حمله من السعوديه ولا احلى منها .

اطلع من الدوحه بسيارتي وانظم مع الحمله في مكه .


وعن العدد 1500 . راح يتغير ويصير اكثر من 7000

ان شاء الله
هام السحاب
03-06-2008, 02:39 AM
ياخوي ان شاء الله الامور راح تسهل توكل على الله بس
جمال العبدلي
03-06-2008, 09:35 AM
اخوي الفاضل جمال ..

صحيح شيء مستغرب .. ولكن اعتقد تم تحديد عدد الحجاج للحفاظ على سلامتهم ..

وعدم تكرار حوادث السنوات الماضية ..


مرحبتين اختي بنت الحرمي ..
حج الموسم الماضي خلا من اية حوادث والحمدالله وماكان فيه تقليص لعدد الحجاج
جمال العبدلي
03-06-2008, 09:39 AM
فعلا أخوي جمال العدد بسيط جدا .....

ولكن كما رأيت على الواقع بما أني من يومين راجع من العمره الوضع حاليا سيئ الزحمه رهيبه بسبب توسعة الحرم من ناحيه .. وهدم كل المباني والفنادق والأسواق المحاذيه للحرم والبعيده نوعا ما عن الحرم ...
وأكبر مشكله تكمن في باب المسعى الزحمه لاتطاق بسبب ضيق المكان بسبب التوسعه ..

فأعتقد والله أعلم أن هذا هو السبب لتقليل عدد الحجاج .....

أذا الله أراد بنزل الصور للوضع الحالي في الحرم غدا بمشيئة الله ..

وأهم شي النيه ياخوي والله يسهل لك أمورك وييسرلك دربك يارب

تحياتي وتقديري لك

عمره مقبولة يالغالي ..
يجوز ان هناك اسباب ولكن اللي فهمناه ان السبب هو تطبيق نظام الكوته وحتى لو فرضنا ان السبب التوسعه والازاله فلا يطبقون التقليص على دول الخليج لان مهب من كثرنا
جمال العبدلي
03-06-2008, 09:41 AM
العبدلي

ياكثر انتقاداتك .. الله يستر منك

كل دوله لها انظمه وقوانين
تخيل كل دوله في العالم
منها 1500 حاج كم يصير المجموع




يالغالي
يمكن السلطات في المملكه العربيه السعوديه
تشوف شي انت ماتشوفه
ولا تقولي ان نظرتك للأمور اكبر من السلطات في المملكه العربيه السعوديه


واذا على الحج يمكن ربي مب كاتبلك انك تحج في الوقت اللي تبيه
بتتحدى القدر بعد .. ولا بتنتقد القضاء والقدر



يا اخي في الله

احسن الظن


وخل عنك الانتقادات الله يرحم والديك
ملينا خلاص طقت جبدنا


اسمالله على جبدك ...
نصيحه مني عشان لا تطق جبدك مره ثانيه لاتقرى اي شي باسمي في هالمنتدى ولا في الجرايد حفاظاً على جبدك
جمال العبدلي
03-06-2008, 09:42 AM
اخوي ناصر العمادي عمره مقبوله ان شاء الله

اخواني في الرد السابق كاتب لكم ان في ازاله حول الحرم

والان الاخ ناصر العمادي اكد هذا الشي

وهذا موضوع الاخ jajassim ( اضخم تطوير في التاريخ تشهده مكة المكرمة )
http://qatarshares.com/vb/showthread.php?t=169477

يعني الاسباب لا ضغوظ ولا غير

اخوي جمال تقدر تروح تحجز عن طريق اي حملة في السعوديه

مرحبتين اخوي الظاهر مالنا الا هالطريقة انحج بواسطة الحملات السعوديه وتسلم عالمعلومه
جمال العبدلي
03-06-2008, 09:45 AM
بصراحه عدد صغير جدا 1500

وانا شبه سنويا احج مع حمله من السعوديه ولا احلى منها .

اطلع من الدوحه بسيارتي وانظم مع الحمله في مكه .


وعن العدد 1500 . راح يتغير ويصير اكثر من 7000

ان شاء الله


مرحبتين اخوي العزيز ..
انا بعد قريت في تصريح لرئيس بعثة الحج القطرية ان العدد راح يصبح 7000 حاج من قطر وان هناك مساعي لهالموضوع واتمنى التوفيق
zeknon
03-06-2008, 10:08 AM
شيء لا يستوعبه لا عقل ولا منطق .. وإلا كيف لدولة عدد سكانها اكثر من مليون ونص مسموح لها فقط 1500 حاج ؟؟ ياجماعة الخير هذي رابع سنه احاول احج وكل مره تطلع لي سالفه ... يا ان مافي حجز او مافي تذاكر .. فعلا منتهى الدهشه عندما ينوي الواحد ان يؤدي فريضه ولا يستطيع ...الله يسامح السلطات السعوديه بقراراتها المجحفه والغير مدروسه .. من بعد 15 الف حاج في قطر اصبح المسموح 1500 حاج فقط ومن بعد 30 الف حاج من الامارات اصبح المسموح 5000 حاج فقط .. لاتعليق .. صبر جميل والله المستعان
ياخي روووح دور موضوووع تكتب فية او خل عنك هالمهاترات اللي كلنا نعرف انت ايش تقصد من وراها
ياخي لو انك تبي تحج كان حجيت حتى لو على قرونك
بس خل عنك هالكلام او على قولتك لازمك مقاول ايعلمك كيف اتحج
هذة مواضيع مدروسة بين الدول لتنظيم عملية الحج وانا ماعتقد انة فية اقطري يبي ايحج ولا يقدر واذا ماقدر ايكلمني انا مستعد اودية
:anger1::anger1::anger1:
غالي قطر
03-06-2008, 09:54 PM
ياخي روووح دور موضوووع تكتب فية او خل عنك هالمهاترات اللي كلنا نعرف انت ايش تقصد من وراها
ياخي لو انك تبي تحج كان حجيت حتى لو على قرونك
بس خل عنك هالكلام او على قولتك لازمك مقاول ايعلمك كيف اتحج
هذة مواضيع مدروسة بين الدول لتنظيم عملية الحج وانا ماعتقد انة فية اقطري يبي ايحج ولا يقدر واذا ماقدر ايكلمني انا مستعد اودية
:anger1::anger1::anger1:


:nice::nice::nice::nice:
اللي ماتعرفونة ان هناك توسعات حاليا فهذة التوسعات تؤثر على الحجاج فقرروا تقليل الاعداد لمصلحة الحجاج بعدين اخوي جمال لو على كلامك كنت تبي تحج انا ماعتقد كان فية مشكلة السنوات السابقة
خل عنك هالكلام
عضو المنتدى
03-06-2008, 10:10 PM
شيء لا يستوعبه لا عقل ولا منطق .. وإلا كيف لدولة عدد سكانها اكثر من مليون ونص مسموح لها فقط 1500 حاج ؟؟ ياجماعة الخير هذي رابع سنه احاول احج وكل مره تطلع لي سالفه ... يا ان مافي حجز او مافي تذاكر .. فعلا منتهى الدهشه عندما ينوي الواحد ان يؤدي فريضه ولا يستطيع ...الله يسامح السلطات السعوديه بقراراتها المجحفه والغير مدروسه .. من بعد 15 الف حاج في قطر اصبح المسموح 1500 حاج فقط ومن بعد 30 الف حاج من الامارات اصبح المسموح 5000 حاج فقط .. لاتعليق .. صبر جميل والله المستعان

أتفق العبدلي معاك

وأين التوسعه الحرم اللي ذكروها .

وأخرتها تفرض 1500 حاج لدولة عدد سكانها 18000.000 !!

والغريب أيضا أن التكلفة أيضا زادت على الحجاج .

فالحاج الواحد يكلف أكثر 12.000 ريال بعد ماكانت 3500 ريال من فترة طويلة .

والخدمات هي نفس الخدمات منذ الثمانينات ولحد ألأن .

أعتقد أن تكلفة مشروع القطارات الجديد سوف تكون من جيوب الحجاج بهذه

الضرايب الجديده .
الامل القديم
03-06-2008, 10:17 PM
الله المستعان
um abdulla
03-06-2008, 10:19 PM
أتفق العبدلي معاك

وأين التوسعه الحرم اللي ذكروها .

وأخرتها تفرض 1500 حاج لدولة عدد سكانها 18000.000 !!

والغريب أيضا أن التكلفة أيضا زادت على الحجاج .

فالحاج الواحد يكلف أكثر 12.000 ريال بعد ماكانت 3500 ريال من فترة طويلة .

والخدمات هي نفس الخدمات منذ الثمانينات ولحد ألأن .

أعتقد أن تكلفة مشروع القطارات الجديد سوف تكون من جيوب الحجاج بهذه

الضرايب الجديده .
الدوحة - الشرق :
أعلن السيد صالح المري رئيس لجنة شئون الحج القطرية ان عدد الحجاج من دولة قطر خلال موسم الحج للعام الحالى لن يقل عن 6 إلى 7 آلاف حاج، مؤكدا أن هناك جهوداً كبيرة تبذلها السلطات القطرية ممثلة بوزارة الأوقاف للحصول على موافقة السلطات السعودية على زيادة اعداد الحجاج من قطر

وقال المرى فى تصريحات للبرنامج الاذاعى (وطنى الحبيب صباح الخير) صباح امس انه تم تحديد اسعار الحج للموسم الحالى بعد اقرار زيادة قدرها 20% على جميع الفئات حيث يبلغ سعر الحج للفئة (أ) اكثر من 12 ألف ريال، وللفئة (ب) اكثر من 10 آلاف ريال، وذلك للحج عن طريق الجو اما بالنسبة لأسعار الحج عن طريق البر فتتراوح ما بين 6 آلاف الى 7700 ريال، وتلك الاسعار لا تشمل اسعار تذاكر السفر جواً حيث لم تحدد الخطوط القطرية اسعارها حتى الآن. واشار رئيس لجنة شؤون الحج الى انه سيتم اعتبارا من الموسم الحالى تسجيل جميع الحجاج من دولة قطر عن طريق لجنة شؤون الحج وليس عن طريق المقاولين، مشيدا بالخدمات المتميزة التى يقدمها مقاولو الحج القطريون للحجاج.
Al-sa7er
03-06-2008, 10:42 PM
فعلا أخوي جمال العدد بسيط جدا .....

ولكن كما رأيت على الواقع بما أني من يومين راجع من العمره الوضع حاليا سيئ الزحمه رهيبه بسبب توسعة الحرم من ناحيه .. وهدم كل المباني والفنادق والأسواق المحاذيه للحرم والبعيده نوعا ما عن الحرم ...
وأكبر مشكله تكمن في باب المسعى الزحمه لاتطاق بسبب ضيق المكان بسبب التوسعه ..

فأعتقد والله أعلم أن هذا هو السبب لتقليل عدد الحجاج .....

أذا الله أراد بنزل الصور للوضع الحالي في الحرم غدا بمشيئة الله ..

وأهم شي النيه ياخوي والله يسهل لك أمورك وييسرلك دربك يارب

تحياتي وتقديري لك

اتفق مع كلام اخوي ناصر العمادي,

الشهر الماضي رحت اعتمرت وشفت الزحمة الي موجودة وكل هذا بسبب اعمال التوسعة وهدم معظم الفنادق والمحلات المحاذية للحرم. فهذي راح تكون اكبر توسعة للحرم.

عموما اخوي جمال طالما انك عاقد النية للحج ان شاء الله بتتيسر الامور والله يكتب الاجر ان شاء الله.
جمال العبدلي
04-06-2008, 09:32 AM
:nice::nice::nice::nice:
اللي ماتعرفونة ان هناك توسعات حاليا فهذة التوسعات تؤثر على الحجاج فقرروا تقليل الاعداد لمصلحة الحجاج بعدين اخوي جمال لو على كلامك كنت تبي تحج انا ماعتقد كان فية مشكلة السنوات السابقة
خل عنك هالكلام

وانت اتعرف ظروفي في السنوات الماضيه عشان اتكلم او تحكم على كلامي؟؟
جمال العبدلي
04-06-2008, 09:43 AM
أتفق العبدلي معاك

وأين التوسعه الحرم اللي ذكروها .

وأخرتها تفرض 1500 حاج لدولة عدد سكانها 18000.000 !!

والغريب أيضا أن التكلفة أيضا زادت على الحجاج .

فالحاج الواحد يكلف أكثر 12.000 ريال بعد ماكانت 3500 ريال من فترة طويلة .

والخدمات هي نفس الخدمات منذ الثمانينات ولحد ألأن .

أعتقد أن تكلفة مشروع القطارات الجديد سوف تكون من جيوب الحجاج بهذه

الضرايب الجديده .

اكبر دليل على ان الموضوع مقصود ففي الاول خصصوا 1500 والحين في موافقة على 7000 فحتى في الحج واسطاتة :)