الفزعة يالاخوان... تغيير آيل المواتر الجديده

[ولد شرق]

يالاخوان الصراحه انا مليت من خدمات التويوتا... اذا في خدمات اصلا...
لا اهتمام ولا احترام ولا شغل مثل الناس ... امس بغيت اسطر واحد لكن تمالكت نفسي
المشكله وديت موتري (لكزس 350 Es) اغير أيلها في التيسير وقال لي ماعرف اغير آيل اللكزس 2007 وطالع لأن فيها مفتاح خاص مش متوفر عنده...
حد يعرف مكان زين وشغله نظيف لتغيير آيل اللكزس الجديده لأني كل ماروح الوكاله يقولون لي اترك الموتر يوم كامل وتعال استلمه ثاني يوم...
وذا رجعت ثاني يوم واستلمته... الله لايروييكم... امقطعين بلاستك السيتات واموصخين الفرش وامخليين الموتر شغال والمكيف شغال لين اجيهم ولا في حد في الموتر ناهيك عن اخياس النفس
فيدونا الله يرحم والديكم...

[وطن]

تغيير الزيت يوم كامل ليش !!



الله يكون بعونك اخوي

ان شاء الله الاخوان يفيدونك

[HEART_LION]

اخوي انا نفسك من خذت السياره وديتها الشركه مره وحده وقلت التوووووووووووووووووووووبه 4 ايام تبديل ايل وسفايف؟؟ والله حرام شلون لو ابي اشيك ع الموتر ولا فيه شي ثاني وبعدين الوكاله نصابيييين درجه اولى اذا شي ع الضمان ماراح يغيرونه لك على حسابك على طول بيغيرونه وديت السياره الفحص قالوا السياره فيها كذا وكذا وارجع لهم انتوا شسويتوا قالوا انت ماعطيتنا مجال نشيك على السياره 4 ايام يمكن كل يوم يغيرون شي
يوم كامل حق الفلتر ويوم يصبون الايل ويوم يغيرون السفايف ويوم يغسلون السياره هذه والله اعلم

ريح راسك روح الشركه وخذ الآيل قولهم 10 الاف مع الفلتر لان فيه ايل يصلح لـ 10 الاف عشان ترتاح من عور الراس انا بصراحه موتري 8 سلندر بس ياخذ 9 لتر المهم زود عليه لتر فوق السلندرات عشان تبديل الفلتر وروح اي مكان فحص السيارات الكمبيوتر العالمي جربته والتقنيه الفائقه اوكي او شوف اي سي دلكو اللي في اللاند ماشالله خدمتهم وانا واقف غيروا لي سفايف واي استفسار بخصوص اللكزس حاظرين

[ولد شرق]

تسلم اخوي وطن

شاكر لك اخوي Heart_lion
تقصد في آيل يصلح لـ 10 آلاف كيلو؟ وهل من وكالة التويوتا نفسهم؟
بعدين اخوي الكمبيوتر العالمي غيرت عندهم آيل؟ ووين مكانهم؟ ووترك موديل كم

وسامحنا على الاطاله ااخوي...

[HEART_LION]

تسلم اخوي وطن

شاكر لك اخوي Heart_lion
تقصد في آيل يصلح لـ 10 آلاف كيلو؟ وهل من وكالة التويوتا نفسهم؟
بعدين اخوي الكمبيوتر العالمي غيرت عندهم آيل؟ ووين مكانهم؟ ووترك موديل كم

وسامحنا على الاطاله ااخوي...

اي نعم اخوي ايل يصلح لـ 10 الاف كيلو متر من الوكاله نفسها خذ قطع الغيار اللي تبيه منهم عشان تكون اصليه وغيرها عند اي سي دلكو اللي صوب اللاند وانت واقف او تشرب شاي بالمكتب بيخلص الموتر الا اذا عنده زحمه بيقولك تعال العصر موتري موديل 2007 لكزس 460:tease:

[+abc]

هذا ياخويوانت عندك لكزس ايش بتقول لو سيارتك تيوتا

انا اصلا ضارب اكس عود على هالوكالة والامريكي هالايام زين خدمة وسعر

[HEART_LION]

للعلم اخوي انا غيرت ايل مره في التيسير اللي في محطة الشقب اول ماخذت السياره جربهم وموفق انشالله

[ولد شرق]

مشكورين يالاخوان :)

بس ليش الوكاله مايحطون لنا الآيل بو 10.000 كيلو دام عندهم؟heart_lion

[الدنيا تجارب]

يالطيب حط لك موبيل ون وبس

[السني 73]

الحمدلله .... انا غسلت يدي من شي اسمه تويوتا من زمان .... وبأذن الله اني لن ارجع لها إلا لما يتغير الوكيل في الدوحة ولا لما يصير هالموتر الماني ولا امريكي ... علشان الواحد يحس بقيمته وقيمة الفلوس الزايدة الي يقطها في بطن هالياباني .

[HEART_LION]

مشكورين يالاخوان :)

بس ليش الوكاله مايحطون لنا الآيل بو 10.000 كيلو دام عندهم؟heart_lion

انا حطوا لي بس حبيت ااكد عليك عشان تريح نفسك بدال كل 5 الاف استغربت يوم قالي بعد 10 الاف سالته قالي الزيت 10 الاف قلت بشوفه شفته خاص بسيارات اللكزس :victory:

[Nasser J]

الصراحة خدمة التويوتا زفففففففتت
واحنا لازم نشتكي عليهم عند شركة التويوتا الأم في اليابان ونرسل لهم إيميلات

ناصر

[HEART_LION]

الصراحة خدمة التويوتا زفففففففتت
واحنا لازم نشتكي عليهم عند شركة التويوتا الأم في اليابان ونرسل لهم إيميلات

ناصر

:nice: من ناحية زفت زفت انا اتفق معاك:victory:

[bofahad5080]

مساء الخير على الجميع ..
ياجماعة تبديل الزيت خارج الوكالة يلغي الضمان !!

الله كريم

[خالد الخوري]

فروع خدمة التيوتا منتشرة ويخلصونك بنفس الوقت مش شرط تروح للوكالة بالصناعية عشان تبديل ايل

[HEART_LION]

مساء الخير على الجميع ..
ياجماعة تبديل الزيت خارج الوكالة يلغي الضمان !!

الله كريم

ادري بس شنسوي مب احسن من المذله اللي عايشينها؟

[HEART_LION]

فروع خدمة التيوتا منتشرة ويخلصونك بنفس الوقت مش شرط تروح للوكالة بالصناعية عشان تبديل ايل

اي فرح حبيبي تحجز وتاخذ موعد وتغير ايل يوم كامل شرايك؟

انا جربت الهلال وجربت اللاند مارك نفس الشي للعلم الصناعيه اسرع

[كنترول]

حناعندنا كامري 2005 بعد التشييك الاول
العين ماشافت العين الا بعد ما ظهر عطل بعد سنتين وديت الموتر
وبلغتهم ان الموتر على الظمان قالولي نعم تبديل الايل خارج الوكاله
ما يلغي الظمان

[ولد شرق]

عطوني ايميل الشركة الام - قسم الشكاوي وانا بتصرف لأنه طفح الكيل مع وكاله عبدالغني بالاستهزاء بالقطريين... ابغي اعرف شي واحد
عبدالله عبدالغني ماعنده غيره على عيال بلاده؟

[HEART_LION]

عطوني ايميل الشركة الام - قسم الشكاوي وانا بتصرف لأنه طفح الكيل مع وكاله عبدالغني بالاستهزاء بالقطريين... ابغي اعرف شي واحد
عبدالله عبدالغني ماعنده غيره على عيال بلاده؟

http://wikimapia.org/#lat=33.75924&lon=130.636476&z=15&l=0&m=a&v=2 :tease: