يالربع حد عنده حل ؟؟ والله متوهقين مع المخالفات !!!!!!!

[boooooon]

.......


السلام عليكم

يالربع حد عنده حل تكفوووووووون

انا عندي مكتب تاجير سيارات والمخالفات كل يوم تزيييد واكلها اشارة ورادار

ماادري شالحل كل يوم مخالفات جديدة والمرور ملعوزنا في زباين يدفعون المخالفة

ونروح ندفعها للمرور يقولك لا لازم الشخص المخالف يدفعها او نجيب صورة من الليسن , جبنا صورة من الليسن قالو لازم الليسن الاصلي شلون راح يخلي الليسن الاصلي معاي ويسوق بدونه واخر شي يقولك لا لازم تدفعهم بمدينة خليفه يعني المخالفة لو خدناها من الزبون ما نقدر ندفعها ولو ما خدناها تزيد ولو طلبنا من الزبون يدفعها ممكن يطنش والصراحة المفروض يكون في قوانين غير حق مكاتب التاجير لازم يكون في معامله خاصة لانهم عارفين ان المخالفات مش علينا على الزباين يعني يتساهلون شوي معانا لانهم مش متعاونيين معانا

والي عنده حل يتفضل ..

واليوم نزلت مخالفه بتاريخ 26/5/2007 وانا مجدد الاستمارة في 10/6/2007 وسكرت كل الي عليها شلون طلعت المخالفة الحين ؟ وشلون راح اطلع الزبون الي استاجرها من سنة ؟؟

ياريت تساعدونا يالربع والسموحة على الاطالة

[ريفيرا]

عادي اهم شيء الوطن والمواطن اخوي شوف الصيادين شلون قلصوا عددهم في الدوحه والله يعينكم ونصيحه شوف نشاط ثاني قبل متتأزم الامور

[boooooon]

عادي اهم شيء الوطن والمواطن اخوي شوف الصيادين شلون قلصوا عددهم في الدوحه والله يعينكم ونصيحه شوف نشاط ثاني قبل متتأزم الامور

بس المفروض يكون في حل للموضوع يعني قطاع التاجير المفروض انه من القطاعات الي تدعم السياحة والقانون كان صارم لان عدد الحوادث زاد وشددو على القطع الاشارة
انزين والناس والباصات الي تكسر علينا واغلب الحوادث الي صارت اخر فترة كلها كانت نفس هالنوعيه واحد كسر على الثاني واحد لف على الثاني ومجزرة طريق سلوى الي اتوفى فيها عدد كبير من الاطفال كان بسبب ان واحد لف عليهم يعني هالموضوع اخطر من الاشاره

كل يوم عشرين واحد يلف علي ويكسر علي لازم يكون في توعيه ولازم يكون عليها مخالفه نفس الاشارة والا شلون ؟؟

[محيّر الانظار]

كل واحد يأجر سيارة من عندك خذ عليه حجز مبلغ على الفيزا وخل خذ صورة من الفيزا وخلها عندك وان جاتك المخالفة اسحبها من بطاقته وحرر باقي المبلغ

[مالك أمل]

تبي الصراحة وتواعدني ماتزعل :nice:

V
V
V
V
V
V
V
V

أصحاب مكاتب تأجير السيارات يستاهلون هذا وأكثر :tease:
تدري ليش ، لأنكم مبهذلين المستأجرين آخر بهذلة
يعني بذمتك ( شمخ في صدام البلاستك بالموتر المستأجر مايتعدى طوله 4سم تدفعونه 500 ريال ، علماً بأن الموتر مؤمن فل من قبل المكتب ) ، ومشاكلكم مالها أول ولا آخر . :victory:
كل يوم لازم يمر عليك 10 معاملات منها 3 مكاتب تأجير :rolleyes2:

[boooooon]

كل واحد يأجر سيارة من عندك خذ عليه حجز مبلغ على الفيزا وخل خذ صورة من الفيزا وخلها عندك وان جاتك المخالفة اسحبها من بطاقته وحرر باقي المبلغ

هلا الشيخ

اوكي وبعد ما اسحبها شلون ادفعها اذا المرور مب راضين يخلوني ادفعها يوم يقولون لازم تجيب صورة من الليسن وصورة من العقد ولو جبت يقولون لا لازم الليسن الاصلي ولو جبت الليسن يقولون لازم يعطيك توكيل انك تحط النقاط على اسمه شلون توكيل انزين العقد موجود وواضح مين الي كان يستعمل السيارة في هاي الفترة يعني خلاص ماله شغل يوافق اني احط النقاط على اسمه او لا وبعدين المخالفات تتاخر يعني اقولك اليوم نزلت مخالفة من شهر 5 2007 شلون احجز عنه بالفيزا مدة سنة او اخلي جوازه عندي سنة ؟؟؟

ومرة رحت على المرور عطوني ورقة لازم يوقع عليها الزبون يقر فيها انه موافق اني ادفع المخالفة عنه وانه يتحمل المسؤولية من نقاط ومن المبلغ ولما عبيت البيانات ووقع علهيا الزبون ورحت اجرب الموظفه تقولي من وين جيب الورقه ؟ هاي ما تمشي عنا
ورحت ادور الي عطاني الورقة ما حصلته شسوي ؟؟؟؟؟؟؟؟

[boooooon]

تبي الصراحة وتواعدني ماتزعل :nice:

V
V
V
V
V
V
V
V

أصحاب مكاتب تأجير السيارات يستاهلون هذا وأكثر :tease:
تدري ليش ، لأنكم مبهذلين المستأجرين آخر بهذلة
يعني بذمتك ( شمخ في صدام بالموتر المستأجر مايتعدى طوله 4سم تدفعونه 500 ريال ، علماً بأن الموتر مؤمن من قبل المكتب ) ، ومشاكلكم مالها أول ولا آخر . :victory:
كل يوم لازم يمر عليك 10 معاملات منها 3 مكاتب تأجير :rolleyes2:

هلا اخوي

اول شي مب كل المكاتب نفس بعض

وثاني شي يبلي مكان يصبغ السيارة ب اقل من 500 وانا بروحله

وبعدين انت تشوف ال 500 وايد اوكي اول شي السيارة انصبغت يعني لما تروح تبيعها يقولك مصبوغه وينزل من سعرها وثاني شي من الي راح يوديها الصناعيه مب احنا يعني راح نتعطل والسيارة ما اتوقع انها تنصبغ ب 5 دقايق على الاقل يبيلها يوميين صح والا شرايك يعني انا اشوف ان 500 شوي على كل هالكلام ... وفوق هاي كله وايد مرات نتساهل ونمشي

ولو حبيت تاجر تعال وما عليك اهم شي لاتتخالف وتطلع عليك مخالفة اشارة بعد سنة


ونسيت اقولك بالنسبة للتامين من قالك ان التامين يصلح الشمخ ببلاش ؟؟

التامين ياخذ تحمل على كل حادث حتى لو شمخ طولة 1 سم لو رحت اصله على التامين ياخذون مني 1500

وثاني شي السيارات كلها ما كملت سنه يعني من حقي اني اصلح السيارة فالوكالة وقولي وين الوكالة الي تصبغ ب 500

[مالك أمل]

هلا اخوي

اول شي مب كل المكاتب نفس بعض

وثاني شي يبلي مكان يصبغ السيارة ب اقل من 500 وانا بروحله

وبعدين انت تشوف ال 500 وايد اوكي اول شي السيارة انصبغت يعني لما تروح تبيعها يقولك مصبوغه وينزل من سعرها وثاني شي من الي راح يوديها الصناعيه مب احنا يعني راح نتعطل والسيارة ما اتوقع انها تنصبغ ب 5 دقايق على الاقل يبيلها يوميين صح والا شرايك يعني انا اشوف ان 500 شوي على كل هالكلام ... وفوق هاي كله وايد مرات نتساهل ونمشي

ولو حبيت تاجر تعال وما عليك اهم شي لاتتخالف وتطلع عليك مخالفة اشارة بعد سنة

ـــــــــــــــــــــ
مرحبا أخوي
أولاً : شاكراً ومقدراً تفهمك وتواصلك وسعة صدرك:nice:
ثانياً : لله الحمد من قبل ومن بعد عندي بدل الموتر 3 مواتر كلها ملك
ولو أمشي على ريولي أهون من أستاجر موتر أوله طرب وآخره نشب :secret:
ثالثاً : إذا الموتر تأمينه فل ليش تاخذ مني 500 ريال على شمخ بالصدام طوله 4سم
وليش تصبغ الموتر بالأساس ، وأنا أجزم بأن صاحب المكتب لن يدخل الموتر الكراج علشان شمخ 4 سم ،
س / لماذا يقوم أصحاب مصانع السيارات بوضع علبة صبغ صغيرة برفقة كتيب دليل السيارة ؟ :eek5:
ج / لكي يستخدمه أصحاب مكاتب التأجير في الخدوش البسيطة بعد قبض 500 ريال من المستأجر :tease:

[jajassim]

أخوى ارسلت موضوعك ،، لإدارة المرور ،،
وفالك طيب ،، وحاضريين للطيبين :nice:

بس أصبر على شوية :telephone:

[وطن]

أخوي في البحرين يوقعونا على ورقة قبل لا نستلم السيارة
عشان المخالفات

لو سويت لك مثل هالورقة يتهيأ لي المستأجر بيخاف
لانه بيدري ان المخالفة بتجي عليه
وبتنسحب من كرته بعدين

الورقة فيها اسمه وتوقيعه
وعندك انت صورة الليسن والكريديت كارد




في دبي اللي فهمته من محل التأجير ان البيانات اللي ياخذونها تروح للمرور أول بأول
حتى ما ياخذونها فوتو كوبي
يسوون لها سكان ع الكمبيوتر دايركت

[boooooon]

ـــــــــــــــــــــ
مرحبا أخوي
أولاً : شاكراً ومقدراً تفهمك وتواصلك وسعة صدرك:nice:
ثانياً : لله الحمد من قبل ومن بعد عندي بدل الموتر 3 مواتر كلها ملك
ولو أمشي على ريولي أهون من أستاجر موتر أوله طرب وآخره نشب :secret:
ثالثاً : إذا الموتر تأمينه فل ليش تاخذ مني 500 ريال على شمخ بالصدام طوله 4سم
وليش تصبغ الموتر بالأساس ، وأنا أجزم بأن صاحب المكتب لن يدخل الموتر الكراج علشان شمخ 4 سم ،
س / لماذا يقوم أصحاب مصانع السيارات بوضع علبة صبغ صغيرة برفقة كتيب دليل السيارة ؟ :eek5:
ج / لكي يستخدمه أصحاب مكاتب التأجير في الخدوش البسيطة بعد قبض 500 ريال من المستأجر :tease:

هلا يالغالي انا عدلت على المشاركة الي قبل لاني نسيت اتكلم عن التامين ووهاي ردي


ونسيت اقولك بالنسبة للتامين من قالك ان التامين يصلح الشمخ ببلاش ؟؟

التامين ياخذ تحمل على كل حادث حتى لو شمخ طولة 1 سم لو رحت اصله على التامين ياخذون مني 1500

وثاني شي السيارات كلها ما كملت سنه يعني من حقي اني اصلح السيارة فالوكالة وقولي وين الوكالة الي تصبغ ب 500




وثاني شي انا اقولك كل واحد وكيفه عندك ناس تدخل مواترها للكراجات بعد كل شمخ وفي ناس ما تدخلها الا اذا صار في اكثر من شمخ

وبعدين اخوي انت ما تكلمت عن وقفة السيارة يوميين يعني قول اجار يوميين + صبغ + مبلغ بسيط لان الموتر انصبغ .. يعني انت لو انشمخ موترك ما راح تزعل وراح تحسب حساب ان لما تفكر تبيعه راح يقولك الموتر مصبوغ

وللعلم انا مااخذ 500 بس انا قاعد اناقش بس احنا ناخذ 350 واي استفسار انا حاضر اهم شي الزبون يكون راضي

وبعدين انت تقارن 500 ريال بمخالفة اشارة 6000 والله احنا الي ماكلينا مب الزبووون

والله يعينا ويعين الجميع

[boooooon]

أخوى ارسلت موضوعك ،، لإدارة المرور ،،
وفالك طيب ،، وحاضريين للطيبين :nice:

بس أصبر على شوية :telephone:

هلا اخوي ما تقصر يالغالي

وحاولت انا اكثر من مرة اني اروح واقابل حد من الضباط في مرور مدينة خليفة وكلهم قالو ما عليك وجيب العقد وخلاص بس لما تروح للموظف يقول كلام ثاني ولما اقوله الضابط قالي يقول ارجع للضابط

ويعطيك العافيه وما تقصر يالغالي وان شاء الله يكون في رد من المرور

[boooooon]

أخوي في البحرين يوقعونا على ورقة قبل لا نستلم السيارة
عشان المخالفات

لو سويت لك مثل هالورقة يتهيأ لي المستأجر بيخاف
لانه بيدري ان المخالفة بتجي عليه
وبتنسحب من كرته بعدين

الورقة فيها اسمه وتوقيعه
وعندك انت صورة الليسن والكريديت كارد




في دبي اللي فهمته من محل التأجير ان البيانات اللي ياخذونها تروح للمرور أول بأول
حتى ما ياخذونها فوتو كوبي
يسوون لها سكان ع الكمبيوتر دايركت



هلا الشيخة

اول شي عطوني ورقة من المرور نفس الي تكلمتي عليها

ان الزبون يوقع عليها ويقر انه يتحمل المخالفات والزبون يعرف هالكلام

بس لما رحت ادفعها الموظفة تقولي لا هالورقة ما تمشي عندنا اوكي انتو الي عطتوني هالورقة تقولي لا اول مرة اشوفها ؟؟؟

ولو قلت للزبون يدفعها ما اقدر اتطمن وانسى موضوعها لان في احتمال ما يدفعا او يتاخر

والمخالفة تزيد كل يوم ريال ..


وبالنسبة للقانون انا اقول المرور اهم شي عندهم ان الي خالف وقطع الاشارة يتحمل غلطته ويدفع علشان يتعلم مره ثانيه وما يقطعها طيب شالحل يعني

اتوقع احسن حل اني اودي العقد وصورة من الليسن والورقة الي تعهد فيها المستاجر

وطبعا واضح في العقد المدة يعني مثلا من تاريخ ... الي تاريح .... وطبعا المخالفة لازم تكون خلال هالفترة علشان اثبت انه هو المسؤل

ويشلون المخالفة من رقم السيارة ويحطونها على رقم ليسن المستاجر

وهاي احسن حل

[هام السحاب]

الله يعينكم الحل الوحيد انك تشوف لك شغله ثانيه غير تأجير السيارات

[لاداعي]

الله يكون في عونكم

[HEART_LION]

الله يعين والله العظيم ياجماعه مايعدي علي شهر الا وانا 3 او اربع مخالفات يعني اسبوعيا مخالفه

واخر مره كنت موقف في مواقف عاديه بالتحديد الشركه العامه القطريه للتأمين واعادة التامين طلعت الا حاط لي مخالفه الوقوف ع الارصفه اي رصيف وليرحم والديك اثبت لي ان الموقف غلط او مكتوب عليه ممنوع الوقوف ولا انا طلعت الرصيف باخذ المخالفه ماسوالي سالفه والمخالفه انزلت
وقبلها واقف في الكرنيش مواقف المعاقين ع الخط انا في السياره انتظر يجب لي الطلب بس لو جاء واحد يقدر يوقف في الموقف مب ماخذ الموقف جا الشرطي ويحط الستيكر ع الدريشه شوف الوقاحه شلون ولا كأنه انا موجود في السياره انزله الا هو ماشي شنو يعني خايف؟؟ ليش مايتواجه والله ماقول غير الله يعينكم بس

وابشركم بعت السياره والحمد لله بمشي على سيكل ابرك لي

[boooooon]

الله يعين والله العظيم ياجماعه مايعدي علي شهر الا وانا 3 او اربع مخالفات يعني اسبوعيا مخالفه

واخر مره كنت موقف في مواقف عاديه بالتحديد الشركه العامه القطريه للتأمين واعادة التامين طلعت الا حاط لي مخالفه الوقوف ع الارصفه اي رصيف وليرحم والديك اثبت لي ان الموقف غلط او مكتوب عليه ممنوع الوقوف ولا انا طلعت الرصيف باخذ المخالفه ماسوالي سالفه والمخالفه انزلت
وقبلها واقف في الكرنيش مواقف المعاقين ع الخط انا في السياره انتظر يجب لي الطلب بس لو جاء واحد يقدر يوقف في الموقف مب ماخذ الموقف جا الشرطي ويحط الستيكر ع الدريشه شوف الوقاحه شلون ولا كأنه انا موجود في السياره انزله الا هو ماشي شنو يعني خايف؟؟ ليش مايتواجه والله ماقول غير الله يعينكم بس

وابشركم بعت السياره والحمد لله بمشي على سيكل ابرك لي



وانا من كم يوم كنت بالستي فالمواقف فوق ادور موقف حصلت واحد يبي يطلع

عطيت اشارة ونطرت الا جاني الشرطي يقولي حرك الشيخ

قلت له ابي اصف دقيقه بس

يقولي لا انت مسوي زحمة حرك اقولك احسن ما اخالفك

اوكي اول شي انا كنت صاف على اليمين يعني الي يبي يمر يقدر يمر وهو بعد لما كان يكلمني كان على يساري يعني الشارع مفتوح وبعدين اي واحد لما يبي يصف يشلون راح يصف راح يعطي اشارة وينطر الي واقف فالموقف يطلع ويصف مكانه صح اولا لا واحنا في المواقف مش في شارع عام المهم نزل وعاطني ستكر

وكلمت ضابط اعرفه وقلتله على السالفة قالي لازم تروح مدينة خليفة وتروح عند ما ادري من


ويطلبون الشرطي وسالفة صراحة وانا عندي شغل ومب فاضي اضرب خط فهالزحمة

بس قالي خلاص الشرطي قال حرك يعني حرك حتى لو كان غلطان .... ماادري شرايكم فهالموضوع ؟؟


الله يسامحه بس هاي الي اقدر اقوله دفعني 500 على وقفه اقل من دقيقه

[HEART_LION]

وانا من كم يوم كنت بالستي فالمواقف فوق ادور موقف حصلت واحد يبي يطلع

عطيت اشارة ونطرت الا جاني الشرطي يقولي حرك الشيخ

قلت له ابي اصف دقيقه بس

يقولي لا انت مسوي زحمة حرك اقولك احسن ما اخالفك

اوكي اول شي انا كنت صاف على اليمين يعني الي يبي يمر يقدر يمر وهو بعد لما كان يكلمني كان على يساري يعني الشارع مفتوح وبعدين اي واحد لما يبي يصف يشلون راح يصف راح يعطي اشارة وينطر الي واقف فالموقف يطلع ويصف مكانه صح اولا لا واحنا في المواقف مش في شارع عام المهم نزل وعاطني ستكر

وكلمت ضابط اعرفه وقلتله على السالفة قالي لازم تروح مدينة خليفة وتروح عند ما ادري من


ويطلبون الشرطي وسالفة صراحة وانا عندي شغل ومب فاضي اضرب خط فهالزحمة

بس قالي خلاص الشرطي قال حرك يعني حرك حتى لو كان غلطان .... ماادري شرايكم فهالموضوع ؟؟


الله يسامحه بس هاي الي اقدر اقوله دفعني 500 على وقفه اقل من دقيقه

صارت لي كم مره بس الحمد لله ماتخالفت كنت امشي واخليله الموقف يمكن بيحجزه حق حد

اخوي عطني رقمك او رقم المحل ع الخاص ابي استأجر سياره لاهنت

[jajassim]

هلا اخوي ما تقصر يالغالي

وحاولت انا اكثر من مرة اني اروح واقابل حد من الضباط في مرور مدينة خليفة وكلهم قالو ما عليك وجيب العقد وخلاص بس لما تروح للموظف يقول كلام ثاني ولما اقوله الضابط قالي يقول ارجع للضابط

ويعطيك العافيه وما تقصر يالغالي وان شاء الله يكون في رد من المرور

رد من ادارة المرور والدوريات

يتم تسوية المخالفات المتعلقة بالمركبات المؤجرة عن طريق مكتب تأجير السيارات في حال الغرامة المالية يمكن دفعها عن طريق المكتب ،

وفي حال مايكون هناك نقاط تحول الى السائق بكتاب موجة من المكتب ،،، الى السيد / مدير ادارة المرور مرفق به عقد الايجار + صورة من رخصة المستأجر ،،

مع تحيات ،،
مكتب الحملة الوطنية للوقاية من الحوادث ،،،
ادارة المرور والدوريات ،،

:nice:

[وطن]

هلا الشيخة

اول شي عطوني ورقة من المرور نفس الي تكلمتي عليها

ان الزبون يوقع عليها ويقر انه يتحمل المخالفات والزبون يعرف هالكلام

بس لما رحت ادفعها الموظفة تقولي لا هالورقة ما تمشي عندنا اوكي انتو الي عطتوني هالورقة تقولي لا اول مرة اشوفها ؟؟؟

ولو قلت للزبون يدفعها ما اقدر اتطمن وانسى موضوعها لان في احتمال ما يدفعا او يتاخر

والمخالفة تزيد كل يوم ريال ..


وبالنسبة للقانون انا اقول المرور اهم شي عندهم ان الي خالف وقطع الاشارة يتحمل غلطته ويدفع علشان يتعلم مره ثانيه وما يقطعها طيب شالحل يعني

اتوقع احسن حل اني اودي العقد وصورة من الليسن والورقة الي تعهد فيها المستاجر

وطبعا واضح في العقد المدة يعني مثلا من تاريخ ... الي تاريح .... وطبعا المخالفة لازم تكون خلال هالفترة علشان اثبت انه هو المسؤل

ويشلون المخالفة من رقم السيارة ويحطونها على رقم ليسن المستاجر

وهاي احسن حل



شلون يعني تطلب من الزبون يدفعها !!

انت ما تطلب
انت تسحبها من كرته على طول

خلاص هو عنده خبر انه لو خالف بيتحاسب
ما ترجع له وتقول له تعال ادفع

[Gogo]

انا اعتقد ان الحل عند ادارة المرور نفسهم وهذا مجرد اقتراح
بان تكون فيه استماره معتمده من قبل ادارة المرور وتوزع على جميع مكاتب التأجير يتم تسجيل بها رقم السيارة والرقم الشخصي للمستأجر وفترة التاجير بحيث يتحمل المستأجر جميع المخالفات خلال فترة الاستئجار في حالة وجود مخالفه تسجل على الرقم الشخصي للمستأجر وفي حالة عدم وجود مخالفه خلال الفتره نفسها تعتبر الاستماره من غير فائده وتحفظ في ارشيف خاص بالمكتب . لكن اكرر واقول تكون الاستماره معتمده من قبل ادارة المرور نفسهم ..ومن اصدارهم مثل دفاتر المخالفات ولا استمارات المعتمده لديهم مثل تجديد استمار نقل ملكيه ... الخ وتوزع لمكاتب التأجير بعد اعتماد المكاتب في ادارة المرور

[boooooon]

شلون يعني تطلب من الزبون يدفعها !!

انت ما تطلب
انت تسحبها من كرته على طول

خلاص هو عنده خبر انه لو خالف بيتحاسب
ما ترجع له وتقول له تعال ادفع


يعني تقصدين اني احجز مبلغ ولما تنزل مخالفة اخصمها من هالمبلغ

اوكي ممكن بس المشكلة المبلغ راح ينحجز مده معينه يعني اسبوعيين وبعدين خلاص

والمخالفات مرات تتاخر يعني مثلا الزبون رجع السيارة اليوم وراح الحجز عن المبلغ بعد اسبوعيين
ونزلت مخالفة بعد شهر

وللاسف في وايد ناس يقولون ما عندهم بطاقات او حساب في البنوك

على العموم فكرة حلوة وبنجربها بنشوف ايش سلبياتها وايجابياتها

وما قصرتي يا وطن يعطيج الف عافيه

[boooooon]

رد من ادارة المرور والدوريات

يتم تسوية المخالفات المتعلقة بالمركبات المؤجرة عن طريق مكتب تأجير السيارات في حال الغرامة المالية يمكن دفعها عن طريق المكتب ،

وفي حال مايكون هناك نقاط تحول الى السائق بكتاب موجة من المكتب ،،، الى السيد / مدير ادارة المرور مرفق به عقد الايجار + صورة من رخصة المستأجر ،،

مع تحيات ،،
مكتب الحملة الوطنية للوقاية من الحوادث ،،،
ادارة المرور والدوريات ،،

:nice:

هلا يالغالي تسلم وما قصرت على مجهودك وجزاك الله الف خير

بس الحين انحلت مشكلة النقاط اوك

بس مثلا اليوم نزلت مخالفة على واحد مصري 6000

وكلمته وقالي انا راتبي 1200 شلون بدفعها قالي قسطلي المخالفة

المشكلة ان الاستمارة بتنتهي بعد اسبوع ولازم اجددها يعني لازم ادفع هالمبلغ والزبون متعاون بس ما عنده فلوس وقالي الي تبيه انا حاضر لو تبي تبلغ علي بلغ

يعني الحين انا الي ماكلها

ومرات يالغالي الزبون يخلي ضمان شيك مثلا او جوازه ويرجع بعد اسبوعيين ياخذه

بس المشكلة لو ما نزلت المخالفة قبل هالاسبوعيين وجا وخذ جوازه وين اصيده بعديين

واليوم نزلت مخالفة بتاريخ 5 - 2007 هالمخالفة اكيد غلط يمكن قصدهم 2008

اشلون اقدر اتاكد عن صحة هالمخالفة ..

واسمحلي يالغالي لعوزناك بس شنسوي ماحد معبرنا

الحين ليش مثلا نفس ما قلت بخصوص النقاط اني اطرش العقد وصورة من الليسن وكتاب للمرور بس بدل ما يحطون النقاط على اسمه يحطون المخالفة كلها على اسمه ما تنفع ؟؟

ويعطيك العافيه مره ثانيه

[jajassim]

هلا يالغالي تسلم وما قصرت على مجهودك وجزاك الله الف خير

بس الحين انحلت مشكلة النقاط اوك

بس مثلا اليوم نزلت مخالفة على واحد مصري 6000

وكلمته وقالي انا راتبي 1200 شلون بدفعها قالي قسطلي المخالفة

المشكلة ان الاستمارة بتنتهي بعد اسبوع ولازم اجددها يعني لازم ادفع هالمبلغ والزبون متعاون بس ما عنده فلوس وقالي الي تبيه انا حاضر لو تبي تبلغ علي بلغ

يعني الحين انا الي ماكلها

ومرات يالغالي الزبون يخلي ضمان شيك مثلا او جوازه ويرجع بعد اسبوعيين ياخذه

بس المشكلة لو ما نزلت المخالفة قبل هالاسبوعيين وجا وخذ جوازه وين اصيده بعديين

واليوم نزلت مخالفة بتاريخ 5 - 2007 هالمخالفة اكيد غلط يمكن قصدهم 2008

اشلون اقدر اتاكد عن صحة هالمخالفة ..

واسمحلي يالغالي لعوزناك بس شنسوي ماحد معبرنا

الحين ليش مثلا نفس ما قلت بخصوص النقاط اني اطرش العقد وصورة من الليسن وكتاب للمرور بس بدل ما يحطون النقاط على اسمه يحطون المخالفة كلها على اسمه ما تنفع ؟؟

ويعطيك العافيه مره ثانيه

ما يصير خاطرك الا طيب ،، :whistling:

[boooooon]

انا اعتقد ان الحل عند ادارة المرور نفسهم وهذا مجرد اقتراح
بان تكون فيه استماره معتمده من قبل ادارة المرور وتوزع على جميع مكاتب التأجير يتم تسجيل بها رقم السيارة والرقم الشخصي للمستأجر وفترة التاجير بحيث يتحمل المستأجر جميع المخالفات خلال فترة الاستئجار في حالة وجود مخالفه تسجل على الرقم الشخصي للمستأجر وفي حالة عدم وجود مخالفه خلال الفتره نفسها تعتبر الاستماره من غير فائده وتحفظ في ارشيف خاص بالمكتب . لكن اكرر واقول تكون الاستماره معتمده من قبل ادارة المرور نفسهم ..ومن اصدارهم مثل دفاتر المخالفات ولا استمارات المعتمده لديهم مثل تجديد استمار نقل ملكيه ... الخ وتوزع لمكاتب التأجير بعد اعتماد المكاتب في ادارة المرور

:nice::nice::nice: فكرة ممتازة وما قصرت يالغالي

[وطن]

لا اخوي ما اقصد تحجز
في طريقة ثانية
لان اخبر مره سحبو من حسابي
بعد شهر تقريبا
وطلعت مخالفه من دبي

[HEART_LION]

لا اخوي ما اقصد تحجز
في طريقة ثانية
لان اخبر مره سحبو من حسابي
بعد شهر تقريبا
وطلعت مخالفه من دبي

نفس الشي وتم خصم المبلغ من حساب الفيزا مع اني كنت استخدمها عادي يعني مافيه اي مبلغ محجوز وجاني خصم ادق البنك اتأكد عرفت انه قيمة مخالفه لانه قالي اسم المكتب

[زقرتي ومزاجي]

رد من ادارة المرور والدوريات

يتم تسوية المخالفات المتعلقة بالمركبات المؤجرة عن طريق مكتب تأجير السيارات في حال الغرامة المالية يمكن دفعها عن طريق المكتب ،

وفي حال مايكون هناك نقاط تحول الى السائق بكتاب موجة من المكتب ،،، الى السيد / مدير ادارة المرور مرفق به عقد الايجار + صورة من رخصة المستأجر ،،

مع تحيات ،،
مكتب الحملة الوطنية للوقاية من الحوادث ،،،
ادارة المرور والدوريات ،،

:nice:




تحيه كبيره لوزاره الداخليه على سرعه التجاوب
وتحيه لك اخي جاسم
:nice:

[jajassim]

تحيه كبيره لوزاره الداخليه على سرعه التجاوب
وتحيه لك اخي جاسم
:nice:

:nice::nice:

[خالد الخوري]

انا متورط مثلك اخوى عندي سيارات موديلات 2007 واقل سيارة عليها 20 الف غرامات لا قادر امسك المستاجر ولا قادر اجدد الاستمارة المواتر واقفة حذا البيت والقسط ماشي ويا ويلنا لو تاخرنا في دفع الاقساط ....... نصيحة للمرور انه بموجب عقد الايجار المبرم بين مكتب الايجار والمستاجر تتحول جميع المخالفات في فترة الايجار الى الرقم الشخصى للمستاجر اهم يخالفون واحنا نبتلش وتنقطع ارزاقنا

[الحلال فقط]

يعني بذمتك :rolleyes2:

كلمة بذمتك حرام
قل بالله ولا تقل بذمتك

[boooooon]

انا متورط مثلك اخوى عندي سيارات موديلات 2007 واقل سيارة عليها 20 الف غرامات لا قادر امسك المستاجر ولا قادر اجدد الاستمارة المواتر واقفة حذا البيت والقسط ماشي ويا ويلنا لو تاخرنا في دفع الاقساط ....... نصيحة للمرور انه بموجب عقد الايجار المبرم بين مكتب الايجار والمستاجر تتحول جميع المخالفات في فترة الايجار الى الرقم الشخصى للمستاجر اهم يخالفون واحنا نبتلش وتنقطع ارزاقنا

والله اخوي هاي الحل حل عادل بينا وبين المرور راح يكون في صالحنا وبنفس الوقت ما راح يضر المرور لان المرور ما حد يقدر يتهرب منهم وما يدفع لهم

[فلفل حار]

أخوي في البحرين يوقعونا على ورقة قبل لا نستلم السيارة
عشان المخالفات

لو سويت لك مثل هالورقة يتهيأ لي المستأجر بيخاف
لانه بيدري ان المخالفة بتجي عليه
وبتنسحب من كرته بعدين

الورقة فيها اسمه وتوقيعه
وعندك انت صورة الليسن والكريديت كارد




في دبي اللي فهمته من محل التأجير ان البيانات اللي ياخذونها تروح للمرور أول بأول
حتى ما ياخذونها فوتو كوبي
يسوون لها سكان ع الكمبيوتر دايركت

الاسبوع الي طاف كنت بالبحرين و مأجر لكزس ورنج لمدة 4 ايام من نفس المكتب وماوقعوني علي الورقه الي قلتيها:)

[فلفل حار]

لا اخوي ما اقصد تحجز
في طريقة ثانية
لان اخبر مره سحبو من حسابي
بعد شهر تقريبا
وطلعت مخالفه من دبي

اخذيها مني ، نص محلات دبي نصابين وكذا مره قالو لي عليك مخالفه ولما ادخل موقع الداخليه عندهم واشيك المخالفات احصل مخالفات قديمه وجديده ومخالفتي المذكوره مب موجوده بينهم ! ولما اكلمه يقول ذي بالشارجه ولما شافني ناشب له قال خلاص مب لازم احنا بنطيح المخالفه ومب ماخذين منك شي ، شوفي النفاق شلون يطيح المخالفه بكل سهوله ؟ :)

انا مجربهم هم يدورون القطري بالذات دواره لانه يدرون به يدفع وهو ساكت ومقهور :weeping:

[فلفل حار]

اخوي بون معليه اسمحلي تناقشت في موضوعك شوي مع الاخت وطن :)

وللأسف ماعندي حلول لمشكلتك يالغالي واتمني اخونا جاجاسم يساعدك

بس احب اسألك ، عندك سيارات فخمه للأيجار ؟ وياريت لو تبعث لي برقمك عـ الخاص + اسم المحل

عاد هالله هالله بخصم شباب المنتدي ولاتحاتي المخالفات من صوبي الحمدلله اخووك يمشي بالسليم :)