:: بشتري سياره !! شوروا علـي ::

[ذيبة الريان]

:: بشتري سياره !! شوروا علـي ::

السلام عليكم ,,

حبيت اخذ مشورتكم

انا حاطه في بالي اشتري مورانو نيسان

شرايكم فيـها كاستخدام وكل شي؟؟

سعرها حالياً 125 الف من الوكاله ,, و 130 الف مع التأمين الشامل ,,

هل سعرها بينزل في رمضان أو قريب ولا !

وانا باخذها بالاقساط من بنك ستاندر تشارتر

والفوائد كثيره

تنصحوني اشتري من بنك ثاني !!

وياليت تشورون علي اذا فيه سيارات ثانيه فورويل ونفس تصميم المورانو :victory:

[فارس الكلمة]

هل بتسوقينها بنفسج .. أم السائق ..؟

سيارة جميلة .. و سعرها معقول ..

[راعي النيسان]

:: بشتري سياره !! شوروا علـي ::

السلام عليكم ,,

حبيت اخذ مشورتكم

انا حاطه في بالي اشتري مورانو نيسان

شرايكم فيـها كاستخدام وكل شي؟؟

سعرها حالياً 125 الف من الوكاله ,, و 130 الف مع التأمين الشامل ,,

هل سعرها بينزل في رمضان أو قريب ولا !

وانا باخذها بالاقساط من بنك ستاندر تشارتر

والفوائد كثيره

تنصحوني اشتري من بنك ثاني !!

وياليت تشورون علي اذا فيه سيارات ثانيه فورويل ونفس تصميم المورانو :victory:


اختى المورانو حلوة للحريم واختيار ممتاز بصراحة .. واهنيج على الاختيار سيارة حلوة عملية مريحة بالسواقه وماسمعت احد اشتكى منها ،، وعندج لونين يا ابيض ويا اسود مع انه البرتقالي موجود بس مب راكب على شكل الموتر ،، وصراحة اللون الاسود حلو لو عندج استطاعة تغسلين الموتر كل يوم ،،

بخصوص البنك انصحج ببنك قطر الوطني مسوين عروض هاليومين وبتقسيط مريح ،، ونصيحة بعدي عن البنوك الاجنبية مشاكلاهم وتلاعبهم وايد بالفوايد والاقساط .. ويعطيج خيرها مقدما ويكافيج شرها :nice::nice::nice:

[HEART_LION]

موفقه انشاله حلوه السياره من رايي اللون الابيض احلى بعد اذا بتنطرين احسن يمكن يسوون عروض الحين عشان الصيف

ومثل ماقال اخونا البنك الوطني مسوين عروض ومصرف قطر الاسلامي ياخذون 3 بالميه تقريبا يعني حلو احسن من باقي البنوك شوفي البنكين وسوي مقارنه كم بيطلع لج والله يوفقج

[ذيبة الريان]

يعطيكم العافيه اخواني

انا راتبي على البنك الوطني الاسلامي بس المشكله يبون كفيل من نفس البنك لأني ماراح اتثبت إلا بعد سنه أو سنتين يمكن ,,

في الوكاله كلمني مندوب ستاندر تشاردر والحلو فيهم ان بس ياخذون كشف حساب 3 شهور وشيكات حق 6 سنوات

فوايدهم كثيره بس هذا اللي قدرت على شروطهم

شوروا علي لو في طريقة ثانيه

وجزاكم الله خير

[HEART_LION]

بنك قطر الدولي شيكات بس وكشف حساب شوفيهم ماذكر بالضبط بس فوايدهم بعد وايد يمكن يكون اقل من استاندرد

والجزيرة الاسلاميه كشف حساب 6 اشهر

[ذيبة الريان]

أخوي فارس الكلمة ,,

السياره بسوقها بنفسي

ويعطيك العافيه على المرور

[ذيبة الريان]

Heart_lion

حلوو

بس يحتاجون كفيل ولالا !!

علماً بأني غير مثبته في الدوام للحين

وعقد تدريب بيخلص بعد سنه

[القناص]

ليش كفيل شهادة راتب مفصلة وأنتهى الموضوع

[HEART_LION]

لا طبعا عشان جي قلت لج هالبنك بس شيكات وكشف حساب اتوقع 6 شهور مب 3 انا رحت لهم من فتره بس وايد طلع علي عشان كذا لازم تشوفينهم وتسوين مقارنه

[ولد-قطر]

اخذي انفنتي الجديده ex35 شكلها حلو ونسائي وتوها اول سنه لها في السوق

[الدم البنفسجي]

هلا والله اختي عنج شركة الاولي اللتمويل وعندج بعد التسهيلات والله يوفقج

[ذيبة الريان]

انا قدمت على شهادة راتب بستلمها من الشغل ,,

باقي اخذ من بنكي كشف حساب ,, وشيكات ,,

والفوائد من بنك ستاندر طلعت علي 36 الف ريال حق 6 سنوات

والقسط الشهري 2305

احسه كثير !!

إن شاءالله اكلم قطر الدولي وتكون فوائدهم أقل ,,

وبخصوص ستاندر تشاردر ,, يوم رحت الوكاله هم اللي شاروا علي اخذ من عنده لأنه اسهل في الاجراءات ونادوا لي المندوب عشان يحسب لي الاقساط والفوائد ,,

جزاكم الله خير على المرور

لاتبخلون علي بنصائكم

[HEART_LION]

هلا والله اختي عنج شركة الاولي اللتمويل وعندج بعد التسهيلات والله يوفقج

الاولى وايد ياخذون تقريبا 7 بالميه على حسب هم شلون بيحسوبنها بس وايد بيطلع ويبون كفيل:tease:

[القناص]

أنصحج بالمصرف 4.25%

[ذيبة الريان]

ولد قطر

الانفنتي ماعليها كلام بس انا ارتحت حيل للمورانو وحبيتها ,, وسويت درايف تيست عليها وسقتها في الشوارع وفي براحة كلها حجر عشان اشوف قوتها ,, وماشاءالله عجييييبه على قدي ,, ومريحة كثير ,,

الدم البنفسجي

ياليت تفاصيل اكثر

لأني ابي اخلص مع البنك هذا الاسبوع

تعبت وانا افكر في بنك اقساطه مريحه وفوائده اقل

[ذيبة الريان]

القناص

سمعت ان المصرف يبون كفيل بس مب متأكده !!

ابي بنك مايطلبون كفيل حتى لو ماكنت متثبته واتعامل معاهم بالشيكات وارتاح

ويكون القسط مريح ماياخذ من راتبي كثير

[KhalidQ]

حولي راتب على المصرف الاسلامي وكلمي الاداره في شارع حمد الكبير
راح يشترون السياره بدون كفيل سوء السياره حره او مرهونه

125 الف ريال على 4 سنين
153 الف ريال على 4 سنين قصد شهري 3000ريال

[الهاوي28]

بنك قطر الوطني بدون كفيل

وانصحج نصييييحه لوجه الله

هالبنكين ابعدي عنهم ترى بحرهم غزيييييييييييير

البريطاني وستاندر

وللعلم يوم جابو لج الموظف مال البنك علشان يحسب لج التكلفه وهم ينصحونج به

مب علشان سواد عيونج ويبون راحتج لا يبه

السالفه ومافيها الكووووووووووووووووووووووووميشن

[القناص]

القناص

سمعت ان المصرف يبون كفيل بس مب متأكده !!

ابي بنك مايطلبون كفيل حتى لو ماكنت متثبته واتعامل معاهم بالشيكات وارتاح

ويكون القسط مريح ماياخذ من راتبي كثير

للقطريين بدون كفيل غير قطري مادري

بس ملكية السيارة حرة

والأجرائات ماتتتأخر بس لازم أتجيبين كشف راتب من الشغل
وكشف حساب من البنك 6 شهور بس مادري يشترطون تحويل الراتب أو لا

[سهم طايح]

انطري عروض رمضان

[ذيبة الريان]

يعطيكم العافيــه

وصح كلامكم ,,

مايمدحون الستاندرد

بس هذا اللي لقيته وقدرت على شروطه

بشوف قطر الدولي والمصرف مثل ماقلتوا والله يسهل علي ان شاءالله

[ذيبة الريان]

سهم طايح

والله الوالده نصحتني استنى وما استعجل عشان تنزل الاسعار في رمضان واخذها

:( بس انا خاطري فيها الحين واحتاجها

[القناص]

يعطيكم العافيــه

وصح كلامكم ,,

مايمدحون الستاندرد

بس هذا اللي لقيته وقدرت على شروطه

بشوف قطر الدولي والمصرف مثل ماقلتوا والله يسهل علي ان شاءالله

المصرف الأسلامي

لو سعر السيارة 125000 ريال القسط 2200 على 6 سنوات

والملكية حرة

[بوحارب]

القناص

سمعت ان المصرف يبون كفيل بس مب متأكده !!

ابي بنك مايطلبون كفيل حتى لو ماكنت متثبته واتعامل معاهم بالشيكات وارتاح

ويكون القسط مريح ماياخذ من راتبي كثير

المصرف ما يبي كفيل

انا ساحب منهم 600 الف بدون كفيل:weeping:

بس نصييييييييييييحه ابتعدي عن البنوك الربويهhttp://www.qatarshares.com.qa/data/208/211/storm_1431330754_1066646818.gif

[بوحارب]

المصرف الأسلامي

لو سعر السيارة 125000 ريال القسط 2200 على 6 سنوات

والملكية حرة

اهم نقطه هذي :)

انا ملكيه الموتر تكون حره:victory:

[ذيبة الريان]

القناص

ستاندرد اقساطه 2305 لـ 6 سنوات ,, نفس الشي :(

بو حارب

جزاك الله خير على المعلومه

والله يعينك في تسديد دينك

وبشوفهم بكره ان شاءالله

[ذيبة الريان]

بو حارب

احم

وش الفرق بين الحره والمرهونه ؟

[بوحارب]

بو حارب

احم

وش الفرق بين الحره والمرهونه ؟

الحرة انج تقدرين تبيعين الموتر اي وقت

اما المرهونه ما تقدري تتصرفين فالموتر الا لما تخلصين الأقساط

يعني كأنه الموتر مب لج

[القناص]

عن أدنك يابوحارب

الحرة: ممكن تبيعينها في أي وقت كاش
المرهونة: ممكن فقط تبيعين بأقساطها واللبنك يجدول الأقساط للي يبغي يشتري
وآخرتها بتخسرين كثير لأن القيمة بعد الجدولة تكون عالية جدا

طبعا الأسلامي حلال والستاندر والبريطاني والدولي ( بنك الفيل سابقا) حرام

[fffqe]

توكلي على الله انا عندي وحده موديل 2005 ولله الحمد ماجاني اي خراب فيها وقوية وبالنسبة للسعر انا خذيتها سنة 2005 شهر 8 بــ 135 الف مع التامين واذا بتاخذين السيارة انصحج باللون الرصاصي او الاسود لاتاخذين ابيض انا خذيت وتحسفت لان احسه قديم

بس في عيب بسيط: الكرسي الخلفي مايتحرك من صوب الظهر ويعور الظهر للي بيقعد وقت طويل عليه
وبس

[ذيبة الريان]

يعطيكم العافيه على التوضيح

والسياره اذا خذتها عن طريق المصرف الاسلامي ! أو قطر الدولي ؟ بتكون حره !!

[ذيبة الريان]

fffqe

ماشاءالله

شكلها قوووية وعجيبه

وانا فكرت اخذ العنابي بس يقولون خلصت من الوكاله

والسياره اللي سويت عليها اختبار السواقه بالشارع هي مورانو اللون الابيض

ماعجبتني ابد

وفكرت اخذ الرصاصي ,, احسها تبقى دايماً وكأنها جديده ,,ماتروح موضتها ,,

[بوحارب]

يعطيكم العافيه على التوضيح

والسياره اذا خذتها عن طريق المصرف الاسلامي ! أو قطر الدولي ؟ بتكون حره !!

يـــــس

[KhalidQ]

يعطيكم العافيه على التوضيح

والسياره اذا خذتها عن طريق المصرف الاسلامي ! أو قطر الدولي ؟ بتكون حره !!



المصرف الاسلامي (لاحد يقول اني مسوي دعايه)
انااخذت مديونيه رقم 2 بدون كفيل سنة 2005 بسعر 107 الف ريال
مع الفوايد 129 الف ريال وتنهي 2009 طبعاً الاكتتابات خلاني اسدد مبكر

طبعاً بدون كفيل وانا مع المصرف من 2000 م ودائما بدون كفيل

طبعاًً الاسبوع اللي راح اخذت مديوني رقم 5

المصرف الاسلامي اجراته تتاخر ولكن اقل فائده ويريح
ودائما اتعامل معه 4 سنين لان الاربع سنين القادمه
فيها اكتتابات ليش اطول المده مدام المتوسط الاستعمال
السياره 5 سنيين ثم تصبح نوع قديم ويمكن ما تجيب 40%
من سعرها في سوق المستعمل

[فلفل حار]

اختي ذيبة الريان

المورانو اخذيها من المعارض ووارد قطر وأرخص من الوكاله ، بحكم انهم ياخذون بالجمله من الوكاله ويطلع عليهم ارخص بـ وايد واذا مصره وناويه بسأل لج واحد من الشباب اي معرض بالضبط لانه اذكر انهم شاريين وحده حق بيتهم من فتره بـ 120 ألف علي كلامه وانا بتصل أو بروح المعرض بعد وبحاول انزل من السعر شوي وعقب انتي كملي تفاهمج معاه ، خدمه علي قدي

واذا علي البنوك ابتعدي عن ثلاث بنوك بالذات

تشاردر والبريطاني والوطني ، معروفين اكثر ثلاث بنوك نصابين في قطر

انصحج بالدولي او المصرف وفوائد المصرف اقل واحلى شي بالبنوك الاسلاميه حتي لو كانت فوايدهم اعلى شوي لكن ياخذون القسط والفائده مع بعض لكن البنوك الربويه يبتدون ياخذون من الاقساط الشهريه كـ حسبه مثل هذي

يعني مثلا لو قسطج 2000 ريال ، تعتبر 80% من قيمه القسط هي الفوائد و20% هي قيمه التسديد الحقيقي

يعني 1600 ريال فوايد و400 ريال حق القسط الصجي ، يعني حتي بعد تسديد اقساط السياره لمدة 3 سنوات روحي اسألي عن قيمة تحرير السياره وبتشوفين انه المبلغ اقل من الـ 120 ألف ( قيمه السياره ) بمبلغ بسيط مايتعدا الـ 15 ألف ! وبدون مبالغه والله

هم يبتدون بهالطريقه المخادعه حتي ياخذون فوايدهم بالاول ومع اقتراب نهايه تسديد الاقساط لما يتبقي سنه ونص او سنتين يبتدون ياخذون المبلغ الاعلى من القسط للتسديد الحقيقي ومب للفوايد ، شرايج في حركة نصب البنوك الربويه ؟ وانا ماكتشفت هالطريقه الا بعد ماندلغت منهم صح بمبلغ نصب مضبووط جعله سم في جبودهم :(
سوري لو طولتها بس حبيت اشرح لج عشان ماتطيحين في الي طحته فيه انا

ونصيحه اخيره من اخوج ، المورانو بيتغير شكله قريب ونزلو الشكل الجديد يعني حرام تدفعين هالمبلغ في سياره بيتغير شكلها

وانطري علي شوي وبنزل لج صور المورانو الجديده ، شوفيها واحكمي بس مادري متي تنزل بالضبط تقدرين تسألين الوكاله بنفسج حتي تعرفين الي لج والي عليج

اتمني ساعدتج بألي اعرفه

[ذيبة الريان]

خالد القحطانـي

يمدحون المصرف وانا بكره بروح لهم اذا فضيت الصبح

وان شاءالله كل شي يصير سهالات

جزاك الله خير

فلفل حار

ماتقصر أخوي يعطيك العافيه

مانبي تعبك الشيخ

وبخصوص الشكل الجديد

اللي يشتغل قالي بتنزل بعد فتره انتاج 2008 بس اظن تغيرات بسيط وبيزيد سعرها 5000 ريال

:( أحب المورانو

الحمدلله اني تأخرت ماستعجلت في شرائها لأني مارتحت لستاندرد ابد

وبشوف المصرف انشاءالله

اشكركم من كل قلبي انكم حذرتوني

[القناص]

والزين في المصرف لو تسدد الأقساط خلال السنة الأولى يرجعون 95% من الأرباح
أما في السنة الثانية 85% من الأرباح وفي السنة الثالثة 70 %

[ذيبة الريان]

ماشاءالله زين

بس المصرف يعطون مهله أو سماح كم شهر !!

بحكم أني ابي اشتريها بس بسافر بره هذا الصيف وودي تبدأ الاقساط بعد ما ارجع ,,

يصير ؟ :(

[القناص]

ماشاءالله زين

بس المصرف يعطون مهله أو سماح كم شهر !!

بحكم أني ابي اشتريها بس بسافر بره هذا الصيف وودي تبدأ الاقساط بعد ما ارجع ,,

يصير ؟ :(

لو الأسبوع الجاي خلصتي معاهم بيخصم القسط من راتب شهر 7

بس سماح فوق الشهر فيه عليه رسوم

[ذيبة الريان]

متأكد بيخصمون من راتب شهر 7 !!

مارح ياخذون من راتب شهر 6 !!

إذا كذا ,, حلو

لأن ما ابي اضغط على نفسي هذا الصيف ,, وراي سفر وسياره جديده :(

إن شاءاللـه بكره اكلمهم او امر عليهم وتكون الاجرائات سهله

[القناص]

تدرين ليه عندي هالمعلومات توني مخلص من عندهم موتر من فرع السد وبيخصمون علي من راتب شهر 7 بدون رسوم

فالمعلومات فرش

[ذيبة الريان]

ماشاءالله زين

يعطيك العافيه

بيض الله وجهك وماقصرت وجزاك الله خير

بكره بمر عليهم الصبح ,,

وان شاءالله سهالات

[القناص]

ماشاءالله زين

يعطيك العافيه

بيض الله وجهك وماقصرت وجزاك الله خير

بكره بمر عليهم الصبح ,,

وان شاءالله سهالات

بس روحي أي فرع غير السد لأنهم يطولون المعاملة شوي يعني تأخد من يومين لين 3 أيام

[ذيبة الريان]

القناص

الله يريح قلبك ان شاءالله وقلوب كل من ساعدني في المعلومات والمشوره

جزاكم الله خير جميعاً

وانا كان مضايقني ان ياخذون من راتب هذا الشهر ووراي التزامات ,, بس اذا على شهر 7 مب مشكله سهالات ان شاءالله

[ذيبة الريان]

القناص

انا بروح فرع الريان ,,

وان شاءالله تكون معاملتهم اسهل

[فلفل حار]

لو الأسبوع الجاي خلصتي معاهم بيخصم القسط من راتب شهر 7

بس سماح فوق الشهر فيه عليه رسوم

صحيح

اعتقد الرسوم مابين 400لي 500 ريال تقريبا للشهر الواحد

[فلفل حار]

اختي روحي فرع جمعيه الدفنه ان كان تدلينه

عندهم فرع صغير في الجمعيه الصغيره داخل فريج الدفنه الي ورا محطه بترول الجامعه الي فيها هارديز وصب واي

والله ييسر لج امرج الشيخه

[ذيبة الريان]

فرع الدفنة أحسن من فرع الريان !

ويخلصون الاجرائات بسرعه ؟

[فلفل حار]

الاجراءات نفسها ماعليج من السوالف لانه البنك ألزم ماعليه فايدته !

والفرع المقصود لقلة الزحمه فيه بس :)

[ذيبة الريان]

جزاك الله خير أخوي ,,

لو اقدم على التمويل في المصرف + اطلب دفاتر الشيكات وكشف الحساب من بنك الوطني

كم يوم لين ماتخلص كل هذه الاجرائات واستلم السياره من الوكالـه ؟

[فلفل حار]

جزاك الله خير أخوي ,,

لو اقدم على التمويل في المصرف + اطلب دفاتر الشيكات وكشف الحساب من بنك الوطني

كم يوم لين ماتخلص كل هذه الاجرائات واستلم السياره من الوكالـه ؟

اذا انتي مستعجله وياهم وتراكضين من هالبنك لي الثاني ماعتقد تتجاوز المدة ثلاث او اربع ايام وتودين الورقه للوكاله وتستلمين سيارتج بنفس اليوم او اليوم الثاني

انا بريحج من مشوار البنك لانج رايحه تستفسرين صح ؟ اتصلي علي السنتر كول الحين لانه 24 ساعه وزهقي الموظف بالاسأله دامه فاضي وقاعد زهقان لانه الصبح مضغوطين مب نفس الحين ، لا ويمكن بعد يعرفج اول ماتتصلين له يمكن يطلع من اعضاء المنتدي ويشوف موضوعج ويقولج هلا في ذيبة الريان :tease:

ماعرف رقم السنتر كول ولا جان عطيتج ، اخذيه من كيوتل :)

ولي خلصتي اسألتج مع الموظف في المصرف اتصلي في سنتر كول الوطني ، شوراج :rolleyes2:

عيل ليش حاطين الخدمه 24 ساعه :)

[فلفل حار]

منقووووول

هذا هو الجيل الثاني و الجديد من المورانو ، طبعا من الخارج صارت فيه تغييرات طفيفة زي الطوارق و الكايين ، أما التغيير الكبير صار في التصميم الداخلي و إضافة بعض المواصفات للسيارة

http://up.eqla3.com/up/get-12-2007-ejs11c2k.jpg

http://up.eqla3.com/up/get-12-2007-7x2jlqjd.jpg

http://up.eqla3.com/up/get-11-2007-uzajk335.jpg

http://up.eqla3.com/up/get-11-2007-011wc4xa.jpg

http://up.eqla3.com/up/get-12-2007-4f64lo4v.jpg

مواصفات المورانو

* محرك VQ سعة 3.5 لتر بقوة 265 حصان صافي ( الاجمالي يزيد ما بين 10 - 15 حصان ) و عزم دوران 248 رطل مع جير CVT من الجيل الثاني مزود بنظام التكيف مع تغييرات الجير ACS و باندفاع بالعجلات الامامية أو بالعجلات الاربع مع مستشعرات YAW

* تشغيل بزر مع نظام الدخول بالبصمة ( المفتاح الذكي )

* كاميرا خلفية

* مدخل I-Pod

* نظام DVD مع شاشة عرض 9 بوصات

* نظام صوتي قياسي بـ 6 سماعات أو نظام صوتي متطور من Bose بـ 11 سماعة مع ذاكرة 9.3 قيقا بايت

* نظام ملاحة مع شاشة تعمل باللمس

* إضاءة أمامية زينون واطي + عالي

* جنوط مقاس 18 بوصة و 20 بوصة

* إضاءة خلفية من نوع LED

* مساحات زجاج أمامية مستشعرة للمطر

* بوابة خلفية ذات فتح و إغلاق آلي

* سقف بانوراما مزود بفتحتين

* أنظمة ABS , EBD , BE , TCS , VDC أساسية في كل الطرازات

* 6 وسائد هوائية أمامية و جانبية و رأسية

* نظام مراقبة ضغط الإطارات في كل الدرجات

* مقاعد خلفية مع ميزة الطي بنسبة 60:40 مع ميزة إعادتها للوضع الطبيعي بلمسة زر

* تسخين المقاعد الامامية و الخلفية

* مقاعد أمامية كهربائية بـ 8 أوضاع للسائق و بـ 4 أوضاع للراكب

* نظام تكييف أوتوماتيكي بالكامل

* يتوفر من السيارة 5 درجات و ستتوفر في الخليج بالدرجة الافخم و مواصفاتها كالتالي ( ممكن تختلف في وحدة أو ثنتين فقط ) :
دفع رباعي ، جنوط 20 بوصة , مساحات مستشعرة للمطر , مصابيح أمامية زينون بتشغيل آلي , نظام Bose السمعي ذو الـ 11 سماعة ، نظام ملاحة , مدخل I-Pod , مفتاح ذكي مع تشغيل بزر ، بلوتوث ، مقاعد جلد ، تدفئة للمقاعد الامامية و الخلفية ، مقاعد أمامية كهربائية بـ 8 أوضاع للسائق و بـ 4 أوضاع للراكب مع ذاكرة ، كاميرا خلفية ، ديكور مزين بالخشب

السيارة تصنع باليابان ، ومتوقع طرحها في الخليج كموديل 2009


شرايج مب احسن من الموديل الحالي اختي ذيبه ؟:)

[ذيبة الريان]

هههههههههههههههه

خذت الرقم من موقع المصرف على النت

واتصلت بس مايردون

ودقيت على الوطني

قال لي بكره تعالي وخذي كشف حساب وانتي واقفه ,, ودفاتر الشيكات اطلبيهم مستعجله واستلميهم الخميس أو بنفس اليوم من فرع شارع حمد الكبير ,,

ان شاءالله خير

[فلفل حار]

يعطيكم العافيه على التوضيح

والسياره اذا خذتها عن طريق المصرف الاسلامي ! أو قطر الدولي ؟ بتكون حره !!

اختي المصرف ماعتقد حره ، بس الدولي الاسلامي :)

هذي المعلومه في راسي من شهور ، الا كان غيروا نظامهم ذي كلام ثاني

لاتستعجلين الله يهديج والله العجله مافيها خير انا نطرت الكروزر الجديد غصبن عني سنتين لي ماتغير ، وانتي مافيج صبر شهرين او ثلاثه علي البدي الجديد ؟ :)

[ذيبة الريان]

اخوي موديل 2009 من زمان شفته على اليوتوب والمواقع الاجنبيه

وشكلها رهييييييبه

بس ما أدري متى بتنزل ؟

إذا قريب بـحاول اصبر عشان اخذها

بس ما ابي سعرها يزيد

مع انها تستاهل ماشاءالله

[فلفل حار]

هههههههههههههههه

خذت الرقم من موقع المصرف على النت

واتصلت بس مايردون

ودقيت على الوطني

قال لي بكره تعالي وخذي كشف حساب وانتي واقفه ,, ودفاتر الشيكات اطلبيهم مستعجله واستلميهم الخميس أو بنفس اليوم من فرع شارع حمد الكبير ,,

ان شاءالله خير

اتصلي في المصرف مره ثانيه وثالثه لين مايردون عليج ، يمكن الموظف قاعد علي المنتدي وشاف موضوعج وقام يتشرد منج بلعمالاه قال اسألتها من عشرين صفحه مالي بارض لها :tease:

بس ترا جد , يمكن يتعشون او شي لاتستغربين الدوام يخربط البطون :)

اتصلي وفالج خير ان شاء الله :)

[فلفل حار]

اخوي موديل 2009 من زمان شفته على اليوتوب والمواقع الاجنبيه

وشكلها رهييييييبه

بس ما أدري متى بتنزل ؟

إذا قريب بـحاول اصبر عشان اخذها

بس ما ابي سعرها يزيد

مع انها تستاهل ماشاءالله

ويمكن احتمال انه البدي ذي ماينزل الا في امريكا ، لانه في اشكال بديات مخصصه حق اوروبا وامريكا

ممكن تخزنين الصوره في جوالج ولما تروحين وكالة المانع راويهم واسأليهم :)

[ذيبة الريان]

اتصلت عليهم مره ثانيه

رد علي واحد

اسمع صوت كمبيوتر عنده <<< شكيت انه واحد من المنتدى :p

قالي الفائده 5% حق 5 سنوات ,, و5.25 حق 6 و7 سنوات

والقسط حق 7 سنين بيكون 2129

ماقصر الشيخ قاعد يحسب لي

وقالي محتاجين منج شهادة راتب + كشف حساب 3 شهور ع الأقل + ورقه من الوكاله

وقالي مايحتاج كفيل

الحمدلله انك قلت لي اتصل ولا كان بتعب بكره على الفاضي

بس يبيلي اروح الشغل اخذ شهادة راتب والاشياء اللي يبونها مني

وقالي خلال الاثنين الجاي او الاحد السياره تكون عندج

اجرائتهم سهله الحمدلله

جزاك الله خير

وبكره بخلص باقي الامور

بيض الله وجهك ماقصر

[ذيبة الريان]

ويمكن احتمال انه البدي ذي ماينزل الا في امريكا ، لانه في اشكال بديات مخصصه حق اوروبا وامريكا

ممكن تخزنين الصوره في جوالج ولما تروحين وكالة المانع راويهم واسأليهم :)

انا يوم شفتها قبل رحت الوكاله وسألتهم عن المورانو اللي فيها دي في دي وآي بود وحركات

قالي هذه بس حق امريكا ماتنزل الخليج

قلت له ليش؟

قالي لأن فيها اشياء كثيره ولو نزلناها بتكون المورانو غاليه على الكل واحنا نبي سعرها يناسب الجميع :discuss:

[ذيبة الريان]

ابشرك

قالي لج فترة سماح 3 شهور كل سنة

وتقدرين تاخذينها في البدايه اذا تبين تسددين بعد الصيف

الحمدلله

[فلفل حار]

حاضرين لج اختي :)

والاخوان بعد جزاهم الله خير ماقصروا :nice:


انا يوم شفتها قبل رحت الوكاله وسألتهم عن المورانو اللي فيها دي في دي وآي بود وحركات

قالي هذه بس حق امريكا ماتنزل الخليج

قلت له ليش؟

قالي لأن فيها اشياء كثيره ولو نزلناها بتكون المورانو غاليه على الكل واحنا نبي سعرها يناسب الجميع :discuss:

ماعليج منه كلام سيلزمان يبي يقنعج عشان ياخذ الكومشن ويصرف المواتر الي عنده ، اذا المورانو عندنا بـ 125 ألف تتوقعين الامريكان والاوروبيين يدفعون فيها هالمبلغ مثلنا ؟ والله محد مربحهم الا الوطن العربي وخاصة الخليج وندفع مبالغ جامده علي مواصفات تعتبر ستاندر عندهم واحنا عندنا مسوينها فل اوبشن ، والدليل علي كلامي الكروزر الجديد الـ8 سلندر الي نازل الخليج بمكاين عاديه جدااا وماتفرق عن القديمه الا بشي بسيط وبنفس الوقت نازله امريكا نفس مكينة اللكزس الفور ويل الجديده القويه :)

انا متخوف من المورانو انها بتتغير صراحه لانه البدي نفسه صار له كم سنه خاصة وانه الكلام ألي نقلته لج عن السياره كاتبين انه الصور الجديده هي للجيل الثاني من المورانو!

مري وكالة النيسان الي بمحطة اليرموك واسأليهم هناك وان شاء الله يعطونج الجواب الشافي ، رحت لهم مع رفيجي وطلع فتك من عندهم وشفت معاملتهم طيبه مع الزباين :)

وتستاهلين علي فترات السماح ، بس عاد مب تستغلينها ، خلهم ياخذون الاقساط عشان تفتكين بسرعه :)

وحزات في فترات سماح بفوايد ، مادري اذا هالشي ينطبق علي البنوك الاسلاميه و لا لا

لانه حسابي في الوطني وندمت علي اليوم الي دخلته فيه لو داخل المصرف او الدولي ابرك وشكلي قريب بحول قروضي عليهم ان شاء الله :)

[فلفل حار]

ترى مثل ماذكرت لج تحصلين نفس السياره في المعارض أقل تقريبا من الوكاله بـ5 الاف ريال ووارد المانع واصفار ، اذا تحبين بكره بسأل رفيجي من وين ماخذ سيارة بيتهم وبعطيج خبر

لكن اذا مصره تاخذينها من الوكاله حاولي تنزلينهم ولو ألفين ريال بحجة انه البدي بيتغير ، وانتي وشطارتج مع مدير المبيعات :nice:

وبنفس الوقت اشرطي عليهم تشوفين لستتة الارقام واختاري لج رقم حلو ، واذا طلعت ارقامهم مثل ويوهم :rolleyes2: خليهم يشوفون لج رقم حلو ثاني من احد فروعهم الثانيه ، هم وكاله ويدبرون عمرهم

ومبروووووووك عليج مقدما ويعطيج خيرها ويكفيج شرها واستانست بالدردشه معاج وتصبحين علي خير الشيخه :victory:

[ذيبة الريان]

إن شاءالله ينزلون لي سعرها ولو ان قالوا لي 125 اخرر شي ,, و5600 تأمين شامل و400 حق لوحة السياره

ان شاءالله يطلع لي رقم حلو

ماقصرت الشيخ

الله يرحم والدينك

تعبتك معاي

جزاج الله خيررر

وانت من اهل الخير اخوي

[فلفل حار]

إن شاءالله ينزلون لي سعرها ولو ان قالوا لي 125 اخرر شي ,, و5600 تأمين شامل و400 حق لوحة السياره

ان شاءالله يطلع لي رقم حلو

ماقصرت الشيخ

الله يرحم والدينك

تعبتك معاي

جزاج الله خيررر

وانت من اهل الخير اخوي
ووالدينج يالشيخه وتسلمين علي دعوتج الطيبه :)

نصيحه ، ترا شركات التأمين في فروقات بين اسعارهم ونصبهم :rolleyes2:

انصحج في شركة الخليج للتأمين من ناحية سعر وتعامل الممتازين ، والتأمين طبعا تأخذينه عن طريق الوكاله أرخص من أنج تروحين للتأمين نفسهم ، بحكم انها سياره جديده واصفار ويعطون للوكالات خصم خاص حتي الزباين يأمنون عندهم :nice:

وتأكدي من سعر الـ5600 مستحيل اختي لانه شركة الخليج ياخذون 3,5 في المائه من قيمة السياره للتأمين الشامل واخذي وياه تأمين الركاب عشان يشمل الكل في حال حوادث خشنه الله لايقووووووووله

والتسجيل بو 400 ريال المفروض انه مجاني ، بعد استفسري منهم :shy: مب تروحين لهم ويشوفونج غشيمه :eek5:، اي موضوع حتي لو ماتعرفين فيه بعد تفلسفي حالج حالهم عشان يقولون هذي صج ذيبه ومب سهله :strong3:

فمان الله :)

[روح الاطلس]

ابشرك

قالي لج فترة سماح 3 شهور كل سنة

وتقدرين تاخذينها في البدايه اذا تبين تسددين بعد الصيف

الحمدلله

بتداخل معاكم بالي أعرفه

فترة السماح فوق الشهر فيه عليها رسوم من 300 إلى 400 ريال وتنحسب كل شهر

الأكيد ملكية السيارة تكون حرة ترى القسط الي عطاك إياه مب دقيق لأن فيه تأمين على
الدين يسمونه الـتأمين التكافلي يعني ممكن يزيد القسط الشهريشوي
فرع الريان والدفنة دوامهم الصبح لين الساعة واحدة مايفتحون العصر

[ANONYMOUS]

المصرف من غير كفيل

وابعدي عن البريطاني وستاندرد وطختهم.. حتى لو تروحين الدوام مشي


ولا تستعجلين.. السيارات موجوده وعلى قفى من يشيل مابطير منها شي

[ANONYMOUS]

اختي المصرف ماعتقد حره ، بس الدولي الاسلامي :)

هذي المعلومه في راسي من شهور ، الا كان غيروا نظامهم ذي كلام ثاني

لاتستعجلين الله يهديج والله العجله مافيها خير انا نطرت الكروزر الجديد غصبن عني سنتين لي ماتغير ، وانتي مافيج صبر شهرين او ثلاثه علي البدي الجديد ؟ :)



المصرف يعطون السياره حره..

توني ماخذ سياره من كم شهر

[هام السحاب]

يالله بالمبارك مقدماً ويعطيج خيرها ويكفيج شرها :)

[ذيبة الريان]

يعطيكم العافيــه اخواني ماقصرتوا

اليوم رحت البنك خذت كشف حساب وقدمت على دفتر شيكات بستلمه بكره

وخذت شهادة راتب من الشغل

ورحت الوكاله

قلت لهم مثل ماقالوا الشباب ابي الخليج للتأمين

قال احنا مب متعاونين وياهم ,, وهم وقطر للتأمين نفس النسبه ,,

وبخصوص ان قالي لوحة السياره 400 للمرور

قلت له ان فيه ناس خذوا ببلاش اللوحة

قالي خلاص بكلم الاداره وبشلها عنج << اشكره نصاب

والحين يقولي اللوح مخلصه من المرور من امس

ومدري متى بيجيبون !!

مدري صح السالفه ولا ينصب علي ؟

واذا لقيتوا لي مورانو فضية من معرض ارخص من الوكاله عطوني خبر

وجزاكم الله خير

[مزيون الدوحه]

شركة الاولى للتمويل
وشركة بيت التمويل

اقل نسبة فائده على مستوى البلد
وتأكدي بنفسك بعد .

ومبروك مقدماً :nice:

[رنج سبورت]

يعطيكم العافيه اخواني

انا راتبي على البنك الوطني الاسلامي بس المشكله يبون كفيل من نفس البنك لأني ماراح اتثبت إلا بعد سنه أو سنتين يمكن ,,

في الوكاله كلمني مندوب ستاندر تشاردر والحلو فيهم ان بس ياخذون كشف حساب 3 شهور وشيكات حق 6 سنوات

فوايدهم كثيره بس هذا اللي قدرت على شروطهم

شوروا علي لو في طريقة ثانيه

وجزاكم الله خير

الله يوفقج وحاولي تشوفين مصرف قطر الاسلامي او الدولي الاسلامي عندهم عروض حلوه هاليومين :nice:

[ولد الرياان]

اختى المورانو حلوة للحريم واختيار ممتاز بصراحة .. واهنيج على الاختيار سيارة حلوة عملية مريحة بالسواقه وماسمعت احد اشتكى منها ،، وعندج لونين يا ابيض ويا اسود مع انه البرتقالي موجود بس مب راكب على شكل الموتر ،، وصراحة اللون الاسود حلو لو عندج استطاعة تغسلين الموتر كل يوم ،،

بخصوص البنك انصحج ببنك قطر الوطني مسوين عروض هاليومين وبتقسيط مريح ،، ونصيحة بعدي عن البنوك الاجنبية مشاكلاهم وتلاعبهم وايد بالفوايد والاقساط .. ويعطيج خيرها مقدما ويكافيج شرها :nice::nice::nice:


نصيح وابعدي عن بنك استاندر خير شر الوطني وماظن الحين الوطني يطلب كفيل عندج الوطني التقليدي والوطني الاسلامي كل واحد فيهم عنده عروضه الخاصه جربي روحي الوطني العادي

بس مورانو بنسبه حق سعرها احس انها غالي اشوف تاخذين لج تويوتا أوريوون

فخمه بمعنى الكلمه تقدرين تروحين عبدالغني وتشوفينها في اي فرع سوء فرع الستي او المركز الرئيسي البرج وبتحصلينها بنفس السعر السياره ضخمه ضخمه من الداخل ومن الخارج

http://www.toyota-mideast.com/aurion/ar/images/gallery/vertical_800.jpg

[ذيبة الريان]

الوطني رحت لهم اليوم وقالوا لازم كفيل إلا اذا بتاخذينها اقساط 3 سنوات !

بس ما اقدر

ولد الريان

انا ابي فورويل مستحيل اخذ صالون

ويعطيكم العافيه على المرور

[خالد الخوري]

سيارة حلوة ومناسبة للبنات بس سعرها يطيح لانها امريكية الصنع . الله يوفقك. بالنسبة للبنوك عندك البنك الدولي الاسلامى اقل نسبة فايدة ياخذون من بد البنوك

[ذيبة الريان]

رحت لهم بس قالوا لازم تحويل راتب على البنك

مايصير

:( سعرها يطيح كثير !!

خساره والله

[فلفل حار]

رحت لهم بس قالوا لازم تحويل راتب على البنك

مايصير

:( سعرها يطيح كثير !!

خساره والله

كل موتر تشترينه يطيح سعره وهالشي معروف اختي ، وانتي اسألي نفسج متي ناويه تبيعين السياره ؟ اذا مب اقل من 4 سنوات عيل انسي سالفة البيع وتوكلي علي الله دامها بخاطرج :nice: ولو اني تمنيت لج تنطرين شوي وتاخذين الجديده والله مب خساره نطرت هالكم شهر علي شي جديد ، يالله الشيخه عليج بالعافيه انتي صاحبة الحلال والله يبارك لج:victory:

وبالنسبه للمعرض توني متصل في رفيجي اسأله بس ملغت عليه طلع بالسينما ، اول مايعطيني خبر بقولج ان شاء الله :)

[ذيبة الريان]

كل موتر تشترينه يطيح سعره وهالشي معروف اختي ، وانتي اسألي نفسج متي ناويه تبيعين السياره ؟ اذا مب اقل من 4 سنوات عيل انسي سالفة البيع وتوكلي علي الله دامها بخاطرج :nice: ولو اني تمنيت لج تنطرين شوي وتاخذين الجديده والله مب خساره نطرت هالكم شهر علي شي جديد ، يالله الشيخه عليج بالعافيه انتي صاحبة الحلال والله يبارك لج:victory:

وبالنسبه للمعرض توني متصل في رفيجي اسأله بس ملغت عليه طلع بالسينما ، اول مايعطيني خبر بقولج ان شاء الله :)

هلا والله أخووي

نووورت

اذا عن سالفة متى ناوية ابيعها !!

هذه اول سيارة بطلعها لي ابي اتهنى فيها

:shy:

وبخصوص المورانو الجديده ماراح تنزل إلا بعد 8 شهور

ومايدرون للحين كيف الشكل والهيكل اللي بينزل قطر


اخوي سمعت كلامك بخصوص الفلسفه :tease:

المندوب يقولي 400 حق لوحة السياره

قلت له انا خبري شكثر ناس طلعوها ببلاش !! ليش 400؟؟

قالي خلاااص ولايهمج بكلم الاداره وبشلها عنج

واتصل لي العصر قالي خلاص مب لازم تدفعينها

<<< زين انك نصحتني والله :victory:

يوم كنت في الوكالة قالي مابي اتكلم وياج عن هالموضوع قدام مشتري ثاني كان موجود

لأن هو بيدفعها وبيقول شمعنى انتي خليانج :shy:


بييييض الله وجهك سمعت كل نصايحك والحمدلله سهالات

وبكره بروح الوطني استلم دفتر الشيكات ,, وعلى طول بروح المصرف اعطيهم كل شي وان شاءالله خير

[fffqe]

صلي ركعتين وشوفي انتي شنو تبين واخذيه ولاعليج من الناس
ومبروك مقدما :)

[ذيبة الريان]

صليت امس الاستخاره والحمدلله احس اني مرتاحه

وبعد الاستخاره ,, جيت استشيركم والكل فادني بنصائحه

الحمدلله

والله يكتب اللي فيه الخير ويكفيني الشر

الله يبارك فييك اخوي وماقصرت

بيض الله وجهك

[فلفل حار]

هلا والله أخووي

نووورت

اذا عن سالفة متى ناوية ابيعها !!

هذه اول سيارة بطلعها لي ابي اتهنى فيها

:shy:

وبخصوص المورانو الجديده ماراح تنزل إلا بعد 8 شهور

ومايدرون للحين كيف الشكل والهيكل اللي بينزل قطر


اخوي سمعت كلامك بخصوص الفلسفه :tease:

المندوب يقولي 400 حق لوحة السياره

قلت له انا خبري شكثر ناس طلعوها ببلاش !! ليش 400؟؟

قالي خلاااص ولايهمج بكلم الاداره وبشلها عنج

واتصل لي العصر قالي خلاص مب لازم تدفعينها

<<< زين انك نصحتني والله :victory:

يوم كنت في الوكالة قالي مابي اتكلم وياج عن هالموضوع قدام مشتري ثاني كان موجود

لأن هو بيدفعها وبيقول شمعنى انتي خليانج :shy:


بييييض الله وجهك سمعت كل نصايحك والحمدلله سهالات

وبكره بروح الوطني استلم دفتر الشيكات ,, وعلى طول بروح المصرف اعطيهم كل شي وان شاءالله خير

كلامج ودعواتج يطيبون النفس ، جزاج الله خير اختي والحمدلله انج استفدتي ، ومابي اتفلسف عليج :tease: بس اخووج ماخذها قاعده بالدنيا ، انه الي يسوي خير للناس وماينطر مقابل ينرد له الخير ويتوفق في دنياه والحمدلله والله هالقاعده نافعتني وايد حتي في الراحه النفسيه ما شاء الله :nice:

يالله مووفقه ان شاءالله الشيخه ، كان المفروض اخذ عليج عموله بس خلاص بطيحها لج مع الـ400 مالت الوكاله :tease: امزح الشيخه :shy:

وبيني وبينج انا للحين مصر علي شركة الخليج للتأمين لانه صار لنا سنين وياهم والحمدلله الوضع ميه ميه خاصة وانه لنا علاقات هناك وحتي اغلب ربعي الي ظهروا مواتر جداد خليتهم يأخذون من الخليج ، اتصلي في الشركه نفسها وهذي رقمهم توني ماخذه من بدالة كيوتل :telephone: 4414151

واسأليهم بالتلفون انج بتاخذين سياره بقيمة 125 ألف وبتطلعينها الاسبوع الياي اصفار لازم تقولين له انها اصفار عشان ينزلون لج شوي لانهم يبون يكسبونج للتعامل وياهم بالسنوات القادمه ان شاء الله ، وبالمورانو الشكل الجديد ان شاء الله ;) ولو قالج سعر شفتيه مبالغ فيه ، قوليله اسعاركم ماتشجع الواحد يسجل عندكم هذا وبعد الناس يمدحونكم علي شنو مادري ؟ ، وبتشوفين سعره بيتغير في ثواني عشان يكسبج :victory: لازم هالحركات وياهم شوي هههههههه

وبخاطري انصحج شنو تقدرين تطلعين من شركة النيسان التركيبات المجانيه مثل البلوتوث او الحساسات بس مادري هي تجي مع السياره او لا ، لاني عليمي في النيسان ماقد تعاملت وياهم بس انتي اسأليهم في شي ممكن ينضاف حق السياره لانها جديده ؟ سواء بلوتوث او حساسات او شي ثاني ؟ لانه لما تاخذين هالاشياء من البدايه بيحسبونها لج بسعر بسيط غير لما تروحين للشركه وتركبينها من عندهم ، ويمكن بعد يعطونج اياها بلاش ! ههههههه لو انج مطلعه تويوتا جان ضبطت لج امورج من زمان بس في النيسان كلش مالي فيه :)

مساعه متصل في رفيجي عشان اسأله وقالي بتصلك ومارد علي ! اول مايعطيني خبر بكره بكتب لج ان شاء الله ، او اذا حد من الاخوان يعرف ان شاء الله يقدر يفيدج

والله يوفقج ان شاء الله واي استفسار اكاه موضوعج موجود ومحد بيقصر معاج ان شاء الله لا انا ولا الاخوااان :victory:

[فلفل حار]

المصرف يعطون السياره حره..

توني ماخذ سياره من كم شهر

تسلم علي المعلومه يالغالي ، لانه من كم شهر قبل لاظهر موتري ماخليت بنك ماسألته عن الفوايد والاقساط والملكيه ، وكذا بنك من ضمنهم المصرف كان قايلي انه الملكيه بتكون مرهونه ، الحمدلله انه الوضع تغير لانه فوايدهم قليله:victory:

[ذيبة الريان]

أخواني اليوم رحت الوطني خذت دفاتر الشيكات ورحت المصرف

فرع الريان مايعرفون شغلهم وقالوا المسؤوله غايبه

رحت الميره اللي في الدفنه وطبعأً طلعت مغلطه نازله مع اوراقي حق فرع غير اللي قلتوا لي عنه

وبعدين رحت الفرع الثاني ونزلت المصرف

حبيت اقولكم ان مايعرفون شغلهم !! ولاشي !!

بس قلت للمديره بشتري سياره قالت لازم راتبج يكون محول علينا

قلت له انا كلمت الكول سنتر وقالي عادي

قالت لي صج ؟ قلت لها ايه

متوهقه راحت تكلم مسؤول عشان تتأكد منه

شوي إلا تقولي جيبي كفيل

قلت لها السنتررر كول قالي مايحتاج

يوم اتصلت مره ثانيه

طلع صج مايحتاجون

جننوني

شوي إلا تقولي ماناخذ شيكاتج بنسوي قطع من الراتب

اتصلت مره ثانيه طلع يحتاجون الشيكات بس أول شيك لازم اصدقه من الوطني بنفسي واوقع عليه

ووووو قالت لي السياره بتكون مرهووووووووووووووونه !!

انصدمت ماعرفت شسوي

قالت لي تبين فرصه تراجعين نفسج ؟

قلت لها لا عادي

شسوي بعد !!

مع ان قلتوا لي بتكون حرره :(

خذت رقمي وفتحت لي حساب عندهم

وقالت لي الأحد بنتدارس موضوعج وبنرد عليج اذا موافقين

وقيمة الفائده : 35 الف ,,

عدد السنوات / 5 سنوات

مارضوا يعطوني اكثر

والفائده نفس بنك ستاندرد

:(

[فلفل حار]

أخواني اليوم رحت الوطني خذت دفاتر الشيكات ورحت المصرف

فرع الريان مايعرفون شغلهم وقالوا المسؤوله غايبه

رحت الميره اللي في الدفنه وطبعأً طلعت مغلطه نازله مع اوراقي حق فرع غير اللي قلتوا لي عنه

وبعدين رحت الفرع الثاني ونزلت المصرف

حبيت اقولكم ان مايعرفون شغلهم !! ولاشي !!

بس قلت للمديره بشتري سياره قالت لازم راتبج يكون محول علينا

قلت له انا كلمت الكول سنتر وقالي عادي

قالت لي صج ؟ قلت لها ايه

متوهقه راحت تكلم مسؤول عشان تتأكد منه

شوي إلا تقولي جيبي كفيل

قلت لها السنتررر كول قالي مايحتاج

يوم اتصلت مره ثانيه

طلع صج مايحتاجون

جننوني

شوي إلا تقولي ماناخذ شيكاتج بنسوي قطع من الراتب

اتصلت مره ثانيه طلع يحتاجون الشيكات بس أول شيك لازم اصدقه من الوطني بنفسي واوقع عليه

ووووو قالت لي السياره بتكون مرهووووووووووووووونه !!

انصدمت ماعرفت شسوي

قالت لي تبين فرصه تراجعين نفسج ؟

قلت لها لا عادي

شسوي بعد !!

مع ان قلتوا لي بتكون حرره :(

خذت رقمي وفتحت لي حساب عندهم

وقالت لي الأحد بنتدارس موضوعج وبنرد عليج اذا موافقين

وقيمة الفائده : 35 الف ,,

عدد السنوات / 5 سنوات

مارضوا يعطوني اكثر

والفائده نفس بنك ستاندرد
:(

افااا والله يا اختي ، يالله معليج بتنحل بأذن الله

وبالنسبه لرهن السياره علي المصرف انا ذكرت سابقا هالنقطه لاني كنت سأل عنها من قبل



اختي المصرف ماعتقد حره ، بس الدولي الاسلامي :)

هذي المعلومه في راسي من شهور ، الا كان غيروا نظامهم ذي كلام ثاني



بس احد الاخوان الله يهديه رد وقال انها حره وانه ماخذ سياره عن طريقهم ! سبحان الله شلون تكلم بـالثقه ذي والكلام محسوب في ذمته! مادري :)

عموما اختي الفاضله ، انتي اتصلي في سنتر كول الدولي بالصباح واسأليهم عن شروط البنك وبالنسبه لي اهم شي في قرض السياره هـ الثلاث نواحي وهي
بالاول : واهمها السياره مرهونه ولا لا ؟

ثانيا : تحويل الراتب ضروري او بس شيكات ؟

ثالثا : الفائده علي كم سنه كم ؟

ويفضل لو انج تعطينهم دفعه مقدمه اختي لتقل الفوائد عليج ، حتي لو بس 10 الاف ريال ، وطبعا لاتنسين مبلغ التأمين الشامل غير الدفعه

وبالنسبه لمصرف الريان ماعندي اي خلفيه عنه بس دامه بنك جديد اتوقع انه فوايده اعلى وشروطه اصعب من باقي البنوك الاسلاميه بحكم انه جديد وماراح يتساهل معاج لانه يبي يثبت نفسه بالنسبه لباقي البنوك الاسلاميه ، وجهة نظر

والاهلي والوطني وتشاردر والاولى والجزيره والبريطاني وربعهم الحرامييه انسيهم خير شر

وحاليا أرشح لج بنك قطر الدولي الاسلامي بنسبـة 90% ، رأيي الخاص والصريح والله يوفقج لما يحب ويرضاه

عـ فكره ، سنتر كول الدولي مب 24 ساعه ، واعتقد بس من 7 الصبح حتي الـ9 ليلا ، متواصل طبعا ، مادري اذا السنتر كول فاتح في الويك اند بس ذكرت لج مواعيدهم حسب ماتذكر ، بس بعد مايمنع انج تجربين وتتصلين الصبح لو كنتي فاضيه

والسموحه عـ القصور والله قلت لج كل ألي اعرفه :shy:

[القناص]

افااا والله يا اختي ، يالله معليج بتنحل بأذن الله

وبالنسبه لرهن السياره علي المصرف انا ذكرت سابقا هالنقطه لاني كنت سأل عنها من قبل





بس احد الاخوان الله يهديه رد وقال انها حره وانه ماخذ سياره عن طريقهم ! سبحان الله شلون تكلم بـالثقه ذي والكلام محسوب في ذمته! مادري :)

عموما اختي الفاضله ، انتي اتصلي في سنتر كول الدولي بالصباح واسأليهم عن شروط البنك وبالنسبه لي اهم شي في قرض السياره هـ الثلاث نواحي وهي
بالاول : واهمها السياره مرهونه ولا لا ؟

ثانيا : تحويل الراتب ضروري او بس شيكات ؟

ثالثا : الفائده علي كم سنه كم ؟

ويفضل لو انج تعطينهم دفعه مقدمه اختي لتقل الفوائد عليج ، حتي لو بس 10 الاف ريال ، وطبعا لاتنسين مبلغ التأمين الشامل غير الدفعه

وبالنسبه لمصرف الريان ماعندي اي خلفيه عنه بس دامه بنك جديد اتوقع انه فوايده اعلى وشروطه اصعب من باقي البنوك الاسلاميه بحكم انه جديد وماراح يتساهل معاج لانه يبي يثبت نفسه بالنسبه لباقي البنوك الاسلاميه ، وجهة نظر

والاهلي والوطني وتشاردر والاولى والجزيره والبريطاني وربعهم الحرامييه انسيهم خير شر

وحاليا أرشح لج بنك قطر الدولي الاسلامي بنسبـة 90% ، رأيي الخاص والصريح والله يوفقج لما يحب ويرضاه

عـ فكره ، سنتر كول الدولي مب 24 ساعه ، واعتقد بس من 7 الصبح حتي الـ9 ليلا ، متواصل طبعا ، مادري اذا السنتر كول فاتح في الويك اند بس ذكرت لج مواعيدهم حسب ماتذكر ، بس بعد مايمنع انج تجربين وتتصلين الصبح لو كنتي فاضيه

والسموحه عـ القصور والله قلت لج كل ألي اعرفه :shy:

أخوي أنا ماخذ سيارة مستعملة وراتبي محول على المصرف الإسلامي وطلبوا شهادة تفصيلية بالراتب من جهة العمل قيمة السيارة 175000 ريال عطيتهم دفعة 25000 ريال فالباقي ( 150000 ريال) قال في رسوم فتح ملف وتأمين على الدين يطلع 4800 ريال وأنا واخذ المدة على سبع سنوات طلع القسط 2388 ريال يعني الأرباح كل سنة 4.2% لأن هم يحسبون قيمة القسط مع قيمة التأمين على الدين يعني تطلع 154800 ريال على سبع سنوات وقالي في حالة التسديد خلال السنة الأولى يسقط من 90 إلى 95 % من قيمة الأرباح طبعا حسب موافقة مدير الفرع.
المهم الآن في الموضوع أن ملكية السيارة حرة وأنا ماخذها بتاريخ 23/5/2008 وإذا تبغي صورتها بحطها لكم مافي داعي تشككك في مصداقية أي شخص بدون مايكون عندك دليل

[القناص]

أخواني اليوم رحت الوطني خذت دفاتر الشيكات ورحت المصرف

فرع الريان مايعرفون شغلهم وقالوا المسؤوله غايبه

رحت الميره اللي في الدفنه وطبعأً طلعت مغلطه نازله مع اوراقي حق فرع غير اللي قلتوا لي عنه

وبعدين رحت الفرع الثاني ونزلت المصرف

حبيت اقولكم ان مايعرفون شغلهم !! ولاشي !!

بس قلت للمديره بشتري سياره قالت لازم راتبج يكون محول علينا

قلت له انا كلمت الكول سنتر وقالي عادي

قالت لي صج ؟ قلت لها ايه

متوهقه راحت تكلم مسؤول عشان تتأكد منه

شوي إلا تقولي جيبي كفيل

قلت لها السنتررر كول قالي مايحتاج

يوم اتصلت مره ثانيه

طلع صج مايحتاجون

جننوني

شوي إلا تقولي ماناخذ شيكاتج بنسوي قطع من الراتب

اتصلت مره ثانيه طلع يحتاجون الشيكات بس أول شيك لازم اصدقه من الوطني بنفسي واوقع عليه

ووووو قالت لي السياره بتكون مرهووووووووووووووونه !!

انصدمت ماعرفت شسوي

قالت لي تبين فرصه تراجعين نفسج ؟

قلت لها لا عادي

شسوي بعد !!

مع ان قلتوا لي بتكون حرره :(

خذت رقمي وفتحت لي حساب عندهم

وقالت لي الأحد بنتدارس موضوعج وبنرد عليج اذا موافقين

وقيمة الفائده : 35 الف ,,

عدد السنوات / 5 سنوات

مارضوا يعطوني اكثر

والفائده نفس بنك ستاندرد

:(


قيمة الأرباح 2.7% سنويا فوق الممتاز

[ذيبة الريان]

اخواني

انا راتبي مب محول على المصرف

وماعندي كفيل

عشان كذا يمكن بيرهنونها !!

والفتره للتسديد 5 سنوات مارضوا اكثر من كذا

بس الشي الحلو أن يشلون بعض الارباح على التسديد المبكر

وبخصوص الرهن

صج شي يضايق بس من حقهم

اولاً لأني متدربه

ثانياً لأن راتبي مب محول عليهم

ثالثاً ماعندي كفيل

وهم بيأمنون لي السياره عند الاسلاميه 3600 ريال ,,

وجزاكم الله خير

[فلفل حار]

أخوي أنا ماخذ سيارة مستعملة وراتبي محول على المصرف الإسلامي وطلبوا شهادة تفصيلية بالراتب من جهة العمل قيمة السيارة 175000 ريال عطيتهم دفعة 25000 ريال فالباقي ( 150000 ريال) قال في رسوم فتح ملف وتأمين على الدين يطلع 4800 ريال وأنا واخذ المدة على سبع سنوات طلع القسط 2388 ريال يعني الأرباح كل سنة 4.2% لأن هم يحسبون قيمة القسط مع قيمة التأمين على الدين يعني تطلع 154800 ريال على سبع سنوات وقالي في حالة التسديد خلال السنة الأولى يسقط من 90 إلى 95 % من قيمة الأرباح طبعا حسب موافقة مدير الفرع.
المهم الآن في الموضوع أن ملكية السيارة حرة وأنا ماخذها بتاريخ 23/5/2008 وإذا تبغي صورتها بحطها لكم مافي داعي تشككك في مصداقية أي شخص بدون مايكون عندك دليل

هلا ومرحبا اخوي القناص ، يعطيك خيرها ويكفيك شرها محد كذبك:nice:

بس المعلومات الي اعرفها ماخذها من البنك نفسه وبالتفصيل الملل من شهرين ايامها كنت ادور لي بنك يمولني للسياره ، واذا هالدليل مايملي عينك يالغالي تقدر تاخذ نفس اللفه الي لفيتها ويعطونك المعلومات المطلوبه بشرط تذكر لهم ان حسابك في الوطني مثلي :)

[فلفل حار]

اخواني

انا راتبي مب محول على المصرف

وماعندي كفيل

عشان كذا يمكن بيرهنونها !!

والفتره للتسديد 5 سنوات مارضوا اكثر من كذا

بس الشي الحلو أن يشلون بعض الارباح على التسديد المبكر

وبخصوص الرهن

صج شي يضايق بس من حقهم

اولاً لأني متدربه

ثانياً لأن راتبي مب محول عليهم

ثالثاً ماعندي كفيل

وهم بيأمنون لي السياره عند الاسلاميه 3600 ريال ,,

وجزاكم الله خير

موفقه ان شاء الله ، واعتقد اغلب البنوك الي بتشترين السياره عن طريقهم وراتبج مب عليهم السياره تنرهن ، الا الدولي الاسلامي

وهذا الي نقصده عن موضوع الرهن من بداية موضوعج بحكم انج ذكرتي راتبج علي الوطني الاسلامي

وموفقه ان شاء الله اختي الفاضله:)

[ذيبة الريان]

أخوي

الدولي الاسلامي رحت لهم

وقالوا لازم راتبج يكون محول علينا

وطلعت من عندهم :(

مافي إلا المصرف

بس المسؤوله قالت يوم الأحد بتصل لج لو وافقوا الاداراه يمولونج

ان شااءالله خير

ادعوا لي

[فلفل حار]

بيمولونج لاتحاتين ، خاصة لو انتي شغاله في هيئه او مؤسسه

الله يوفقج ان شاء الله :)