اصحاب الكيان عندي استفسار..

[RJ83]

السلام عليكم ..


عندي كم استفسار خبركم انا جديد عالكيان وابي أعرف كم شي...
انا عندي الجي تي اس 8سلندر ..
اول شي: زيت المحرك موبيل 1 يعني المفروض يمشي الموتر لين 10000كم .. والحين موتري ماشي 4000كم ومبدل الزيت 4 مرات تقريبا !!! شالسالفة؟؟؟
ثاني شي: انا رحت الوكالة مرة وحدة بس حق أول سيرفس.. بس بغيت اعرف الورشة حق التصليح وهالامور في نفس المكان والا مكانها غير ؟؟
ما ادري من حاقد علي شامخ لي باب السياره بمفتاح .. حسبي الله عليه :( وانا ابي أودي السيارة.. هل لازم اخذ موعد والا اوديها وبس؟؟


شكلي بحط كاميرا مراقبة عالسيارة crazy
مشكورين يعطيكم العافية

[start]

الاخ الكريم
موبيل 1 يعطي لزوجه تقريبا 10 الاف كم وهو المعتمد من شركة بورشه وللعلم عموم الكيان يبخر الزيت فيه يعني بعد 4000 كم ينقص الزيت عندك فاتروح الوكاله ويزيدونه لك بمقاابل طبعا
2- للعلم لسريان الكفاله علي السياره يجب تبديل الزيت في الوكاله والا سوف سيقطون الكفاله عليك
وعلي حد علمي امور الخدمه السريعه من غير موعد مسبق من الوكاله
ولك جزيل الشكر علي السؤال الطيب

[القلب الراقي]

السلام عليكم ..

ما ادري من حاقد علي شامخ لي باب السياره بمفتاح .. حسبي الله عليه :( وانا ابي أودي السيارة.. هل لازم اخذ موعد والا اوديها وبس؟؟


شكلي بحط كاميرا مراقبة عالسيارة crazy
مشكورين يعطيكم العافية

قسم بالله حركه قذره
صارت معي اول ماطلعت سيارتي من الوكالة رابع يوم حصلت سيارتي من غير العلامات الخلفيه مخشو البويه عشان يقلعونها

مرض الله الا يبلانا

وخالي الاسبوع الماضي نوقف سيارته عند بيتنا طلع حصلها مصدومه جديده سيارته قال الحمدالله وانا من القهر بغيت اصيح توه شاريه

[RJ83]

الاخ الكريم
موبيل 1 يعطي لزوجه تقريبا 10 الاف كم وهو المعتمد من شركة بورشه وللعلم عموم الكيان يبخر الزيت فيه يعني بعد 4000 كم ينقص الزيت عندك فاتروح الوكاله ويزيدونه لك بمقاابل طبعا
2- للعلم لسريان الكفاله علي السياره يجب تبديل الزيت في الوكاله والا سوف سيقطون الكفاله عليك
وعلي حد علمي امور الخدمه السريعه من غير موعد مسبق من الوكاله
ولك جزيل الشكر علي السؤال الطيب

مشكور اخوي عالتوضيح بس انا مغير الزيت تقريبا 3او 4 مرات والسيارة واصلة 4000 كم.. هل ممكن يكون السبب ان مكينة السيارة جديدة وبعد مده يقل تبخر الزيت ؟؟ لاني سمعت نفس هالكلام..

ومشكور عالرد اخوي

[RJ83]

قسم بالله حركه قذره
صارت معي اول ماطلعت سيارتي من الوكالة رابع يوم حصلت سيارتي من غير العلامات الخلفيه مخشو البويه عشان يقلعونها

مرض الله الا يبلانا

وخالي الاسبوع الماضي نوقف سيارته عند بيتنا طلع حصلها مصدومه جديده سيارته قال الحمدالله وانا من القهر بغيت اصيح توه شاريه


اي والله مرض ما ادري اشفيهم الناس.. تصدق اني اعرف واحد راشين على سيارته 2008 فليت !! وواحد داعمين موتره 2008 من كل زاويه !! وترى هالشي صاير يتكرر بشكل مستمر.. لازم بصراحة يشوفون لنا حل.. على الأقل كاميرات على مواقف السيارات.. صار الواحد يحاتي ينزل وسيارته في الموقف.. مب حاله هذي :anger1:
المشكله الاكبر ان هالمريض مو بس يخرب لك السيارة لا ويسوي لم مشاوير في الشمس لين الصناعية والتأمين وارجع الصناعية مرة ثانية في الزحمه وعز الحر واقعد انتظر السيارة وشوف سيارة ثانية لين ما اتخلص سيارتك من الوكالة.. وفي وقت انت كافيك اللي عندك من شغل..

[أبو تميم]

أعوذ بالله من المخربين والحاقدين صج هذي سالفه أنا صارت معاي
في موتر جديد وياليت شمخة مفتاح الا مسمار وداير عالجنب كله

ليش هالمرض اللي فيهم الله يكفينا شرهم آمييييييييين

:(

[kakashi]

اول شي: زيت المحرك موبيل 1 يعني المفروض يمشي الموتر لين 10000كم .. والحين موتري ماشي 4000كم ومبدل الزيت 4 مرات تقريبا !!! شالسالفة؟؟؟


:omg::omg: شي غريب الصراحه يعني كل 1000 كم تبدل الزيت :secret::secret:

ماسألت الشركه عن السبب ؟

[مضاربه]

انا بعد سيارتي استلمتها من الوكاله ويوم جبتها البيت فيها شمخ انقهرت والله

[doha_vip]

اخوي التيربو اللي ينقص زيته .. اما الاس والجي تي اس عادي ماينقص ..وبعدين الزيت يتبدل كل 10 الاف كيلو متر للكيان 2008 .. اما 2006 وتحت كل 15 الف كيلو .. ومن اللي قالك تبدل 4 مرات في 4000 شي غريب بصراحه
ولازم تتصل لهم قبل اي تجييك او خدمه في الشركه وتاخذ موعد .. وتعطيهم رقم سيارتك وهم بيقولون لك متى تجيبها لك .. وتحياتي لك

[Bin Hood]

الله يهنيك اخوي

عاد شتقول حق بعض الناس

[saeed alhajri]

اخوي التيربو اللي ينقص زيته .. اما الاس والجي تي اس عادي ماينقص ..وبعدين الزيت يتبدل كل 10 الاف كيلو متر للكيان 2008 .. اما 2006 وتحت كل 15 الف كيلو .. ومن اللي قالك تبدل 4 مرات في 4000 شي غريب بصراحه
ولازم تتصل لهم قبل اي تجييك او خدمه في الشركه وتاخذ موعد .. وتعطيهم رقم سيارتك وهم بيقولون لك متى تجيبها لك .. وتحياتي لك

كلام سليم 100 %

[RJ83]

اخوي التيربو اللي ينقص زيته .. اما الاس والجي تي اس عادي ماينقص ..وبعدين الزيت يتبدل كل 10 الاف كيلو متر للكيان 2008 .. اما 2006 وتحت كل 15 الف كيلو .. ومن اللي قالك تبدل 4 مرات في 4000 شي غريب بصراحه
ولازم تتصل لهم قبل اي تجييك او خدمه في الشركه وتاخذ موعد .. وتعطيهم رقم سيارتك وهم بيقولون لك متى تجيبها لك .. وتحياتي لك

هلا والله..
كلمتهم في الوكالة قالوا لي عادي ينقص لأن مكينة السيارة جديدة وبعدين بيخف هذا الشي !! ومحد قال لي ابدل الزيت غير السيارة :) هي اللي تقول لي check oil level ولما اجيك عالزيت يطلع نازل بالفعل ولازم ازيد وصارت لي تقريبا 3مرات من خذت السيارة..

[راعي ال2008 الاسود]

الله يعينك ان شاء الله