عااااااااجل : من يعرف مصدر المكالمات الصادره ؟

[عليان]

معااااااكسات تسبب لي المشاكل في المنزل , الله يجزيكم خير أرجوا من يعرف الإجابه الرد على سؤالي ....

لو سمحتوا وتكرمتوا يا إخوان تـأتيني مكالمات صادره لا أدري من أين مصدرها ( البلد ) ومن غير رقم ( الرقم لا يظهر في الكاشف ) , وما أردت أن أعرفه من أين مصدر تلك المكالمات ( من أي بلد ) , وما هي تلك الطرق التي يستخدمها المتصل لكي لا يستطيع إظهار رقمه على الكاشف ؟ وهل هناك طريقه لكشف المتصل عن طريق سوفت ويير أو حتى عن طريق العاصمه أو أية جهه في الدوله لإنها تسببت لي بمشاكل كبيره ( الله يستر والله يجازيها التي تتصل وتتحدث وتخرب بيوت :( .... الفتنه أشد من القتل )

[المشط]

اخوي اتوقع مافي طريق تعرف

غير رقم تلفونك وافتك

[khaldoon]

برامج المحادثه بأسعار مخفضه جدا ما تعطي رقم اخوي

يعني اقدر اكلمك من قطر و ما يظهر رقم عن طريق هذه البرامج والانترنت

[عليان]

جزاكم الله خير , بس والله إني متمشكل وحيران :rolleyes2:....

[أم أمووون]

غير الرقم ياخوووووووي وريح نفسك واشتري رااحة بالك!!

[khaldoon]

جزاكم الله خير , بس والله إني متمشكل وحيران :rolleyes2:....

الله يكون في عونك

اعتقد انه غلط نحاول نتصل من قطر على شخص في قطر عن طريق هذه البرامج لانها ملكفه جدا


يعني المكالمه من قطر لشخص بقطر او اي دوله خليجيه اغلى من المكالمه مع الدول الاوروبيه وامريكا وغير مجديه بالمره الا ان كانت مجانيه و على خط ارضي

فاللي يسوي هذا الشي يمكن يكون راعي مشاكل والعلم عند الله

[khalid1975]

اغلب الظن انها مكالمات من الانترنت
يعني عن طريق برامج معينه في النت يمكن من خلالها الاتصال على اي رقم ثابت او جوال وباسعار منخفضه
والاهم عدم ظهور رقم المتصل!!

مثل ما قالو الاخوان .. دام صارلك مشاكل
الافضل انك تغير رقم تلفونك

وقول حسبي الله ونعم الوكيل ،،

[عليان]

جزاكم الله خير يا إخوان جميعاً , وممن مر على الموضوع وعنده أفكار أو أية معلومه قد تفيد في معرفة الطريقه أو كيفية الإمساك بالمتصل , يرد علي الله يجزيه خير ويستر عليه ويبارك له في بيته وأهله ...

[لاداعي]

الله يكون في عونك

[ورقــة أمــل]

هاي يسمونها مكالمات واردة مب صادرة

الصادرة اللي انت تسويها والوارده هاي اللي جاتك من بررع

[nooora]

هذه مكالمات من الانترنت وفي برنامج اقدر احط رقمك واتصل في شخص ثاني يظهر له رقمك لكن الحقيقه هي من النت والله يهديهم على هالتصرفات والأفضل خدامه ترد على التلفون وتحجي معاهم بالهندي :)

[nooora]

هذه مكالمات من الانترنت وفي برنامج اقدر احط رقمك واتصل في شخص ثاني يظهر له رقمك لكن الحقيقه هي من النت يعني بسهوله امشكلك والله يهديهم على هالتصرفات والأفضل ان الخدامه ترد عليهم وتحجي معاهم بالهندي :) لين يزهقون ويبطلون هالحركات

[بوخالد911]

معااااااكسات تسبب لي المشاكل في المنزل , الله يجزيكم خير أرجوا من يعرف الإجابه الرد على سؤالي ....

لو سمحتوا وتكرمتوا يا إخوان تـأتيني مكالمات صادره لا أدري من أين مصدرها ( البلد ) ومن غير رقم ( الرقم لا يظهر في الكاشف ) , وما أردت أن أعرفه من أين مصدر تلك المكالمات ( من أي بلد ) , وما هي تلك الطرق التي يستخدمها المتصل لكي لا يستطيع إظهار رقمه على الكاشف ؟ وهل هناك طريقه لكشف المتصل عن طريق سوفت ويير أو حتى عن طريق العاصمه أو أية جهه في الدوله لإنها تسببت لي بمشاكل كبيره ( الله يستر والله يجازيها التي تتصل وتتحدث وتخرب بيوت :( .... الفتنه أشد من القتل )

هلا



ما لك الا حل 1

تروح كيوتل فرع السد
وتطلب فاتورة تفصيلية ونسخة من بطاقتك طبعا

مع التحية
؛؛؛؛

:victory::nice::victory:

[سهم المراقيب]

بعض مزودي الخدمات لديهم خاصية "إخفاء الرقم" ,,هذي مش موجوده عندنا ,, فمستحيل تصيدهم ,,

[بوخالد911]

هاي يسمونها مكالمات واردة مب صادرة

الصادرة اللي انت تسويها والوارده هاي اللي جاتك من بررع




صح

انتوا صح :nice::victory::nice:


الصادرة : صاحب الهاتف يجري المكالمات = DAILED CALLS

الواردة : الارقام الي تلقيتها ورديت عليها = RECEIVED CALLS

[ANONYMOUS]

حول تلفونك تلفون مجطوع

[hich]

حول تلفونك تلفون مجطوع

شلون شطريقة

[(الفيصل)]

معااااااكسات تسبب لي المشاكل في المنزل , الله يجزيكم خير أرجوا من يعرف الإجابه الرد على سؤالي ....

لو سمحتوا وتكرمتوا يا إخوان تـأتيني مكالمات صادره لا أدري من أين مصدرها ( البلد ) ومن غير رقم ( الرقم لا يظهر في الكاشف ) , وما أردت أن أعرفه من أين مصدر تلك المكالمات ( من أي بلد ) , وما هي تلك الطرق التي يستخدمها المتصل لكي لا يستطيع إظهار رقمه على الكاشف ؟ وهل هناك طريقه لكشف المتصل عن طريق سوفت ويير أو حتى عن طريق العاصمه أو أية جهه في الدوله لإنها تسببت لي بمشاكل كبيره ( الله يستر والله يجازيها التي تتصل وتتحدث وتخرب بيوت :( .... الفتنه أشد من القتل )

امامك ثلاث خيارات اخي الكريم
1- التقدم ببلاغ لشرطة امن العاصمة وسوف تتخذ هي شؤونها للكشف عن المزعج.

2- تغير رقم هاتفك.

3- تجاهل الامر كليا وعدم الرد على مثل هذه المكالمات ويساعدك بذلك كاشف الارقام.
اسئل الله الهداية للجميع
تحياتي لك

[(الفيصل)]

عقوبة من يتسبب في ازعاج الاخرين

يعاقب بالحبس مدة لا تجاوز ستة أشهر، وبالغرامة التي لا تزيد على ثلاثة آلاف ريال، أو بإحدى هاتين العقوبتين، كل من تسبب في مضايقة أو إزعاج الآخرين أو تلفظ بعبارات منافية للآداب أو الأخلاق عن طريق استعمال أجهزة الاتصال السلكية أو اللاسلكية أو الوسائط الإلكترونية أو أي وسيلة أخرى.

[حقيقه]

حاول تستدرج المتصل وتاخذه بالكلام الطيب اشوي اشوي :telephone:
ويمكن تقدر تصيده وتعرف من هو او شنو يبي بالضبط :telephone:
:nice:

[الصيـاد]

حول تلفونك تلفون مجطوع



خاطري اسمعك وانت تقولها

يا يبة مقطوع

من الخليج الي المحيط ما سمعت حد يقول مجطوع الا انت وكم واحد اهنية

انتوا متاكدين انكم من كوكب الارض ؟؟؟

[بنت المنتدى]

خاطري اسمعك وانت تقولها

يا يبة مقطوع

من الخليج الي المحيط ما سمعت حد يقول مجطوع الا انت وكم واحد اهنية

انتوا متاكدين انكم من كوكب الارض ؟؟؟




ههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههه


اضحك الله سنك والله ضحكت ضحك الظاهر ان الكيبورد ضرب مره ثانيه عادي ترى تجيه الحاله :nice:

[بنت المنتدى]

اخووووووووووووووووووووووووووي


لاتعقد السالفه ولاتعور راسك .... السالفه مايبغي لها اكثر من دقايق روح الله لايهينك كيوتل (واجطعه) وارتاح ......


الرقم وشلون مايطلع .... ياما انه يستخدم شريحه غير شريحه كيوتل أو حركه من الانترنت

[الصيـاد]

ههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههه


اضحك الله سنك والله ضحكت ضحك الظاهر ان الكيبورد ضرب مره ثانيه عادي ترى تجيه الحاله :nice:


دوم هالضحكة انشاللة


اخووووووووووووووووووووووووووي


لاتعقد السالفه ولاتعور راسك .... السالفه مايبغي لها اكثر من دقايق روح الله لايهينك كيوتل (واجطعه) وارتاح ......




اللة يجطع ابلسيج هههههههههههه



كانت تجيني المكالمات بدون رقم وازعاج كلة يطق طنشتة ولا رديت لين ما زهق

[هام السحاب]

الله يكون بعونك

[قطري كشخه]

اخوي عليك بالعاصمه جات على تلفون اهل واحد من الربع مكالمات مزعجه بدون رقم بس اتصال طبعا راح العاصمه وطلعووه ويروه من اذنه ورد مره ثانيه اتصل وجابوه كان متصل من كمبيوتر طبعا لهم اكثر من طريقه يكتشفون هم ادره بهالاموور عن طريق Ip او طرق ثانيه المهم وقعوه على تعهد ورفيجنا وهو طالع من المركز توعد فيه الشخص قاله ان حد ازعجني حتى لو مب انت مره ثانيه مراح تشوف ويه موترك من بعدها ماجاته ازعاجات

[عليان]

الله يجزيكم خير , بروح العاصمه إن شاء الله اليوم ...

[عـيـون قـطـر]

الله يكون في عونك الغالي

[@بوٍخلــي@]

اي والله هذه النوعيه ما تجي الا بالعين الحمراء

وجهت نظري غير التلفون وارتاح

وابشرك الحين كويتل حاطه عرض
توصل الرقم البيت مجانا