:: إلى موظفين ومتدربين مؤسسة قطر للبترول ( استفسار ) ::

[ذيبة الريان]

:: إلى موظفين ومتدربين مؤسسة قطر للبترول ( استفسار ) ::

السلام عليكم ورحمة الله وبركاته ,,

عندي كم سؤال وبغيت مساعدتكم

أنا متدربه من شهر 8 - 2006 عند قطر للبترول ,,

ومكتوب في شهادة الراتب ان عقدي عقد تدريب من تاريخ 27-8-2006 إلى 26-8-2009

وش معناته هالكلام !!

هل ممكن ينتهي عقدي ومايجددونه أو يثبتوني !!

وانا موقعة على عقد تدريب 3 سنوات وبعد سنة وشهرين يخلص ,, وانا بكون للحين ماخلصت دراسه ,,

هل يتغير العقد أو يكون نفس الشي ؟

ياليت تجاوبوني لأن شاغل بالي هذا الموضوع ,, وما أعرف اذا بيخلوني استمر عندهم ولا لا يوم اخلص 3 سنوات تدريب ! ودراسه !!

:(

وانا في الصيف اللي فات شغلوني في الشركه شهر ,, وهذا الصيف بعد بيخلوني اشتغل في نفس المكان لمدة 3 اسابيع ,,

اذا تخرجت يخلوني اشتغل فيه ولا اقدر اختار بعدين مكان ثاني !!



وبخصوص الرواتب ,,

راتبي مثل راتب أي متدربه عقدها 3 سنوات ,, بس اذا خلصت الـ 3 سنين وكملتهم ,, بيكون نفسه أو بيتغير ! علماً اني بكون للحين باقيلي كم شهر دراسه !!

وهل فيه زيادة قريب للمتدربين ؟

اسمحوا لي على كثرة اسألتي وجزاكم الله خير

[عنيــــد]

مرحبا اختي ،،

اللي اعرفه انهم يوقعون لج عقد تدريب بالاول على مدة الدراسة المتوقعة ،، لكن اذا خلص العقد و باقي لج فتره بسيطه بالعاده يجددون بدون اي مشكله ،،

طبعاً لين تخلصين الدراسه ( لهم الحق يوقعون معاج او لا ) و لكن طبيعي يوقعون معاج العقد لانه دافعين عليج من ٣ سنين ،،

اما الرواتب يمكن الاخوان في الدوحه يقدرون يردون عليج و بالتوفيق اختي ..

[الخفي]

انا اللي اعرفه ان المتدرب طوال فتره التدريب

يعتبر خارج هيكل مؤسسه البترول وطوال فتره التدريب

والعقد اللي موقعه انت يعتبر عقد مؤقت لو لاسمح الله

صار غياب لفتره طويله او رسوب في التدريب في بعض المواد

قد لاتجتاز فتره التدريب هذا اللي اعرفه والله اعلم

[ذيبة الريان]

الله يعين

من ناحية الغياب بخفف الغياب وبحاول اني ما اغيب واشد حيلي

بس من ناحية الرسوب في المواد

الحمدلله ماشي حالي ,, مع اني رسبت في مادة وعدتها مره ثانيه ونجحت فيها ,,

بس باقيلي كثير مواد في المحاسبه صعبه وانا احاتي هذا الشي ,,

بس ان شاءالله بكمل ,,

مشكورين على ردودكم اخوانـي

[الساهرة]

ربي يوفقج اختي ويبلغج كل مناج
اترى من حقج انه تسألين وتستفسرين من شوؤن المظفين
وحتى قبل لاتوقعين عقد التدريب من حقج انه تسألين وتسفسرين عن كل شئ تبين

لو اجنبي كان شفتيه يتشرط لاتخافين ماعليج منهم روحي سئلي شوؤن الموظفين
لان اهم اكثر ناس راح يفيدونج في الاجابات عن اسئلتج


بالتوفيج اختي عقبال التثبيت




الساهره

[ذيبة الريان]

جزاج الله خير على الكلام الطيب واللي يوسع الخاطر

إن شاءالله بستفسر منهم

[hich]

اختي ممكن تسئلين الاخ عبدالعزيز ال ثاني رئيس التوظيف لديكم انسان خلوق ومتعاون

[الألماسي]

أنا متدربه من شهر 8 - 2006 عند قطر للبترول ,,

ومكتوب في شهادة الراتب ان عقدي عقد تدريب من تاريخ 27-8-2006 إلى 26-8-2009

وش معناته هالكلام !!




هـلا أختـي ذيبــه الريـان ..

هذا عقـد تدريب مبــرم بينج وبيـن قطـر للبتـرول . . يعني عقـــد " تدريــب " فقـــط





هل ممكن ينتهي عقدي ومايجددونه أو يثبتوني !!




لا طبعـا .. انتي اول ماتخلصين فتره التدريب يخيــّــرونج احـد الشركات التابعه لقطر للبترول او حتى لو اخترتي مثلا السد بلازا راح توقعين عقــد ثانــي " عقـد عمـل " وتكونين " موظفــه " وليـس " متدربــه " ..




وانا موقعة على عقد تدريب 3 سنوات وبعد سنة وشهرين يخلص ,, وانا بكون للحين ماخلصت دراسه ,,
هل يتغير العقد أو يكون نفس الشي ؟




لا عادي ماراح يتغيـــّـر دامك ليـن الحين " متدربـه " .. بس اهـم شئ تكون تقاريـرج الدوريــّـه اوكي وماعليـج اى نقطـه سلبيـه مثـلا كـ غياب وخلافه..



وانا في الصيف اللي فات شغلوني في الشركه شهر ,, وهذا الصيف بعد بيخلوني اشتغل في نفس المكان لمدة 3 اسابيع ,,
اذا تخرجت يخلوني اشتغل فيه ولا اقدر اختار بعدين مكان ثاني !!



اذا تخرجتـي ان شاء الله راح تختارين المكان اللي تبين تستقرين فيه مثلا او احد الشركات التابعه لقطر للبترول مثلا تبين تختارين " راس غاز , قطر غاز , كيوكيـم , قابكـو , قافـكـو . . الخ "
وعنـد اختيارج للشركه التابعـه لقطر للبترول اول ماتروحين لهـم توقعين وياهم " عقد عمل " طبعا وكل هـ الشركات تكون تحت مظلـه الشركه الأم " قطر للبترول " ..




وبخصوص الرواتب ,,

راتبي مثل راتب أي متدربه عقدها 3 سنوات ,, بس اذا خلصت الـ 3 سنين وكملتهم ,, بيكون نفسه أو بيتغير ! علماً اني بكون للحين باقيلي كم شهر دراسه !!

وهل فيه زيادة قريب للمتدربين ؟



اول ماتخلصين تدريب ان شاء الله . . اكيـد الراتب راح يتغيـر :

- الراتب الأساسي بيزيـد طبعـا
- علاوه مواصلات
- علاوه اجتماعيه
- علاوه موقـع
- مؤخـرا الشركات التابعه لقطر للبترول كـ راس غاز وقطر غاز مثـلا احدثت علاوه خاصه للنساء وهي " علاوه سكــن "

الخلاصه الراتب بيزيد طبعا حسب مقــر عملــج . .

امـا عن زياده قريبـه للمتدربيــن هـذا والعلــم عنـد اللـه :nice:

اتمنى افدتـج اختي الكريمـه

[فـــــواز]

أختي انا مستغرب الى الحين وانتي متدربه المفروض تتثبتين مع الشركة نفسه

ما ادري شنو اسم الشركة هذي يمكنها مش تابعه لقطر البترول يعني مساهمه

[ملك المشاعر]

اذا انتهى العقد يتم تجديده

[ورقــة أمــل]

:: إلى موظفين ومتدربين مؤسسة قطر للبترول ( استفسار ) ::

السلام عليكم ورحمة الله وبركاته ,,

عندي كم سؤال وبغيت مساعدتكم

أنا متدربه من شهر 8 - 2006 عند قطر للبترول ,,

ومكتوب في شهادة الراتب ان عقدي عقد تدريب من تاريخ 27-8-2006 إلى 26-8-2009

وش معناته هالكلام !!

هل ممكن ينتهي عقدي ومايجددونه أو يثبتوني !!

اذا انتهى العقد كلميهم وبيجددونه شنو المشكله عاااااااااادي
ياما منقعين في النوررث وللحين متدربين
بعدين انتي متوظفه معاي اكيد اعرفج :omen2:
كي 1 ولا 2،3،5؟

وانا موقعة على عقد تدريب 3 سنوات وبعد سنة وشهرين يخلص ,, وانا بكون للحين ماخلصت دراسه ,,

هل يتغير العقد أو يكون نفس الشي ؟

لا ماراح يتغير هو نفسه بس راح يتجدد وبتمين متدربة

ياليت تجاوبوني لأن شاغل بالي هذا الموضوع ,, وما أعرف اذا بيخلوني استمر عندهم ولا لا يوم اخلص 3 سنوات تدريب ! ودراسه !!

:(

لا بتمين عاادي حسب الدراسة لان في تخصصات ممكن تطوول خصوصا اذا انتي دخلتي الاي اف ال مب دايركت انتري

وانا في الصيف اللي فات شغلوني في الشركه شهر ,, وهذا الصيف بعد بيخلوني اشتغل في نفس المكان لمدة 3 اسابيع ,,

اذا تخرجت يخلوني اشتغل فيه ولا اقدر اختار بعدين مكان ثاني !!

انا اقول احسن لج تغيرين من الحين لان انا اخترت بالنهاية وتوهقت


وبخصوص الرواتب ,,

راتبي مثل راتب أي متدربه عقدها 3 سنوات ,, بس اذا خلصت الـ 3 سنين وكملتهم ,, بيكون نفسه أو بيتغير ! علماً اني بكون للحين باقيلي كم شهر دراسه !!

طول ما انتي متدربة وعقدج عقد تدريب بيكون راتبج نفس ماهوو ماراح يتغير الا اذا زادوا الرواتب حق المتدربين،، بيزيد راتبج في حالتين اول شي اذا تدربتي في الورك تيرم اللي هو شهر واحد في منطقه بعيده مثل راس لفان ولا مسيعيد بيعطونج علاوة نقل حق هالشهر بس ، والشي الثاني بيزيد اذا صرتي موظفة ووقعتي عقد التوظيف اللي هو العقد اللي يتوقع لما يثبتونج في مكان معين في شغلج ويكون لج مسمى وظيفي معين بعد ماتخلصين دراسة..

وهل فيه زيادة قريب للمتدربين ؟

مابي اقول اي ولا لا لاني تكلمت قبل وياتي رسايل خاصه وتسندرت لكن توقعي خير ان شاء الله

اسمحوا لي على كثرة اسألتي وجزاكم الله خير

حياج الله

[ذيبة الريان]

يعطيكم العافيه على ردودكم

الألماسي و -44q

يعطيكم العافيه على إجاباتكم الشافيه

بيض الله وجيهكم والله لايحرمني منكم

والله يوفق الجميع