مجرد نقاش وستكون حياتك سعيدة

[miss-qatr]

الحياه مليئه بالصراعات واشدها ما قد يكون في حياتنا الاسرية


كل شخص منا قد يكون تربى بطريقه معينه ونوع هذه الطريقه يعتمد على العوامل الاجتماعيه ولكن على شخصية الوالدين بالمقام الاول


من حيث الترابط .. الفكر .....الحزم واللين .... والى اخره

فطريقه اندماج شخصيه الوالدين تؤثر بشكل كبير على الابناء وتفاعلهم مع بعضهم البعض وبالبيئه المحيطه

فعندما تكون الاسره مبنيه على التفاهم ومبدأ النقاش والاحترام والشده من الاب في بعض الامور واللين من الام في امور اخرى يبنى هذا البيت بعوامل صحيه ونفسيه قد يكون اثرها القريب يُرى قبل البعيد


ولكن للأسف هناك من البيوت من انعدم فيها النقاش والحوار. انعدم فيها جمال الحياه الاسرية .قد لايرى الاب ابنائه الا دقائق وقد لايراهم الا عند خروجهم من باب المنزل للذهاب الى المدرسة


قد تخرج الام من البيت ولا تعود الا ليلاً وابنتها المراهقه وحيده بالبيت لا تجد من تٌلقي بهمومها اليه


قد يعود الاب الى البيت لا يكلف نفسه السؤال عن احوال البيت ومايحصل للأبناء ..


أي حياه هذه ؟؟؟

قد نلقي اللوم على الزوجه وقد نلقى اللوم على الرجل

قد نعاتب الزوجه على اهمالها وقد نعاتب الزوج على تقصيره


ولكن الحقيقه
التقصير مشترك !!!

فعند اهمال الام لابد ان يكون السبب الرئيسي في كثير من الاحيان الزوج والعكس

فعندما لاتحس المرأه بدورها كزوجه وملكه لبيتها لاتحس بجمال هذه الحياه لوجود شي مفقود وهو الزوج

فلايوجد من يهتم بماقد تفعله لانشغال الزوج

وبذلك ينعدم النقاش


وقد يكون التقصير من الزوجه وتكون الحياه بنفس الصورة الكئيبه

هذا ماقد يقتل جمال الاحساس بترابط الاسره الواحده

اين النقاش والحوار الذي فُقد بين كثير من الازواج

لماذا ارتقى الغرب عنا في المسائل الاجتماعيه ولدينا خير معلم لجميع هذه العلاقات وهي سنه نبينا عليه افضل الصلاه والسلام

ذكرت دراسة اجنبيه في احد البرامج المختصه في العلاقات الاسرية بان الحوار اليومي بين الزوجين قد يجعل حياتهم سعيده الى الابد !!!!!!!!


مجرد تفريغ يومي عن جميع الشحنات التي تولدت من الضغوط ومناقشتها بدقائق معدوده بين الزوجين
ولااقصد ( ادور الزوجه راس زوجها بالحنه ) لاااااا:rolleyes2:


فذكر احد الازواج الذي يٌعد زواجه ناجحاً بشهاده الكثيرين بان مايفعله من بدايه حياته مع شريكته هو فقط

كتابه اخر اليوم بورقه


احبك بسبب ..................
غضبت منك بسبب ..................
شكراً لك بسبب ........................


والزوجه بالمثل ولا اخفيكم بما كانت هذه الكتابات والاسباب بسيطه لدرجه الضحك ولكن لها تأثير معنوي كبــــير

فعلى سبيل المثال
احبك بسبب ......... ووجودك الى جانبي في كل المحن

غضبت منك بسبب ..... خروجك اليوم الى ......


شكرأ لك ................لاعداد كوب قهوه :eek5:



ما ابسطها من كلمات وما ابسطها من حياه فعند قراءه كل طرف بما يُغضب الاخر يفرغ مافيه من شحنات الغضب وذلك من اسباب الحب والشكر التي ذكرها الشريك ويشرح له السبب بنقاش ودي ( ادري ان صعب على كثير من الازواج لازم هواش :secret: ))


فالنقاش في امور كثيره بالحياه بين الاب وابنائه بين الام وبناتها لكن انا اشوف الاهم بين الزوجين مع بعضهم البعض :)


لا اريد ان اطيل الموضوع واتمنى الفكره وصلت




------------------> لاني عانيت من الكتابه :rolleyes2:

[مشغولة البال]

مشكووره حبيبتي عالمووضووع اللي تعبنا وحنا ننصح فيه


وولله العظييييييم ماقصرنا كتبنا وقلنا وباسلوووب احلى منه مافي وعيزناا اخر شي قالوا لنا ماتتعبوون من اللوم؟؟ حتى في حقوقنا لازم نسكت !!!:anger1:


اخر شي اقوووله ولله اللي مب قد الزواج يقعد في بيت امه والا تقعد في بيت امها ابرك ولااحد يعووور راس حد ...


فـــــاصــــله

تحب غيري .. وبالك منشغل " وياه " ..! وانا " المسكين " خنت حيلي .. ابي من ينشغل فيني ..ولآ تسـأل عن آحــولـي ووحـدك انت يالـغـالـي... لاأنـا عـايـش ولامـيـت اعيـش الـهـم ولاتـبـالي . ...

[ANONYMOUS]

لماذا ارتقى الغرب عنا في المسائل الاجتماعيه ولدينا خير معلم لجميع هذه العلاقات وهي سنه نبينا عليه افضل الصلاه والسلام




السلام عليكم

موضوع رائع ومتعوب عليه

بس ماتوفقتي في الكلام المكتوب بالاحمر

الغرب لم ولن يرتقي عنا في المسائل الاجتمايه

[nooora]

يعطيك العافيه

[miss-qatr]

مشكووره حبيبتي عالمووضووع اللي تعبنا وحنا ننصح فيه


وولله العظييييييم ماقصرنا كتبنا وقلنا وباسلوووب احلى منه مافي وعيزناا اخر شي قالوا لنا ماتتعبوون من اللوم؟؟ حتى في حقوقنا لازم نسكت !!!:anger1:


اخر شي اقوووله ولله اللي مب قد الزواج يقعد في بيت امه والا تقعد في بيت امها ابرك ولااحد يعووور راس حد ...


فـــــاصــــله

تحب غيري .. وبالك منشغل " وياه " ..! وانا " المسكين " خنت حيلي .. ابي من ينشغل فيني ..ولآ تسـأل عن آحــولـي ووحـدك انت يالـغـالـي... لاأنـا عـايـش ولامـيـت اعيـش الـهـم ولاتـبـالي . ...


والله يااختي ماادري شاقولك يمكن انتي خايضه التجربه وعندك خبره اكثر مني بس انا حبيت انقل طريقه ممكن اتفيد خواني وخواتي بالمنتدى ويدعون لي :)


انتي ماقصرتي بكل شي سويتيه ويمكن سويتي اللي عليك وزياده بس بعد حاولي يمكن ربي يهديه لك انتي لا تيأسين اذا كان يستاهل


ادعيها لك بيوم هالجمعه ربي يريح قلبك ويسخره لك زوجك :)

تحياااااااتي لك يا مشغوله البال

[هام السحاب]

يعطيج العافيه

[miss-qatr]

السلام عليكم

موضوع رائع ومتعوب عليه

بس ماتوفقتي في الكلام المكتوب بالاحمر

الغرب لم ولن يرتقي عنا في المسائل الاجتمايه


تسلم يا خوي وشهاده اعتز فيها مع اني كتبته الصبح بسرعه ونزلته :)


ياخوي انا يوم قلت هالكلام يمكن حكمت عليه من البرنامج الاجنبيه ..الاعلام ياخوي قوي عندهم انا شخصياً اتابع برامجهم اكثر من برامجنا


يمكن يكون كلامك صح بس بعد مافي دليل ان احنا احسن منهم :pardon:

شاكره لك مرورك :)

[miss-qatr]

يعطيك العافيه


يعطيج العافيه

الله يعاااااافيكم


شاكره لكم هالمرور

[فلوه]

أولاً : الله يعطيج العاااافيه على هذا الموضوووع المتعوووب عليه بصراااحه

وثانياً: شي أكيد ان وجووود مشاااكل عائلية يمكن أنهاا تؤثر تأثير سلبي على وضع الأولاااد بشكل خااااص .. و على انخفاااض مستواااهم التعليمي .. والنفسي والصحي :( بشكل عااام

فلماااذا نصنع نحن بأيديناااا المشاااكل ..التي تتعبنااا وتتعب من حولنااا ؟؟؟!
لماااذا نحاااول دااائماً ان نعيش باجواء الحزن والالم !!؟

ولماااذا ............... ولماااذا !!



ولي عووووده

[امل الحب]

:)

يعطييج العاافية مس..

مممم شوفي بقولج الواقع الي انا اشوفه..

النقاش مطلوب والحوار مطلوب وتشوفين الي فالبيت شي مهم..

بس مس الحين الحياة تغيرت وايد وصارت صعبة والله العالم ماعندهم وقت ماعرف سبحاان الله الوقت يمر وماتحسين فيه ابد..

يعني لما الزوج والزوجة يكونون موظفين يوصلون البيت عال 3.. والعيال اوقات وصولهم يختلف يالله يتغدون والزوج يريح والام تدرس العيال وعقب ماتوصل 10 الا الكل نايم او يبي يرتاح ماله خلق الكلام..

ماعرف هاي نظرتي حق الوضع الحالي .. حتى تلاقين الحوار معدوم بينهم وبين بعض بسبب الانشغال ..

يعني مس بعطيج مثال .. الاسبوعين الي راحوا كان عندنا تجهيزات وتشطيبات حق مشاريع التخرج .. ومعانا بنات متزوجات والبعض عندهم عيال .. الساعة 8 بالليل هم للحين بالجامعة من الصبح يعني بالله بتطلع تهقين بتفكر تتكلم حتى.. !

طرح جميل لكن صحيح ماتوفقتي بقولج الغرب ارتقوا بالحياة الاجتماعية ترا عندنا وعندهم خير وهم أسوأ منا خلج من برامج التلفزيون ونزلي للواقع عندهم وبتشوفين البلاوي:)

[ANONYMOUS]

تسلم يا خوي وشهاده اعتز فيها مع اني كتبته الصبح بسرعه ونزلته :)


ياخوي انا يوم قلت هالكلام يمكن حكمت عليه من البرنامج الاجنبيه ..الاعلام ياخوي قوي عندهم انا شخصياً اتابع برامجهم اكثر من برامجنا


يمكن يكون كلامك صح بس بعد مافي دليل ان احنا احسن منهم :pardon:

شاكره لك مرورك :)



مالي مود اناقش هالموضوع

بس باختصار

لايغرج الاعلام والبهرجه الغربيه

اسرهم عايشه انحلال مابعده انحلال

كفايه ان حياتهم شرب وسكر وعهر وانحلال

لاتسمحين لنفسج انج تفكرين انهم احسن من المسلمين الا بشي واحد.. التقدم العلمي.. مع انهم بدأو من حيث انتهى المسلمين..

[miss-qatr]

أولاً : الله يعطيج العاااافيه على هذا الموضوووع المتعوووب عليه بصراااحه

وثانياً: شي أكيد ان وجووود مشاااكل عائلية يمكن أنهاا تؤثر تأثير سلبي على وضع الأولاااد بشكل خااااص .. و على انخفاااض مستواااهم التعليمي .. والنفسي والصحي :( بشكل عااام

فلماااذا نصنع نحن بأيديناااا المشاااكل ..التي تتعبنااا وتتعب من حولنااا ؟؟؟!
لماااذا نحاااول دااائماً ان نعيش باجواء الحزن والالم !!؟

ولماااذا ............... ولماااذا !!



ولي عووووده


الله يعااااافيك الغلاااااا

اذا بنقول لماذا بنتعب واحنا انعد الاسباب


تسلمين على مرورك الحلو وانتظر عودتك :)

[miss-qatr]

:)

يعطييج العاافية مس..

مممم شوفي بقولج الواقع الي انا اشوفه..

النقاش مطلوب والحوار مطلوب وتشوفين الي فالبيت شي مهم..

بس مس الحين الحياة تغيرت وايد وصارت صعبة والله العالم ماعندهم وقت ماعرف سبحاان الله الوقت يمر وماتحسين فيه ابد..

يعني لما الزوج والزوجة يكونون موظفين يوصلون البيت عال 3.. والعيال اوقات وصولهم يختلف يالله يتغدون والزوج يريح والام تدرس العيال وعقب ماتوصل 10 الا الكل نايم او يبي يرتاح ماله خلق الكلام..

ماعرف هاي نظرتي حق الوضع الحالي .. حتى تلاقين الحوار معدوم بينهم وبين بعض بسبب الانشغال ..

يعني مس بعطيج مثال .. الاسبوعين الي راحوا كان عندنا تجهيزات وتشطيبات حق مشاريع التخرج .. ومعانا بنات متزوجات والبعض عندهم عيال .. الساعة 8 بالليل هم للحين بالجامعة من الصبح يعني بالله بتطلع تهقين بتفكر تتكلم حتى.. !

طرح جميل لكن صحيح ماتوفقتي بقولج الغرب ارتقوا بالحياة الاجتماعية ترا عندنا وعندهم خير وهم أسوأ منا خلج من برامج التلفزيون ونزلي للواقع عندهم وبتشوفين البلاوي:)


اول شي اقدر اقولك مبرووووك لان الكورس خلاص بيخلص وان شاء الله انك اتوفقين بحياتك العمليه واتكونين احسن باش مهندسه :)


تسلمين اموله بس يمكن انتي فهمتي ان قصدي حياتهم احسن ؟؟ لا

انا قصدت تخصص الخدمة الاجتماعيه بكل فروعها يعد من التخصصات الاولى بامريكا ؟؟ ليش ؟؟


هل لان احنا احسن منهم بهالناحيه ؟؟؟ اكيد لا


ان تكلمنا عن علم بحد ذاته هم للأسف تفوقو علينا لكن اكيد مهما كان احنا مسلمين والفرق شاسع مابينا وبينهم من حيث علاقاتنا الاجتماعيه لان عندنا ضوابط وامور ما نتعداها عكسهم



يمكن خاني التعبير ومااقدرت اوصل الفكره بس ان شاء الله الحين وصلت :)


كل الشكر لك اختي العزيزه على مرورك الداااااائم عسى الله لايحرمني منه

[khaldoon]

السلام عليكم

موضوع رائع ومتعوب عليه

بس ماتوفقتي في الكلام المكتوب بالاحمر

الغرب لم ولن يرتقي عنا في المسائل الاجتمايه

اعذريني اختي لو اني موافق على هذا الكلام

اختي فيلم اميريكان بيوتي اخذ جائزة الاوسكار عام 1999 لانه صور حياة الاسرة الامريكيه بطريقه واقعيه جدا

الاب يحب صديقة بنته
صديقة بنته بتروح بيت صديقتها علشان تعرف انه الاب يحبها فتستمر باغواؤه
الام على علاقة محرمة بصديق العمل و صادها زوجها اللي يعمل في محلات الوجبات السريعه يوم جات عنده على المطعم و اخذ طلبها هي و صديقها بمنتهى المهنيه ومن غير انفعال
الابن على علاقة صداقة بجارهم الرياضي جدا رغم انه كبير بالسن و في جيل والده فظن الاب انه ابنه يوفر المتعه للرجل بنفسه خاصة انه هذا الجار الكبير كان يعطيه فلوس و ظن انه ابنه شاذ بسبب التلاعب الرائع في وضع الكاميره وكيف صورة المشاهد من بيت لبيت من خلال النوافذ انه فعلا الولد شا جنسيا مع الجار الكبير وهو ما في شي

الاب لانه يحب صديقة بنته و شاف انه ابنه شاذ جنسيا وما يقدر يسوي للجار الرياضي شي و زوجته تخونه اطلق النار على نفسه وانتحر ولو هو ما سواها كان راح تسويها زوجته يوم ردت البيت وهي خايفه لما شافها زوجها الصباح وكانت تبي تتبع سياسة خير طريقة للدفاع هي الهجوم لانه كانت حامله بيدها المسدس

هذه هي امريكا

ما تنسي اختي انه البنت لما تصير 16 سنه ما يقدر ابويها يكلمونها و ممكن تجيب لهم الشرطه

ما تنسي انها تصير تدفع لهم نظير بقائها في بيت ابويها عند كثير منهم

ما تنسي انها ممكن تترك بيت والديها وتقولهم انها بتعيش مع البوي فريند وهذه هي الحرية الشخصيه و يا ويلهم لو منعوها

ما تنسي كم واحد عربي تزوج اجنبيه ولقي نفسه بيوم و ليله ما يقدر يشوف زوجته و اولاده بعد ما اشتكت عليه وصار ما يقدر يدخل المنطقه او المدينه اللي هم فيها ولازم يستمر في الصرف عليهم وهو ما يشوفهم

هذا شيء بسيط اذكره على عجاله اختي وتحياتي

[miss-qatr]

مالي مود اناقش هالموضوع

بس باختصار

لايغرج الاعلام والبهرجه الغربيه

اسرهم عايشه انحلال مابعده انحلال

كفايه ان حياتهم شرب وسكر وعهر وانحلال

لاتسمحين لنفسج انج تفكرين انهم احسن من المسلمين الا بشي واحد.. التقدم العلمي.. مع انهم بدأو من حيث انتهى المسلمين..

انا قلت لك من قبل اتفق معاك وكان ردي على اختي امل هو ردي لك الحين :)


ويمكن اكون على خطأ ومب عيب اني اخطأ وانتو تشرحون لي الصح بس بعد انا تكلمت بالجانب العلمي والتكنيكس اللي عندهم لعلاج هالامور وهذا والله اللي اقصده



وليش ياخوي مالك مود ... والله ان الواحد حتى لو ماتعب بالموضوع بس كفايه انه كلام طالع من خاطره ونصيحه يحب يوصلها للغير ولا يبي من حد شي


لكن فيه ناس كثير بالمنتدى اترفع انها حتى اتقول كلمة شكر واحسن لانها هي اصلاً ماتستاهل الشكر



تسلم يا (شنو) على مرورك الثاني ويعطيك العاااااااافيه :)

[miss-qatr]

اعذريني اختي لو اني موافق على هذا الكلام

اختي فيلم اميريكان بيوتي اخذ جائزة الاوسكار عام 1999 لانه صور حياة الاسرة الامريكيه بطريقه واقعيه جدا

الاب يحب صديقة بنته
صديقة بينته بتروح بيت صديقتها علشان تعرف انه الاب يحبها فتستمر باغواؤه
الام على علاقة محمرمة بصديق العمل و صادها زوجها اللي يعمل في محلات الوجبات السريعه يوم جات عنده على المطعم و اخذ طلبها هي و صديقها بمنتهى المهنيه ومن غير انفعال
الابن على علاقة صداقة بجارهم الرياضي جدا رغم انه كبير بالسن و في جيل والده فظن الاب انه ابنه يوفر المتعه للرجل بنفسه خاصة انه هذا الجار الكبير كان يعطيه فلوس و ظن انه ابنه شاذ بسبب التلاعب الرائع في وضع الكاميره وكيف صورة المشاهد من بيت لبيت من خلال النوافذ انه فعلا الولد شا جنسيا مع الجار الكبير وهو ما في شي

الاب لانه يحب صديقة بنته و شاف انه ابنه شاذ جنسيا وما يقدر يسوي للجار الرياضي شي و زوجته تخونه اطلق النار على نفسه وانتحر ولو هو ما سواها كان راح تسويها زوجته يوم ردت البيت وهي خايفه لما شافها زوجها الصباح وكانت تبي تتبع سياسة خير طريقة للدفاع هي الهجوم لانه كانت حامله بيدها المسدس

هذه هي امريكا

ما تنسي اختي انه البنت لما تصير 16 سنه ما يقدر ابويها يكلمونها و ممكن تجيب لهم الشرطه

ما تنسي انها تصير تدفع لهم نظير بقائها في بيت ابويها عند كثير منهم

ما تنسي انها ممكن تترك بيت والديها وتقولهم انها بتعيش مع البوي فريند وهذه هي الحرية الشخصيه و يا ويلهم لو منعوها

ما تنسي كم واحد عربي تزوج اجنبيه ولقي نفسه بيوم و ليله ما يقدر يشوف زوجته و اولاده بعد ما اشتكت عليه وصار ما يقدر يدخل المنطقه او المدينه اللي هم فيها ولازم يستمر في الصرف عليهم وهو ما يشوفهم

هذا شيء بسيط اذكره على عجاله اختي وتحياتي


قلم رااائع بالمنتدى هو قلمك اخي خلدون في البدايه تسلم على مرورك

وثاني شي نفس الرد اللي رديته على امل واخوي شنو هو نفسه لك :)


تدري كان خاطري اعرف وش قصه هالفلم والحين انت قلت لي اياها :p



يعطيك العاااااااافيه وتحيااااااتي لك :)

[لاداعي]

اعذريني اختي لو اني موافق على هذا الكلام

اختي فيلم اميريكان بيوتي اخذ جائزة الاوسكار عام 1999 لانه صور حياة الاسرة الامريكيه بطريقه واقعيه جدا

الاب يحب صديقة بنته
صديقة بينته بتروح بيت صديقتها علشان تعرف انه الاب يحبها فتستمر باغواؤه
الام على علاقة محمرمة بصديق العمل و صادها زوجها اللي يعمل في محلات الوجبات السريعه يوم جات عنده على المطعم و اخذ طلبها هي و صديقها بمنتهى المهنيه ومن غير انفعال
الابن على علاقة صداقة بجارهم الرياضي جدا رغم انه كبير بالسن و في جيل والده فظن الاب انه ابنه يوفر المتعه للرجل بنفسه خاصة انه هذا الجار الكبير كان يعطيه فلوس و ظن انه ابنه شاذ بسبب التلاعب الرائع في وضع الكاميره وكيف صورة المشاهد من بيت لبيت من خلال النوافذ انه فعلا الولد شا جنسيا مع الجار الكبير وهو ما في شي

الاب لانه يحب صديقة بنته و شاف انه ابنه شاذ جنسيا وما يقدر يسوي للجار الرياضي شي و زوجته تخونه اطلق النار على نفسه وانتحر ولو هو ما سواها كان راح تسويها زوجته يوم ردت البيت وهي خايفه لما شافها زوجها الصباح وكانت تبي تتبع سياسة خير طريقة للدفاع هي الهجوم لانه كانت حامله بيدها المسدس

هذه هي امريكا

ما تنسي اختي انه البنت لما تصير 16 سنه ما يقدر ابويها يكلمونها و ممكن تجيب لهم الشرطه

ما تنسي انها تصير تدفع لهم نظير بقائها في بيت ابويها عند كثير منهم

ما تنسي انها ممكن تترك بيت والديها وتقولهم انها بتعيش مع البوي فريند وهذه هي الحرية الشخصيه و يا ويلهم لو منعوها

ما تنسي كم واحد عربي تزوج اجنبيه ولقي نفسه بيوم و ليله ما يقدر يشوف زوجته و اولاده بعد ما اشتكت عليه وصار ما يقدر يدخل المنطقه او المدينه اللي هم فيها ولازم يستمر في الصرف عليهم وهو ما يشوفهم

هذا شيء بسيط اذكره على عجاله اختي وتحياتي

أخوي الغالي خالدون ردك في منتهى الروعه:nice:


ويعطيج العافيه أختي مس على الموضوع الرائع:nice:

[khaldoon]

قلم رااائع بالمنتدى هو قلمك اخي خلدون في البدايه تسلم على مرورك

وثاني شي نفس الرد اللي رديته على امل واخوي شنو هو نفسه لك :)


تدري كان خاطري اعرف وش قصه هالفلم والحين انت قلت لي اياها :p



يعطيك العاااااااافيه وتحيااااااتي لك :)

بارك الله فيكي اختي وهذا بس من سمو لطفك و ذوقك وطيب خلقك

شهادة اعتز و افتخر فيها و احييك على الطرح الرائع اللي ما كنت اقدر اضيف عليه شي غير ما ذكر بالاعلى

واتفق معاكي انه الاعلام الغربي قوي جدا و مؤثر وهذا سبب تشويه صورة العرب و تجميل صورة الحياه الغربيه بكل ما فيها

اعتقد هم فعلا اقوى و افضل منا في الحوار....احنا لما نجي نتكلم عن المشاكل الاجتماعيه يكون محور تركيزنا منصب على اي شي جنسي فقط ...ويسوي فيها المذيع انه يناقش قضيه خطيره و بشكل ثقافي

هو فعلا يناقش قضيه خطيره بس كأنه يبي يحقق نجاح البرنامج اكثر من مناقشة القضيه...شوفي هالة سرحان و اسعاد يونس و اخو عماد اديب ما اعرف ايش اسمه و عماد اديب نفسه اللي يستضيف علماء و رقاصات وغيرهم الكثير

شوفي المواضيع اللي تناقش

جنس ثالث و رابع وليش صارت حياتهم بهالشكل من الجنسين وكيف يحسون و هل مازالوا مصرين على حياتهم هذه

قضايا و قصص اغتصاب و كيف صارت و وين و .....

قضايا و قصص مخدرات

العادة السريه وكم مره تمارس

قصص المحارم في العائله الواحده

بنات هوى تابوا و بوصفون كيف انهم بتزوجون لمدة ساعة و ساعتين في بيوت بيع الهوى و عقود زواج حبر على ورق

انا لو غربي كافر والعياذ بالله واشوف هذه البرامج المنحله بقول ايش الاسلام هذا اللي يتكلموا عنه المسلمين و عندهم كل هالانحلال ...وما راح اعرف انه الانحلال لان فينا ناس غلط و منحله ما تعرف عن الدين غير اسمه والدين بريء منهم

احييكي اختي




أخوي الغالي خالدون ردك في منتهى الروعه:nice:


ويعطيج العافيه أختي مس على الموضوع الرائع:nice:


الاروع هو تأييدك لي يا الغالي لاداعي

جزاك الله كل خير ما قصرت

[هسلان]

أختي miss-qatr طرح جيد اهنئك عليه
ربما يختلف الزوجين في أمور عدة وهذا شأن كل الناس ولكن يجب أن يتفقو على شيء واحد وهو البيت والأسرة
قد يقصر الرجل وكذلك المرأة وهنا يجب على الطرف الأخر أن يقطي هذا التقصير
أنا عندي قناعة قد لا يوافقني فيها الكثير وهي أن المرأة قادرة على لعب دور الأم والأب في نفس الوقت وهذا عكس الرجل وهنا لا اعفي الرجل من المسؤولية
تحياتي أختي الفاضلة

[ANONYMOUS]

انا قلت لك من قبل اتفق معاك وكان ردي على اختي امل هو ردي لك الحين :)


ويمكن اكون على خطأ ومب عيب اني اخطأ وانتو تشرحون لي الصح بس بعد انا تكلمت بالجانب العلمي والتكنيكس اللي عندهم لعلاج هالامور وهذا والله اللي اقصده



وليش ياخوي مالك مود ... والله ان الواحد حتى لو ماتعب بالموضوع بس كفايه انه كلام طالع من خاطره ونصيحه يحب يوصلها للغير ولا يبي من حد شي


لكن فيه ناس كثير بالمنتدى اترفع انها حتى اتقول كلمة شكر واحسن لانها هي اصلاً ماتستاهل الشكر



تسلم يا (شنو) على مرورك الثاني ويعطيك العاااااااافيه :)


معليش كل واحد يصلح سيارته

كما قلت لج بالبدايه موضوعج حلو.. بس اختلفت معاج في جزء منه..

وماحبيت اناقشه بإستفاضه.. لان ماحبيت يتشعب الموضوع.. بس اخونا خلدون قام بالواجب..


غلّبناج.. الله يعافيج

[khaldoon]

معليش كل واحد يصلح سيارته

كما قلت لج بالبدايه موضوعج حلو.. بس اختلفت معاج في جزء منه..

وماحبيت اناقشه بإستفاضه.. لان ماحبيت يتشعب الموضوع.. بس اخونا خلدون قام بالواجب..


غلّبناج.. الله يعافيج


اخوي العزيز ANONYMOUS

عن نفسي انا ما غلبت احد ...انا متفق معاها في كل شي ذكرته بس علقت على عباره ما حسيت انها مناسبه للموضوع

طالما انه الموضوع انفتح مره اخرى فأحب اضيف شي ...وهو انه اهم سبب للمشاكل العائليه هي انه في مرحلتين من عمر العلاقه بين الزوجين ما بيفهم فيهم الرجل المرأه اللي تزوجها والعكس صحيح وهاتين المرحلتين هما السبب في فشل العلاقه في كثير من الاحيان

المرحله الاولى هي مرحلة ما قبل الزواج

المرحلة الثانيه هي مرحلة ما بعد الزواج

لو فهموا بعض خلال هاتين المرحلتين باعتقد انه امورهم بتكون ماشيه عدل:eek5::eek5::eek5:

وما ننسى انه الزواج اولا واخيرا مثل ورقة اليانصيب....بس الفرق انه اليانصيب يكسب احيانا :eek5::eek5::eek5:

و في النهايه ....الحب راح يؤدي للزواج....بس الزواج ما راح يؤدي للحب
:eek5::eek5::eek5::eek5::eek5:

[miss-qatr]

بارك الله فيكي اختي وهذا بس من سمو لطفك و ذوقك وطيب خلقك

شهادة اعتز و افتخر فيها و احييك على الطرح الرائع اللي ما كنت اقدر اضيف عليه شي غير ما ذكر بالاعلى

واتفق معاكي انه الاعلام الغربي قوي جدا و مؤثر وهذا سبب تشويه صورة العرب و تجميل صورة الحياه الغربيه بكل ما فيها

اعتقد هم فعلا اقوى و افضل منا في الحوار....احنا لما نجي نتكلم عن المشاكل الاجتماعيه يكون محور تركيزنا منصب على اي شي جنسي فقط ...ويسوي فيها المذيع انه يناقش قضيه خطيره و بشكل ثقافي

هو فعلا يناقش قضيه خطيره بس كأنه يبي يحقق نجاح البرنامج اكثر من مناقشة القضيه...شوفي هالة سرحان و اسعاد يونس و اخو عماد اديب ما اعرف ايش اسمه و عماد اديب نفسه اللي يستضيف علماء و رقاصات وغيرهم الكثير

شوفي المواضيع اللي تناقش

جنس ثالث و رابع وليش صارت حياتهم بهالشكل من الجنسين وكيف يحسون و هل مازالوا مصرين على حياتهم هذه

قضايا و قصص اغتصاب و كيف صارت و وين و .....

قضايا و قصص مخدرات

العادة السريه وكم مره تمارس

قصص المحارم في العائله الواحده

بنات هوى تابوا و بوصفون كيف انهم بتزوجون لمدة ساعة و ساعتين في بيوت بيع الهوى و عقود زواج حبر على ورق

انا لو غربي كافر والعياذ بالله واشوف هذه البرامج المنحله بقول ايش الاسلام هذا اللي يتكلموا عنه المسلمين و عندهم كل هالانحلال ...وما راح اعرف انه الانحلال لان فينا ناس غلط و منحله ما تعرف عن الدين غير اسمه والدين بريء منهم

احييكي اختي





تسلم يا خوي وفعلاً اللي قلته صحيح


وشاكره لك مرورك الثاني :)

[miss-qatr]

أختي miss-qatr طرح جيد اهنئك عليه
ربما يختلف الزوجين في أمور عدة وهذا شأن كل الناس ولكن يجب أن يتفقو على شيء واحد وهو البيت والأسرة
قد يقصر الرجل وكذلك المرأة وهنا يجب على الطرف الأخر أن يقطي هذا التقصير
أنا عندي قناعة قد لا يوافقني فيها الكثير وهي أن المرأة قادرة على لعب دور الأم والأب في نفس الوقت وهذا عكس الرجل وهنا لا اعفي الرجل من المسؤولية
تحياتي أختي الفاضلة

صحيح يا خوي هسلان في امثله كثيره بالحياه عن امهات خذو مكان الاب والام والصديق

وربو احسن تربية


بس نقدر انقول الكل قادر على هالشي ؟؟؟ طبعاً لا :)


يعطيك العاااافيه على مرورك ياخوي تسلم


أخوي الغالي خالدون ردك في منتهى الروعه:nice:


ويعطيج العافيه أختي مس على الموضوع الرائع:nice:



الله يعاااافيك اخوي لاداعي

وشاكره لك مرورك الدايم وتشرفيك لمواضيعي :)

[miss-qatr]

معليش كل واحد يصلح سيارته

كما قلت لج بالبدايه موضوعج حلو.. بس اختلفت معاج في جزء منه..

وماحبيت اناقشه بإستفاضه.. لان ماحبيت يتشعب الموضوع.. بس اخونا خلدون قام بالواجب..


غلّبناج.. الله يعافيج

كل واحد يصلح سيارته ؟؟؟؟؟ اسمح لي ياخوي مادري شتقصد

وانا بالعكس كتبت لك ان ممكن اكون على خطأ وهالشي مب عيب انكم اتصححون لي بما انكم اخبر مني


واذا غلبتوني ... تستاهلون


واشكرك على مرورك ياخوي

[دولي]

اشكر الاخت الفاضلة حتى الموضوع الرائع واسال الله ان تكون كل بيوت المسلمين جنة

[الزاجل]

كلمة حلوة وكلمتين حلوة يا بلدي ..

كل شي يحلو بالكلام الحلو .
على شرط ما يكون كلام للإستهلاك المشاعري فقط ..

لابد من المصارحة والتعبير والتصحيح .

واتفق مع رأي هسلان في طرحه ..

[miss-qatr]

اخوي العزيز ANONYMOUS

عن نفسي انا ما غلبت احد ...انا متفق معاها في كل شي ذكرته بس علقت على عباره ما حسيت انها مناسبه للموضوع

طالما انه الموضوع انفتح مره اخرى فأحب اضيف شي ...وهو انه اهم سبب للمشاكل العائليه هي انه في مرحلتين من عمر العلاقه بين الزوجين ما بيفهم فيهم الرجل المرأه اللي تزوجها والعكس صحيح وهاتين المرحلتين هما السبب في فشل العلاقه في كثير من الاحيان

المرحله الاولى هي مرحلة ما قبل الزواج

المرحلة الثانيه هي مرحلة ما بعد الزواج

لو فهموا بعض خلال هاتين المرحلتين باعتقد انه امورهم بتكون ماشيه عدل:eek5::eek5::eek5:

وما ننسى انه الزواج اولا واخيرا مثل ورقة اليانصيب....بس الفرق انه اليانصيب يكسب احيانا :eek5::eek5::eek5:

و في النهايه ....الحب راح يؤدي للزواج....بس الزواج ما راح يؤدي للحب
:eek5::eek5::eek5::eek5::eek5:

:):):)

[miss-qatr]

اشكر الاخت الفاضلة حتى الموضوع الرائع واسال الله ان تكون كل بيوت المسلمين جنة



اللهم آآمين

شاكره لك مرورك ياخوي :)


كلمة حلوة وكلمتين حلوة يا بلدي ..

كل شي يحلو بالكلام الحلو .
على شرط ما يكون كلام للإستهلاك المشاعري فقط ..

لابد من المصارحة والتعبير والتصحيح .

واتفق مع رأي هسلان في طرحه ..

الزاجل (حلوه يابلدي ) كنت اسمعها اليوم والله ماادري شطراها علي :eek5:


يمكن انت وهسلان خذتنو الموضوع من الزاوية المضيئه فيه ولو كانت ضيقه


يعطيك العااافيه على مرورك تسلم :)

[غزلان]

موضوع مهم اختي

تغير الحياه غيرت النفوس معاد حد يستحمل او يتفهم مثل قبل فالحياه بسيطه وغير مملوءه بالمشاغل

سبحان الله حياه المسجد والمجلس لها دور على نفسية الأبناء والوالدين..وكذلك التعليم اصبح الوالدين اكثر وعي لخطورة المشاكل على النفسيه الا قليل ممن عانوا في الصغر فاثرت على حياهم ..

[keyo]

انا قصدت تخصص الخدمة الاجتماعيه بكل فروعها يعد من التخصصات الاولى بامريكا ؟؟ ليش ؟؟

يعطيج الف عافية اول شي .
لان مب منهم لادين ولا ايمان ولا اخلاق ولا عقيدة.
والحمدلله انا انخلقنا مسلمين .
ماقصرو الاخوان بردودهم.

[keyo]

http://qatarshares.com/vb/showthread.php?t=181127

[ANONYMOUS]

غلّبناج = تعبناج


يعني اسمحي لنا كلّفنا عليج


وعلى خلدون

مع ان المفروض يفهمها وهي طايره

[khaldoon]

غلّبناج = تعبناج


يعني اسمحي لنا كلّفنا عليج


وعلى خلدون

مع ان المفروض يفهمها وهي طايره

يا اخوي الخط ما كان واضح انه في شدة بعدين انا لابس نظارات يعني صحيح عندي اربع عيون بس نظري على قدي

عادة انا افهمها هي طايره ولو ما فهمتها هي طايره بصيدها لين افهمها وبعدين اطيرها مره ثانيه :tease::tease::tease:

حصل خير وانت عزيز وغالي :victory::victory::victory:

[ANONYMOUS]

يا اخوي الخط ما كان واضح انه في شدة بعدين انا لابس نظارات يعني صحيح عندي اربع عيون بس نظري على قدي

عادة انا افهمها هي طايره ولو ما فهمتها هي طايره بصيدها لين افهمها وبعدين اطيرها مره ثانيه :tease::tease::tease:

حصل خير وانت عزيز وغالي :victory::victory::victory:



الله يسلمك..

باقي ميس تفهم

:victory:

[miss-qatr]

موضوع مهم اختي

تغير الحياه غيرت النفوس معاد حد يستحمل او يتفهم مثل قبل فالحياه بسيطه وغير مملوءه بالمشاغل

سبحان الله حياه المسجد والمجلس لها دور على نفسية الأبناء والوالدين..وكذلك التعليم اصبح الوالدين اكثر وعي لخطورة المشاكل على النفسيه الا قليل ممن عانوا في الصغر فاثرت على حياهم ..

رد يعكس فهمك الكبير عزيزتي غزلان :)

الف شكر لك على مرورك


انا قصدت تخصص الخدمة الاجتماعيه بكل فروعها يعد من التخصصات الاولى بامريكا ؟؟ ليش ؟؟

يعطيج الف عافية اول شي .
لان مب منهم لادين ولا ايمان ولا اخلاق ولا عقيدة.
والحمدلله انا انخلقنا مسلمين .
ماقصرو الاخوان بردودهم.

شاكره لك مرورك والرابط اللي حاطه للموضوع فعلاً موضوع مميز من انسانه مميزه وعزيزه على قلبي


بس اهو يعتمد سبب وضعك للرابط ولي شخصياً ؟؟؟


عالعموم الف شكر لك

[miss-qatr]

الله يسلمك..

باقي ميس تفهم

:victory:


كان كتبت كلفنا عليج :court:


قلت اشهالتحامل علي ماسويت شي :eek3:


تسلم عالتوضيح ياخوي :)

[ضوى]

مممممممممم اختي مس

ما اتصور اقد راحط راسي عالمخدة من غير ما الغي على زوجي لين ننام ، احيانا يا ميس احس نفسي هذارة وهو هادي واحيانا العكس بس الحمد لله التواصل احسه راااااائع جدا والله لا يغير علينا

بالنسبة لعيالنا

الكبير لا من تمه ولا من كمه سكتم بكتم كلامه قليل مداخلاته قللية مشاكله قليله ومدري هذي نعمة والا نقمة لاني ما ادري وش في قلبه بشنهو يفكر احسه كله اسرار بس صعب تطلع
الوسطى هذارة على امها ما تنام الا ابوها احذاها تسولف وتوقل كل شئ صار معاها لين تنام
الصغير هذااااااااار معاي ومع ابوه من يدخل البيت لين ينام وهو يقول وش صار معاه بالمدرسة وغيره وغيره

واعتقد انه التواصل بهالشكل حلو

[ضوى]

رد يعكس فهمك الكبير عزيزتي غزلان :)

الف شكر لك على مرورك



شاكره لك مرورك والرابط اللي حاطه للموضوع فعلاً موضوع مميز من انسانه مميزه وعزيزه على قلبي


بس اهو يعتمد سبب وضعك للرابط ولي شخصياً ؟؟؟


عالعموم الف شكر لك



الله يعز غالييج حبيبتي

والله انا بعد استغربت وجود رابط موضوعي بموضوعج :omg: بس معليه اتشرف بمرورج عالموضوع :shy:

[miss-qatr]

مممممممممم اختي مس

ما اتصور اقد راحط راسي عالمخدة من غير ما الغي على زوجي لين ننام ، احيانا يا ميس احس نفسي هذارة وهو هادي واحيانا العكس بس الحمد لله التواصل احسه راااااائع جدا والله لا يغير علينا

بالنسبة لعيالنا

الكبير لا من تمه ولا من كمه سكتم بكتم كلامه قليل مداخلاته قللية مشاكله قليله ومدري هذي نعمة والا نقمة لاني ما ادري وش في قلبه بشنهو يفكر احسه كله اسرار بس صعب تطلع
الوسطى هذارة على امها ما تنام الا ابوها احذاها تسولف وتوقل كل شئ صار معاها لين تنام
الصغير هذااااااااار معاي ومع ابوه من يدخل البيت لين ينام وهو يقول وش صار معاه بالمدرسة وغيره وغيره

واعتقد انه التواصل بهالشكل حلو

هذي مشكلتنا يااختي احنا الحريم عندنا التعبير والافصاح عن المشاعر زايد حبتين :secret:


عكس الرياييل اهم يفتقرون حق نقطه التعبير فتلاقينهم اغلب الوقت ساكتين

يعني ممكن اتشوفين زوج يحب زوجته بس مب شرط يقولها بالكلام عكس الزوجه اللي ممكن اتهذر من اليوم لي بكره:rolleyes2:



الله لايغير عليكم ويسعدكم بالدنيا والاخره

وعن الولد الكبير اتوقع لانه بمرحله مراهقه وفوق هذا كله صبي لذلك ارجعي حق نقطه الهذره اللي هي مب عندهم وعندنا :omg:



عسى الله يخليلك عيالك وتفرحين فيهم :)


نور الموضوع بوجودك ونقلك لتجربتك

الف تحيه لك :nice:

[miss-qatr]

الله يعز غالييج حبيبتي

والله انا بعد استغربت وجود رابط موضوعي بموضوعج :omg: بس معليه اتشرف بمرورج عالموضوع :shy:

انا اللي لي الشرف للمرور بموضوعك :)


شفتي شلون يعني استغرابي في محله :secret: