حد جرب يأجر سياره في لندن بدون سواق ياليت يفدينا وايذا حد يخبر لي شقق محترمه

[مليت]

السلام عليكم

ابي اعرف وين الافضل تأجر من قطر ولا من لندن ولو حد عنده توتل الاسعار افضل وهل الرخصه الدولية تاخذ وقت ولا تاخذها من مكتب السفريات بسرعه

وايذا حد يخبر شقه غرفتين مكان راقي سعر جيد مب قايل مقبول لن لبلاد غالية جداً


وسلامتكم

[الألماسي]

بالنسبه لتأجير السياره . . يا انك تأجر من مطار هيثرو أو عن طريق النــت او مكتب سفريات بالدوحـه

طبعا نصيحـتي لك تأجر لك سياره فيهــا " نيفيقيشن " لأنك بتضيـــع اذا ماعندك درايه بالشوارع لأن لندن " متاهـه " :nice:
واذا مالقيت سياره فيها نفيقيشين . . الله لا يهينك خذ لك " TOM TOM " من هناك وعلى البوست كود وماراح تضيـــّـع ابد . .

الرخصـه الدوليه تمشي سنتين عادي ماحولك احد . . واذا وقفوك الشرطه قولهـم انــا " انــا ســــــــائــــح " . .

الليسـن الدولي متوفـر بأي سفريات اعتقد منها ريجينسي + المتحده . .
اهم شئ جيب ليسنك معاك + صوره + دراهمـك وانت واقف تخلصــه . .

اما بالنسبه للشــقق ..؟

سـؤالي لك رايـح ويا الأهــل والا بريحاتـــك ..؟؟

[مليت]

بالنسبه لتأجير السياره . . يا انك تأجر من مطار هيثرو أو عن طريق النــت او مكتب سفريات بالدوحـه

طبعا نصيحـتي لك تأجر لك سياره فيهــا " نيفيقيشن " لأنك بتضيـــع اذا ماعندك درايه بالشوارع لأن لندن " متاهـه " :nice:
واذا مالقيت سياره فيها نفيقيشين . . الله لا يهينك خذ لك " TOM TOM " من هناك وعلى البوست كود وماراح تضيـــّـع ابد . .

الرخصـه الدوليه تمشي سنتين عادي ماحولك احد . . واذا وقفوك الشرطه قولهـم انــا " انــا ســــــــائــــح " . .

الليسـن الدولي متوفـر بأي سفريات اعتقد منها ريجينسي + المتحده . .
اهم شئ جيب ليسنك معاك + صوره + دراهمـك وانت واقف تخلصــه . .

اما بالنسبه للشــقق ..؟

سـؤالي لك رايـح ويا الأهــل والا بريحاتـــك ..؟؟


رايح مع الربع بس بسكن لحالي وتسلم على المعلومات وياليت لو تعطيني الاسعار يومية السياره

[قطري كشخه]

اخوي نصيحه اذا بتم في سنترل لندن ماتحتاج سياره نهائيا وبذكرلك الاسباب ..

اولا على كل يوووم راح يكلفك الموقف اقل شي 20 باوند وهذا ارخص شي موجود اعتقد وطبعا وانت رايح وبعطيك مثل بعد تخيل انت في الاجور رود ورايح تبي تصف صوب النتسبرج الموقف الى هناك اغلبها لل Permanent Resident holder وصعب تحصل موقع ولاتنسه London Congestion charging هذي في شوارع في لندن تلاقي مكتوب عليها على الارض C او تلاقي قبل ماتدخل الشارع في ساين يبين لك انه لزم تدفع حق هالشارع اذا بغيت تدخله وهذا تاخذه اذا بتسوق من 9 الصبح لين 6 المغرب والكرت تقدر تاخذه من محطات البترول
اثنين السواقه في لندن سنترل شوي صعبه اذا ماكنت من سكانها لانه عندك شوارع فيها سيد ومافيها رونق سيد بالنسبه لى اول الايام كنت اواجه مشاكل في السواقه في لندن ..

احسن حل خلك مع التكاسي والله وايد اريح لك او الاندرقراوند ,, واذا راح تطلع برع لندن ممكن تاخذلك موتر واذا تبي موقع يعطيك اسعار الشركات الموجوده اهناك علمني عشان ارسلها لك

[Smart]

http://www.byebyelondon.com/bbl/entries_arabic.php?category=15

[N7eEeS]

السلام عليكم

ابي اعرف وين الافضل تأجر من قطر ولا من لندن ولو حد عنده توتل الاسعار افضل وهل الرخصه الدولية تاخذ وقت ولا تاخذها من مكتب السفريات بسرعه

وايذا حد يخبر شقه غرفتين مكان راقي سعر جيد مب قايل مقبول لن لبلاد غالية جداً


وسلامتكم


مساك الله بالخير :)
اعتقد هذا الموقع ارخصهم
http://www.easycar.com/car-hire/destination/SpecialDeals.aspx

وطبعا السكان يسار :)
اما اذا تبي يمين وسيارات كشخه فاسعارهم غاليه 150 جنيه وطالع في اليوم
بس المشكلة مش في تأجير السياره :)
طبعا اول مشكله ضريبة دخول لندن تقريبا 10 جنيه في اليوم
الباركينج اليومي 24 ساعه مش اقل من 20 جنيه وعلى حسب المده .
الباركينج في النهار من الصبح لين قبل الساعه 6 المغرب اعتقد او 7 بيكون بفلوس.
نصيحه اذا بتكون في السنتر مايحتاج سياره خاصه ان الاماكن قريبه من بعض الا اذا تبي اتفرفر المغرب في النايتس بردج :)
الشقق كثيره ويعتمد على ميزانيتك واجازه سعيده :)

[مليت]

بيض الله وجيهكم