المساعد الشخصي الرقمي

مشاهدة النسخة كاملة : رايح تايلند الأسبوع الجاي


mE mYself & i
06-06-2008, 01:05 PM
السلام عليكم

أنا رايح تايلند السبوع الجاي تقريبا 9 أيام
بروح بانكوك ويمكن اروح بوكيت

ياريت تخبروني وين الأماكن الحلوه فيه الواحد يقدر ايروحها مع الأهل للتسوق والنزهه

واللي يبغي شي من هناك مايرده الا السانه
الجمارك
06-06-2008, 02:13 PM
السلام عليكم
اول شي تروح وترد بالسلامه انشاء الله

اذا على بانكوك عندك حق المشترى اكثر شي يعني ما فيها اماكن حلو الا القليل مثل حديقة الحيوان سفاري وعندك مدينة الملاهي بس زحمه هل الايام وعندك المتاحف والباقي سوق * سوق

اما بوكيت اهناك الطبيعه يعني خلك في بانكوك 4 ايام وبوكت 5 ايام عندك في بوكت الجزر جزيرة بي بي هذي احلى وحده وعندك جيمس بوند وعن السكن انصحك تسكن قريب الشاطى مالهم كل شي احذاك حتى السوق بس اذا معاك الاهل انصحك ما تطلع للسوق من بعد الساعه 6 لانه تفتح المراقص والوضع يتغير 180 درجه
عندك السياحه غير الجزر رحلة سفاري ورحله على الدراجات داخل الغابات وعند فانتاسيا سي هذي مدينة ملاهي صغيره وفيها عروض

واسمحلى على الاطاله والشباب بيفيدونك اكثر
Marriott
07-06-2008, 12:43 AM
بانكوك لاتنسى تروحون مجمع ( سيام براغون ) جميل وراقي وماتحس انك بدولة اسيوية من فخامته وجماله.

بوكيت عندك مكان حلو أسمه ( فانتازيا ) رائع وفيه عروض مسرحية فخمه جدا ، وملاهي والعاب وفيله مع العشا تذكرة كامله ، ويبدأ من العصر لين 10 بالليل تقريبا .

السكن في بانكوك تحب شقة فندقية ؟ ولا فندق .؟

اما السكن في بوكيت ، فندق ( هوليدي ان ) ممتاز للعوايل ، وبينه وبين الشاطئ شارع فقط ( مشاهد الشاطئ)

واي سؤال في الخدمه
ALKASER
07-06-2008, 01:38 AM
بالتوفيق اخوي
وتوصل بالسلامه

انا مالي علم في تايلند عندي في ماليزيا بس

وان شاء الله رحله سعيده
غرفاوي
07-06-2008, 01:46 AM
:victory:
تروح وترجع بالسلامة
mE mYself & i
07-06-2008, 04:33 AM
بانكوك لاتنسى تروحون مجمع ( سيام براغون ) جميل وراقي وماتحس انك بدولة اسيوية من فخامته وجماله.

بوكيت عندك مكان حلو أسمه ( فانتازيا ) رائع وفيه عروض مسرحية فخمه جدا ، وملاهي والعاب وفيله مع العشا تذكرة كامله ، ويبدأ من العصر لين 10 بالليل تقريبا .

السكن في بانكوك تحب شقة فندقية ؟ ولا فندق .؟

اما السكن في بوكيت ، فندق ( هوليدي ان ) ممتاز للعوايل ، وبينه وبين الشاطئ شارع فقط ( مشاهد الشاطئ)

واي سؤال في الخدمه

أيش أحسن ؟؟ الشقق نظيفه ولا الفنادق أحسن ؟؟؟

وين أماكن حلوه ازورها ؟؟
mE mYself & i
07-06-2008, 04:34 AM
بالتوفيق اخوي
وتوصل بالسلامه

انا مالي علم في تايلند عندي في ماليزيا بس

وان شاء الله رحله سعيده

تسلم أخوي
mE mYself & i
07-06-2008, 04:34 AM
:victory:
تروح وترجع بالسلامة

الله يسلمك ومشكور على المرور
Um Sultan
08-06-2008, 05:20 PM
الصراحه وفقت بالاختيار بانكوك حلووه وايد وسياحيه والواحد يستانس فيها اذا كان معاه دليل سياحي اووكي ..
انا رحتها مرتين ولو يحصل لي الثالثه بروح بعد ..

التسوق .. تفتح المجمعات من الصبح لين الساعه 7 بالليل

مجمع طوكيو (MBK)
مركز التجاره العالمي (central)
سيام براغون
هذول احلى وارقى مجمعين وفيه كل شي
وفيه مجمع صغير في شارع جريس (شارع العرب) اسمه جريس ..

محلات روبنسون لما تطلع من شارع العرب تاخذ يسار وتروح لين النهايه .. داخله مكادونالدز وحلال

وفيه فندق نسيت اسمه تحته مجمع فيه كل الماركات العالميه مثل ديور وفندي وهل السوالف ..

بس نصيحه لاتاخذ الماركات الكبيره من عندهم لان اغلى من اي دوله بواايد والعطور والمكياج نفس الشي ..


اسواق الجمله تفتح من الصبح لين تقريبا 3 او 4 العصر

بوتنام .. سوق بالجمله وكلشي تلاقيه هناك
السوق الصيني .. حلو حق اغراض اليهال للمدارس والالعاب وبالجمله
تايم سكوير .. خارج بانكوك كبير وحلووو
سوق الاحد .. يفتح بس يوم الاحد ..
ومحلات الماركات المقلده تلاقيها في شارع العرب .. فريده علي راقي ..

بالنسبه للترفيه ..

دريم ورلد .. مدينة الالعاب كبيره وروووعه تفتح الصبح وتصكر الساعه 6 >> تقضي فيها يوم كامل ..
سفاري .. حديقة الحيوانات المفتوحه . وتروحها من الساعه 7 ونص الصبح لان فيها عروض للحيوانات وتخلص الساعه 4 تقريبا .. >> تقضي فيها يوم كامل يوم كامل
حديقة التماسيح .. نص يوم تفتح من الصبح وفيها عروض للتماسيح .
حديقة الزهور .. نص يوم
]دانة الدنيا
08-06-2008, 08:21 PM
بالتوفيق
baby dior
08-06-2008, 09:23 PM
:cry2:
:cry2:
ابي اروح بانكوك..
حاول انك تسكن في فندق من فنادق شارع العرب لانه كل شي بيكون بجنبك المطاعم العربيه ومحلات الصرافه وفي هالشارع محلات تبيع الساعات والشنط النسائيه الماركات و الابواك الرجاليه
محلات ومنها : محل فريده علي - محل حفيظ -محل اوم- ومحل بن داود.(هذوله محلات تقليد درجه اوله)
وفي هالشارع بتحصل اعزك الله محلات للنعل الرجاليه والنسائيه اللي تنباع عندنا في سيزاري بشيوتي والمندوس
ومثل ماقالو اخواني اللي اسبقوني في الرد عندك الاسواق اللي تفتح من الصبح لين الساعه 5 منها :
باتنام ماركت - وبوبي تاور هذه سوق بالجمله- السوق الصيني مارحته - سوق الاحد مانصحك فيه كلللش موحلو بالمره ومكانه وايد بعيد.
والمجمعات التجاريه تفتح من الصبح لين الساعه 10 بالليل مثل ماذكرولك الاخوان وانا احب مجمع طوكيو او Mpkينقال له حلو هالمجمع وايد واي استفسار انا حاضره اخوي انصحك انك تاخذ فندق قريب ن شارع غريس هوتيل
mE mYself & i
08-06-2008, 10:40 PM
الصراحه وفقت بالاختيار بانكوك حلووه وايد وسياحيه والواحد يستانس فيها اذا كان معاه دليل سياحي اووكي ..
انا رحتها مرتين ولو يحصل لي الثالثه بروح بعد ..

التسوق .. تفتح المجمعات من الصبح لين الساعه 7 بالليل

مجمع طوكيو (MBK)
مركز التجاره العالمي (central)
سيام براغون
هذول احلى وارقى مجمعين وفيه كل شي
وفيه مجمع صغير في شارع جريس (شارع العرب) اسمه جريس ..

محلات روبنسون لما تطلع من شارع العرب تاخذ يسار وتروح لين النهايه .. داخله مكادونالدز وحلال

وفيه فندق نسيت اسمه تحته مجمع فيه كل الماركات العالميه مثل ديور وفندي وهل السوالف ..

بس نصيحه لاتاخذ الماركات الكبيره من عندهم لان اغلى من اي دوله بواايد والعطور والمكياج نفس الشي ..


اسواق الجمله تفتح من الصبح لين تقريبا 3 او 4 العصر

بوتنام .. سوق بالجمله وكلشي تلاقيه هناك
السوق الصيني .. حلو حق اغراض اليهال للمدارس والالعاب وبالجمله
تايم سكوير .. خارج بانكوك كبير وحلووو
سوق الاحد .. يفتح بس يوم الاحد ..
ومحلات الماركات المقلده تلاقيها في شارع العرب .. فريده علي راقي ..

بالنسبه للترفيه ..

دريم ورلد .. مدينة الالعاب كبيره وروووعه تفتح الصبح وتصكر الساعه 6 >> تقضي فيها يوم كامل ..
سفاري .. حديقة الحيوانات المفتوحه . وتروحها من الساعه 7 ونص الصبح لان فيها عروض للحيوانات وتخلص الساعه 4 تقريبا .. >> تقضي فيها يوم كامل يوم كامل
حديقة التماسيح .. نص يوم تفتح من الصبح وفيها عروض للتماسيح .
حديقة الزهور .. نص يوم


تسلمين وماقصرتي :)


دانة الدنيا;2754259']بالتوفيق

شكرا


:cry2:
:cry2:
ابي اروح بانكوك..
حاول انك تسكن في فندق من فنادق شارع العرب لانه كل شي بيكون بجنبك المطاعم العربيه ومحلات الصرافه وفي هالشارع محلات تبيع الساعات والشنط النسائيه الماركات و الابواك الرجاليه
محلات ومنها : محل فريده علي - محل حفيظ -محل اوم- ومحل بن داود.(هذوله محلات تقليد درجه اوله)
وفي هالشارع بتحصل اعزك الله محلات للنعل الرجاليه والنسائيه اللي تنباع عندنا في سيزاري بشيوتي والمندوس
ومثل ماقالو اخواني اللي اسبقوني في الرد عندك الاسواق اللي تفتح من الصبح لين الساعه 5 منها :
باتنام ماركت - وبوبي تاور هذه سوق بالجمله- السوق الصيني مارحته - سوق الاحد مانصحك فيه كلللش موحلو بالمره ومكانه وايد بعيد.
والمجمعات التجاريه تفتح من الصبح لين الساعه 10 بالليل مثل ماذكرولك الاخوان وانا احب مجمع طوكيو او Mpkينقال له حلو هالمجمع وايد واي استفسار انا حاضره اخوي انصحك انك تاخذ فندق قريب ن شارع غريس هوتيل

حياج أحجزلج معانا :)

وماقصرتوا بالأماكن

وأخوي أعلامي قطر بعد ماقصر :)

وأي شي تحتاجونه من هناك أنا حاظر ,,, بس الشحن عليكم هههههه
بوخالد911
12-06-2008, 12:27 PM
هلا
لا تنسى ترووح Mbk

وشارع نانا اللي مترووس مطاعم عربية
وبتحصل كرك

!!!

بااال لا يعرف بو حارب
!!!
hamoor4ever
12-06-2008, 08:34 PM
اخوي مر على بوكيت الاول وخل قعدتك ببوكيت افضل ، وبالعوده اقعد في بانكوك يومين للتشري وانت راجع الدوحه قطر ، وبالتوفيق لان بانكوك بتلوع جبدك والله يعينك ، بس بوكيت وناسه ورحلات
Um Sultan
13-06-2008, 04:40 PM
بوكت ماتصلح حق عايله ..

بتايا حق العوائل احلى ..



نانا = شارع العرب = شارع جريس
عذب الكلام 1
16-06-2008, 09:48 AM
روح المجمع سيام وفيه بحيره الاسماك تحت المجمع رهيب والم بي كي ونانا وغريس ووبوكيت فيها الطبيعه