شوفولي حل الله يخليكم.. طفشت من المصرف الاسلامي

[بـــ ح ـــر]

يسعدك مساكم جميعا

يا الربع راتبي ينزل علي المصرف الاسلامي صار لي كم سنه معاهم

والي مصبرني عليهم انه اسلامي صار لي كذا موفق معاهم وطفشت منهم عدم الاهتمام با العميل بدرجه الاولي

واموور كثيره ما ابي اطول عليكم

ابي تنصحوني في بنك اسلامي احول راتبي عليهم ويكون التعامل معهم سلس

شو افضل بنك اسلامي تنصحوني فيه

لكم ازكي تحيه

[المهندي911]

السموحه اخوي ماعندي حل
لأن حالي اسوأ من حالك انا في البريطاني ومب قادر افتك منهم
الله يكون في العون

[ALKASER]

السلام عليكم اخوي
انا عندي نفس المشكلة بس مع الدولي
اتوقع احسن بنك اسلامي هو الريان
وبالتوفيق

[المشط]

سمعت ان افضل بنك هو بنك قطر الوطني الاسلامي ماجربته لكن حسب كلام شخص احسابه عندهم

[حراير قطر]

هلا اخوي

عندك بنك قطر الوطني الاسلامي

انا حسابي عندهم ومعاملتهم حلوة :victory:

[Abu Deeb]

قطر الوطني الإسلامي معاملتهم زينة ونفس الشي الدوحه الإسلامي

[VX.R]

البنك الوطني الاسلامي

وهو من البنوك التي اجازها العلامه السالوس

[اعالي الجنان]

بنك الدوحه الاسلامي قمه بالتعامل مع اني فاتحه حساب توفير بس خدماتهم عاجبتني وافكر احول من بنكي (قطر الدولي الاسلامي )واروح له

[Al-sa7er]

حسب ما سمعت كثير يمدحون الوطني الاسلامي

[ANONYMOUS]

انا في المصرف منذ 99 وليس لدي اي مشكله

ولا اروع

[سـهـم دايـخ]

مصرف الريان مب اسلامي .. وهذا كلام مدير عندهم .. لما قلت له انتوا بنك اسلامي وكذا وكذا .. قال لي بالحرف الواحد .. ومن قالك ان مصرف الريان اسلامي .. هل مكتوب باسمه كلمة اسلامي .. قلت له لا .. قال طيب من وين جبت اعتقاد انه اسلامي .. صراحه سكت .. قالي هو بنك عادي جدا .. له بعض التعاملات الاسلاميه او الخدمات الاسلاميه

[مهاوي]

الوطني الاسلامي وانا كنت مثلك بالمصرف وكرهت حياتي والحين حولت راتبي للوطني الاسلامي جداااااااا مرتاحه

[قطري شايب]

انا فتحت في الريان بس للحين ماعرفت خيرهم من شرهم

[قطري شايب]

مصرف الريان مب اسلامي .. وهذا كلام مدير عندهم .. لما قلت له انتوا بنك اسلامي وكذا وكذا .. قال لي بالحرف الواحد .. ومن قالك ان مصرف الريان اسلامي .. هل مكتوب باسمه كلمة اسلامي .. قلت له لا .. قال طيب من وين جبت اعتقاد انه اسلامي .. صراحه سكت .. قالي هو بنك عادي جدا .. له بعض التعاملات الاسلاميه او الخدمات الاسلاميه


خير ان شاء الله وعن التأليف

[قطري شايب]

مصرف الريان مب اسلامي .. وهذا كلام مدير عندهم .. لما قلت له انتوا بنك اسلامي وكذا وكذا .. قال لي بالحرف الواحد .. ومن قالك ان مصرف الريان اسلامي .. هل مكتوب باسمه كلمة اسلامي .. قلت له لا .. قال طيب من وين جبت اعتقاد انه اسلامي .. صراحه سكت .. قالي هو بنك عادي جدا .. له بعض التعاملات الاسلاميه او الخدمات الاسلاميه


خير ان شاء الله وعن التأليف


المصارف الإسلامية

مصرف الريان هو مصرف تقوم عملياته بالكامل على أحكام ومبادئ الشريعة الإسلامية.

ما هو نظام المصرف الإسلامية؟
يعتمد نظام المصرف الإسلامي على موافقة الشريعة الإسلامية فيما أحل وحرم عملاً، لذا فإن عمليات المؤسسات الإسلامية هي عمليات تجارية قابلة للربح والخسارة، قائمة على البيع والشراء والإجارة والاستصناع والمرابحات والمضاربات ونحوها.

وبالرغم من أن أصل الاقتصاد الإسلامي أقيم لينظم الاحتياجات الاقتصادية والمالية للعملاء المسلمين، إلا أنه أصبح واسع الانتشار في جميع أنحاء العالم، وذلك لأن المنتجات والخدمات المصرفية الإسلامية تقوم على المساواة بين المسلمين وغير المسلمين، حتى أننا أصبحنا نجد الكثير من غير المسلمين يجدون الخدمات المقدمة من المصارف الإسلامية أفضل بكثير من غيرها من المصارف التقليمية، علاوة على أن العديد من المصارف العالمية توجهت اليوم إلى إطلاق فروع لها متخصصة بتطبيق أحكام الشريعة الإسلامية.

هيئة الرقابة الشرعية

تقوم هيئة الرقابة الشرعية لمصرف الريان بمراجعة العقود التي تعرض عليها وأجابت أسئلة الإدارة من خلال وضع الحلول للصعوبات العملية التي قد تظهر عند التطبيق.

كما تقوم الهيئة من خلال التدقيق الشرعي بالإشراف المباشر على أعمال المصرف والاطمئنان على التطبيق الصحيح لما تقره الهيئة. وتتحمل الهيئة مسؤولية الفتوى والرقابة على المعاملات التي تعرض عليها، ومن خلال التدقيق الشرعي.

[الزعفراني]

يسعدك مساكم جميعا

يا الربع راتبي ينزل علي المصرف الاسلامي صار لي كم سنه معاهم

والي مصبرني عليهم انه اسلامي صار لي كذا موفق معاهم وطفشت منهم عدم الاهتمام با العميل بدرجه الاولي

واموور كثيره ما ابي اطول عليكم

ابي تنصحوني في بنك اسلامي احول راتبي عليهم ويكون التعامل معهم سلس

شو افضل بنك اسلامي تنصحوني فيه

لكم ازكي تحيه


اخوي بحر خلنا نتفق ان البنوك الاسلامية الصرفة عندنا في قطر تفتقد الى الجودة والتقنية والتطور في تعاملاتها وفي تقديم خدماتها للعملاء المنتمين الى هذه البنوك ، ولعل هذه مشكلة تواجه كل ماهو اسلامي وهذا عيب فينا ، البنوك التجارية والربوية والاهلية متقدمة كثيرا ربما لانها مدعومة بصورة اكبر من الحكومة وربما من اناس ما يخافون الله ويهتمون في دمار المسلمين من خلال اغراءاتهم وتسهيلاتهم والتطور الكبير في خدماتهم لارغام الناس طواعية في التعامل مع الربا !

انصحك بدل تغيير المصرف ان تواجهم بمشكلتك ، انا حسابي في المصرف واشتكي من سوء خدمتهم لكني لازلت اشوف انه الخيار الافضل والاروع قدامي ، بدل هالشي قمت احدد مشكلتي وانقل وجهة نظري لاي مسؤول عندهم " واتحلطم " عليهم ومع الوقت القى الاهتمام تغير والتعامل يتغير انصحك تبقى في المصرف وتحاول تكلمهم عن اي مشكلة تضايقك او تزعجك وان كان لابد من انتقالك عليك بالدولي او الريان وخل عنك البنوك ( المتأسلمة ) طخة الوطني الاسلامي والصفاء والدوحة الاسلامي وهلال الاسلامي لأنها في الاصل بنوك ربوية الاختلاف فقط لين تتصل على بدالتهم الربوية يقولون لك " صباح او مساء الخير " والثانية يقولون لك " السلام عليكم " يابلفيت تحية الإسلام واحنا تعاملنا اسلامي بحت :)

[لاداعي]

الله يكون في عونك أحس كل لبنوك نفس الــشي

[خالد32]

الوطني الاسلامي ممتاز

[هسلان]

الريان بنك جديد وهو حريص على اسقطاب اكبر عدد من الزباين عشان كذا اتوقع يقدم خدمات افضل
والمصرف يلوع الكبد والزحمة في ما تطاق

[alrasee]

الدولي الاسلامي للحين ما عنده ويب سايت حق البنك

[hich]

الدولي الاسلامي للحين ما عنده ويب سايت حق البنك

بنك فاشل بكل ماتعنيه الكلمة الله يخيلي الطفرة الي صايرة في البلد شالتهم ونجحتهم وهم راقديين

[الكاسر007]

بنك قطر الدولى الاسلامي افضل بنك بالنسبة لي اعرف اللي لي واللي علي اعرف اول قسط واخر قسط لا تاجيل ولا هم يحزنزن افضل خلكم بالاسلامي

بس ابي اعرف المشكله اللي صادتج وش هي بالضبط عشان يمكن نساعدج اختي

وعلى العموم البنوك الاسلامية ممتازة جدا

لان الربوي ما ياخذ في تقسيطه للدين اي شي من السلفه الاساسية ولكن يا خذ من الفايده بس والواحد منا مقسط سنين

فالبنوك الاسلامية حلوة يا جماعة على الاقل قسط ثابت بدون اي فوائد تراكمية كل شهر

[ANONYMOUS]

اخبر يوم كنت بلبنان بداية 2004

كان معاي صديقي وحسابه في الدولي..

طبعا ماكان يقدر يسحب شي

وكانت السفره كلها على حسابي

:anger1:

توهم متلاحقين عمرهم.. وحطو فيزه الكترون

:rolleyes2:

[hich]

اخبر يوم كنت بلبنان بداية 2004

كان معاي صديقي وحسابه في الدولي..

طبعا ماكان يقدر يسحب شي

وكانت السفره كلها على حسابي

:anger1:

توهم متلاحقين عمرهم.. وحطو فيزه الكترون

:rolleyes2:

هاذا الي أقصده بنك فاشل في خدمة العميل بكل ماتعنية الكلمة بس يستفيدون منه ( يأخذون العميل لحم ويقطونه عظم)

عموما انا سامع كلام طيب انه بيجي مدير من بنك ربوي بيمسك البنك ويسنعة

[سهم طايش]

السؤال المهم

ليش البنوك الاسلاميه تفشل اداريا

[hich]

السؤال المهم

ليش البنوك الاسلاميه تفشل اداريا

بقولك ليش لانها في نظرها القاصر شغالة شغالة بدون تعب والناس جاينها لأنها اسلامية

لن انسا تصريح مدير في الدولي الاسلامي ان البنك لا يخاف من البنوك الاسلامية الجديدة لان عملائه اوفياء .... هل هذا كلام يقوله عاقل او مدير ناجح...

عموما في رئيي يجب على الدولي ان يلحق بالمصرف ويعين رئيس تنفيذي جديد بدل من عشعش في منصبة منذ مئات السنين ويضخ دماء جديدة في الأدارة العليا للبنك .. او سيظطر عاجلا ام أجلا الى ان يصبح افشل بنك في قطر

[مايمدح السوق]

اخبر يوم كنت بلبنان بداية 2004

كان معاي صديقي وحسابه في الدولي..

طبعا ماكان يقدر يسحب شي

وكانت السفره كلها على حسابي

:anger1:

توهم متلاحقين عمرهم.. وحطو فيزه الكترون


:rolleyes2:


وانا نفس الشيء يوم كنت في سنغافورة ماشتغلت وعقب رحت ماليزيا ماشتغلت وعقب نزلنا على الصين هم ماشتغلت هالصيف مخطط على رحلة اوربية ان شاء الله يارب تشتغل :)

[مايمدح السوق]

وانا نفس الشيء يوم كنت في سنغافورة ماشتغلت وعقب رحت ماليزيا ماشتغلت وعقب نزلنا على الصين هم ماشتغلت هالصيف مخطط على رحلة اوربية ان شاء الله يارب تشتغل :)

طبعا ان اقصد بطاقة الدولي الفاشلة جدا والى يستغلون كلمة (الاسلامي) على حساب الخدمة وياااابااااباااا خذ لك بطاقة الوطني وخلها دفع شهري اول باول 100% بدون فوائد والله كريم الضرورات تبيح المحظورات :)

[دولي]

المشكله والطامة ان كل البنوك الاسلاميه سيئه والمصرف مليون مرة احسن من الدولي وامسك مينونك ليجيك اجن منه واحتسب مصيبتك

[القارمن]

لا وزيدك من الشعر بيت

بطاقه البنك الدولي الاسلامي (( العاديه ))

ماتحتاج باسووورد وقت الدفع في المحلات التجاريه او الفنادق خارج قطر

يعني اذا ضاعت راحت عليك ....وكثير منكم ما يدري عن هالشي

وقرب مثال الخبر اشتريت نظارة 1200 وما طلب مني الباسورد

سكنت في الكويت في فندق لمده اسبوعين ووقت الدفع ماطلب من الباسورد والعمليه كانت approved :eek5:

ويوم رحت البنك وكلمت موظف عن هالشي ,,, المصيبه كان رده (( محد قالي :anger1: ))

[ANONYMOUS]

لا وزيدك من الشعر بيت

بطاقه البنك الدولي الاسلامي (( العاديه ))

ماتحتاج باسووورد وقت الدفع في المحلات التجاريه او الفنادق خارج قطر

يعني اذا ضاعت راحت عليك ....وكثير منكم ما يدري عن هالشي

وقرب مثال الخبر اشتريت نظارة 1200 وما طلب مني الباسورد

سكنت في الكويت في فندق لمده اسبوعين ووقت الدفع ماطلب من الباسورد والعمليه كانت approved :eek5:

ويوم رحت البنك وكلمت موظف عن هالشي ,,, المصيبه كان رده (( محد قالي :anger1: ))



لان هاذي الله يسلمك نفس نظام الفيزا

الفيزا.. لو تخبر كان فيها صورة الشخص راعي البطاقه + توقيعه من خلف البطاقه

فكان من الصعب سحب اي شخص من الفيزا.. غير راعي البطاقه نفسها..

بس كنسلوا هالموضوع.. مادري ليش...



ونسأل فيه اهل الاختصاص ؟

:telephone:



وعلى فكره.. الاسلامي نفس الشي.. من غير باسورد.. واعتقد كل البطاقات.. اللي فيها فيزه الكترون

[القارمن]

لان هاذي الله يسلمك نفس نظام الفيزا

الفيزا.. لو تخبر كان فيها صورة الشخص راعي البطاقه + توقيعه من خلف البطاقه

فكان من الصعب سحب اي شخص من الفيزا.. غير راعي البطاقه نفسها..

بس كنسلوا هالموضوع.. مادري ليش...



ونسأل فيه اهل الاختصاص ؟

:telephone:



وعلى فكره.. الاسلامي نفس الشي.. من غير باسورد.. واعتقد كل البطاقات.. اللي فيها فيزه الكترون



ماقصرت اخوي على الافاده

بس شي واحد ابغي افهمه

ليش في قطر في كل المحلات والاماكن التجاريه او الفنادق يطلب مني ادخل الباسورد

وبرع قطر في دول الخليج لالالالالالالالالالا

:omen2:

[ANONYMOUS]

ماقصرت اخوي على الافاده

بس شي واحد ابغي افهمه

ليش في قطر في كل المحلات والاماكن التجاريه او الفنادق يطلب مني ادخل الباسورد

وبرع قطر في دول الخليج لالالالالالالالالالا

:omen2:



FORWARD TO

QIBK
QIIK
CBQK
QNBK
DHBK
ABQK
MARK
KCBK

:telephone:

[اسعاف]

بنك اسلامي مرن سريع التطور
فيه خدمات الكترونية ونت وكذلك اكتتاب عن طريق النت
وتأمين اسلامي شامل للسيارات
وتستطيع ان تسحب او تودع او تحول للمجموعة اي مبلغ
او المجموعة يحولون قيمة اسهمك التي بعتها حالا ونقد
هو بنك






الوطني الاسلامي






وانا تركت المصرف وشفته متخلف
وقلت للمدير
اذا تطور ت خدمات المصرف سارجع لكم
بشرط
ان تحسنوا اوضاع موظفينكم الصغار و تزيدون رواتبهم لان الوطني سحب منك م احسن الكفاءات
فلما سمع المدير مقالتي
بهت وابتسم
ورجاني ان ابقى
فأبيت0
وكلما احتجت مبلغ من المال ذهب لفرع المول وهو مفتوح حتى يوم الجمعة الى ال10 ليلا

ايش تريد اكثر من هذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[yesno]

اخوي انا في المصرف من 2002 ولاشفت اروع من معاملتهم بس ممكن نعرف مشكلتك عشان نعطيك الحل

اما الاخوان الي يقولون الوطني الاسلامي والدوحه الاسلامي او الصفا فانا اول مره اشوف بنك اسلامي راس ماله عباره عن ارباح ربويه

اما بالنسبة للمشايخ الي جازوها يقصدون في العملاء الي في نفس البنك الربوي يمكن يغريون من الربوي الى الفرع الاسلامي

ممكن حد يجاوبني ليش البنوك الربويه فاتحه فروع اسلاميه

[ضوى]

اخوي انا في المصرف من 2002 ولاشفت اروع من معاملتهم بس ممكن نعرف مشكلتك عشان نعطيك الحل

اما الاخوان الي يقولون الوطني الاسلامي والدوحه الاسلامي او الصفا فانا اول مره اشوف بنك اسلامي راس ماله عباره عن ارباح ربويه

اما بالنسبة للمشايخ الي جازوها يقصدون في العملاء الي في نفس البنك الربوي يمكن يغريون من الربوي الى الفرع الاسلامي

ممكن حد يجاوبني ليش البنوك الربويه فاتحه فروع اسلاميه




والله يا خوي انا مثلك ، تعامل ولا اروع مرونة وسهولة والحمد لله سنين وياهم ولا شفت منهم شئ مهب زين ولا افكر باي حال من الاحوال اغير عنهم

[ANONYMOUS]

يسعدك مساكم جميعا

يا الربع راتبي ينزل علي المصرف الاسلامي صار لي كم سنه معاهم

والي مصبرني عليهم انه اسلامي صار لي كذا موفق معاهم وطفشت منهم عدم الاهتمام با العميل بدرجه الاولي

واموور كثيره ما ابي اطول عليكم

ابي تنصحوني في بنك اسلامي احول راتبي عليهم ويكون التعامل معهم سلس

شو افضل بنك اسلامي تنصحوني فيه

لكم ازكي تحيه



صحيح شمشكلتك معاهم ياكابتن ؟

[بويوسف]

يا اخوان اذا في خدمة سيئة ممكن تذكرونها اما الدخول لمجرد التقليل من البنك ككل ورفع شأن بنك آخر فهذا امر غريب صراحة .. احنا غرضنا نطور ونحسن عشان جذيه خلنا نكون ايجابين ونقول المشاكل الي صارت لكن مش بهالطريقة

[الخبير العقاري]

أخي الكريم المصرف الإسلامي بدأ يتطور نفسه في الوقت القريب إلا أن هناك فروع لا تخدم العميل وهذا يرجع للمدير للفرع حقيقة ولهذا انصحك ان تنقل من الفرع بعد التحري من الفروع الأخرى قبل النقل الان هناك فروع ممتازة للامانة.

ا

[بوخالد911]

هلا
؛؛؛

كنت بالمصرف وطلعت ورحت الوطني الاسلامي

خدمات كبيرة ومتعددة
:nice::victory::nice:
ومنتشرين بكل مكان

كأنهم جراااد !!!

:nice::omg::nice:
وأهم شغلة عندهم الاكتتاب الالكتروني

يا سلااام ولا أروع الصراحة

ولكم القرار

!!@@!!

؛؛؛

[Affable Lady]

لا وزيدك من الشعر بيت

بطاقه البنك الدولي الاسلامي (( العاديه ))

ماتحتاج باسووورد وقت الدفع في المحلات التجاريه او الفنادق خارج قطر

يعني اذا ضاعت راحت عليك ....وكثير منكم ما يدري عن هالشي

وقرب مثال الخبر اشتريت نظارة 1200 وما طلب مني الباسورد

سكنت في الكويت في فندق لمده اسبوعين ووقت الدفع ماطلب من الباسورد والعمليه كانت approved :eek5:

ويوم رحت البنك وكلمت موظف عن هالشي ,,, المصيبه كان رده (( محد قالي :anger1: ))



أخوي البطاقات تجددت في الدولي الاسلامي وكلها صارت بباسوورد

السحب العادي والفيزا وغيرها

أنا حسابي عندهم


المشكلة إن يجيك أحد الموظفين المفهين ويخرب على العملاء ويعطل مصالحهم

بس خلك وراهم

[الخيااال]

اخوي انا في الدولي وخدماتهم الله لا يرويك واسلوبهم زفت في التعامل مع العملاء انا بانتظر لين ماخلص القرض وعقب باروح للوطني الاسلامي الشباب كلهم يمدحونه ومعاملاتهم حلوه وفوائدهم معقوله...........

[بـــ ح ـــر]

هلا وغلا با الجميع

كل الشكر والتقدير علي المرور والمداخله

مشكلتي معاهم

الزحمه اثناء المراجعه وعدم اعطائه اولويه للعميل واسطات بالعربي

شريت سياره من عندهم وتمت عندي حوالي سنه وعطيتهم مبلغ ابي انزل في المده قالو ما يصير اذا سوينها يصير بنك ربوي قلنا اوكيه دفعت لهم مقدم حق 6 شهور وملتزم معاهم با القصد اول با اول

جيت اسدد السلفه والمبلغ موجود في حسابي 135000 ريال والمديونيه 152000 ابي اسدد قالو تسدد المبلغ كامل ونرجع لك لك 18000 الف صرت اطلبهم 1000 ريال مو راضيين لازم اسدد كامل

شنو اسوي سددت المبلغ كامل وقوف حسابي يوميين ابي اسحب ما يصير

والمشكله الثانيه رحت اسحب با البطاقه دخلتها المكينه وسحبتها بدون رقم سري بدون اي شي كلمتهم علي 4448444 وساعه علي ما يردون ويكلمني بخياس نفس (سارق بيتهم وانا ما دري)

قالي راجع فرعك وبعد اسبوع بتحصلها (( ساحبينها مني في قندهار )) المكينه في معيذر وفرعي الريان

اطلع جديده ارحم لي
وتروح الفرع تصف ساعه كامله تنطر دورك الا الحبيب مدخل زلمه مكاني ومش الحال

واموور كثيره لي رجعه ثانيه


تحيتي

[الخبير العقاري]

يا اخوان اذا في خدمة سيئة ممكن تذكرونها اما الدخول لمجرد التقليل من البنك ككل ورفع شأن بنك آخر فهذا امر غريب صراحة .. احنا غرضنا نطور ونحسن عشان جذيه خلنا نكون ايجابين ونقول المشاكل الي صارت لكن مش بهالطريقة


اتفق معك بويوسف

مشكور ع هالتنبيه.

[الخبير العقاري]

هلا وغلا با الجميع

كل الشكر والتقدير علي المرور والمداخله

مشكلتي معاهم

الزحمه اثناء المراجعه وعدم اعطائه اولويه للعميل واسطات بالعربي

شريت سياره من عندهم وتمت عندي حوالي سنه وعطيتهم مبلغ ابي انزل في المده قالو ما يصير اذا سوينها يصير بنك ربوي قلنا اوكيه دفعت لهم مقدم حق 6 شهور وملتزم معاهم با القصد اول با اول

جيت اسدد السلفه والمبلغ موجود في حسابي 135000 ريال والمديونيه 152000 ابي اسدد قالو تسدد المبلغ كامل ونرجع لك لك 18000 الف صرت اطلبهم 1000 ريال مو راضيين لازم اسدد كامل

شنو اسوي سددت المبلغ كامل وقوف حسابي يوميين ابي اسحب ما يصير

والمشكله الثانيه رحت اسحب با البطاقه دخلتها المكينه وسحبتها بدون رقم سري بدون اي شي كلمتهم علي 4448444 وساعه علي ما يردون ويكلمني بخياس نفس (سارق بيتهم وانا ما دري)

قالي راجع فرعك وبعد اسبوع بتحصلها (( ساحبينها مني في قندهار )) المكينه في معيذر وفرعي الريان

اطلع جديده ارحم لي
وتروح الفرع تصف ساعه كامله تنطر دورك الا الحبيب مدخل زلمه مكاني ومش الحال

واموور كثيره لي رجعه ثانيه


تحيتي





هلا أخوي



أنا أرى المشكلة في فرعك بالنسبة لتأخير البطاقة فحاول تبحث عن فرع افضل وستجد ان شاء الله

أما بالنسبة لتخفيض السعر فهناك نظام لدى أكثر البنوك إذا فات على المديونية سنة فلا ينخفض المبلغ حتى لو سددت المديونية وهذا غباء واضح من هذه البنوك.


بالنسبة للطابور والواسطات فهذا حدث ولا حرج في جميع القطاعات حتى هيئاتنا ووزاراتنا الموقرة...


بس انصحك شوف لك فرع مميز تأكد من الفرع اللي أخذ الامتياز لهذا العام وستجده افضل من غيره في التعامل مع العميل.

[بويوسف]

اتفق معك بويوسف

مشكور ع هالتنبيه.

العفو اخوي .. جزاك الله خير

[عميد السوق]

مصرف الريان مب اسلامي .. وهذا كلام مدير عندهم .. لما قلت له انتوا بنك اسلامي وكذا وكذا .. قال لي بالحرف الواحد .. ومن قالك ان مصرف الريان اسلامي .. هل مكتوب باسمه كلمة اسلامي .. قلت له لا .. قال طيب من وين جبت اعتقاد انه اسلامي .. صراحه سكت .. قالي هو بنك عادي جدا .. له بعض التعاملات الاسلاميه او الخدمات الاسلاميه


:omg::omg::omg::omg:

[بوخالد2]

ماقصرت اخوي على الافاده

بس شي واحد ابغي افهمه

ليش في قطر في كل المحلات والاماكن التجاريه او الفنادق يطلب مني ادخل الباسورد

وبرع قطر في دول الخليج لالالالالالالالالالا

:omen2:

اخى العزيز لاانك في قطر و يعتبر مثل الصراف الالى ويجب عليهم اخذ الباسورد منك في السحب او الشرااء

لا وزيدك من الشعر بيت

بطاقه البنك الدولي الاسلامي (( العاديه ))

ماتحتاج باسووورد وقت الدفع في المحلات التجاريه او الفنادق خارج قطر

يعني اذا ضاعت راحت عليك ....وكثير منكم ما يدري عن هالشي

وقرب مثال الخبر اشتريت نظارة 1200 وما طلب مني الباسورد

سكنت في الكويت في فندق لمده اسبوعين ووقت الدفع ماطلب من الباسورد والعمليه كانت approved :eek5:

ويوم رحت البنك وكلمت موظف عن هالشي ,,, المصيبه كان رده (( محد قالي :anger1: ))


اكيد يالغالي مايحتاج حتى لو معاك بطاقه البريطاني يالغالي

لاانه برع يكون السحب على الاجهزه العالميه من زمان و الشي هذا يصير للمسافرين

لاانه البطاقه ليست كويتيه او سعوديه لتاكد من صاحب الهوية

وانما بنك غير البنوك اللى عندهم يالقارمن


وانا كنت في البريطاني من سنه 98 لين 2003 و طلعوا روحي لين طلعت من عندهم (( كل فوائد مركبه ومادرى شنو ))

والحين في المصرف من 2003 الى الوقت الحاضر و خدمة ممتازه (( فرع الغراافه ))

ولكن يبيله زيادة موظفين :victory:

[ذيبة الريان]

بنك الوطني الاسلامي روعه

راتبي عليه

فرع الريان

معاملتهم ولا أرووع

[HEART_LION]

بنك الوطني الاسلامي روعه

راتبي عليه

فرع الريان

معاملتهم ولا أرووع

:nice:

[حبر سري]

واموور كثيره لي رجعه ثانيه


تحيتي

في الانتظار اخوي بحر علشان انعرف التفاصيل

[الوفي]

سمعت ان افضل بنك هو بنك قطر الوطني الاسلامي ماجربته لكن حسب كلام شخص احسابه عندهم

صحــــــــــيح

[jo0ory.56]

الدولي الاسلامي انا معاهم من سنة 91ا او 92 من الافتتاح الى الان الحمدلله لم اصادف اي مشكلة في التعامل معاهم ...

[@بوٍخلــي@]

اخوي انصحك في مصرف الرياااااان
اشوفه عجيب
وخدماته رهيبه
للحين ما شفت منه الا كل خير
خلك مع الريان

[مـحـمـد الـعـذبـة]

روح لمصرف الريان :nice: منبع الشجعان

[The future]

السلام عليكم اخوي
انا عندي نفس المشكلة بس مع الدولي
اتوقع احسن بنك اسلامي هو الريان
وبالتوفيق

:omg::omg:

بالعكس فيه تخبطات لأنه بنك جديد:anger1:

[darkuae]

أخوي إنت حدد إيش تبي بالضبط وعقب سو دراستك وتوكل على الله

((واحد من الشباب كان يبغي يغير بنكه، في البداية حدد هدفه إنه يبي تمويل مليون ريال، سوى دراسة جدوى وراح للبنوك الإسلامية وأخذ البيانات من كل بنك على نفس الشروط (سداد 8 سنوات)، وبالنسبه له طلع المصرف والوطني الاسلامي نفس الفايدة وأرخص من البنوك الأخرى وطلع الدولي أغللللى تقريبا دبل))

فإنت حدد هدفك وعقب قارن بين الكل، لأن لو هدفك مب واضح ومجرد كلام عام: أبي تعامل زين، أبي يقدرون العميل ، أبي وأبي .... هالأشياء ما تقاس وتقديرية حسب كل شخص ، حدد هدفك باحتياجات ممكن تقيسها وتقارن بينها بين البنوك

((مثلا تقول:
أبي أقرب بنك من بيتي أو عملي،
أو تقول أبي أكثر خدمات الكترونية على موقع الانترنت،
أو أبي أرخص سعر فائدة لو خذت تمويل على 5 سنوات،
أو أبي أفرعه تكون وايدة،
أو أبي الصرافات الآلية تقبل إيداع الشيكات-هالميزة عاجبتني في الدولي وأستخدمها في حسابي التوفير مع إن راتبي مش عندهم بس فاتحلي حساب لإيداع الشيكات-))

وبالتوفيق للجميع

[بوناصر-قطر]

السلام عليكم

ولا غير الوطني الإسلامي

كنت قاعد آتسوق مع الأهل في بانكوك - تايلاند الا مسج على الجوال مطلوب الاتصال برقم xxxxxxx اتصلت وكلمني واحد شقردي قال لي معاك الوطني قسم المخاطر.
قلت له خير ؟ عسى ماشر ؟
قال لي انت في تايلاند؟ قلت له نعم. ليش؟
قال بس حبينا نتأكد انك انت اللي تستخدم البطاقة موب حد غيرك

أول مارجعت الدوحة اتصلوا فيني مرة ثانية وقالوا لي كل البطاقات اللي استخدمتهم في تايلاند قطهم بحر وتعال استلم بطايق جديدة غيرها علشان مايكون هناك أي نوع من المؤثرات التايلاندية

بصراحة آقول اني ماتوقع المصرف أو الدولي يسوون هالشيء

[الحريف]

ما حد جاب سيرة خدمات الصفاء الاسلامية في البنك التجاري ؟!!!

الصراحة ممتازين جدا .. معاملات اسلامية وخدمات البنك التجاري
البنك الهاتفي وانترنت بانكنج وتقدر تسحب او تودع من اي فرع من فروع التجاري
وعندهم بطاقة ائتمان فيزا بنظام القرض الحسن وبدون فوائد ربوية بس رسومها مرتفعة شوي 165 ريال شهري.

[auto body]

انا في المصرف من 2006 واحسن منهم مافية
بس على ماعتقد مصالح مشتركة ورصيدك هو الى يشيخك
المصرف عجيييب للى يعرف له

[اكسجين]

ولا أسوأ..........من المصرف غير.................الدولي

[The Blade]

من 2003 مع المصرف الاسلامي وشريت اكثر من 3 مواتر وشريت اسهم ولله الحمد لامشاكل ولاشئ بس اذا بغيت تعامل مضمون عليك بفرع الفنار الرئيسي كلهم الموجودين مراح يقصرون....

[قطري عصامي]

مصرف الريان مب اسلامي .. وهذا كلام مدير عندهم .. لما قلت له انتوا بنك اسلامي وكذا وكذا .. قال لي بالحرف الواحد .. ومن قالك ان مصرف الريان اسلامي .. هل مكتوب باسمه كلمة اسلامي .. قلت له لا .. قال طيب من وين جبت اعتقاد انه اسلامي .. صراحه سكت .. قالي هو بنك عادي جدا .. له بعض التعاملات الاسلاميه او الخدمات الاسلاميه

اسمح لي اخوي ، اذا كان هذا كلام مديرهم فيسمح لي انه ما يعرف شي ، ولو يرجع ويقرأ النظام الأساسي للبنك والذي على أساسه اكتتبنا في البنك فهو ينص على انه بنك يتعامل بالطريقة الاسلامية في جميع أمور البنك ، ويا ليت من ادارة البنك يوضحون لموظفينهم النظام الاساسي للبنك قبل ما يوظفونهم عشان ما يطلع لنا واحد فلته مثل هالمدير ويقعد يتفلسف

[الحوت-141]

عندك بنك الدوحة الاسلامي وايد حلو في معاملته