شنو افضل مكيف سبلت

[BURBERRY]

السلام عليكم و رحمة الله و بركاته

حبيت اسئل شنو افضل مكيف سبلت .. من حيث البروده و الضمان و قطع الغيار

و يعطيكم العافيه .. :)

[خالي مشاعر]

اخوي انا ماعرف شنو احسن نوع بس اعرف اسوأ نوع اللي هو ال جي
ابتعد عنه قد ماتقدر انا خذت من عندهم مكيف وتلفزيون ودي في دي وكلهم اختربوا قبل مايكملون سنه ويذلونك في مركز الصيانه على التصليح

[صندح]

جنرال وبس
انصحك
وفالك التوفيق

[nym]

انا عندي الكاريير ممتاز ومافيه مشاكل

[مسمار]

جنرال الاصلي اللي وكيله عبدالحميد عبدالرحيم واسد عماد التجاريه

[BURBERRY]

اخوي انا ماعرف شنو احسن نوع بس اعرف اسوأ نوع اللي هو ال جي
ابتعد عنه قد ماتقدر انا خذت من عندهم مكيف وتلفزيون ودي في دي وكلهم اختربوا قبل مايكملون سنه ويذلونك في مركز الصيانه على التصليح

يعطيك العافيه اخوووي

الحمدلله قلت لي عنهم ولا كنت ناوي امر عليهم بكره ..

[الهاوي28]

المتسوبيشي ولا عقبه
وسعره فيه

[BURBERRY]

جنرال وبس
انصحك
وفالك التوفيق

:rolleyes2: ياخوك معاملة الشركة مب شي

و مكيفاتهم حدها شهرين و تطلع مشاكل في الكمبريسر

[BURBERRY]

انا عندي الكاريير ممتاز ومافيه مشاكل

اخوي وين مكان شركتهم ؟

[BURBERRY]

جنرال الاصلي اللي وكيله عبدالحميد عبدالرحيم واسد عماد التجاريه

:eek5: فيه اصلي و تجاري .. اخبر وكيل جنرال .. الريس

[oxqatarxo]

من احسن المكيفات من واقع تجربة
مكيفات ترين Train أمريكية ووكيلها الدرويش طريق سلوىدرجة اولى و الخدمة ممتازة اصلا مب محناجة صيانة الا قليل بس السعر غالي
و في مكيفات الزامل نسخة من ترين صناعة سعودية ممتازة والسعر معقول جدا.

واذا حبيت تاخذ نوع غير لازم يكون الكمبريسر نوع بستن و لا يكون روتري لانه ما يصلح للاجواء الحارة

تحياتي

[BURBERRY]

المتسوبيشي ولا عقبه
وسعره فيه

يعطيك العافيه .. بس ماعرف من وكيل المستوبيشي ..



يالربع .. شرايكم في السامسونج ؟ ولا مب شي ؟

[بولينجر]

التوشيبا.....كل بيتنا توشيبا ونادرا يخترب....أهم شيء تعتني بالتنظيف كل 3 شهور مرة
وكيله المناعي

[mode]

عن تجربة قديمة (فوجي) وبس وكيلها الريس اللي في شارع الخليج

وخدمتهم بعد البيع ممتازة

[بندرصالحي]

من احسن المكيفات من واقع تجربة
مكيفات ترين Train أمريكية ووكيلها الدرويش طريق سلوىدرجة اولى و الخدمة ممتازة اصلا مب محناجة صيانة الا قليل بس السعر غالي
و في مكيفات الزامل نسخة من ترين صناعة سعودية ممتازة والسعر معقول جدا.

واذا حبيت تاخذ نوع غير لازم يكون الكمبريسر نوع بستن و لا يكون روتري لانه ما يصلح للاجواء الحارة

تحياتي

ترين عندنا من 12 سنه والحمدلله ماتغيرت صيانه بسيطه
النوع الجديد افظل بكثير
ونصيحه اي نوع اخذ 2 طن لا تاخذ واحد ونص

[صندح]

:rolleyes2: ياخوك معاملة الشركة مب شي

و مكيفاتهم حدها شهرين و تطلع مشاكل في الكمبريسر

والله اخوي ان ساكن بيتي من9 سنين وماشفت مشاكل
بس عيبهم ماينظفون ينحبس الماي في الطوفه ويبقع
واجيب شركه ثانيه تنظفلي ب140 ريال

[ام شادن]

مش جنرال كول هذا تعبان يقصد جنرال الاصلي

[KhalidQ]

انا شاري اجهزت البيت من Panasonic فوق 40 الف ريال
والحمدالله

اسبليت

اثنين 3 طن الواحد ب5 الف ريال
واثنين 1,5 الواحد ب2,5 الف ريال

6 مكيفات عاديه الواحد ب1100 ريال

وتلفيزين و غساله و فرن ب5 الف ريال

وليومك هذا اشتري من باناسونيك

لان الشركه عندها اكبر ورشه في قطر
خلف مكتبة جرير واهم شي الصيانه

المشكله : مكان الاسبلت لازم يكون جاهز

[haya99]

تحملي تاخذين سامسونج لانه تعباااااان حده
وماشغلج الا صيانه طول السنه

[qatari1]

أنا عندي نفس المشكلة، والواحد احتار من الآراء المختلفة!

لكن شكلي بصنف على مكيف متسوبيشي...

2 طن بـ 2745 ريال بدون التركيب، تقريباً التركيب بـ 550 ريال، لكن إن شاء الله نحصل خصم محترم!

والتجميع تايلاندي!

ولكن لا أعرف إلا شركة واحدة توفر هذا النوع هي الشركة المتحدة للأجهزة الإلكترونية بشارع الهندسة، وهناك شركة المثلث الهندسي في نفس الشارع، ولكن لم أسألهم حتى الآن!

فهل مكيفات المتسوبيشي ليس لها وكيل حصري؟!

مكيفات السامسونج امتدحها لي أكثر من صديق، وهي تقريباً بنفس السعر!

بالتوفيق

[ashhal_q]

المتسوبيشي

[ابو جمال]

السلاك عليكم

عندك بعد مكيفات سانيو ترى مكيف ماعليه كلام

[شاهين]

المتسوبيشي ولا عقبه
وسعره فيه



روووووح والقلب داااعيلكـ :nice:

أخوي BURBERRY
جرب ومنت خسرااان أن شاءالله
بس سعره غااالي لاكن مب خسااارهـ فيه
بشرط يكون الياباني مش تجميع الأندونيسي:omen2:

[حالي الذوق]

جنرال كوول تجميع البحرين


ولله الحمد صار له عندي 8 سنوات وبدون اي مشاكل اللهم غيرت له المروحه من 3 سنوات وشغال اخر حلاوه

[almaf1a]

ماغير المتسوبيشي شئ

[HEART_LION]

انا استخدم جنرال والحمد لله ماشكيت منه بس مثل ماقال اخونا معاملة الشركه الله يعين

[مزمز]

يعطيكم العافيه

[بوالنوف]

مالك الا مكيف باناسونيك ولا أحسن ولا أروع ولا أبرد
ومعاملتهم ولا بالمثيل

ولين خلص ضمانك بس اتصل فيهم وبيسوون لك الصيانه على 150 ريال بس

مب مثل الباقي اللي يقول 400 واللي 300 مادري ملاقي الفلوس في الشارع

[keep calm]

Lg احسن مكيفات سبليت في العالم من ناحيه التقنيه وقوه التبريد

[بوحمد2007]

فوجي بس غالي شوي

[Qtr33]

الله يعينك على الاختيار الصعب :)
هالمكيفات اغلبها جربتها ولا نوع نفع معاي
(ميتسوبيشي - الـ جـي - سامسونج - فوجي) اغلبها مانفعني غير سنه وحده وبعدها غير
وحاليا استعمل فوجي (يبيعهم الريس) مكيف جيد لكن بعد البيع شعارهم (دورني) تترجاهم لين يجونك وماعندهم غير كلمه وحده (هذا اذا جوك) بناخذ المكيف معانا بنسوي له تنظيف وبنرجعه بعد يومين (حتى لو المكيف محتاج غاز بس والدليل يجونك البيت جاهزين يشلونه ويطلعون حتى مايسألونك شفيه بالضبط)
وحاليا والاغلب يمدحلي اياه الجنرال (الأصلي) اللي هو وكيلهم شركة العمادي
ولاتروح صوب جنرال كول (وكيلهم الريس) حاسب منه واحد اعرفه مركب للبيت كامل جنرال كول ويشتكي منهم يقولي كل شهرين او ثلاث شهور اغير كمبريسر (احسب كم مكيف عندك في البيت)
عليك بالجنرال (الأصلي) مب اللي يبيعه (الريس)

[الملكي 111]

جنرال الاصلي اللي وكيله عبدالحميد عبدالرحيم واسد عماد التجاريه

مرحبا

كلام اخوي مسمار سليم 100 %

وشكرآ

[عشووقي]

وانا بعد اقول جنرال الريس مب العمادي احسن شي وفالك طيب

[ame32480]

جنرال الريس تقليد

جنرال العمادي هو الاصلي
احسن مكيفات جنرال العمادي

[]دانة الدنيا]

بالتوفيق

[simsim1963]

عندك احدى الاثنين جنرال او تراين

[حمد]

:eek5: فيه اصلي و تجاري .. اخبر وكيل جنرال .. الريس

اعتقد ان الاصلي عند العمادي ... الي في شارع الكهرباء

من تجربة

ال جي اسوء مكيف.... الكمبريسر كل 5 شهور يخترب .... ويقولك عليه ضمان ... فراح نبد لك ببلاش... بس التركيب عليك ... ادفع 500 .

بالنسبة للخدمه .... فيذلونك ذل لين يردون على التلفون .... ومرات مايردون بعد .

واذا تبي الكلام الصح .... الهندي الي يصلح مكيفات

يقول الاسوء : ال جي - باناسونيك

والافضل : متسوبيشي بس غالي

وجنرال زين ورخيص

وفوجي زين بعد ... لانه اصلا هو كل شي فيه نسخة من جنرال ... الا الاسم .... يعني نفس الشركة

[Um Sultan]

احسن شي توشيبا

10 سنوات الحين في البيت وماشاء الله ماختربوا ولاشي

وبس تنظيف كل خمس شهور تقريباا وبااارد

[مسااااااااهم]

مقارنة صعبة .... الله يعينك أخوي
أنا من فترة بسيطة مريت بنفس الموقف وكنت حائر في اختيار المكيف المناسب وسط كم هائل من الاقتراحات والتوصيات من مجربي ومستخدمي المكيفات بأنواعها المختلفة .
وفي الأخير رسيت على الجنرال من شركة العمادي ( هذه الأيام عندهم تنزيلات ) والى الآن لم يتم التركيب.
وبالتوفيق

[عضو دائم]

نصيحه .... عليك بالزامل سبلت يونت كمرسن امريكي اللي وكيلة الدرويش شارع سلوى ... خمس سنوات ضمان .. خدمة ولا اروع ... وانا عندي البيت كلة سبلت يونت صارهم اربع اسنين ممتازين وخدمتهم والله ممتازه .

[مهاجر]

يقول الاسوء : ال جي - باناسونيك


ضيف عليهم سامسونغ

جنرال وبس

[Red Eye]

لاااااااااااااااااا
للسامسونج

:(

[حمد]

احسن شي توشيبا

10 سنوات الحين في البيت وماشاء الله ماختربوا ولاشي

وبس تنظيف كل خمس شهور تقريباا وبااارد

اختي ام سلطان

ترى المكيفات الي من عشر سنوات توشيبا وغيرهم ... كانوا كلهم يابانيين 100%

اما الحين الوضع تغير

مادري صراحه عن توشيبا

بس ساسمسونج - جنرال - ناشيونال - باناسونيك - وشارب - وغيرهم الكثر الكثير من الاجهزة اليابانية ... صارت في السنوات الاخيرة تجميع الصين وتايلاند وهونغ كونج وتايوان ... ومن يومها وللاسف المستوى ... طاح تحت الصفر

عندنا في المجلس مكيف ناشيونال ... سبيلت يونيت .... يعتبر اخر مكيف ناشيونال .... سبيلت ... صناعة وتجميع اليابان .... الصراحه شي اكثر من رائع .

بس للاسف من بعده ... تحولة شركة ناشيونال الى تجميع الصين وغيرها .

[Qt.1]

توكل على الله ومر على وكيل سامسونغ شغال مظبوط ولااخرابات وبارد ولاا له حس وفيهم فلااتر اطفال بعد يعني يشخل لك الهوى شخال...والدليل الي عندنا :nice:

[غناتي1]

المتسوبيشي والنعم به

[qtr88]

الله يعينك الاختيار صعب لكثره الاراء بس انا بضيف مكيف سبيلت ممتاز عن تجربه الى هو مكيف دايكون وكيلها شركه تدمر وهذي الشركه معروفه بالتكيف المركزي وممتازه اسال عنها

[Bohamad]

هيتاشي

[ورقــة أمــل]

مايسوى عليك انك سئلت!

[3esa3]

انصحك اختي بالجنرال

[شبربوش]

دايكن و متسوبيشي

اسال مجرب ولا تسال خبير

[راعي الاصفر]

الزامل من الدرويش

[ام شادن]

احسن شي جنرال وال جي ممتاز

[اسير الصمت]

بنسونك و المتسوبيشي احسن شي و بس

[ح.الملا.ح]

فوجي تراه زين

[مستثمر111]

انا مجرب الجنرال لا يعلا علية قبل سنتين شريت حق البيت 9 مكيفات اجي وكلهم اختربو كل شهر اغير اثنين وانصح الجميع يبعدون من اجي

[HORK]

بدون لف ودوران الكل عارف ان الميتسوبيشي هو المكيف الافضل

لكن المشكلة عند بعض الناس هو في السعر .. والصراحه سعره فيه

فسعره غالي وهو الاغلى في عالم المكيفات الموجوة في السوق المحلي

ووكيله في قطر شركة التيسير

شارع سلوى قبل قطر للديكور مقابل المجموعة او محطة بترول التيسير

اسبلت طنين على 6500 ريال فقط بس اصلي 100 % 100 ياباني

شوفو عدل جميع الردود محد قدر يذم الميتسوبيشي او يصيد فيه عيب

[بوراشد 66]

السامسونج جيد

اهم شي الابتعاد عن ال جي

[HORK]

من احسن المكيفات من واقع تجربة
مكيفات ترين Train أمريكية ووكيلها الدرويش طريق سلوىدرجة اولى و الخدمة ممتازة اصلا مب محناجة صيانة الا قليل بس السعر غالي
و في مكيفات الزامل نسخة من ترين صناعة سعودية ممتازة والسعر معقول جدا.

واذا حبيت تاخذ نوع غير لازم يكون الكمبريسر نوع بستن و لا يكون روتري لانه ما يصلح للاجواء الحارة

تحياتي


اخوي اسمحلي

5 مكيفات ترين من الدرويش ولا شفت مثلهم في الفشل

واول مره انقهر على افلوسي لني فعلا انصب علي

قال امريكي وتايواني وكله تمام

كلهم انحذفوا فوق السطح وتم استبدالهم لفشلهم التام

اما مكيفات ال جي فحدث بلا حرج اخر مصخره

وكأنك تشتري بطيخ انت وحظك

وسلامتكم

وطبعا لا حماية مستهلك ولا حماية بطيخ الدعوه كوسى

[HORK]

السامسونج جيد

اهم شي الابتعاد عن ال جي


كلامك سليم يا بوراشد

اهم شي الابتعاد عن ال جي

[الروقي]

انصحك لاتاخذ Lgوالله عندي 7 مكيفات احترقوا كلهم ويذلونك عند التصليح ولا يجونك ولا يعطونك وجه ابددددا ولا يجونك وكلهم من العماله البنغاليه التعيسه انصحك بالزامل والترين عند الدرويش او هيتاتشي

وبالتوفيق

[*ام محمد*]

والله جنرال احسن نوع واحنا مجربينه من زمان والله يوفقك

[بوتين]

انا من ثلاث سنين عندي فوجي اللي من شركة الريس والحمدلله مافيه مشاكل ومن كم اسبوع ماخذلي اربعة مكيفات طنين الواحد ب 3750 وفي ارخص الطن ونص 3550
نصيحه اخذ فووووجي لان خدمتهم بعد البيع عالمية

[جوال 11]

عليك بالمتسوبيشي دايا لأن فيه المتسوبيشي الكتريك لا تاخذه وجنرال مثل ما ذكر أفضل مكيفات

[Media]

اعتذر عن رفع الموضوع وذلك لحاجتي الى النصح والإرشاد في هذا الأمر.

انوي حاليا شراء مكيف سبليت وماشاءالله الاخوان كلهم نصحو في المتسوبيشي لذلك قررت شراءه وذهبت الى موقعهم الألكتروني حيث وقعت عيني على موديل جميل جدا.. يجمع بين صفة التبريد والتدفئه حيث انه مكيف يبرد الغرفه في الصيف ويعمل كمدفئه في الشتاء..

على العموم الاخوان اللي في قطر ماسمعو عن موديل مثل هذا وقالو اصلا ماعندهم اي مكيفات حاليا، برايكم شسوي وشنو اتشورون علي؟

وكل عام وانتو بخير:)

[سليمان]

تبي نصيحتي

غير دايكن او مستوبيشي لاتفكر

انا مركب دايكن 18 الف وحدة وسعره عندنا في السعودية 3300 ريال
وال 24 الف وحده ب 3800 ريال

بس الدايكن فيه تجميع تايلندي وفيه ماليزي
والاحسن التايلندي

والله يوفقك