^ جامعة قطر تقتحم السكندلايف (مشروع تخرجنا) ^ [الأرشيف]

مشاهدة النسخة كاملة : ^ جامعة قطر تقتحم السكندلايف (مشروع تخرجنا) ^

ليــث قطر

07-06-2008, 02:04 AM

بسم الله الرحمن الرحيم ..

السكندلايف ..

وهو عالم أفتراضي (3D) أنشئ عن طريق شركة ليندن لاب

في الولايات المتحدة الأمريكية ..

وهذا العالم الافتراضي يحتوي على مجموعة من الجزر ..

وقد قامت الكثير من الشركات مثل: Dell ، Microsoft ، IBM

وبعض المؤسسات الإعلامية مثل : رويترز ، CNN

بل وبعض الدول مثل : أستونيا ، السويد

بإنشاء جزر خاصة بها في محاكاة للشركات في الواقع ..

وقامت الدول بإنشاء سفارات رسمية في هذا العالم

ليعطي معلومات عن الدولة ..

والمشروع الريادي في العالم الإسلامي ..

هو مشروع موقع إسلام أونلاين

والذي قام بإنشاء مشاعر الحج ..

كالحرم المكي وجبل عرفة ومسجد نمرة ومنى ومسجد الخيف ..

ويعطي هذا الحرم الإفتراضي معلومات للزوار باللغة الإنجليزية عن الحج

للمزيد عن السكندلايف

http://www.zuhlool.org/wiki/%D8%B3%D9%83%D9%86%D8%AF_%D9%84%D8%A7%D9%8A%D9%81

http://arablibrarians.wordpress.com/2007/12/16/%D8%A5%D8%B3%D9%84%D8%A7%D9%85-%D8%A7%D9%88%D9%86-%D9%84%D8%A7%D9%8A%D9%86-%D8%A7%D9%84%D8%AD%D8%AC-%D8%B9%D9%84%D9%89-%D8%A7%D9%84%D8%AD%D9%8A%D8%A7%D8%A9-%D8%A7%D9%84%D8%A5%D9%81%D8%AA%D8%B1%D8%A7/

http://www.islamonline.net/servlet/Satellite?c=ArticleA_C&cid=1180421232910&pagename=Zone-Arabic-News%2FNWALayout

http://jfc.maktoobblog.com/691477/%D8%A3%D8%AA%D8%A8%D8%A7%D8%B9_%22%D8%A3%D8%A8%D8% B1%D9%87%D8%A9%22_%D9%8A%D9%87%D8%A7%D8%AC%D9%85%D 9%88%D9%86_%D8%A7%D9%84%D9%83%D8%B9%D8%A8%D8%A9_%D 9%81%D9%8A_%D8%B3%D9%83%D9%86%D8%AF_%D9%84%D8%A7%D 9%8A%D9%81

http://www.islamonline.net/servlet/Satellite?c=ArticleA_C&cid=1209358105871&pagename=Zone-Arabic-HealthScience%2FHSALayout

الخلاصة ..

قام طلبة من قسم علوم الحاسب بجامعة قطر

(طالبان قطريان وطالبان بحرينيان)

بتصميم virtual campus

جامعة إفتراضية على السكندلايف

حاولوا فيها محاكاة بعض مباني الجامعة

لتكون جامعة قطر أول جامعة عربية تقتحم السكندلايف

بعد أن دخلته 70 جامعة عالمية ..

وقد قام بالمشروع الطلاب:

1- أحمد محمود لاوري

2- محمد خالد الجودر

3- محمد محسن اليهري

4- جمعة ثامر الكعبي

بإشراف الدكتور الفاضل/ طارق الفولي ..

وقد قاموا ببناء مسجد الجامعة .. المكتبة

وجزء من الخلايا (خلية ممر 5) - طابقين منها ..

ونظراً لمحدودية مساحة الجزيرة والتي يقدر ثمن إيجارها

500 دولار أمريكي لمدة شهرين ومحدودية الوقت وإلا لتمكن الطلبة

من الإنتهاء من بناء جميع المرافق الجامعية ..

صور لجزيرة جامعة قطر في السكندلايف ..

المسجد ..

http://www.qatarp.com/files/116/Snapshot_001.bmp

http://www.qatarp.com/files/116/Snapshot_001111.bmp

http://www.qatarp.com/files/116/Snapshot_004111(2).bmp

http://www.qatarp.com/files/116/Snapshot_0041111.bmp

http://www.qatarp.com/files/116/Snapshot_0041111(1).bmp

http://www.qatarp.com/files/116/Snapshot_0041111(3).bmp

http://www.qatarp.com/files/116/Snapshot_0041111(5).bmp

http://www.qatarp.com/files/116/Snapshot_0041111(7).bmp

المكتبة ..

http://www.qatarp.com/files/116/Snapshot_002.bmp

http://www.qatarp.com/files/116/Snapshot_01822(1).bmp

http://www.qatarp.com/files/116/Snapshot_01822(2).bmp

http://www.qatarp.com/files/116/Snapshot_01822(3).bmp

http://www.qatarp.com/files/116/Snapshot_01822(4).bmp

http://www.qatarp.com/files/116/Snapshot_01822(6).bmp

http://www.qatarp.com/files/116/Snapshot_01822(7).bmp

http://www.qatarp.com/files/116/Snapshot_01822(8).bmp

خلية ممر 5 مع وضع نماذج للاب الكمبيوتر ولاب الكيمياء ..

http://www.qatarp.com/files/116/Snapshot_004.bmp

http://www.qatarp.com/files/116/Snapshot_005.bmp

http://www.qatarp.com/files/116/Snapshot_006.bmp

http://www.qatarp.com/files/116/Snapshot_007.bmp

http://www.qatarp.com/files/116/Snapshot_008.bmp

http://www.qatarp.com/files/116/Snapshot_009.bmp

http://www.qatarp.com/files/116/Snapshot_018.bmp

http://www.qatarp.com/files/116/Snapshot_021.bmp

http://www.qatarp.com/files/116/Snapshot_023.bmp

ساحة مقابلة للمكتبة لعرض المشروع ...

http://www.qatarp.com/files/116/Snapshot_003.bmp

http://www.qatarp.com/files/116/Snapshot_0022.bmp

http://www.qatarp.com/files/116/Snapshot_0011.bmp

علماً بأن فترة استئجار الجزيرة ستنتهي بعد شهر تقريباً من الآن

وبالتي سيتم إزالة جميع هذه المباني من الجزيرة

فهل تتدخل إدارة الجامعة لإنقاذ مبانيها الإفتراضي

والتي تمنح الجامعة سمعة عالمية في هذا العالم الافتراضي ..

ملاحظة :

الصور الموجودة في الموضوع لا تمنح المحاكاة بكل تفاصيلها

لذا عليك أن تجرب زيارة المبنى الإفتراضي لجامعة قطر على السكندلايف ..

امل الحب

07-06-2008, 02:20 AM

لاداعي

07-06-2008, 02:22 AM

مبرووووووووووووك التخرج

Affable Lady

07-06-2008, 02:24 AM

:omg:

ماشاااااااااااااااااءالله

عمل راااااااائع

مبروكين الإنجاز ..

شي يفرح القلب والله

وبالتوفيق إن شاءالله

PoBox

07-06-2008, 02:25 AM

ليش مخلين الماي مفتوح بالمغاسل ؟؟!
مب اسراف هذا ؟

هههههههه ، امزح ،،
ماشاء الله ،، ابداعات حلوة
الله يوفقكم ان شاء الله

http://www.qatarp.com/files/116/Snapshot_0041111(1).bmp

qatari1

07-06-2008, 02:36 AM

على فكرة الأخ أعلاه، أي صاحب الموضوع هو أخي الأصغر:omg:

وحيث أنني لم أبارك له حتى الآن بسبب ملاغته معي في معظم الأحيان!:eek5:

فأود أن أهنئه على صفحات المنتدى...:telephone:

فألف ألف مبروك أخي الأصغرعلى التخرج، وإلى الأمام دائماً:victory:

كما أحب أن أبارك لك سلفاً عقد القران(الملجة) خلال الاسبوعين القادمين إن شاء الله:discuss:

ليــث قطر

07-06-2008, 02:46 AM

:omg:

فاجئتني

اول شي الف مبروووك التخرج

مشاء الله افكااار رووعة ومشاء الله عليه هالدكتور عليه افكار ..

كان هو المشرف على مشروعي http://qatarshares.com/vb/showthread.php?t=180929

ولكن المشروع وايد حلوووو ليش القسم مايناقشه مباشرة مع الجامعة يمكن يتكفلون فيه ويكملونه بحيث يتيح للي حاب يتعرف عالجامعة الاطلاع عليه :victory:

عليك بدكتورك المشرف ترا افكاره واقتراحاته مقبولة وبقوة وجرب تناقش د.قتيبة ود.مازن تراهم يموتون في شي اسمه ابداع :victory:

موفق

ومبروك مرة ثانية :nice:

الله يجزاج خير أختي على الرد ..

والله يبارك فيج .. ودعواتكم باقي 3 امتحانات ونختمها بإذن الباري ..

والله إن شاء الله راح نحاول على مسألة إكمال المشروع

لأن حرام يروح تعبنا :(

يعطيج العافية على ردج .. :)

ومشروعكم يا بنات الهندسة ولا أروع !

مبرووووووووووووك التخرج

الله يبارك فيك يالغالي ومشكور على ردك ..

:omg:

ماشاااااااااااااااااءالله

عمل راااااااائع

مبروكين الإنجاز ..

شي يفرح القلب والله

وبالتوفيق إن شاءالله

الله يبارك فيج أختي ..

ويجزاج الجنة :)

ليش مخلين الماي مفتوح بالمغاسل ؟؟!
مب اسراف هذا ؟

هههههههه ، امزح ،،
ماشاء الله ،، ابداعات حلوة
الله يوفقكم ان شاء الله

http://www.qatarp.com/files/116/Snapshot_0041111(1).bmp

هههههههههههههه

على فكرة نفس هالجملة بالضبط قالها لي qatari1

أول ما شاف المشروع خخخخخخخ

يعطيك العافية يالغالي ومشكور على ردك وتشجيعك :victory:

على فكرة الأخ أعلاه، أي صاحب الموضوع هو أخي الأصغر:omg:

وحيث أنني لم أبارك له حتى الآن بسبب ملاغته معي في معظم الأحيان!:eek5:

فأود أن أهنئه على صفحات المنتدى...:telephone:

فألف ألف مبروك أخي الأصغرعلى التخرج، وإلى الأمام دائماً:victory:

كما أحب أن أبارك لك سلفاً عقد القران(الملجة) خلال الاسبوعين القادمين إن شاء الله:discuss:

فضحنا فضحنا فضحنا :secret:

الله يبارك فيك يا خوي الكبير :nice:

وإن شاء الله نبارك لك بــ عمر مادري يوسف مادري عباس :tease:

مشكور على مرورك وردك :)

سداوي&مدريدي

07-06-2008, 02:48 AM

ليــث قطر

07-06-2008, 02:50 AM

ليــث قطر

07-06-2008, 02:51 AM

شدعوه الريال مداوم بروحه وين الي وياه ؟؟

خخخخخخخخخخخخخخخخخخخخخخخ
امزح :tease:
http://www.qatarp.com/files/116/Snapshot_01822(1).bmp

ألف مبـــروك اخــوي

والله يوفقك في باقي الأختبارات :nice:

نبيك أتبيض الويه

:victory:

ههههههههه هذيه جمعة الكعبي رفيجنا :omen2:

فشلنا خخخخخخخخخ

يعطيك العافية يالغالي على ردك :)

والله يسمع منك ويوفقنا وإياكم

امل الحب

07-06-2008, 02:56 AM

في كلمة ودي أقولها ..

قبل ما يحطون لنا د.طارق الفولي كمشرف على المشروع

كانوا حاطين لنا دكتور من جنسية عربية ..

وكانت أول سنة له في قطر

وكان يردد معانا في المشروع العبارات التالية :

أنتو القطريين فاشلين .. أنتو ما تبون إلا التخرج عشان تاخذون فلوس !!

أنتو ما تقدرون تسوون شي !!

وأنا أصلاً برسبكم في المشروع !!

.. ألخ من هذه العبارات ..

( كان حاقد ع البلد والقطريين بطريقة غريبة جداً)

وأخذ يتمادى ويستخدم عبارات وألفاظ سوقية جداً جداً ..

رفعنا الأمر لعميد الكلية (الدكتور الفاضل حسن الفضالة)

واللي أمر بإقالته من الجامعة بكبرها !!

وتم تغيير الدكتور ..

وحطوا دكتورنا الحبيب طارق الفولي

اللي شد على أيدينا وساعدنا لين ما أنهينا المشروع

وهالمشروع رسالة لكل من يشكك في قدرات الشباب القطريين ..

وأنهم فاشلين وهمهم الرواتب العالية !!!

:victory:

من الدكتور الثاني اذا كان الي في بالي وتمت اقالته مع نص الفصل الثاني ..؟

اذا كان هو فهالشي يفاجئني جدا لانه كان قمة في الاحترام والتعامل معاي وهو مب مجبر عشان مشروعي :rolleyes2:

ومدام وراك د.طارق نام وانت مرتااح بس ضروري تبين له رغبتكم وحماسكم باتمام المشروع اذا بتوافق الجامعة عليه :shy: صج عجبني مشاء الله وتحمست له وايد

خاصة ان برنامجكم ممكن يكون واجهة حق الجامعة بدل الواجهة الباردة الي حاطينها لنا ..

ليــث قطر

07-06-2008, 03:04 AM

:victory:

من الدكتور الثاني اذا كان الي في بالي وتمت اقالته مع نص الفصل الثاني ..؟

اذا كان هو فهالشي يفاجئني جدا لانه كان قمة في الاحترام والتعامل معاي وهو مب مجبر عشان مشروعي :rolleyes2:

ومدام وراك د.طارق نام وانت مرتااح بس ضروري تبين له رغبتكم وحماسكم باتمام المشروع اذا بتوافق الجامعة عليه :shy: صج عجبني مشاء الله وتحمست له وايد

خاصة ان برنامجكم ممكن يكون واجهة حق الجامعة بدل الواجهة الباردة الي حاطينها لنا ..

أي أختي هو اللي في بالج

هو في الفصل الأول كان زوين

بس في الثاني ين !!

وقام يتهجم بطريقة غريبة

وتم التحقيق معاه واعترف بكل شي !!

الله يهديه ويهدي الجميع

عاشق امل

07-06-2008, 03:09 AM

مبروك التخرج اخي العزيز..

وعقبال الوظيفة الزينة ..

ولاتنسى العشا عقب التخرج:shy:

ليــث قطر

07-06-2008, 03:11 AM

الله يبارك في عمرك يالغالي .. والله يسمع منك

أفا عليك عشاك علينا .. :)

بس طرش رسالة خاصة لــ qatari1 << نكب أخوه خخخخخخ

امل الحب

07-06-2008, 03:12 AM

أي أختي هو اللي في بالج

هو في الفصل الأول كان زوين

بس في الثاني ين !!

وقام يتهجم بطريقة غريبة

وتم التحقيق معاه واعترف بكل شي !!

الله يهديه ويهدي الجميع

غريبة..

كان محترم لاخر درجة حتى عقب الاقالة..:rolleyes2:

يلا الله يهديه:)

موفق ان شاء الله

عاشق امل

07-06-2008, 03:14 AM

الله يبارك في عمرك يالغالي .. والله يسمع منك

أفا عليك عشاك علينا .. :)

بس طرش رسالة خاصة لــ qatari1 << نكب أخوه خخخخخخ

انت والا اخوك الشيخ qatari1

المهم ابي العشا :secret:

والا قول ماتبي تعشينا وتعشي المنتدى كله :anger1:

ليــث قطر

07-06-2008, 03:18 AM

الأعضاء: 20,878

تهقى كم راس يكفي هالأمة كلها ! :eek5:

عاشق امل

07-06-2008, 03:20 AM

الأعضاء: 20,878

تهقى كم راس يكفي هالأمة كلها ! :eek5:

:unsure::unsure::unsure:

انت كريم وهم يستاهلون :nop:

<<< وهق الرجال :whistling:

ليــث قطر

07-06-2008, 03:21 AM

لا نقلب الموضوع شات عشان لا يقفل نعنوش << يضيع سالفة العزيمة خخخ :secret:

يعطيك العافية أخوي وأبشر بالعشا .. راجعنا في تاريخ 19/6 بإذن الله تلقى معاملتك خالصة :nice:

عاشق امل

07-06-2008, 03:23 AM

لا نقلب الموضوع شات عشان لا يقفل نعنوش << يضيع سالفة العزيمة خخخ :secret:

يعطيك العافية أخوي وأبشر بالعشا .. راجعنا في تاريخ 19/6 بإذن الله تلقى معاملتك خالصة :nice:

الله يوفقكم ويسلم راسك يالطيب.. كنت امزح.. :)

ليــث قطر

07-06-2008, 03:27 AM

اللهم اميييين وإيااااااااك :)

سهم طايش

07-06-2008, 12:36 PM

الف الف مبروك

و الله يوفقكم

khaldoon

07-06-2008, 12:50 PM

ما شاء الله

ابداعات متواصله من طلبة جامعة قطر

احييكم والف الف مبروك

BURBERRY

07-06-2008, 12:55 PM

ما شاء الله .. شغل عدل

الف الف الف مبروووك التخرج اخوي ليث قطر

ليــث قطر

07-06-2008, 03:43 PM

سهم طايش

خلدون

Burberry

الله يبارك فيكم جميعاً .. ويشرفني مروركم .. :)

هام السحاب

07-06-2008, 04:03 PM

ماشالله قمه الروعه
ومبروك التخرج

سيف قطر

07-06-2008, 04:11 PM

نفتخر بامثالك اخوي ليث قطر :nice:

ليــث قطر

07-06-2008, 04:22 PM

ماشالله قمه الروعه
ومبروك التخرج

الله يجزاج خير .. مروركم الأروع .. والله يبارك فيج :)

نفتخر بامثالك اخوي ليث قطر :nice:

:shy: << يعني منحرج

يزاااك الله خير يالغالي .. أحرجتني :shy:

وتسلم على مرورك الرائع

دنيا الاسهم

07-06-2008, 11:25 PM

في كلمة ودي أقولها ..

قبل ما يحطون لنا د.طارق الفولي كمشرف على المشروع

كانوا حاطين لنا دكتور من جنسية عربية ..

وكانت أول سنة له في قطر

وكان يردد معانا في المشروع العبارات التالية :

أنتو القطريين فاشلين .. أنتو ما تبون إلا التخرج عشان تاخذون فلوس !!

أنتو ما تقدرون تسوون شي !!

وأنا أصلاً برسبكم في المشروع !!

.. ألخ من هذه العبارات ..

( كان حاقد ع البلد والقطريين بطريقة غريبة جداً)

وأخذ يتمادى ويستخدم عبارات وألفاظ سوقية جداً جداً ..

رفعنا الأمر لعميد الكلية (الدكتور الفاضل حسن الفضالة)

واللي أمر بإقالته من الجامعة بكبرها !!

وتم تغيير الدكتور ..

وحطوا دكتورنا الحبيب طارق الفولي

اللي شد على أيدينا وساعدنا لين ما أنهينا المشروع

وهالمشروع رسالة لكل من يشكك في قدرات الشباب القطريين ..

وأنهم فاشلين وهمهم الرواتب العالية !!!

اولا الف مبروووك على التخرج
ثانيا الله ينتقم من كل اجنبي حاقد على اهل البلد والحمدلله انكم اشتكيتوا علية لان اغلب الاجانب حاقدين ودائما يستهزئون بالقطريين وما يستاهلون الرواتب اللي ياخذونها الله ياخذهم ويفكنا من شرهم

ليــث قطر

07-06-2008, 11:55 PM

اولا الف مبروووك على التخرج
ثانيا الله ينتقم من كل اجنبي حاقد على اهل البلد والحمدلله انكم اشتكيتوا علية لان اغلب الاجانب حاقدين ودائما يستهزئون بالقطريين وما يستاهلون الرواتب اللي ياخذونها الله ياخذهم ويفكنا من شرهم

الله يبارك فيك يالغالي ..

والله يسمع منك .. ويفكنا من كل حاقد .. جنه الرواتب من حلال أبوهم :anger1:

ويزاك الله خير على ردك :)

مسك

08-06-2008, 12:22 AM

مبروك ياخوي ليث قطر على التخرج والملجة :)

بس ما عطيتنا نبذة عن كيفية تنفيذ المشروع

ليــث قطر

08-06-2008, 12:37 AM

مبروك ياخوي ليث قطر على التخرج والملجة :)

بس ما عطيتنا نبذة عن كيفية تنفيذ المشروع

والله لا تخرج صار ولا ملجة صارت لين ألحين :weeping:

بس كله من qatari1 :weeping:

والله يبارك فيج مقدماً والفال للجميع :nice:

بالنسبة للخطوات .. هي عبارة عن بنيان وتعلم سكربت بلغة اسمها

لغة لندين سكربتنج

ويعطيج العافية :rolleyes2:

Fahad Alqahtani

08-06-2008, 12:51 AM

يعطيكم العافية شباب
وعقبال الدكتوراه ان شالله

ليــث قطر

08-06-2008, 01:12 AM

الله يعافيك يالغالي .. الدكتوراة قوية خخخخخخ

تسلم على مرورك :)

عبدالله العذبة

08-06-2008, 08:06 AM

الأخ أبو حسن مبارك التخرج و التبركيات موصولة للأخ qatari1 :victory:

ما هي الفائدة من مثل هذه المشاريع مستقبلا؟ هل هي تفيد التخطيط العمراني على سبيل المثال؟

عبدالله العذبة

08-06-2008, 08:14 AM

في كلمة ودي أقولها ..

قبل ما يحطون لنا د.طارق الفولي كمشرف على المشروع

كانوا حاطين لنا دكتور من جنسية عربية ..

وكانت أول سنة له في قطر

وكان يردد معانا في المشروع العبارات التالية :

أنتو القطريين فاشلين .. أنتو ما تبون إلا التخرج عشان تاخذون فلوس !!

أنتو ما تقدرون تسوون شي !!

وأنا أصلاً برسبكم في المشروع !!

.. ألخ من هذه العبارات ..

( كان حاقد ع البلد والقطريين بطريقة غريبة جداً)

وأخذ يتمادى ويستخدم عبارات وألفاظ سوقية جداً جداً ..

رفعنا الأمر لعميد الكلية (الدكتور الفاضل حسن الفضالة)

واللي أمر بإقالته من الجامعة بكبرها !!

وتم تغيير الدكتور ..

وحطوا دكتورنا الحبيب طارق الفولي

اللي شد على أيدينا وساعدنا لين ما أنهينا المشروع

وهالمشروع رسالة لكل من يشكك في قدرات الشباب القطريين ..

وأنهم فاشلين وهمهم الرواتب العالية !!!

أخي العزيز ليث قطر وفقه الله.

بارك الله فيكم على قول الحق بخصوص هذا الدكتور نسأل الله له الهداية و أسجل شكري و احترامي للدكتور الرائع حسن الفضالة الذي لم يرض بالإهانة لقطر و أهلها. :victory:

ROSE

08-06-2008, 08:26 AM

ماشاء الله تبارك الرحمن الف الف مبروك على هالمشروع الرائع

الله يحفظكم ان شاء الله

وعقبال مانشوفك دكتور كبير ونشوف رسالة الدكتوراه يارب

والف مبروك على الزفاف مقدما :tease:

والعشى على qatari1 خلاص

هو قال انه عازم كل بنات المنتدى ع العشى :nice:

الزاجل

08-06-2008, 01:01 PM

ماشاءالله
عاشوا شباب قطر..

كل يوم نفخر بواحد من عيالنا ..

مبروك التخرج

قطرية عسل

08-06-2008, 01:41 PM

الف مبروك :victory:

ليــث قطر

08-06-2008, 04:13 PM

الأخ أبو حسن مبارك التخرج و التبركيات موصولة للأخ qatari1 :victory:

ما هي الفائدة من مثل هذه المشاريع مستقبلا؟ هل هي تفيد التخطيط العمراني على سبيل المثال؟

هلا وغلا أستاذي عبدالله العذبة

مين بوحسن ده لموأخزه !!! :eek5:

أما كنيتي : بوخالد ..

الله يبارك فيك يالغالي ..

هالمشاريع ممكن الجامعة تستغلها كمكان لتجمع طلبتها ودكاترتها

وتنظيم محاضرات الكترونية ..

وأيضاً تنظيم بعض الألعاب كأنشطة طلابية

كذلك يعرف الطالب الجديد بمباني الجامعة وأزقتها وهو في بيته

ويستطيع أن يأخذ جولة افتراضية في الجامعة ليتعود على الجو العام

كما أنها تمثل دعاية إعلانية قوية للجامعة ..

ويعطيك العافية يالغالي :)

أخي العزيز ليث قطر وفقه الله.

بارك الله فيكم على قول الحق بخصوص هذا الدكتور نسأل الله له الهداية و أسجل شكري و احترامي للدكتور الرائع حسن الفضالة الذي لم يرض بالإهانة لقطر و أهلها. :victory:

صااادق والله .. د.حسن من أفضل العمداء اللي مروا على الكلية

الله يوفقه ويسر أمره ..

ماشاء الله تبارك الرحمن الف الف مبروك على هالمشروع الرائع

الله يحفظكم ان شاء الله

وعقبال مانشوفك دكتور كبير ونشوف رسالة الدكتوراه يارب

والف مبروك على الزفاف مقدما :tease:

والعشى على qatari1 خلاص

هو قال انه عازم كل بنات المنتدى ع العشى :nice:

يبارك فيج .. بس أنا كنت ناوي أسوي عرسي 2016 تضامناً مع الألمبياد

ألحين توهقنا مالنا إلا 2020 :secret:

يعطيج العافية أختي .. وقطري1 كريم وانتو تستاهلون :tease:

ماشاءالله
عاشوا شباب قطر..

كل يوم نفخر بواحد من عيالنا ..

مبروك التخرج

الله يبارك فيك يالغالي .. أحرجتنا بردك .. الله يجزاك خير :)

الف مبروك :victory:

الله يبارك فيج أختي .. ومشكورة على الرد

صليب الراي

08-06-2008, 11:14 PM

مبروك على التخرج اخوي
ومشروع جميل تستحقون عليه كل الشكر والتقدير

والله يقويكم على الافضل والاجمل

ليــث قطر

09-06-2008, 12:53 AM

مبروك على التخرج اخوي
ومشروع جميل تستحقون عليه كل الشكر والتقدير

والله يقويكم على الافضل والاجمل

الله يبارك فيك ويقويك يالغالي :)

ومشكور على مرورك وردك :)

qatari1

09-06-2008, 10:26 AM

الأخ أبو حسن مبارك التخرج و التبركيات موصولة للأخ qatari1 :victory:

ما هي الفائدة من مثل هذه المشاريع مستقبلا؟ هل هي تفيد التخطيط العمراني على سبيل المثال؟

الله يبارك فيك أخي عبد الله، وأسأل الله لك التوفيق والنجاح في مسيرتك الدراسية.

ماشاء الله تبارك الرحمن الف الف مبروك على هالمشروع الرائع

الله يحفظكم ان شاء الله

وعقبال مانشوفك دكتور كبير ونشوف رسالة الدكتوراه يارب

والف مبروك على الزفاف مقدما :tease:

والعشى على qatari1 خلاص

هو قال انه عازم كل بنات المنتدى ع العشى :nice:

إذا كان كذا فأنا موافق بالتأكيد:eek5:

ليــث قطر

09-06-2008, 10:26 PM

:eek5: