بني هاجر والريان القديم .... باي باي ..!!

[طبشور]

عندي واحد من الربع من أهالي بني هاجر قبل أسبوع راجع البلدية ( الريان ) علشان يطلع رخصة إضافة ملحق .. فقالوا له : المنطقة جانا من الديوان هذا الاسبوع أمر أن عليها ( أون هوولد ) هي والريان القديم .. يعني لاترخيص بناء ولا صيانه ولا إضافة .


هل جاهم الدور مثل الناصرية الغرافة واللقطة وغيرها من المناطق ..؟؟

[بندرصالحي]

معانا واحد في العمل من يومين استلم رخصة البناء في بني هاجر

[بعيد الدار]

أخوي أنا جاني خبرها من تقريباً أسبوعين وهالكلام صحيح ( من رجال في البلدية )

[واحد دوت كوم]

اهم شي الدفنه عليها الدور او لا

[صقر بلادي]

كله قص قص قص ذبحتونه خلاص

اذا عندكم ملاييين زايدة وزعوها على المواطنين

والله كنه مافي مناطق في قطر الا الدوحة

[سمو الاميرة]

اكيد الخبر ولا وكاله يقولون وانه سمعت في منطقة بمعيذر مقابله سباير عليها يزله

[aljaber1]

صـح سمعت هذا الخبر ويشمل منطقه 50 , 51 , 52 لكن هذي مش ازاله
انما منع بناء ملاحق او اكثر من فله على الارض الواحده بهدف الايجار
ومانقول غير الله يعين المواطن .

[ريمـا]

الله يعين اللي ساكنين لا جاهم القص بيتوهقون بسبة غلا اسعار البيوت الحين

[الوعد2016]

بسبب المطار الجديد المطار الاميري وهذا الكلام من فتره طويله يتردد ولكن لم يتم تاكيد الخبر ولعلمك تمديد شبكه المياه متوقفه من كم سنه بسبب الازاله او لا ازاله

[DEMAC]

lمبروك لا الولومبياد ولا أزالة .................. عيشوا وافرحوا

[قلب شاعر]

انا عندي الخبر من زمان ان الريان صوب الهواجر عليها ازاله وبالنسبه للريان القديم هذا من زمان اصلا امر الأزاله والحين الدور على الريان الجديد

[مسمار]

يلعن ابو اليشاعات يناس رتاحو وريحو لا قص ولا هم يحزنون

البيوت تنبني وانا اعرف فوق 10 توهم مستلمينرخص البناء وبيبنون ف بني هاجر

( الموضوع ان الاقسيمه الوحده مايبناء عليها اكثر من بيت)

سلام ياهل الخبره وش قال قال مطار هههههههههههههه

[غناتي1]

انا اللي سمعته ان هذي المناطق ما عليها ازاله

انما تم منع بناء ملاحق او اكثر من فله على الارض الواحده بهدف الايجار

يعني الارض الواحده ما تطلع لها رخصة بناء الا رخصة وحده

[agase]

انا اللي سمعته ان هذي المناطق ما عليها ازاله

انما تم منع بناء ملاحق او اكثر من فله على الارض الواحده بهدف الايجار

يعني الارض الواحده ما تطلع لها رخصة بناء الا رخصة وحده

وهااااي الكلااااااام الي كنت بقوله ولاتنسى بعد جنوب معيذر
يعني الحكومه تقول لالالالالالالالالا لتقسيم الاراضي في هذه المناطق طبعا للارض الواحده
عشان التجاره فيهاااا من ايجار وبيع
بس هاااي الموضوع

[لاداعي]

مابقى شي يذكرنا بالذكريااات الحلوه كل شي حلو فلبلاد شلوه :(

[مالك أمل]

عندي واحد من الربع من أهالي بني هاجر قبل أسبوع راجع البلدية ( الريان ) علشان يطلع رخصة إضافة ملحق .. فقالوا له : المنطقة جانا من الديوان هذا الاسبوع أمر أن عليها ( أون هوولد ) هي والريان القديم .. يعني لاترخيص بناء ولا صيانه ولا إضافة .


هل جاهم الدور مثل الناصرية الغرافة واللقطة وغيرها من المناطق ..؟؟

ON HOLD
تخطيطياً معناها ( وقف إصدار رخص بناء أو إضافة بناء أو تجديد نشاط أو تغيير نشاط )

يعني هذي بوادي ومفهوم إستملاك أو نزع ملكية للمنفعة العامة بوادي آخر

[المنسى]

ياخوان كثير من الاعضاء جزاهم الله خير ينطبق عليهم المثل الى يقول مع الخيل ياشقراء مافيه داعى للاشاعات يقولون وسمعنا يعنى مافيه شى رسمى وهو ماينشر فى الجريده الرسميه وبالتوفيق للجميع

[الزعفراني82]

ياخوان كثير من الاعضاء جزاهم الله خير ينطبق عليهم المثل الى يقول مع الخيل ياشقراء مافيه داعى للاشاعات يقولون وسمعنا يعنى مافيه شى رسمى وهو ماينشر فى الجريده الرسميه وبالتوفيق للجميع


اخوي المنطقه الي يكون عليها on hold يكون اصلا تم دراستين سابقتين من الجهات المعنيه و اعتقد علا حسب مصدر معلوماتي الغير رسميه ان في بيكون تعديل تنظيمي للمنطقه

طبعا كل شي انا اقوله و اكتبه في هالمشاركه غير رسمي لكن انا متأكد مكن تصحيح تنظيمي لأكثر من منطقه حوالين بني هاجر

تحياتي و تقديري لكم و كل عام و انتم بخير

[حمد الدوسري]

الله يعين اهلها صراحة