ولدك الصغير ياك يصيح وقال لك صبي طقني ........ شنو راح تقول له !!

[Bin Hood]

السلام عليكم

( هالموضوع انطرح قبل سنتين او اكثر في المنتدى )

افرض ان ولدك الصغير الي في المرحلة الابتدائية ياي من المدرسة يصيح او متضايق يوم

سألته شنو فيك ؟؟ قال لك صبي ضربني في المدرسة , ومن خلال اسألتك له اكتشفت ان

الموضوع سالفة يهال وان الهوشة بين ولدك والصبي كانت متكافئة يعني

نفس العمر و Man To Man وبدون اسلحة مثل ما قلت ان المسألة متكافئة

فشنو راح تقول له هل :

1-راح تروح المدرسة وتسوي الموضوع >> لا اؤيد هذا الحل

2- راح تقول له قول حق المشرف >> اشوفه حل جيد

3- راح تقول له خذ حقك بيدك ولا تسكت له >> اشوفه حل ممتاز جدا

4- استخدام بعض الاساليب الحديثة مثل ان الولد يسوي عزيمة وما يعزم الصبي الي متهاوش وياه >> البعض يأيده لكن انا هب مقتنع 100% بس يشمي الحال !!

5- تسفه للموضوع وتخليه يتصرف !!

اعتقد ان الحل 2 و 3 يخلي الولد يعتمد على روحه في المستقبل ويعرف شلون يتصرف مع هالمواقف مستقبلا , لكن الحل الاول اعتقد راح يعلم الولد على الاعتماد على الوالدين وراح يخاف يحتك مع الاخرين وتزيد عنده المخاوف بشكل عام !!

[المشط]

2- راح تقول له قول حق المشرف >> اشوفه حل جيد

3- راح تقول له خذ حقك بيدك ولا تسكت له >> اشوفه حل ممتاز جدا

انا اشوف الحل الثاني هو الافضل مع بعد التعديل يعني ممكن انا اروح المدرسه واتكلم مع المشرف ونحاول نصلح الخلاف بينهم

لكن الحل الثالث مستحيل مثل ما انا اخاف على ولدي ولا ارضي احد يضربه بعد اعيال الناس عندهم اهل ويخافون عليهم وهم طلاب علم في مدرسه مب في غابه

وجهه نظر قابلة للصواب والخطا

[Bin Hood]

انا اشوف الحل الثاني هو الافضل مع بعد التعديل يعني ممكن انا اروح المدرسه واتكلم مع المشرف ونحاول نصلح الخلاف بينهم

لكن الحل الثالث مستحيل مثل ما انا اخاف على ولا ارضي احد يضربه بعد اعيال الناس عندهم اهل ويخافون عليهم

وجهه نظر قابلة للصواب والخطا


اخوي بالنسبة للحل الثالث انا مستحيل اقول هالشي اذا كان الولد في الاعدادي او الثانوي

لكن القصد ان يتعلم ان ياخذ حقه ويواجه الامور بنفسه ويثق بنفسه

[هام السحاب]

3- راح تقول له خذ حقك بيدك ولا تسكت له >> اشوفه حل ممتاز جدا



:nice: :nice:

[المشط]

اخوي بالنسبة للحل الثالث انا مستحيل اقول هالشي اذا كان الولد في الاعدادي او الثانوي

لكن القصد ان يتعلم ان ياخذ حقه ويواجه الامور بنفسه ويثق بنفسه

اخوي تقدر تعلمه ياخذ حقه بالعقل مب باليد

تصور واحد قال حق ولده خذ حقك بيدك وراح وضرب ولد الناس ضربه جابت له اعاقه مستديمه او سبب له ضرر لا قدر الله راح يضيع مستقبل الولد الضارب بين المحاكم والسجن

في سالفه قديمه صارت في قطر في مدرسه ابتدائيه من 15 سنه تقريبا

اثنين تهاوشو في المدرسه رجع واحد منهم وقال حق ابوه السالفه ... قال له ابوه اخذ حقك بيدك
ثاني يوم في الطابور ذبح ولد الناس بالسكين

وشو استفاد الاب الحين ضيع مستقبل ولده وتسبب في مقتل طفل

[Smart]

بقول له تستاهل
وحاول تبتعد عن المشاكل واذا تحس انك مظلوم كلم المشرف

[الخيااال]

لازم تفهمه وتشرح له ان المدرسه للعلم وليست للمشاكل وباقول له حاول الطلاب كلهم يكونون اصدقائك

وخلاص بتنحل المشاكل وبيكونون اخوان.

وشكراااا ع الطرح المميز

[Bin Hood]

بقول له تستاهل
وحاول تبتعد عن المشاكل واذا تحس انك مظلوم كلم المشرف

شدييييييييييييييييييييييد :eek5: >> ما هقيتك جذي

بس ترى الصغار مثل هالكلام يأثر فيهم سلبا بس مرات قليله يكون ايجابي

[Bin Hood]

اخوي تقدر تعلمه ياخذ حقه بالعقل مب باليد

تصور واحد قال حق ولده خذ حقك بيدك وراح وضرب ولد الناس ضربه جابت له اعاقه مستديمه او سبب له ضرر لا قدر الله راح يضيع مستقبل الولد الضارب بين المحاكم والسجن

في سالفه قديمه صارت في قطر في مدرسه ابتدائيه من 15 سنه تقريبا

اثنين تهاوشو في المدرسه رجع واحد منهم وقال حق ابوه السالفه ... قال له ابوه اخذ حقك بيدك
ثاني يوم في الطابور ذبح ولد الناس بالسكين

وشو استفاد الاب الحين ضيع مستقبل ولده وتسبب في مقتل طفل

لا حول ولا قوة الابالله العلي العظيم

انا شخصيا مش مقتنع 100% بالاقتراح 3 بس ممكن يقوي الطفل

[Bin Hood]

لازم تفهمه وتشرح له ان المدرسه للعلم وليست للمشاكل وباقول له حاول الطلاب كلهم يكونون اصدقائك

وخلاص بتنحل المشاكل وبيكونون اخوان.

وشكراااا ع الطرح المميز

حاضرين لك يالشيخ

[هسلان]

ذكرتني بأيام المدارس
شوف المدرسة تجمع كل الشرايح من الطلاب
مسألة أن نكون مثالين ونقول للولد حاول الطلاب كلهم يكونون اصدقائك
مستحيل لأن ابنك لا يملك هذه القوة على التأثير على الطلبة
وأذا قلنا له سامحهم وخلك احسن منهم بنلقاه صار ملطشة لصغير والكبير
الحل في نظري
خله يدافع عن نفسه مرة ومرتين وخله ينطق وتابعه من بعيد وازرع في نفسة الشجاعة والدفاع عن النفس وتدخل في الوقت المناسب
المثالية بين الطلاب ما تنفع والولد بينضرب كل يوم وبيصير ملطشة للجميع

[Bin Hood]

ذكرتني بأيام المدارس
شوفالمدرسة تجمع كل الشرايح من الطلاب
مسألة أن نكون مثالين ونقول للولد حاول الطلاب كلهم يكونون اصدقائك
مستحيل لأن ابنك لا يملك هذه القوة على التأثير على الطلبة
وأذا قلنا له سامحهم وخلك احسن منهم بنلقاه صار ملطشة لصغير والكبير
الحل في نظري
خله يدافع عن نفسه مرة ومرتين وخله ينطق وتابعه من بعيد وازرع في نفسة الشجاعة والدفاع عن النفس
المثالية بين الطلاب ما تنفع والولد بينضرب كل يوم


كلامك عين العقل

[المهندي911]

شوف اخوي اذا كان الولد صغير في ابتدائي باقوله كلم الاخصائي او مربي الفصل
اما
اذاكان في اعدادي او ثانوي
باقوله كن ذئبا او اكلتك الذئاب

[قطريه ماركه]

باقول له اللي يضربك اضربه ...

[الرايقه]

حل المشكله عن طريق الاخصائي الاجتماعي

[khaldoon]

بصراحة انا مع الاقتراح الثاني والثالث

الثالث بقوله يتبع بس مب انه يزيد عن ما سواه فيه

يعني مب ياخذ حقه بسكين او بحجر او انه يسوي فيه عاهة مستديمه
ما احب انه يكون ابني ضعيف...

شكرا يا الغالي على الموضوع المهم

[ANONYMOUS]

اش هالجيل..

اخبر نرد من المدرسه وعيونا مفقوعه.. والراس مشقوق ...والحوض منكسر.. والعمود الفقري مقصوص


ويسألونا بالبيت شفيك.. شصاير..

نقول مافينا شي..

---

الحين شكاوي وحاله

[khaldoon]

اش هالجيل..

اخبر نرد من المدرسه وعيونا مفقوعه.. والراس مشقوق ...والحوض منكسر.. والعمود الفقري مقصوص


ويسألونا بالبيت شفيك.. شصاير..

نقول مافينا شي..

---

الحين شكاوي وحاله


فعلا يا اخي معاك حق....اتفق معاك ميه بالميه

ايييييه ....يا اخي اتذكر الواحد منا يوم كنا نلعب بالشارع و اللي تدعسه السياره مرتين يطلع بره اللعبه

الحين وين تحصل هالشي في جيل اولادنا الي ما يطلعون الشارع ولا يعرفونه

[بوخالد911]

هلا


متردد بين
2
و

3

وشكرا

[ANONYMOUS]

فعلا يا اخي معاك حق....اتفق معاك ميه بالميه

ايييييه ....يا اخي اتذكر الواحد منا يوم كنا نلعب بالشارع و اللي تدعسه السياره مرتين يطلع بره اللعبه

الحين وين تحصل هالشي في جيل اولادنا الي ما يطلعون الشارع ولا يعرفونه


هههههههههههههه

بالفعل اذكر هاللعبه


بس كان عندنا بالريان الل تدعمه السياره 7مرات.. يطلع برا الشارع 10 دقايق.. عقب يرد يدخل عادي

[khaldoon]

هههههههههههههه

بالفعل اذكر هاللعبه


بس كان عندنا بالريان الل تدعمه السياره 7مرات.. يطلع برا الشارع 10 دقايق.. عقب يرد يدخل عادي

:eek5::eek5::eek5::eek5:

7 مرات؟؟؟

لا انتم عيال الريان جامدين

احنا عيال البدع مرتين و نروح فيها الصراحه ...كسور و جروح وعاهات مستديمه ...حتى لو تشوفني راح تعرف ليش ويهي هالشكل و راح تعرف السبب على طول :nice::nice::nice:

[رنج سبورت]

اخوي تقدر تعلمه ياخذ حقه بالعقل مب باليد

تصور واحد قال حق ولده خذ حقك بيدك وراح وضرب ولد الناس ضربه جابت له اعاقه مستديمه او سبب له ضرر لا قدر الله راح يضيع مستقبل الولد الضارب بين المحاكم والسجن

في سالفه قديمه صارت في قطر في مدرسه ابتدائيه من 15 سنه تقريبا

اثنين تهاوشو في المدرسه رجع واحد منهم وقال حق ابوه السالفه ... قال له ابوه اخذ حقك بيدك
ثاني يوم في الطابور ذبح ولد الناس بالسكين

وشو استفاد الاب الحين ضيع مستقبل ولده وتسبب في مقتل طفل

كلامك صحيح هالسالفه صارت في مدرسه واعتقد انها بالمرحله الاعداديه وفي طابور المدرسه :secret:

ممكن انه يتصرف ويروح للمشرف وولي الامر يتابع الموضوع بدون مايحس ولده وخصوصا لطالب المرحله الابتدائيه :nice:

لان احنا فعلا مب في غابه ويجب تحكيم العقل وحسن التصرف في مثل هالمواضيع :victory:

[رنج سبورت]

اش هالجيل..

اخبر نرد من المدرسه وعيونا مفقوعه.. والراس مشقوق ...والحوض منكسر.. والعمود الفقري مقصوص


ويسألونا بالبيت شفيك.. شصاير..

نقول مافينا شي..

---

الحين شكاوي وحاله

هههههه ذكرتني بذيك الايام :nice: بس شكلك بالغت شوي :tease:
ولاتنسى ان الواحد كان يفزع حق ربعه :telephone:

[Fahad Alqahtani]

اقرب حل لي هو رقم 5 تسفه للموضوع وتخليه يتصرف مثل ماكان يسوي فيني الوالد والعيال يتهاوشون كل شوي ويتصالحون في نفس اليوم

[Bin Hood]

فعلا يا اخي معاك حق....اتفق معاك ميه بالميه

ايييييه ....يا اخي اتذكر الواحد منا يوم كنا نلعب بالشارع و اللي تدعسه السياره مرتين يطلع بره اللعبه

الحين وين تحصل هالشي في جيل اولادنا الي ما يطلعون الشارع ولا يعرفونه

هههههههههههههههههههههههههه

انا خابر هالنكته على الصعايده

بس شديد الصراحة يا خلدون

[Bin Hood]

هههههههههههههه

بالفعل اذكر هاللعبه


بس كان عندنا بالريان الل تدعمه السياره 7مرات.. يطلع برا الشارع 10 دقايق.. عقب يرد يدخل عادي

بل بل بل بل بل

لا يطيح السقف علينا :eek5:

قلنا من الريان عاد هب جذي :telephone:

[بلاهويـــــة]

اذا المشكلة بسيطه بمشي الموضوع اما اذا المشكلة كبيرة على طول بروح اكلم المشرف

[بو الجوري]

أول شي طبعاً اذا جاني يصيح .. بقوله لاتصيح انت ريال :anger1:

وبسأله اذا هو اللي غلط على الولد .. بقوله تستاهل .. !!!

لكن اذا هو مب غلطان .. بقوله وليش ماخذت حقك ليش تخليه يضربك .. دافع عن نفسك ولا تخلي حد يغلط عليك ..

وفنفس الوقت بروح المدرسه وبشوف شالسالفه ..

[Smart]

شدييييييييييييييييييييييد :eek5: >> ما هقيتك جذي

بس ترى الصغار مثل هالكلام يأثر فيهم سلبا بس مرات قليله يكون ايجابي

هههههههه
ايه والله وانت صاج ما اسويها

[ABDALAZiZ]

اقرب حل لي هو رقم 5 تسفه للموضوع وتخليه يتصرف مثل ماكان يسوي فيني الوالد والعيال يتهاوشون كل شوي ويتصالحون في نفس اليوم

معـــآآآآآآآآآآآآآك

[عـيـون قـطـر]

2- راح تقول له قول حق المشرف >> اشوفه حل جيد




انا اشوف هذاهو الحل وزيد على كلامك الغالي ( اقول له شوف انا بكلم المشرف بقول له ولدي جاي عندك وعنده مشكله مع احد التلاميذ شوف من عليه الحق بس لو ولدي غلطان اضربه )

تقبلوا تحياتي

[الزاجل]

طقه؟
عادي يا ما يطاققون اليهال..

لكن لو الطق تكرر.. طبعا
تررررررررن
ترررررررررررررن
على المشرفة الاجتماعية
انبهها للموضوع ..

[التيما]

بما ان اعمارهم نفس بعض مالي حايه ارز ويهي للمدرسة .. بشتري هديه للولد الي ضرب ولدي وبقوله ولدي يقول انك تحبه وما تخلي حد يضربه وانك تتدافع عنه دايما .. وما راح يعيدها ابدا مره ثانيه " عن تجربة "

[سهم طايح]

يروح ياخذ حقه بيده هذا افضل حل

لان الولد اذا ماحذ حقه بيده راح يعتمد على غيره في كل شي

[الزاجل]

يروح ياخذ حقه بيده هذا افضل حل

لان الولد اذا ماحذ حقه بيده راح يعتمد على غيره في كل شي

:secret:

[اعالي الجنان]

مشكلة مدارس الاولاد كلها طق ومضارب وتشكيل عصابات وهجوم غير مسلح الحمدلله
انا عن نفسي ولدي دايم الشكوى ان اللي اكبر منه يطقونه اقول له روح كلم المشرفه والحمدلله الموضوع يصغر ويبتعدون الكبار عنه
المشكله اللي معاه بالصف مره اقوله اسكت عنهم ومره اقوله كلم المشرفه بس بعد يردون مره ثانيه لانهم بصفه هني اقوله اللي يطقك طقه مثل ماطقك لان للاسف شافو الولد ساكت عنهم زادوومن يوم ماطقهم اسكتو عنه وماقامو يطقونه
انا ضد هالشي انه يمد يده عليهم بس المشكله انهم يشوفونها انه جبان مايقدر يدافع عن نفسه فيزيدون ومن مد يده عليهم صارو ربعه وحبايبه تخيلو !!!
الله يحفظهم ويصلحهم يارب

[دلة الرسلان]

:strong ولله الحمد قام ابني البارحة بضرب ولد عمته الأكبر منه بسنتين المفتري دائما ايلين صيحه
يما انت كريم يارب

يمهل ولا يهمل

:telephone: دقيت على امي وابوه وخالاته ابشرهم

عيالي مسالمين ينضربون على يد الكبير والصغير مع ان طلعاتنا محدودة جدااااااااا بس ينضربون يمكن علشان معصقلين :discuss:
وعلشان انا وابوهم كله ما نرضى بالغلط ودائما ننبه عليهم ما يمدون يدهم على حد حتى
اذا غلطوا عليهم وهكذا اشوف عيالي مؤدبين لاقصى درجة ومحبوبين وينطقون دائما
بس عزوز فاجئني شكلنا بنغير سياسة التعامل مع الأخرين ترى وناسة اذا خذ الطفل حقه مع أن رجله معضوضة عضة بعير:).

[اعالي الجنان]

:strong ولله الحمد قام ابني البارحة بضرب ولد عمته الأكبر منه بسنتين المفتري دائما ايلين صيحه
يما انت كريم يارب

يمهل ولا يهمل

:telephone: دقيت على امي وابوه وخالاته ابشرهم

عيالي مسالمين ينضربون على يد الكبير والصغير مع ان طلعاتنا محدودة جدااااااااا بس ينضربون يمكن علشان معصقلين :discuss:
وعلشان انا وابوهم كله ما نرضى بالغلط ودائما ننبه عليهم ما يمدون يدهم على حد حتى
اذا غلطوا عليهم وهكذا اشوف عيالي مؤدبين لاقصى درجة ومحبوبين وينطقون دائما
بس عزوز فاجئني شكلنا بنغير سياسة التعامل مع الأخرين ترى وناسة اذا خذ الطفل حقه مع أن رجله معضوضة عضة بعير:).

واخيرا هههههههههههههههههههههههههههه

مبروكيم مبروكين:victory::victory::victory:

يستاهل عزوز:thumbup::thumbup:

[دلة الرسلان]

واخيرا هههههههههههههههههههههههههههه

مبروكيم مبروكين:victory::victory::victory:

يستاهل عزوز:thumbup::thumbup:


الله يرحم والديك ما تبغون دروس خصوصية ترى السالفة كلها عض ومن يصمد اخير :victory:

[Bin Hood]

شكرا لك من دش وعلق

[امـ عبدالله]

السلام عليكم

( هالموضوع انطرح قبل سنتين او اكثر في المنتدى )

افرض ان ولدك الصغير الي في المرحلة الابتدائية ياي من المدرسة يصيح او متضايق يوم

سألته شنو فيك ؟؟ قال لك صبي ضربني في المدرسة , ومن خلال اسألتك له اكتشفت ان

الموضوع سالفة يهال وان الهوشة بين ولدك والصبي كانت متكافئة يعني

نفس العمر و Man To Man وبدون اسلحة مثل ما قلت ان المسألة متكافئة

فشنو راح تقول له هل :

1-راح تروح المدرسة وتسوي الموضوع >> لا اؤيد هذا الحل

2- راح تقول له قول حق المشرف >> اشوفه حل جيد

3- راح تقول له خذ حقك بيدك ولا تسكت له >> اشوفه حل ممتاز جدا

4- استخدام بعض الاساليب الحديثة مثل ان الولد يسوي عزيمة وما يعزم الصبي الي متهاوش وياه >> البعض يأيده لكن انا هب مقتنع 100% بس يشمي الحال !!

5- تسفه للموضوع وتخليه يتصرف !!

اعتقد ان الحل 2 و 3 يخلي الولد يعتمد على روحه في المستقبل ويعرف شلون يتصرف مع هالمواقف مستقبلا , لكن الحل الاول اعتقد راح يعلم الولد على الاعتماد على الوالدين وراح يخاف يحتك مع الاخرين وتزيد عنده المخاوف بشكل عام !!

يامكثر مايووني عيالي ويقولون لي يمه طقوني في المدرســـه واكيـد باجاوبه ب

7
7
7
7
2- راح تقول له قول حق المشرف >> اشوفه حل جيد

وماقدر اقوله
7
7
7
7
3- راح تقول له خذ حقك بيدك ولا تسكت له >> اشوفه حل ممتاز جدا

لانــه اهوه في مدرسة الفزعــه يعني عاادي

ام اليااهل اتي اطق ولدي سهالات:rolleyes2:


<<<00000 متعقده من صغرهــاا :tease:




فعلا يا اخي معاك حق....اتفق معاك ميه بالميه

ايييييه ....يا اخي اتذكر الواحد منا يوم كنا نلعب بالشارع و اللي تدعسه السياره مرتين يطلع بره اللعبه

الحين وين تحصل هالشي في جيل اولادنا الي ما يطلعون الشارع ولا يعرفونه





هههههههههههههه

بالفعل اذكر هاللعبه


بس كان عندنا بالريان الل تدعمه السياره 7مرات.. يطلع برا الشارع 10 دقايق.. عقب يرد يدخل عادي



اقوول طلعتووا اقوى من الزلمه الي طخوووه خخخخخhttp://www.pic4ever.com/images/25r30wi.gifخخخخخخ

[نجود]

1-راح تروح المدرسة وتسوي الموضوع >> هذا الحل

[Bin Hood]

مشكورين على المرور

ومقدرين جهودك وراي الامهات الكريمات الي شرفونا بموضوعنا

[هداف]

لله الحمد في عيالنا ما نعاني من ها لمشكله منذ نعومة اظافرهم قشران ما ندري بهوشاتهم المدرسيه الا اذا كبرت وتصل مدير المدرسه او مركز الشرطه ؟؟ !!