ملاحظة على اللاندكروزر الجديد من يشاركني فيها ؟

[إنتعاش]

مرحبا ومسهلا بالجميع . .

لاحظت ان اللاندكروزر الجديد 2008

التكييف فيه ما يبرد الخاطر الصراحة

لا من ناحية قوة دفع الهواء او من ناحية برودة الهواء نفسه

طبعا بارد ما قلت شي بس قصدي مهوب زي الموديلات السابقة ابدا ً

اخبر الموديلات السابقه لو تحط الهواء على الفل تحصل غترتك تتحرك تهفهف

من قوة الهواء ..

لكن هذا لأ ..

شكيت قلت يمكن موتري بس جربت موتر صديقي نفسي ونفس المشكلة والملاحظة

مدري شرايكم وتعليقاتكم على التكييف

مع العلم انني جربت يوكون 2007 الجديد اول ما نزل وكان تبريده رووووووعه

وبرضو الالماني وخصوصا ال بي ام دبليو في تقديري تبريدهم افضل

من الكروزر الجديد

عشان كذا مصنف في راسي اصفق اللي عندي واطق لي يوكون على هالـ حر



تحياتي لكم

[بوحارب]

بيني وبينك الجو هالأيام ما عاد يعرف شي اسمه مكيف

[الهاوي28]

انا في موتري الكروزر 97

اذا حطيت المكيف حده الغتره مب تهف الا اتطير:tease:

[الســـهم]

هلا اخوي انتعاش ..

نفس الملاحظه قالها لي واحد من ربعي المالكين للكروزر 2008 , المكيف بارد بس مايدف مثل اللي قبله ..

[بوحارب]

انا في موتري الكروزر 97

اذا حطيت المكيف حده الغتره مب تهف الا اتطير:tease:

يا زينه القديم:victory:

حتى ال 96 الي عندي ما يحتااااج <<<< ما شاء الله عليه

احطه على رقم 2 يدف هوا قوي:)

[مزيون الدوحه]

امس مع الربع في المجلس كنا نتكلم عن هذا الموضوع
وكلامك سليم 100%
قوة التبريد ودفع الهواء اقوى في الموديلات القديمه

والله يعينك اخوي على هالحر :victory:

[لاداعي]

صاادق أخوي الغالي أنتعاش من يومين قاعد اتناقش مع الشباب في المجلس عن موضوع التكيف أنا موتري عليه عازل 20% واذا اطلع الظهر او حتى الصباح أحس ان المكيف مايدف والله اني اعطيه حده وهبابه يبرد صاير جنه مكيف القديم من 1998 الى2007 اذا انسدت ثلاجته:rolleyes2: ويوم سألت الشبااب اطلعوكلهم يعانون من نفس المشكله:eek5:

الظاهر يالغالي بين عيبه في الصيـف:(

[سعر الأغلاق]

ماشاء الله عليكم يا اهل قطر ... مايفلفل سلبيات وايجابيات الكروزرات الا انتو ...

انا ماعندي فكره .. لكن اليوم كنت واقف عند الأشاره وشفت واحد واقف ومعطيني زاويه .. صراحه منظره من قدام .. الكفر .. الرفرف .. الكبوت .. ماهيب متناسقه بالمره...

احسها جايه غلط

[إنتعاش]

تسلمون والله يا اخوان على الافادة والتفاعل الحلو منكم

الصراحه تراه عيب مش بسيط في السيارة

ومن المعروف والمتعارف عليه بديهيا ً بيننا ان اقوى وابرد مكيف سيارة هو تويوتا !!

لكن دام هالعيب في الكروزر الجديد الصراحه بيني وبينكم هالنقطة تعتبر اهم نقطة في بلدنا الحارة

ان السيارة تكون باردة و مكيفها يعجبك ..

اويلاه عليك ياليوكن على 120 الف و 140 الف لكن محد يبيك

مدري ادور لي اسكاليد ابرك ..

الله يدبرنا على الصالح

وياريت الاخوان اصحاب ليكزس 570 يفيدوننا بعد في التكييف هل نفس الشي يلاحظون او لأ

[مسمار]

على العكس اخوي المكيف جدآ بارد توني جاي من دبي قبل 3 ايام والمكيف على 2 احس اشوي واتجمد

يعطيك العافيه

[رنج سبورت]

عليك بالجمس او اليوكن :)2008

[Alpinestars]

تسلمون والله يا اخوان على الافادة والتفاعل الحلو منكم

الصراحه تراه عيب مش بسيط في السيارة

ومن المعروف والمتعارف عليه بديهيا ً بيننا ان اقوى وابرد مكيف سيارة هو تويوتا !!

لكن دام هالعيب في الكروزر الجديد الصراحه بيني وبينكم هالنقطة تعتبر اهم نقطة في بلدنا الحارة

ان السيارة تكون باردة و مكيفها يعجبك ..

اويلاه عليك ياليوكن على 120 الف و 140 الف لكن محد يبيك

مدري ادور لي اسكاليد ابرك ..

الله يدبرنا على الصالح

وياريت الاخوان اصحاب ليكزس 570 يفيدوننا بعد في التكييف هل نفس الشي يلاحظون او لأ





مرحبا اخوي

والله هاي المشكله حقيقيه 100% الكل يشتكي منها انا اعرف 2 من الربع عندهم نفس المشكله

مكيف القديم ابرد واقوى بالدفع .... الجديد لك عليه ... الله يعينكم ياملاك ال 2008

وفي مشكله ثانيه ان الثلاجه اذا كانت شغاله المكيف يشتغل مايسكر الا اذا اطفيت الثلاجه
والوكاله تقول هاي من المصنع :omen2: يعني مالها حل .. :weeping:


التوفيق للجميع ..

[حمد]

هذا زمن اليوكون ... استخدام .... وسعر .... وراحة.... ومكيف يهفهف

[خريج اعلام]

كلامك سليم 100%
وخاصه اذا موترك اسود
خلااااااااااااااااص
على طووووووووووول ركبت عازل
بس صراحة يبيلك طابوق احمر عشان يعزل هالجو

[المهم1000]

كلامك صحييح التكييف تعبان

الموديلات الي قبل احسن

[واحد ثقة]

سمعت نفس الملاحظة من أكثر من شخص ،،،،

[zeknon]

كلامكم صحيح 100% انا عندي 2008 الصراحة في الشتا ماعلية كلام بس يوم جا الصيف بينت اعيوبة
انا قاعد ادور يوكن الظاهر ما شاء الله تفكر مثلي

[بوخالد2]

الصراحه اخوى انتعاش صدقت في هذا

عندنا واحد بالبيت الصرااحه سقته مره ومكيفه بل الله لايرويك على الاخر مخليه ولا منه رجااا

لكن القديم من 200 الي 2006 مكيفهم على رقم واحد كنه الجديد على الاخر

الصراحه شي يعيبه من قلب

[السني 73]

اخبر اول مانزل ال 98 الجديد قالو عنه ان المكيف مب شي وما يدف نفس القديم وكان عندي جي اكس 99 وكان مكيفه ممتاز .... اعتقد يمكن يكون الهوا ضعيف لكن كمية الهوا الي يطلعه المكيف بارد وايد لكن ضعيف يعني انا شستفيد من مكيف هواه قوي ومافيه كمية هوا كبيرة .... على العموم انا موتري يوكن والمشكله اني ماعندي موقف في الظل يعني الموتر في الشمس شاسوي اشغل المكيف على Auto وخلي الحرارة على 24 ويدف في البدايه بالقو إلى ان يبرد الموتر وبعدها من نفسه يخف وإذا تبي ترتاح زيادة شغل المكيف الي ورا حتى البرودة تتوزع بسرعة .... بس مشكلة الياباني لما تشغل ال Auto مادري شفيه مب عدل يتم يدف حتى لو ترفع درجة الحرارة .... على العموم انا شي اسمه تويوتا غاسل يدي منه والسبب وكالته وسعره الي مايستاهل .... وبعد ماستخدمته 14 سنه وتركت التويوتا وخذتلي موتر ثاني عرفة شنهي الراحة والرفاهيه .... والله يعينك اخوي

[العين مليانة]

يعطيك العافية على طرح الموضوع وماقصرو الشباب في الرود التي تفيد الجميع

وهذه المواضيع من المفروض اي عضو منا ، يطرح الأيجابيات والسلبيات للسيارات الجديدة التي يرأها لكي يستفيد الجميع .


تحياتي للجميع

[الباش مهندس]

صباحكم خير
انا عندي نفس المشكله
وديته الوكاله وغيروا الفلتر او نظفوه
اهم شئ اني دفعت فلوس
وعقبه ماشاءالله طلع المكيف عسل بارد ويدف هوا
واذا تبيه يطيرك من قوة دفع الهوا شيل الفلتر خير شر لاكن المشكله الثلاجه راح تنسد
هذا من واقع تجربه
ودمتم

[شموخ-qtr]

زيادة على هذا الموتر ثقيل كنه خاروف ذبيحة

[ALRAYYAN]

هلا اخوي انتعاش

اخوي انا عندي vxr 2008 وواحد ثاني موتر البيت والاثنين مثل ماتفضلت وتفضلوا باقي الاخوان
لكن مو لدرجة انك تفرط فيه عشان يوكن ... ترى الكروزر غير وماتمله بسرعه مثل الامريكي
وبصراحه المكيف صحيح مو مثل القديم بس يبرد .. الفرق بينه وبين القديم ان القديم لو تحطه على LO يكفي
لكن الجديد لازم تحطه على الدرجه الثالثه عشان يبرد الجو داخل السياره .. بس هذا الفرق
ولو تحطه على الاوتو بيدف لك هوى قوي مثله مثل القديم وبارد في نفس الوقت لكن شرط ماتخليه على الاوتو وايد
لأنك بتثلج منه
نصيحه لاتفرط في موترك .. تراني جربت اليوكن بصراحه موتر .. بس مع التويوتا مافي مقارنه
كل موتر وله عذاريبه .. وعذاريب الامريكي الكل عارفها
والله يهنيك بحلالك ياخوي

[نيساني]

:funny::funny::funny:
زيادة على هذا الموتر ثقيل كنه خاروف ذبيحة

[$...المبارك...$]

مرحبا ومسهلا بالجميع . .

لاحظت ان اللاندكروزر الجديد 2008

التكييف فيه ما يبرد الخاطر الصراحة

لا من ناحية قوة دفع الهواء او من ناحية برودة الهواء نفسه

طبعا بارد ما قلت شي بس قصدي مهوب زي الموديلات السابقة ابدا ً

اخبر الموديلات السابقه لو تحط الهواء على الفل تحصل غترتك تتحرك تهفهف

من قوة الهواء ..

لكن هذا لأ ..

شكيت قلت يمكن موتري بس جربت موتر صديقي نفسي ونفس المشكلة والملاحظة

مدري شرايكم وتعليقاتكم على التكييف

مع العلم انني جربت يوكون 2007 الجديد اول ما نزل وكان تبريده رووووووعه

وبرضو الالماني وخصوصا ال بي ام دبليو في تقديري تبريدهم افضل

من الكروزر الجديد

عشان كذا مصنف في راسي اصفق اللي عندي واطق لي يوكون على هالـ حر



تحياتي لكم

كلامك صح أخوي الجديد مب مثل القديم أنا عندي 1998 اتبادل :nice:

[رآعي موآجيب]

كلامكم كله صحيح

ولكن
الفرق مب واااااجد

وأعتقد والله وأعلم ان السبب في تغيير نظام المكيف من البستن للريتوري
لأن نظام الريتوري يكون بهالمستوى تقريبآ

على كل حال انتظروني بكره بـتأكد من نظام الكمبريسر وبعطيكم خبر

{ تحياتي للجميع }

[The Blade]

صاااااااااادق ياخوي واحد من الربع فكر يبيعه والسبه المكيف حار جدا....

[بو نايف]

انا توني ماخذه امس اشوف مكيفه مب مثل القديم !!

[الوفـى طبعي]

انا معك اخوي الفكـسار مكيفه مش لين هنااك مايبرد نفس الموديل الاقدم منه 2007 او 2006

عشان كذا يقولون لاتاخذون الدفعه الاولى او الموديل الاول من الشكل الجديد لانه تكون فيه مشاكل

الله يكون في عونك اخوي

[hxamad]

الله يعينه ألى ماخذ الجى الجديد حمدالله أنى ماخذيته
عندى vxr 2006 ومرتاح
بس شباب أنا سمعت أن الدفعة الثانية راح تصحح العيوب ألى فية
والسرعة صج مب شى 4000-4700 والجسم كبير

[البيئة]

اخوي انتعاش كلامك صحيح
المكيف بارد بس ما يدفع هوا بقوة هذا الكلام عن 6 سلندر
8 سلندراحسن بكثير من 6 سلندر

[رآعي موآجيب]

اليوم نبشت عن الموضوع واتضحت بعض الامور عن الكمبريسر الجديد

الكبريسر الجديد تقنيه أمريكيه مع الاسف وأصغر حجم من الي قبله

ويختلف نظامه عن السابق وأذا اخترب ما يتصلح أبد لأنه جاي مكبوس وبدون قطع غيار من المصنع بعكس القديم الي يكون له براغي وله قطع غيار من المصنع

والصور توضح الموضوع

هذي صورة كمبريسر للكروزر 2007 ويبين فيها القطع الي داخل الكمبريسر


http://up.do7a.com/get-6-2008-do7a_com_slv4wiyh.jpg



وهذي صورة كمبريسر للكروزر 2008 و واضح ان مالها الا القطع الخارجيه فقط

http://up.do7a.com/get-6-2008-do7a_com_q49k5eho.jpg


أما بالنسبه لنظام الكمبريسر للكروزر الجديد مب راضين يوضحون في الشركه عنه

ولكن كل التوقعات تلمح انه ريتوري مب بستن نفس القديم

وأنا ما راح اخليهم لين اعرف نظام الكمبريسر 100 %


تحياتي للجميع

[الدنيا تجارب]

انا اشوفه تمام مدري عاد شسالفه
يعطيكم العافيه

[cartier]

الله يسلمك يا انتعاش


السالفه وما فيها انه المكيف ينسد قبل كان قوي بس اللحين ضعف

انا صارت لي المكيف بارد بس ما يدف

وجربت مواتر الربع نفس الشي

[هام السحاب]

الربع نفس الحاله متوهقين فالمكيف خصوصاً الظهر :rolleyes2:

[البيت بيتك]

صح كلام الشباب وانا عندي واحد والله مايدفع هواء كلش مثل القديم وانا كله مخليه على اوتو

[تمون]

انا عندي 2008 واعاني من المكيف اخوي

يعطيك العافيه

احتراماتي

[wahag]

صح كلامك 100% واليوكن والتاهو ابرد بكثير من كثير من السيارات

[راعي ال2008 الاسود]

هذا زمن اليوكون ... استخدام .... وسعر .... وراحة.... ومكيف يهفهف

والله انك صادق الحين التيوتا بااااااي ارتفعت مبيعات الامريكي في الدوحة لكن عبدالغني
الدعلة هذا راح ورفع الاسعار مرتين والناس طقوا منه وراحوا حق اليوكنات والله عند واحد
اعرفه يوكون دينالي والله احسن مايمكن وموديل 2007 وشوف احلى الوان اليوكون
الذهبي بس احلى لون ركب عليه لكن التيوتا رفع الاسعار والناس خذوا منه وعقب جات عيوب الموتر راحوا يبيعونه صارت سوق السودا في الدوحة عندنا في المواتر بتشوفون
عقب كم شهر بيحتل اليوكن مكان التيوتا في الدوحة لان خلاص بيصير عبدالغني بيباااي

[رقم مميز]

الفرق بين المكيف القديم والجديد

كالااتي

القديم

1- هواء قوي مش بارد

2- مسلط على الوجه والكتف الايمن

3- على رقم 2 يثلج

4- سبب رئيسي في امراض الانفلونزه



الجديد

1- هوا مش قوي

2- تحس برود دون ان تشعر من وين تجيك

3- ازعاج رقم 4 مافيه

5 ولاهم - الثلاجه ابرد من القديم



وبا النسبه للوقت القوايل :)

شغل المكيف على رقم 3 والمكيف الخلفي على رقم 2

وشو شلوون البراد

وللعلم موتري 2008 V 8

[al_qa76ani]

المكيف وصوت حنه بسيطه في القير وقرب السلنسر من تانكي البترول عيوب 2008 حسب راي الاغلبيه والتويوتا صلحت كل هالاشياء في 2009 سلامي

[الفهد1]

بصراحة اليوم شفتلي واحد جايب موترة على سطحة وعلى كلامة ان القير سقط من مكانة وعلى حد تعبيرة انة ليس الموتر الوحيد لكن هناك اكثر من موتر سقط علية خاصة في اكس ار هذي مشكلة السنة الاولى من الاسستيراد

[رآعي موآجيب]

شكي كان في محله

الكمبريسر طلع نظامه ريتوري

:nice:

[BURBERRY]

واحد من الربع عنده فكسار 2008 دفعة شهر 5 المكيف ما شاء الله بارد و ممتاز و هو على رقم 2

اعتقد الدفعات القديمه فيها عيب :)

[إلى متى]

صباحكم خير
انا عندي نفس المشكله
وديته الوكاله وغيروا الفلتر او نظفوه
اهم شئ اني دفعت فلوس
وعقبه ماشاءالله طلع المكيف عسل بارد ويدف هوا
واذا تبيه يطيرك من قوة دفع الهوا شيل الفلتر خير شر لاكن المشكله الثلاجه راح تنسد
هذا من واقع تجربه
ودمتم

نعم المشكلة من
الفلتر

المشكلة في الفلتر فقط ولا المكيف ما عليه كلام

[فلفل حار]

الفرق بين المكيف القديم والجديد

كالااتي

القديم

1- هواء قوي مش بارد

2- مسلط على الوجه والكتف الايمن

3- على رقم 2 يثلج

4- سبب رئيسي في امراض الانفلونزه



الجديد

1- هوا مش قوي

2- تحس برود دون ان تشعر من وين تجيك

3- ازعاج رقم 4 مافيه

5 ولاهم - الثلاجه ابرد من القديم



وبا النسبه للوقت القوايل :)

شغل المكيف على رقم 3 والمكيف الخلفي على رقم 2

وشو شلوون البراد

وللعلم موتري 2008 V 8

كلامك صحيح

ومب لازم يدف هوا بقوه دام انه يضر علي الواحد ، اهم شي تحس في في البروده ، وبسرعه

[فلفل حار]

شباب اموت واعرف من وين تجيبون هالسوالف ؟ شلون قير يطيح من مكانه والشكمان لاصق في التانكي واعذار واهمه ، بصراحه مع احترامي لكم وانتو ع عيني وراسي بس هالسوالف الي تسمعونها من غيركم انا متأكد 100% انه مواترهم جي موديل 85 وطختهم واكشخ واحد فيهم عنده هدد:eek5:

الموتر كـأستعمال ماعليه كلام ما شاءالله ، انتو تتكلمون عن سياره استعمالها و شهرتها عدت 57 سنه بالضبط ومستحيل يغلطون في اشياء تافهه وبسيطه مثل ذي

[المخفي]

http://www6.0zz0.com/2008/05/14/08/673717869.jpg

[slooom]

كلام عاري من الصحه انا عندي جي 2008 مكيف واحد ولاشي من الي تتكلمون عنه مكيف اوكي يبرد السيارة بشكل رهيب على 3 احطة ومرات اوتو ولين تبرد السيارة المكيف بروحه ينقص . وارجع وانقصة لاني اثلج من البروده .

[ابن الذيب]

ههههههههه
والله جاتني الصيحه ووأنا أقرا الموضوع ..!

عيل شتقولون عن البورش ؟ّ؟!
هههههههههه والله أحطه حده وأموت من الحر @_@
باليالله الموتر يبرد ..!
هو بااارد وايد .. لكن هوا كلش مايدف ..

بس "مستحيل " أبيع موتري علشان مكيف ..! خخ
فيني ولاء .. هههه ماقدر أخون ..

=s وأنا أشوف مكيف الكروزر الجديد عجيب صراحه !!
هو يمكن مايدف هو نفس اول , بس يبرد ..
هذولا يابانيين .. مايسوون شي إلا عقب مايدرسونه ويفقـفقونه ..خخ
أكيد تقنية المكيف أحدث من اللي قبل ..

عموماً في قطر ف عز الصيف , لازم تحس بحراره .. مهما يكون المكيف ..!
حتى لو حاط مكيف بو ماي ورا , بعد بتحس بحراره !!

بس الواحد شيسوي , مافيه إلا يسافر يغير جو , ويبرد على قلبه ويرجع حق الحر والـلزق ..

والله يعين الجمييييع ..!
D=

[A07]

السلام عليكم

يالربع تقدرون اتركبون مروحة تبريد
قدام الرديتر .. يعني وحده ثانيه :victory:
وعقب شوفوا اشلون يدف المكيف هوا بارد :nice:

[غير عنهم]

والله عيب بس لو تجي الوكاله يقولون احجز وانتظر وبدون فلوس ولا تربطنا بحجز مالي واحن بنتصل فيك من كثر الطلب ولاندكروزر مايعيبه شي لو بدون مكيف بعد عليه طلب ؤيكفيه ان جميع الفئيات عليه طلب

[ولد-قطر]

السلام عليكم

يالربع تقدرون اتركبون مروحة تبريد
قدام الرديتر .. يعني وحده ثانيه :victory:
وعقب شوفوا اشلون يدف المكيف هوا بارد :nice:


اشدعوه نيسان قديم بعدين شدخل المروحه في المكيف !!!