خطوات من الحرم المكي

[حشيم]

السلام عليكم

كثير من الاخوان والاخوات كتبوا عن مكه وعن الفنادق وبشكل وافي بنسبة 99% وجزاهم الله خير على مجهودهم

لكن انا كمسافر لمكة احب اعرف ايش الفنادق او الشقق الى قريبه من الحرم المكي بمعنى اني اطلع من الفندق أو الشقه واروح مشي وهل فيها موقف للسيارات خاصة اذا كانت سيارتي مركب لها عرشه (خبركم حق ماي زمزم في الرده )

وجزاكم الله خير ولا تبخلوا علينا بالمعلومات

[وطن]

أخوي بقول لك أسماء الفنادق من ابتداء من الأحسن

1- دار التوحيد انتركونتيننتال
2- الهيلتون وأبراج الهلتون
3- ابراج زمزم

بخصوص المواقف
الصراحة ما أقدر افيدك

[قطريه ماركه]

أبراج مكة .. البرج رقم 5 خطوتين الا انت في الحرم ... رحلة موفقة ..

في مواقف خاصة للسيارات تتأجر .. قبل لا تدخل الحرم توقفها وتروح بالتاكسي للفندق ...

[لجين]

رايي من راي الاخت وطن

باستثناء فندق زمزم في الفترة الأخيرة خدمتهم تعيسة

بخصوص المواقف موجودة في ابراج وفندق هيلتون

غيرها ماعندي فكرة

[Chambray]

دار التوحيد يوجد به مواقف للسيارات
وايضاً ابراج مكة

[سعد آل شريم]

عليك بفندق سوفتيل مكه ... لما تخلص الصفا والمروى وتحلق شعرك 15 متر وأنت في الفندق
والله يوفقك ويوصلك بالسلامه وترجع بالسلامه ولا تنسانا بالدعاء والماي الزمزم ...

[قطريه ماركه]

عليك بفندق سوفتيل مكه ... لما تخلص الصفا والمروى وتحلق شعرك 15 متر وأنت في الفندق
والله يوفقك ويوصلك بالسلامه وترجع بالسلامه ولا تنسانا بالدعاء والماي الزمزم ...

سوفتيل مكه بحححححححححح هدموه:weeping:

والحلاليق بعد راااااحو ... واااااايد تغييرات وتوسعه في جهة الصفا والمروة :)

[سهم طايش]

انصحك بحكم تجربة لا تسكن في ابراج زمزم

انصحك بدار التوحيد او فندق هيلتون او ابراج هلتون ( شقق )

اذا بتسافر عن طريق البر اي استفسار انا حاظر

[قلب بو ظبي]

نحن الله كتب لنا العمره قبل مايهدمون سوفتيل مكه -كنا فيه قبل ايام من هدمه والصراحه عن تجربه هو الافضل-خاصة اللي معاه كبار في السن-بس خسارة راح -انا لي 3 سنوات ما انزل الا فيه وخاصة لما كان الوالد رحمة الله عليه والوالده الله يعطيها الصحة والعافيه وياي- لانه امتار بس الا وانت في الحرم-اما بالنسبه
ابراج زمزم خدمتهم تعيسه جداً
يمدحون دار التوحيد بس للامانه ماقط حليت فيه
رجاءً بس بعد ماتجرب خبرنا عشان تعم الفايده
وفقك الله وتقبل منك صالح الاعمال

قووول أمــــــــــــين

[اعالي الجنان]

عليك بدار التوحيد انتر كونتتنتال
روعه ونظافه وراحه وخدمه ممتازه
وقريب من الحرم خطوات بس
واذا ربي مايسر لك حجز هناك تنصحك بالابراج ماعليها كلام حلوه

[LOLOO]

اخوي الله يتقبل منك ان شاء الله وتروح وترجع بالسلامة

عندك هالفنادق هذه قريبة:

1-دار التوحيد(الانتر) ..تدخل الحرم من بوابة الملك فهد
قريب والغرف والخدمة زينة
والمطاعم تحت الفندق مباشرة
لكن غالي شوي وقدامه ساحة كبيرة تزدحم وقت الصلاة وماتقدر تدخل الحرم ..
2-الهيلتون
3-الابراج
ماسكنتهم بس يمدحونهم جنب التوحيد على اليمين تحتهم مجمع الابراج التجاري فيه سوبر ماركت ومطاعم وتدخل الحرم من نفس البوابة او بوابة الملك عبد العزيز

بس في فندق موقعه عجيب شارع فرعي صغير وسلم كهربائي ولا انت في الحرم يسار التوحيد
اسمه جراند مكة وانتبه ترى فيه اثنين واحد بعيد سموه الحين رجنسي
تدخل الحرم من بوابة العمرة على مااعتقد ....
بس الغرف صغيرة ...

وكل هالفنادف من جهة التوسعة يعني المصليات وسيعة ومكيفة

اما السوفتيل وجهة السعي انشاال للتوسعة

وبالتوفيق

[وثاب]

من تجربه افضل واقرب الفنادق للحرم

دار التوحيد ومكه هيلتون

كلها خطوات وانت بالحرم بالاضافه الى النظافه والراحه النفسيه طبعا كل الفندقيم مطلات على الكعبه


الله يتقبل من الجميع

[حشيم]

شكرا جدا للجميع وما قصرتوا

[هام السحاب]

دار التوحيد والمواقف تحت الفندق

[Um Sultan]

1- دار التوحيد انتركونتيننتال

الفندق بححح .. صار حجر ورمل ..

[انتظار مصير]

1- دار التوحيد انتركونتيننتال

الفندق بححح .. صار حجر ورمل ..


لا أختي الفندق موجووووود

وانصحك فيه أخوي والخدمه ممتازه
:victory::victory: