نظام الاستقبال في قسم الصيانة في وكالة عبدالله عبدالغني واخوانه

[السد]

ابصراحة اليوم مريت وشفت تجربة غير
وهم يقومون بوضع نظام الارقام مثل ما وضعوا البنوك وتقريبا حوالي 15 كاونتر لاستقبال المراجعين
طبعا رحت اليوم الصبح وكان الوقت 7 وعشرين دقيقة ورقمي كان 68 وكان الرقم امامي 23 على الشاشة
لين ما اتى رقمي والساعة صارت 8 ونصف تقريبا
طبعا
انا لا اعترض على سياسة التطوير ولكن هناك بعض النقاط يجب توضيحها :
1- عدم وجود طابعة لكل موظف
2- عدم وجود موظف مساعد لكل موظف يساعده على تشيك السيارة
3- البرود من قبل بعض الموظفين واللامبالاة فتشاهد ان الرقم وصل 40 والاخ للحين عنده الرقم 20 !!
4- عدم وجود كراسي اضافية للمراجعين
5- بعض الموظفين لا يتصل بك الا انك تكون تراجعه اكثر من مره
6- قيمة الغسيل اصبح مرتفع
7- يجب عليك كل 5000 كم ان تعمل تشيك للسيارة حتى لا يفقد الضمان
8- العنصرية موجودة في الوكالة قسم منفصل للكزس ناهيك عن اللي يمتلك2008 vxr قاعد مع راعي الكورولا موديل 1990!!

طبعا حبيت انقل لكم هذا الخبر واللي يبغي يتاكد يتفضل قسم الصيانة شارع 6 المنطقة الصناعية

وآخر نقطة بعيد عنكم الحوادث
المقايسة فقط (150) ريال فقط !!!!:anger1::anger1::anger1:

[qmmf]

شي يحرق الاعصاب:anger1:....لو تشوف خدمة وكلاء تويوتا في الدول الخليجية المجاورة بتزعل:anger2:.

[البيت بيتك]

والله انا كان عندي جي اكس ار موديل 2001م فى سنته رحت الوكاله شفت العجب ومن عقب هذه السنه ماخذت شي اسمه تويوتا وعليكم بالجمس والله ولاغيرة خدمه واستقبال ولكل شي حتى يعطونك سيارة لين يخلص موترك اذا عليه ضمان

[zeknon]

الله ايعين لا وبعد حرامية سرقوا نظارتي
:weeping::weeping::weeping:

[HEART_LION]

الله ايعين لا وبعد حرامية سرقوا نظارتي
:weeping::weeping::weeping:

اذا نظاره بعد زين

انا ماخلوا شي في السياره اكلم اللي مستلم السياره قالي مب مسؤولين عندك اللوحه اقراها

يعني حراميه :nice:

[HEART_LION]

شي يحرق الاعصاب:anger1:....لو تشوف خدمة وكلاء تويوتا في الدول الخليجية المجاورة بتزعل:anger2:.

كلام سليم ميه ميه :victory: فرق مليوووون بالميه

[زمن الغدر]

لا لا يالربع عبد الغني من حقه يتبطر لانه احنا كلنا مانخذ غير تويوتا فهو مب هامه
اذا الصيانه والاستقبال اوكي ولا لا

[تمون]

يالربع انا بنسبه لي الصراحه

كانت سيارتي مدعومه في الصدام الامامي المهم ورحت عشان ابدل الصدام قسم الصبغ قالوا لي خذ سيارتك ولين خلص الصدام بنتصلك عشان تجي بس تركبه

المهم انا قلت بدخل السياره تشييك لين يخلص الصدام توقعت تقريبا 3 بالكثير 4 ايام المهم دخلت السياره التشييك واكتشفت ان قسم التشييك مايسلم قسم التصليح السياره يعني انا اضطريت اني اخذ السياره بعد التشييك واستعملها وهي مدعومه الي مر على الموضوع 4 اسابيع اليوم كلموني قالوا تعال ركب الصدام

الصراحه واايد خدمتهم تعبانه

الملاحظه هي لي شيعني قسم التشييك مايسلم السياره قسم الصبغ والسمكره لازم انت تجي بنفسك عشان تسلمها

وثاني شي ليش صدام في الصبغ ياخذ 4 اسابيع على ايش ؟؟

وشاكر لكم

[سعد]

8- - العنصرية موجودة في الوكالة قسم منفصل للكزس ناهيك عن اللي يمتلك2008 vxr قاعد مع راعي الكورولا موديل 1990!!

اخوي من حق راعي اللكزس انه يعامل معامله خاصه لانه شاري لكزس

وفي الشق الثاني صدقت .. راعي الفي اكس ار 2008 اللي ب250 الف يصف مع بوكرولا ام 50 الف في هذي معاااااااااااك حق

[خالد الخوري]

موقف صادني مع موظفين التيوتا مطلع فكسار اصفار من الوكالة ما تهنيت في الموتر الا تغير الدبل والشفت والدفرنش الامامي كله ع الضمان قلنا اوكي جاى الموظف يقول لي السي دي خربان وانه مش ع الضمان والموتر ما مشى ال 5000 كيلو يقول احمد ربك بدلنا لك قطع قيمتها 22 الف وانت ما دفعت ولا ريال <وقاحة ما بعدها وقاحة > زين مسكت اعصابي ولا تراضخت وياه الا جه المدير يوم سمع اللغوة وقال السي دي على الضمان نصيحة لاخوانى لا تسكتون لهم

[HEART_LION]

يالربع انا بنسبه لي الصراحه

كانت سيارتي مدعومه في الصدام الامامي المهم ورحت عشان ابدل الصدام قسم الصبغ قالوا لي خذ سيارتك ولين خلص الصدام بنتصلك عشان تجي بس تركبه

المهم انا قلت بدخل السياره تشييك لين يخلص الصدام توقعت تقريبا 3 بالكثير 4 ايام المهم دخلت السياره التشييك واكتشفت ان قسم التشييك مايسلم قسم التصليح السياره يعني انا اضطريت اني اخذ السياره بعد التشييك واستعملها وهي مدعومه الي مر على الموضوع 4 اسابيع اليوم كلموني قالوا تعال ركب الصدام

الصراحه واايد خدمتهم تعبانه

الملاحظه هي لي شيعني قسم التشييك مايسلم السياره قسم الصبغ والسمكره لازم انت تجي بنفسك عشان تسلمها

وثاني شي ليش صدام في الصبغ ياخذ 4 اسابيع على ايش ؟؟

وشاكر لكم

الله يعين بس وتبديل الجامه اللي قدام اسبوعين بس تبديل

[ولد شرق]

السلام عليكم
يالاخوان
اقول لكم شي يمكن هالشي يزعّل البعض... احنا نستاهل هالمعامله واكثر...
احنا كلام في كلام فقط ندخل المنتدى فالحين انقول عبدالغني وعبدالغني... لكن ايش الأكشن اللي اتخذته؟
ياخي تعاملهم واطي جدا مع القطري ولا في اي نوع من الاحترام وانا مادري اشلون عيال عبدالله عبد الغني يرضون هالتعامل عيال بلادهم
وثاني شي الجنسية المصريه اللي في الوكاله... اتحصله قاعد ورى الكاونتر امصدق حاله يتحسب نفسه الاخ المدير العام وان سيارات عبداللغني دوا واحنا ميتين على هالدوا وآخرتها هو كاشير لا اكثر(وليس انتقاصا من شأن الوظيفه) ولكن مصداق قول الرسول صلى الله عليه و سلم (فقير مستكبر)
الحل يالاخوان كلنا نوقف في وجه جهتين... ادارة حقوق المستهلك للأهتمام بالزبائن وصيانة حقوقهم
وثاني شي شي نوقف في وجه وكاله عبدالغني اللي لاتولي اي اهتمام او احترام للقطري

انا اول قرار اتخذته اني ما اشتري تويوتا خلاص توبه من بعد اللكزس ولا شفت اي معامله خاصة

وشاكر لكم

[HEART_LION]

السلام عليكم
يالاخوان
اقول لكم شي يمكن هالشي يزعّل البعض... احنا نستاهل هالمعامله واكثر...
احنا كلام في كلام فقط ندخل المنتدى فالحين انقول عبدالغني وعبدالغني... لكن ايش الأكشن اللي اتخذته؟
ياخي تعاملهم واطي جدا مع القطري ولا في اي نوع من الاحترام وانا مادري اشلون عيال عبدالله عبد الغني يرضون هالتعامل عيال بلادهم
وثاني شي الجنسية المصريه اللي في الوكاله... اتحصله قاعد ورى الكاونتر امصدق حاله يتحسب نفسه الاخ المدير العام وان سيارات عبداللغني دوا واحنا ميتين على هالدوا وآخرتها هو كاشير لا اكثر(وليس انتقاصا من شأن الوظيفه) ولكن مصداق قول الرسول صلى الله عليه و سلم (فقير مستكبر)
الحل يالاخوان كلنا نوقف في وجه جهتين... ادارة حقوق المستهلك للأهتمام بالزبائن وصيانة حقوقهم
وثاني شي شي نوقف في وجه وكاله عبدالغني اللي لاتولي اي اهتمام او احترام للقطري

انا اول قرار اتخذته اني ما اشتري تويوتا خلاص توبه من بعد اللكزس ولا شفت اي معامله خاصة

وشاكر لكم

:nice:

الله يعين اصحاب التويوتا اذا لكزس وهالشكل معاملتنا مافيه احسن من الفردان في المعامله والجيده سيارتي لكزس مب من شركتهم واغير الزيت والسفايف كله عندهم اطلع من عندهم ثاني يوم يجيني اتصال شلون كانت المعامله والخدمه وعندك اي شي تبي تقوله او شكوى والله خوش بصراحه :victory:

[FULL]

هذا رد احد الاخوان السعوديين في أحد المنتديات



صراحه عندنا عبداللطيف جميل صحيح انه يجيب السياره باكسسوارات صينيه وتجاريه

لاكن خدمته عسل

يعني لو تروح تبي تبدل زيت يقولون لك تفضل استرح داخل المعرض

وش داخل المعرض

وانت تنتظر سيارتك تخلص

يقهونك قهوه عربيه ويعطونك حلا

وجيب معك اللابتوب وعندهم نت وايرلس

وتجلس على كرسي مساج

وتتفرج على التلفزيون وتلعب بلياردو وتنس ودك ان السياره تقعد عندهم يوم كامل

:weeping:

[HEART_LION]

انا جربت الخدمه في شركة التويوتا في عمان بهوان فرق مليووون بالميه

[q321]

أنا توني جاي من شركة التويوتا ( البريمي ) بصراحه فوق الممتاز السيارة تخلص بعد 24 ساعة .

[الجوكر90]

يالربع لاحد يقول خلونا نوقف ضد عبدالغني وماعرف وشو ترى محد يقدر لان في شي اسمه تويوتا فدمنا يعني لو 100 ماخذوا منه في 1000
واحد راح ياخذ وكل واحد عنده موترين او ثللث يعني مايهمه الموتر اشكثر راح يتم فالوكاله والي عنده واسطه ثاني يوم الموتر جاهز وعن شباب
قطرمايتعبون نفسهم وقت الدعمات والتصليح يقول ليش اعور راسي واروح الوكاله يازين الصناعيه لا عوار راس ولا شي وانا عن نفسي ماشفت كل هل الاشيا
مره الفتحه الي عندي اختربت وديت الموتر وبعد 3 ايام صلحو الفتحه ولاحد يقول بس فتحه وشغل عادي ترى ينزلون التنده وشغل بالمختصر المفيد محد يقدر يهد التويوتا واللكزس

[مجرد احساس]

انا اشوف انا لازم ناخذ اكشن في الموضوع واشوف لو واحد من الي معنا يكتب كتاب موجه حق عبدالغني بالسلبيات الموجودة بأسم اعضاء المنتدى ونشوف رده رسمي او ان واحد من الشباب يرسل ايميل موجه لشركة الام يحدد المشكله

[qatar.com]

يرجال شركة عبد الغني ماأقول الى حسبي الله ونعم الوكيل فيها صرقوا من عند سيارت اخوي لكزس افلام والخردة الي داخل خم السيارة خم

لا وبعد ماخلصوا جابوا ايل وسخوا جلد السيارة من داخل

[السد]

يقولون عندهم قسم علاقات الزبائن
وهذا القسم اسميه الاطرش في الزفة !!!!!!!!!!!

[فلفل حار]

موقف صادني مع موظفين التيوتا مطلع فكسار اصفار من الوكالة ما تهنيت في الموتر الا تغير الدبل والشفت والدفرنش الامامي كله ع الضمان قلنا اوكي جاى الموظف يقول لي السي دي خربان وانه مش ع الضمان والموتر ما مشى ال 5000 كيلو يقول احمد ربك بدلنا لك قطع قيمتها 22 الف وانت ما دفعت ولا ريال <وقاحة ما بعدها وقاحة > زين مسكت اعصابي ولا تراضخت وياه الا جه المدير يوم سمع اللغوة وقال السي دي على الضمان نصيحة لاخوانى لا تسكتون لهم

اسمح لي اخوي ، بس انت ماعرفت ترد عليه

ع هالرد الي قاله لك ، المفروض ماتسكت عنه بصراحه ، والله لو صاحب الشركه نفسه يقول هالرد تقدر تسنعه بـ ايميل واحد عند الشركة الام :rolleyes2:

[فلفل حار]

أنا توني جاي من شركة التويوتا ( البريمي ) بصراحه فوق الممتاز السيارة تخلص بعد 24 ساعة .

ظلمتهم يالغالي ، واحد من الربع مغير كرونه ودفريشن ووايرات وخرابيط في 5 ساعات تقريبا وهذا كله مع فتح الملف ، وكل هالشغل كان علي الضمان:secret:

في الوكاله عندنا انا منزل الدبل للتصليح واشياء بسيطه ماتنذكر وبواسطه قويه وخلص في 8 ايام غير اني كل يومين اضرب خط الصناعيه اشيك عليهم يشتغلون ع الموتر ولالا ، شوف الفرق وانا بعد اقولك بواسطه :weeping:

[الملكي 111]

شركة عبد الغني تعبانه جدآ يبي له مقاطعه جماعيه لين يتعدل حالهم

[هام السحاب]

عبدالغني يبيع الجيات و مسوي في خلق الله جذي عيل لو ماخذ وكاله البي أم شبيسوي :rolleyes2:

[السد]

المشكلة ان السيارة ناجحة
ولكن السيرفيسز تعبان

[fahad487]

يا شباب بس حد منكم عنده واسطه في اليابان يكلم الشركه ويعطوني الوكاله ببلاش

صدقوني باضبطكم كلكم :)

[HEART_LION]

يا شباب بس حد منكم عنده واسطه في اليابان يكلم الشركه ويعطوني الوكاله ببلاش

صدقوني باضبطكم كلكم :)

:eek5:

[عـيـون قـطـر]

انا مر علي موقف لدرجه دخلت على المدير تهاوشت معاه دخلت سيارت البيت على 1000 كيلوا انصدمت شفت تاير اسبير مركب ولا الصدمدمه الي خلاني اتهاوش داعمين في السياره وموقايلين لي ولا مصلحينها تدرون قلبت لهم الوكاله فوق تحت قلت لهم لو انتوا قايلين لي كنت بسكت مدعوم الباب الجانبي يقولون لي هذا قديم قلت لهم مو مشكلتي انا مسلمكم السياره سليمه
والله معاملتهم كلش
لو تدخلون بي ام دبليو شوفوا التعامل يضيفونك ويحترمونك
تقبلوا تحياتي

[HEART_LION]

شركة الجيده تشرب قهوه وشاي وتخلص السياره جاهزه

جربوا وشوفوا كلامي صح ولا غلط اللي عند اللاند مارك

[Most Wanted]

والله بعد الكلام اللي مكتوب فوق كنت ناوي اخذ لي كروزر بحسبه بسيطه انا تعاملي دوم راح يكون مع الكراج اذا بالطريقه مثل ما تفضلوا الاخوان يتعاملون فيها الناس اللي هناك اشررد واخذ لي كدلك احسن لي بمليون مره على الاقل لي دخلت السياره الصيانه يعطوني سياره ثانيه بديل

[نيساني]

شركة الجيده تشرب قهوه وشاي وتخلص السياره جاهزه

جربوا وشوفوا كلامي صح ولا غلط اللي عند اللاند مارك



ام اللي في الصناعيه مايستحي على وجه الفلبيني يقولي خل السياره في الشارع
واتصل احجز موعد(مادري الدكتور بوجعفر)بيفحص الموتر:anger1:
وبعدين احنا بنتصلك واقرب موعد راح يكون بعد اسبوع

وبعدين انا اخوي موتري كانت فيه كرونه وتغيير العداد الى زنون الكلام 7:30 صباحا
اتصلولي الساعه 8 مساء تعال استلم موترك(بس لاني قعدت وشربت كرك في مكتب شخص مسؤل)

حبيت اخوي اضيف شي لو تروح قسم الصيانه للنيسان الموجوده في محطة الدحيل
شوف المعامله لان هالمكان اول شي مافي ضغط نفس الصناعيه
ثاني شي حدهم تورنه والسلام عليكم


والسموحه على الاطاله !!!:nice:

[مجاهد....]

الصراحة شكرة التويوتا بعد ما صار كل قطري لازم عنده لاندكروزر وزاد الطلب عليهم صارت الخدمة بعد البيع سيئة جداً يعني لازم قبل ما تدخل سيارتك اتبهدل لين تدخل السيارة ويبيلها كم يوم عندهم لين تدخل الكراج وبعدين لازم اتراكض وياهم واتصلات وتضرب لين الصناعية لين اتخلص سيارتك وبعدين اقولون لك لازم اتجيبها كل 5000 كم علشان ما ينتهي الضمان عليك ياخي ليش ما يزيدون الافرع والمشكلة ان الافرع الخارجية الموجوده حاليا ما فيها كل الخدمات في شركات تهتم بزباينها وراحتهم مثل البي ام

الله اعينا
شكرا على الموضوع

[السد]

والله بعد الكلام اللي مكتوب فوق كنت ناوي اخذ لي كروزر بحسبه بسيطه انا تعاملي دوم راح يكون مع الكراج اذا بالطريقه مثل ما تفضلوا الاخوان يتعاملون فيها الناس اللي هناك اشررد واخذ لي كدلك احسن لي بمليون مره على الاقل لي دخلت السياره الصيانه يعطوني سياره ثانيه بديل

لا اخوي اخذ كروزر وما عليك
الكروزر سيارة ما عليها كلام
احنا قصدنا تحسين الصيانة عند عبدالغني

[السد]

بانتظار المزيد من المشاركات