لو كل يوم تجي شكوى على ولدك يكفخ الطلاب؟؟ شبتسوي

[Fatima Y]

قبل شوي قريت موضوع وايد حلو الي اهو
ولدك الصغير ياك يصيح وقال لك صبي طقني ........ شنو راح تقول له !!

وانا اطرح عكس الموضوع
لو عندك ولد كل يوم تجيك من المدرسه شكوى عليه انه يكفخ الطلاب و مشاغب لابعد الحدود خاصه مع الطلاب ويمشي و يضرب و تجيك شكوى من المدرسه وطبعا الشكوى تجي من الاهالي بعد للمدرسه؟؟؟؟؟

شلون راح تتصررف مع الولد
ومع المدرسه اذا طلبوك؟؟؟؟؟؟؟؟؟؟؟؟؟

وثانكيوو
فاطمة

[HEART_LION]

اقوله روح الله وياك احسن من انه يطقونه :victory:

نشوف باقي الاعضاء

[Smart]

اعلمه اشلون يكون اصدقاء مو اعداء
واخلى المدرسه تحاسبه وتعلمه تكوين الاصدقاء ومشاركة فى نشاطات يطلع طاقة فيها

[الوعد2016]

اقول هذا الشبل من ذاك الاسد
ويعطيك العافيه اهم شي محد يغلبه
هههههههههههههههههههههههههههههه
لا وبيصير الزعيم اسم على مسمى

[Fatima Y]

الردود عجيبه ههههههههههههههههههههههههههه

خوفي اتوهقون و يتصلون لكم المدرسه تعال ولدك فالع له طالب و باط راسه و مودينه المستشفى و الاهل مشتكين ... بنقولهم عادي قضاء وقدر شسوي فيه يعني .. شبل من الاسد او بنقوله روح احسن ما يطقونك هههههههههههههههههه يا سلام كفوووووو

[حبر سري]

اعتقد انه يضرب ولا ينضرب احسن
لكن لاننسى ان اللي بيضربهم هم عيال الناس , يعني اكيد اهاليهم مايرضون عليهم

طيب شنو الحل؟

راح ايوده واقول له : اعقل ولا تسوي لك مشاكل , وراح اعامله كرجل , لكن مب امخليه يتمادى وايد , يعني اليوم المدرسة متصلة , بكرة العاصمة بيتصلون , وهلم جرا , وتسحب في هالمراكز

لكن ارجع واقول يهون علي انه يضرب ولا ينضرب , بس في نفس الوقت مايرضيني يمد يده على عيال الناس بدون داعي

[أم نوره]

مرحبا اختي فاطمه
لابد من تربية الطفل قبل دخوله المدرسه وتعليمه على احترام الغير لو كان صغير او كبير
وثاني شيء الطفل لم يولد بهاذي السلوكيات وانما اكتسبها من المحيط الي عايش فيه من بيته
فقبل ان نعاقب الولد او نوجه له اتهامات نراقب انفسنا ونتحمل نحن المسؤليه ونتسأل لماذا
فعل كل ذلك وما هي الاسباب لكي نجد الحلول
ونسال الطفل بكل هدوء عن الاسباب التي ترغمه على فعل هذا الشيء ونفهمه ونحاول تدريجياً
تغير سلوكه ولا ننسى تقديم بعض الهدايا البسيطه عند ملاحظة التغير للاحسن والثناء وشكره

وكل الشكر لكي على الموضوع

[eXpert*]

أما استعمل معاه حل تربوي وأدخل احدى صالات ألعاب القتال ، التي بدورها بتعمله بتحكيم عقله والسيطرة على عصبيته و طاقته ..

أو راح استخدم حل الشياب وأزوجة في حال ان سنه يسمح له بالزواج :p

[الزاجل]

بانتظر
الموضوع الثالث
شتسوي لو زوجتك كل يوم تتهاوش مع الفراشة
والفراشة زوجة مديرك ..

[انيقه]

راح اتفاهم معاه بالعقل اذا ما نفع بتفاهم معاه بالعضلات

[انيقه]

بانتظر
الموضوع الثالث
شتسوي لو زوجتك كل يوم تتهاوش مع الفراشة
والفراشة زوجة مديرك ..

يطلق زوجته عشان يرضى علي المدير

[Smart]

بانتظر
الموضوع الثالث
شتسوي لو زوجتك كل يوم تتهاوش مع الفراشة
والفراشة زوجة مديرك ..


هههههه
ايه والله
تره موضوع صعب

[العـوا]

شنسوي لو خلصت المواضيع ومابقى الا ماواضيع لو

[مستثمرة صغيرونة]

بانتظر
الموضوع الثالث
شتسوي لو زوجتك كل يوم تتهاوش مع الفراشة
والفراشة زوجة مديرك ..

حاول تفهمها ان هواشها مع زوجة مديرك ( الفراشة) بياثر على وظيفتك
و انه اذا تمادت في مضايقتها بيفزعلها زوجها ( مديرك ) ويقعدك في البيت عقابا لها و ,, ,, ثم ,, وبعدين ,,
وبس :rolleyes2::rolleyes2:

[الزاجل]

شنسوي لو خلصت المواضيع ومابقى الا ماواضيع لو

http://qatarshares.com/vb/showthread.php?t=181350

[Fatima Y]

نايس
في ردود عقلانيه و في ردود عفويه من الي علقتوا فيها

لكن بالاخير كل طفل وشخصيته والله يعينا على تربيتهم ؟؟؟ لان حتى الطفل البليد الي ما يضرب ولا يدافع عن نفسه يتعبر مو طبيعي و نعتبرها مشكله ولازم نعالجها ..

[Fatima Y]

بانتظر
الموضوع الثالث
شتسوي لو زوجتك كل يوم تتهاوش مع الفراشة
والفراشة زوجة مديرك ..


خلهم يولون اهم شي ضبط مديرك وخلاص ههههههههههههه اذا بتشوف الحريم و هواشهم ما بتعيش فالله يعينك ويعين مديرك على زوجاتكم الثنتين

[هام السحاب]

يضرب احسن من انه ينضرب :sneaky:

[saranay1]

الظاهر اتهيأين نفسج
للشيخ سلمان ليما بكره ادش المدرسة .
الله يعين اللي في صفه .
الحمد لله ان بيتنا مو ابنفس الفريج .
عني انا ايطق احسن مما ينطق .. متعقدة من اولادي .. ما يدافعون عن نفسهم .

[Fatima Y]

احم احم ولدي شبل طالع من الاسد ..
يدافع عن نفسه ...... صج يفشلني وايد بس معليش انشالله لين يكبر ينفعج وينفعني

[الوعد2016]

الردود عجيبه ههههههههههههههههههههههههههه

خوفي اتوهقون و يتصلون لكم المدرسه تعال ولدك فالع له طالب و باط راسه و مودينه المستشفى و الاهل مشتكين ... بنقولهم عادي قضاء وقدر شسوي فيه يعني .. شبل من الاسد او بنقوله روح احسن ما يطقونك هههههههههههههههههه يا سلام كفوووووو

الميدان يحميدان والفزعه يالربع لا بتكبر السالفه بس ماعليك بنقول يهال اذا كبر الموضوع

[@بوٍخلــي@]

أما استعمل معاه حل تربوي وأدخل احدى صالات ألعاب القتال ، التي بدورها بتعمله بتحكيم عقله والسيطرة على عصبيته و طاقته ..

أو راح استخدم حل الشياب وأزوجة في حال ان سنه يسمح له بالزواج :p

روووووووووووح يا ولد
لوووووول
:nice:

[@بوٍخلــي@]

يطلق زوجته عشان يرضى علي المدير

تهقين هاي الحل؟؟؟


تخيلي بعد ما طلق مرته مديره استقال

لووووووووول
:victory:


خلي مديره ينفعه ويتزوجه

لووول