المجموعة اشلون

[الحالمه بالجنان]

ممكن اتعلموني اشلون أساهم في المجموعة ؟

وشكرا

[ســهم عايـــم]

شلون تساهمين؟

شنو قصدج!!!

لا يكون قصدج شلون تتعاملين معاهم

يعني يبيعون ويشترون لج؟!

[Love143]

تم نقل الموضوع لمنتدى النقاش لحل الموضوع :)

[سهيم بن سهم آل بورصة]

ممكن اتعلموني اشلون أساهم في المجموعة ؟

وشكرا


الســـــــــــــــــــــــلام عليكم
برد عليج بكل بساطه :: واسمحي لنا اذا كان فيه قصوووور :: وتحياتي لكل من يحاول يتعلم ويثقف نفسه ::: وللعلم :: فقد تم نقل موضوعج من الاخبار الى النقاش الاقتصادي لتعم القائده:: مع جزيل الشكر للأخ LOVE 143 الي قعدناه من نومه وغلبناه :: ان شاء الله يسمح لنا :: آل بورصه كله كذا غشاما مايدرون وين الله حاطهم :: فشلونا مع المجومعه والحين مع المنتدى : و الله يعلمنا جميع :: :) :funny:

أولا: المسالة مش مسألة مساهمة في المجموعة :: المسألة مسألة كيفية تدوال الاسهم في سوق الدوحة للاوراق المالية (البورصه) من خلال وسيط:: والوسطاء كثير:: من أشهرهم في قطر هي المجموعة (المجموعة للاوراق المالية)

ثانيا: عندما تكون لديكي أسهم عن طريق اكتتاب( مثل اكتتاب ناقلات و صناعات و مخازن و و و) او عن طريق شرائك لها :: تكون مسجلة باسمك في السوق ( سوق الدوحة للأوراق الماليه او البورصه) :: فعندما تردين بيعها او شراء اسهم زياده منها او من غيرها :: فلا بد لكي من عمل امر بيع او امر شراء :: وهذا لا يتم الا عن طريق الوسيط:: او في حالتج الوسيط اللي ترغبين فيه هو المجمووووعة

ثاالثا: اذا بغيتي تكونين عضو من اعضاء المجموعه :: فعليكي اولا ان تذهبي الى سوق الدوحه للأوراق الماليه :: وتاخذين كشف حساب :: عطيهم اثباتج:: وهم بيعطونج رقم مساهم او بيقولون لج كم رقم المساهم مالج:: فرقم المساهم هذا بيقدرون يقولون لج عن طريقه كم عدد اسهمج :: و كم عندج سهم في ناقلات وكم سهم في مخازن وكم سهم في كذا وكذا وكذا:: تاخذين هذا الرقم وكشف حسابج واثباتج :: وتروحين للمجموووعه اللي عند اشارات عبدالغني:: حول المطار :: وتروحين قسم النساء:: وهناك اساليهم وين اقدر افتح حساااااب :: لما تفتحين حسااااب :: بياخذون بياناتج ورقم جوالج و و و وبيقولون لج خلاص:: هذا رقم المساهم مالج :: اللي هو نفسه الرقم اللي بيعطونج اياااه في سوق الدوحه للوراق الماليه(البورصه):: وبهذا يتم تحرير اسهمج من البورصه الى شركه الوساطه المجموووعه :: فاذا بغيتي تشترين اسهم وتحطينها بحسابج في المجموعه :: تودعين فلوس في حسابج في المجموعه :: طبعا رقم حسابج هو نفسه رقم المساهم

رابعا: لما تبين تشترين او تبيعين اسهمج ::اتصلي عالمجموووعه على 4442288 وقولي لهم انا رقم المساهم تبعي هو كذا كذا كذا :: وابي اسوي امر شراء جديد عدد مثلا 400 سهم ناقلات :: واذا كنتي تبين تبيعين :: اعرفي كم سهم عندج وفي اي شركه وقولي لهم ابي اسوي امر بيع جديد

وبس :: هذا طبعا تقدرين تسوينه شخصيا ::: يعني انج انتي يدويا تروحين المجموعه او البورصه وتسوين امر شراء او امر بيع عن طريق فروع المجموعه اللي في البورصه او عند عبدالغني او شارع سلوى:: والطريقه الثانيه:: انج تعطينهم رقم جوالج وتحطينه اثناء فتح حساب مع المجموعه :: وبس :: لما تدقين عليهم بيعرفون انه انتي سهيمه بنت سهم وانه عندج كذا ريال في رصيدج وتسوين اللي تبينه

والسلااااااااااااااااااااااااام

[ســهم عايـــم]

[QUOTE=سهيم بن سهم آل بورصة]الســـــــــــــــــــــــلام عليكم
برد عليج بكل بساطه :: واسمحي لنا اذا كان فيه قصوووور :: وتحياتي لكل من يحاول يتعلم ويثقف نفسه ::: وللعلم :: فقد تم نقل موضوعج من الاخبار الى النقاش الاقتصادي لتعم القائده:: مع جزيل الشكر للأخ LOVE 143 الي قعدناه من نومه وغلبناه :: ان شاء الله يسمح لنا :: آل بورصه كله كذا غشاما مايدرون وين الله حاطهم :: فشلونا مع المجومعه والحين مع المنتدى : و الله يعلمنا جميع :: :) :funny:



ههههههه والله ضحكتني جزاك الله خير

اكرم عليكم يا آل بورصة

طريت على بالي يوم شفت اسم الاخت سهيمة

عموما الله يقويك وماقصرت

[الحالمه بالجنان]

ما اتقصر والله اخوي سهيم

الله يزاك كل الخير

[عاشق الدوحة]

مثل ماقالو الاخوان ولا تعالى انا ابيعلج واشترييلج انا المجموعه بكبرها هههههههههههه اقص عليج لاتصدقين

[الحالمه بالجنان]

وين حطيتوا موضوعي ؟؟

اتمنى اتطرشون لي الرابط على كل حال انا رحت وسلت في المجوعة بس ما حطيت لي وسيط

ايش يعني وسيط مب فاهمة

[سهيم بن سهم آل بورصة]

سهيمة صباح الخير :: موضوعج محطوط هنيه لانه يتكلم عن شركات الوساطه :: فالمنتدى حطوه هنيه عشان هذا مكانه ::

المجموعه هي وسيط ::الوسيط هو مسؤول عن تداول اسهمج (يبيعها ويشتريها عنج :: خدمة لج :: نظير فلوس تعطينه اياها :: اللي هي العموله مالت الوسيط ال 4 في الالف) ::
اداره السوق تمنع بيع وشراء الاسهم الا عن طريق هذا اللي يسمونه وسيط :: يعني واحد في الوسط مابينج وبين السوق يقول بالبيع والشراء عنج

وبس

[قطرية حلوة]

المجموعة شكرة اتبيع الاسهم وتشتري الاسهم وتتصلين فيهم وتقولين لهم يبيعون لج الاسهم

[الحالمه بالجنان]

شكرا لكم جميعا

بس لو قلت لهم يبيعون لي يعني بينزلونه في حسابي ........؟؟؟؟؟؟؟؟؟؟؟؟

[سراب الامل]

هلا والله اختي سهيمه المجموعه الصراحه انا مرتاحه جدا في تعاملي معاها

وانتي لما تعطين لهم اوردر بيع يسألونج :

اذا تبغينه شيك ( اي يصدرون لج شيك سواء كان عادي او مستعجل حسب طلبج )

او يكون بالرصيد ( انه يكون برصيدج بالمجموعه وليس حسابج بالبنك )

على حسب معلوماتي وتعاملي معاهم واتمنى اكون قد افدتج وممكن ايضاً الاخوان يفيدونج اكثر مني وبالتوفيق لج يارب

[Abdulla Ahmed]

المجموعة وسيط يتعامل مع جميع الشركات حلالها وحرامها ما عنده مانع وقانون السوق لا يسمح بصرف الشيك الا بعد ثلاثة ايام من البيع ولكن هم يستغلون ظروف العميل ويأخدون عمولة آخرى وهذا لعله محضور شرعاً ولعله يدخل في أكل اموال الناس بالباطل والله العليم.

[الحالمه بالجنان]

افدتوني والله وما قصرتوا والله يعطيكم العافية

[المجموعة للاوراق المالية]

مشكورين الجميع