إستفسار ؟؟؟

[بوسعد82]

السلام عليكم ،،،
عندي مشكلة مع الجامه الأمامية لسيارتي ، لين تضرب الشمس الجامه يظهر مثل نقاط صغيره على الجامه وكأنها ضاربها عج أو مسافر فيها مع أن السيارة جديده أشو الحل؟ ، أو إذا في محل يعمل بوليش للجامه بس يكون شغله ممتاز مع العلم أن النقاط صغيره وخفيفه ، بس مزعجة ....
وشاكرين حسن تعاونكم ...

[ريال قطري]

روح الكريستال شارع سلوى ويسوي لها تلميع عن الخدوش الخفيفه

وفيه محل في محطة بترول المسيله عند المعصره بس ناسي اسمه بعد يضرب بولش

وشكرا

[HEART_LION]

عندك الكريستال وعندك محل الحمايه اللي في شارع السد احسن مكانين وموفق

[لاميزون]

عندك محل غلاس ف شارع المطار شغله نظيف بعد

[ولد شرق]

اخوي عندك غلاس(سلوى في محطة بترول التيسير والمطار) والكرستال والمحل اللي يقول عنه الاخ في محطة بترول المسيله اسمه الوان

وشاكر لك...

[alwahesh]

مالك الا انك تغير ارخص واحسن

وخاصه اذا سيارتك تويوتا

[start]

الاخ الكريم
اذا السياره جديده ولم تعدي 30 الف كم الوكاله مجبره بتغيير القزااا ز الامامي ,,بعدين البوليش ماراح يزيل هذه المشكله لانك تقول مو من سفر ولا من اي شيئ يعني عيب مصنعي واذاا السياره المانيه تري هذاا بكل الجام الالماني يعني عادي ,وشكرا لك

[فلفل حار]

التغيير ومع التركيب حول الألفين ريال وفي الوكالة بس شخصيا مانصحك بالتغيير وشوف لك حلول بديله افضل والسبب طال عمرك انه راح يسرب صوت الهوا شوي ويدخل عليك رطوبة وماي بسيط جداا جداا لما تغسله و علي الاطراف من داخل بـ يرطب لك الجلد من داخل خاصة في ايام الرطوبة ، يعني مايسوى الا لو ماعندك مشاكل في هـ الشي

والي اخبره انه هالنقط مايروحون بالساهل والبوليش ماله علاقه لانه هذي عباره عن ضربات رمل علي سرعه عاليه *قبض خطوط طويله* ومايروحون و انصحك ماتخسر فلوسك ع الفاضي ولا تروح لكريستال لانه اكبر نصاب في اسعاره ومعاملته زفت وعادي يبيعك الهوى من كلامه :omen2:

روح غلاس او التقنيه في محطة المسيله وخذ الحل الاكيد منهم

ولو تروح حق حمايه بيركب لك عازل من برع علي الجامه العوده بس وبروحها بـ800 ريال ، هالسعر حق الكروزر 2008

ولو تبي الحل سو مثل ماسويت قبل وانساهم وهم مضايقينك لانك مركز عليهم وحاط بالك فيهم ، انساهم والله ترى الموضوع عادي ومايستاهل تعب المشواير والخساير

[بوسعد82]

مشكور لكل من شارك في النصيحة والإرشاد ... وجزاكم الله ألف خير ...

[هام السحاب]

محطه بترول التيسير الي في طريق سلوى في محل اسمه غلاس بيعدلها لك

[ALRAYYAN]

شنوع موترك الشيخ ؟

ناطر ردك وبعدها عندي كلام بقوله لك

وموفق خير اخوي

[بوسعد82]

Gxr ...
بس المشكله أني رحت اليوم غلاس وقالي الي يشتغل هناك أنه هذه النقاط عباره عن صبغ شفاف متناثر يمكن من المصنع وقال لي شي ما فهمته عدل (( قال : روح سو بخار وتنظيف عدل في أي مغسلة وبيروح )) ؟
المهم أنا بروح حق الي في محطه بترول المسيلة وبتأكد من هالكلام ...
وشكرا للإهتمام...

[خالد الخوري]

غير الزجاج لان اثار العج ما تروح